Łod Klary ze fary

[broneknotgeld]

[broneknotgeld]

Biskup Adamski dobrze to wiedzioł
I niyroz ponoć tyż ło tym pedzioł
Że yno w woszcie czi końce znod
Tyn lewy - prawy - łoj już go zjod.

[broneknotgeld]

"Jeden kieliszek krew czyści, żyły prości
i wypędza lenistwo z kości".

Bestoż Adamski zowdy se gruchnoł
Dyć yno jedyn bo by wybuchnoł.

[broneknotgeld]

[broneknotgeld]

Bajtlym po Załynżu lotoł
Z "kropidłym" do ludzi skokoł
Ipi kożdy pokazywoł
Dyć po latach fest se dziwoł.

[broneknotgeld]

W Wodzisławiu farorzowoł
Tyż se niy doł w kasza dmuchać
Burgemajster go sztrofowoł
A łon Boga chcioł durś suchać

Do "Decymbra" skarga poszła
Szychy za komuny wielki
Czy coś czowiek mo ze łosła?
Farorz łostoł - Bog jest wielki.

[broneknotgeld]

Kardynał ponoć to godoł zowdy
Że richtig wiela jest we tym prowdy
Co te ksiynżoszki z diecezji naszy
Som jak bonkawa co cukrym straszy.

[forman5]

Obecnie biskup tarnowski pochodzi z Rudy Śl !

[forman5]

Syn Śląskiej Ziemi pełnił swą posługę w parafii w Goduli.
Parę lat temu gościł w parafii św.Józefa w Rudzie 1 i szkole 28-ej.

[broneknotgeld]

Dyć i ło tych purpuratach tyż znojdzie sie szpas
A na razie po swojymu ida we tyn "las".

[broneknotgeld]

biskup do ksiyndza:
- Poprawić trza sie
ksiondz do biskupa:
- Zaroz w tym czasie
biskup:
- Już pionty roz jo to przeca słysza
I jak uwierza to pewnie zgrzysza.

[broneknotgeld]

Starość ksiyndza

Falty na gymbie - mózg wybiglowany
W żdżadle choć glacaty - kudłym łobciepany.

[broneknotgeld]

Knjpiorz Czympielowi forsa podarowoł
Sztandar abstynyntow - czyńściom zafundowoł
Bo z karlusow takich mioł łon dobry zysk
"Gorzołeczka kupioł - w doma loł jom w pysk".

[broneknotgeld]

Do świyntego Pyjtra prawie sie wybiyroł
Dyć zapytoł jeszcze "Co to truła jest?"
Som łod sia łodpowiydź doł nom na to szczyro
"Pakunek bezzwrotny" - błoznowoł na fest.

[broneknotgeld]

Godulski farorz

Pedzioł karlusowi to niy skiż gupoty
Co plunoł na rynka niym chycioł roboty;

"Synek, niy pluj na rynce, bo kto pluje na rynce, tyn na robota smoli".

[broneknotgeld]

Krepel drobny był ze niego
"Metrokym" go zwali
"Halbe Portion" na istnego
Czasami wołali

Pogrzyb mioł mieć ze pokropkym
Bez mszy - bo za mały
Szpasu mieli ze tym chopkym
A łon w nerwach cały.

[broneknotgeld]

"Anegdoty z koloratką"
Ks. Jan Górecki

Przi lekturze tyj ksionżki naszła mie "ochota"
By naszkryflać tu ździybko ło ksiynżych "gupotach".

[broneknotgeld]

"Chopczyki muszom być zgobniki"

Farorz ze Miasteczka przeszło sto lot tymu
Ło tym ciyngym godoł - prawie że do rymu.

[broneknotgeld]

Roz biskup w Krakowie ksiyndza na tym chycioł
Że bez koloratki piyknie se paradzioł
A łon mu łodpowiydź tako na to sklycioł
- Jest tu incognito - niy chcioł coby wadzioł.

[broneknotgeld]

Jorguś łod Strobiny biskupym se łostoł
Pieszczonek na rynka cołkym modo dostoł
Godali farorze - to skiż komuniji
Tyj wczesny bo modno była w familiji.

[broneknotgeld]

Ksiondz Stokowy z Jozefowca kartka z wczasow dostoł
Jak briftryjger jom łoboczoł ze szczukawkom łostoł
We adresie ksiondz Kosyrczyk naszkryfloł "100-kowy"
Taki szpas to yno jymu mog wlecieć do gowy.

