Ślonsko fraszka Niymcom

[broneknotgeld]

www.msz.gov.pl/start.php?page=1132500000
"Rok Polski" w Niymcach przeca już prziszoł
Ze piyrszym stycznia już tako wyszoł
Dyć nasze forum Niymcom coś do
Ta ślonsko fraszka - wiela jom zno.

[broneknotgeld]

Inkszych zaproszom w tym do wspołpracy
Bych jo niy musioł przegrzywać glacy
A wontek pryndko lecioł do przodka
I rymym blysła tyż naszo godka.

[broneknotgeld]

"Oktoberfest"

Z wrześniym jednak go fajrujom
Dyć chmiel wtedy fest żniwujom
Ze dwa tydnie piwo żłopiom
Ponoc niy som nic "pod kropom".

[step44]

Hallo Bronek!
Czytam te Twoje wierszyki i sie zastanawiam czemu je piszesz w internecie
(forum). Moze mialbys wiecej satysfakcji gdyby Ci to ktos w postaci jakiegos
zbioru wydrukowal? Poza tym ten Twoj Slaski - jakos sie trudno czyta. A moze
odwyklem od tej "godki". Mieszkalem w Tychach i jestem juz ponad 18 lat w
Niemczech. Kiedys kupilem w Katowicach MALY SLOWNIK GWARY GORNEGO SLASKA -
czytajac smialem sie do rozpuku z niektorych tam przykladow. Mozna bylo lacia
zezrec! Pozdrowienia Stefan

[broneknotgeld]

Witej Stefan

Ciesza sie, że to czytosz. Ciynżko idzie możno trocha skiż tego, że w tych
mojich rymowankach "o" jest roz po polsku, a roz po ślonsku. W rymowankach
Pasikoonika znojdziesz ta po ślunsku szkryflano jak "oo". No dyć jo na razie
łostana przi swojim. Jakby miało sie to ukozać na papiorze, to wtedy trza to
bydzie jakoś zaznaczyć.
Czamu bych niy mioł szkryflać w Internecie? To dobre miejsce, bo przeca żeś na
nie trefioł i poczytoł.
Na wydanie tomiku mie niy stać, a sponsora tyż niy znojda. Nawet żech usiłowoł
GW jakoś zainteresować publikacjom, dyć zdo sie, że wolom być na to ślepi i
głusi, jako tyn nasz Sejm przi ustawie ło myńszościach.
forum.gazeta.pl/forum/72,2.html?f=423&w=14038356
Chocioż dyszkurs leci piyknie.
No a co do ślonskego słownika to tyż zaproszom do swojego
forum.gazeta.pl/forum/72,2.html?f=261&w=8707774&v=2&s=0
Pewno zaś sie uśmiejesz.
No, mogliby my jeszcze podyskutować, dyć wolołbych coby to było na końcu wontku.
Pozdrowiom.

[broneknotgeld]

Chciołbych tyn wontek poszyrzyć godnie
Były niymiecke te Prusy Wschodnie
forum.gazeta.pl/forum/72,2.html?f=64&w=15994312&v=2&s=0
Chcecie se ło tym cosik poczytać
No toż zaproszom - styknie tam klikać.

[broneknotgeld]

Niymiecke było tako Pomorze
forum.gazeta.pl/forum/72,2.html?f=225&w=9993207&v=2&s=0
Nikt historyji zmazać niy może.

[broneknotgeld]

Ślonsk

W historio Niymiec region se wpisoł
forum.gazeta.pl/forum/72,2.html?f=72&w=6507989&v=2&s=0
Kliknij - jo nudli niy byda wiyszoł.

[broneknotgeld]

Niy może braknońć Gornego Ślonska
forum.gazeta.pl/forum/72,2.html?f=261&w=8164888&v=2&s=0
Piyrwyj tyż Niymiec zocnego konska.

[broneknotgeld]

www.pl-de.info/
Link tyż taki przido sie
Broneknotgeld szkryflać chce
Tako włonczyć ślonskom fraszkom
Kero niy yno igraszkom.

[broneknotgeld]

Wystawa zdjyńć w niymieckim MSZ (Berlin)

Toż nos "piyknie" pokozali
Jakby "zimno wojna" dali
Widać tako "polsko biyda"?
Pała za to dyć trza by dać

Komu? -Toż łodpowiydź dom
Pała trza dać tym co som
Gospodarzym i patronym
Chocioż tyż niy yno łonym

Ktosik tako to zrychtowoł
Ktosik inkszy zdjyńcia dowoł
I cuzamyn "polsko klapa"
Gańba stanońć tam na szłapach.

[broneknotgeld]

3.X. - Dziyń Jedności Niymiec

Majom w Niymcach Dziyń Jedności
Poczdam wszyskich latoś gości
Co sie dzisioj tym radujom
Toż uciecha ze tym czujom.

[broneknotgeld]

3.X.

Toz chnetko bydzie
Na forum przidzie?

[broneknotgeld]

Ano - w Niymcach som cuzamyn
Prawiom co to już na amyn
Bestoż dzisioj tyź świyntujom
Razym z nami fest radujom.

[broneknotgeld]

A jo pociongna prawie tyn wontek
Dlo ślonski fraszki tyż zocny kontek.

[broneknotgeld]

Idzie pociongnońć, idzie tyż sztopnońć
Dyć zowdy lepi wyży z niym hopnońć.

[broneknotgeld]

Niymcy niy we biydzie
Wontek wiyrchym idzie.

[broneknotgeld]

Co kupluje
www.portalpoint.info/pl,wiadomosci,2,3624.html
Sie promuje.

[broneknotgeld]

Muzeum Ziemi Górnośląskiej w Ratingen

Wystawa "Osiagniecia, cierpienie i pasja - górnicze historie nie tylko ze Śląska"
14.X.2012 - 7.IV.2013

Tam wystowia coś swojego
Wiycie - dyć ratowniczego
Tako dom falerystyka
I pamiontki - bydom blikać?!

Coś łod Trefonia tyż przeca wziyli
www.facebook.com/photo.php?fbid=353375408070702&set=a.353374901404086.12794584.195759197165658&type=3&theater
Bydom we Niymcach sie fest cieszyli.

[broneknotgeld]

Cosik ślonskego
www.dziennikzachodni.pl/artykul/775199,laduniuk-muzeum-slaskie-opcja-niemiecka,id,t.html
Trza i tu tego.

[broneknotgeld]