[broneknotgeld]

Wikary łod św. Barbary we zocnym Chorzowie
Mioł fajrować gyburstag - lata Chrystusowe
Dyć kajsik wyjechoł - na farze szukali
W końcu tako kartka jymu naszkryflali:
"Jak sie mo Chrystusowe lata
to sie siedzi w domu, a niy lata"

(napisoł mu to ks. Kosyrczyk)

[broneknotgeld]

Biskup Bednorz w końcu doł jymu pyndzyjo
Dyć Kosyrczyk z tego mioł tyż komedyjo
Pedzioł że sie biskup chachnoł pieronowo
Zowdy mioł pyndzyjo - tako mu sie zdowo.

[lernest]

Akurat ta dziedzina mi wogóle nie leży.Bolączką tego kraju jest to ,że ksiądz
to zdaniem maluczkich jest coś wyższego,godnego podziwu i należy go słuchać i
szanować.Osobiście nie widzę różnicy pomiędzy osobą duchowną a zwykłym
mieszkańcem tego globu.I jeden i drugi są wysłannikami ponoć tego samego
Boga.Więc różnicy nie ma żadnej!
Ja to biorę na karb ciemnoty i ogłupienia przez wieki.Europa to wyprostuje-
dzięki Bogu!

[broneknotgeld]

"Antyklerykalny" to antypaństwowy
Taki rym mi prziszoł terozki do gowy
Możno kedyś zmiyniom naszo konstytucjo
Naszkryflajom we niyj - "Tymp ta insztytucjo"

"maluczki"

[broneknotgeld]

Ksiondz Kuboth se kedyś goloł u frizjera
A frant ci był z niego jak jasno cholera
Jak już go tam cołkym piyknie łogolyli
Prosioł coby jeszcze gymba namydlyli

Wloz inkszy ksionżoszek siednoł wele niego
I poznoł te cudne mydło u ichniego
Kere stykło czimać na gymbie minuta
I zarost bez brzitwy znikoł cołki mu tam

Ksionżoszek nakupioł mydła tego wiela
Dyć śmioła sie z niego cołko farsko sztela
Jak przed mszom porannom gymba wyszmarowoł
A zarost ze tego jak był tak łostowoł.

[broneknotgeld]

Mioł kolegi we kapłaństwie co ło "lila kneflach" śnioł
Szpas sie zrobioł z tego wielki bo już taki Kuboth boł
Niby z kurii se zadzwonioł do kolegi "nominata"
Powinszowoł po swojymu tyj godności - no prałata

A ksionżoszek w cug wrocławski - był we kurii w tyn som dziyń
Tam dopiyro w tyj radości nasził jego richtig ciyń
Lachali sie "purpuraci" - lachoł w końcu sie łon som
Choć we duszy myśloł: "Kuboth - jo ci za to w zymby dom!"

[broneknotgeld]

Ksiondz Kuboth na starość cmyntorz se upaczoł
Chcioł u franciszkanow lygnońć już na wieki
Do zakonu wstompioł - konfratra łonaczoł
By ło tym pamiyntoł jak zamknie powieki
Coby mu na stypie wina niy skompiyli
Bo Bog czyściec duszy do na poprawiynie
Niych za niego pijom wiyncyj niźli piyli
Dyć jego tam mynczyć bydzie durś pragniynie.

[broneknotgeld]

[broneknotgeld]

Jeronie to chyba tyn ksiondz za mnie kliknoł.

Ks. dziekan Jan Kudera

Na starość Kudery posługa mynczyła
Wikarego wziońć mo - poradzioł mu ktosik
-"Dyć tako persona by jadła i piyła"!
-"Na to mo iść cołki parafialny grosik"?

[broneknotgeld]

Tyn ksiondz Kurpas krepel mały
Z niego sie kolega śmioł
Godoł: "Szłapy sie zdeptały
Do Kochłowic piechty szoł".

To zaroz po wojnie było
Z Berlina sie przidażyło.

[broneknotgeld]

"Idż weg ty szlango pedzioł Pon Bog do szatana".

Tako we tym raju było
Ludzie poszli na pokusa
Skond to zdanie zaś sie wziyło?
Ano z gymby ksiyndza Kusia.

[broneknotgeld]

Ks. Stanisław Maliński

Zowdy w zocy mioł cygarka
Se je kurzoł - kontynt był
A jak jak czasym gorszo marka
Go wnerwiyła - tako wył:
"To cygaro sie dobrze pali ale w piecu"!

[broneknotgeld]

"Niych gnojowka poleci na ich głowy z nieba"

Tako grzmioł z ambony
Na tych co przi żniwach
We świynto niydziela krzontali sie łony
Dyć i ksiondz mioł kontra - niy ma co sie dziwać.

[broneknotgeld]

"Piekło będzie wybrukowane głowami księży"

Jego matka tako czynsto mu godała
Pewnie go na ziymi usadzić tym chciała.

[forman5]

miasta.gazeta.pl/katowice/1,35019,1914085.html

[broneknotgeld]

"Pija wasze zdrowie bo mojego szkoda"
Tako farorz lubioł przi gorzole godać.

[broneknotgeld]

"Kula ziymsko sie kantła" -Na zmiana pogody
Tako godoł kapelonek co niy był juz mody.

[broneknotgeld]

Na audiyncji biskupi to profesor prawi
-"Co drugego ksiyndza celibat niy bawi"
"Ze nos dwoch kto taki?" -Biskup se go pyto
I paczy czy jymu wyłazi kopyto.

[broneknotgeld]

"Gospodyni, dolejcie wody do zupy, bo goście idom"

Farorz ze Lipowca zowdy tako godoł
Jak na fara kamrat swoja szłapa wkłodoł
Śmiychu ze tym zowdy richtig było kupa
Rozpłakołś sie przi tym - bardzi rzodko zupa.

[broneknotgeld]

"Jo jest łod rodzynio, a chop łod tego, żeby przinosioł piniondze do chałupy".

Tako ferorzowi roz baba pedziała
Piniondze w kopercie dyć łona dostała
Chopu jyj prziznali Order Odrodzynia
Czy tam ze Warszawie niy mieli sumiynia?

[broneknotgeld]

"Zadek wystowcie pszczołom, a pszczoły wybierom wom cuker"

Ksiondz starzikowi tako powiedzioł
Jak se ło cukrze jego dowiedzioł
Możno tyż na farze godoł to do zdrzadła
Bo cukrzyca ksiyndza na amyn dopadła.

[broneknotgeld]

"Czi razy sie zdziwisz jak pódziesz do nieba"
-Take zdanie ksiyndza wyklarować czeba
Po piyrsze - na pewno napotkosz tam ludzi
Ło kerychś niy myśloł co Bog se w nich budzi
Po druge - niy spotkosz tam możno nikogo
Z tych co durś godali że wiara im drogo
Po czecie - zodziwisz se pewno ze siebie
Żeś sie jednak znoloz jakoś we tym niebie.

[broneknotgeld]

Karła se nad morze modo Lipowianka
Ksiondz Ślązok ułożoł jyj wierszyk do wianka

"Morze nasze morze
Codzi po nim dziewcze hoże
Nogi ma jak słupy
I woda jej sięga do kolan".

Ktosik na to pedzioł -"Niy ma rymu tykej"
- "Jak przipływ zaś bydzie to se go poszukej"

[broneknotgeld]

Toż biskup Bednorz pytoł Ślązoka
Czmu "Ślązakiem" sie niy nazywo
A łon nań bliknoł jak na boroka
"Bednarz" - to przeca tyż wielke dziwo.

[ciupazka]

Hehe, syćkim dos rady?
Boś nie od parady.
A jo furt w głowicke zachodze,
skąd tyn Broneknotgeld biere wyne?

[broneknotgeld]

Z ksionżek, ze gazet, z tego co słysza
Strowia to wszysko i tukej wisza.

[broneknotgeld]

Ksiondz Ślonzok se spoźnioł na mowa biskupa
Kery w Kokoszycach farorzom jom prawioł
"Za kara" przi niymu zicnoł se na dupa
I usnoł bo przeca cuker go niy "bawioł"

Gowa na Bednorza chnet mu poleciała
Dyć zbudzioł go pryndko słowami "Ty śpisz"
_"Świynty Jan tyż usnoł na Mistrzu bezmała"
Tako mu łodpedzioł - już teroz to wiysz.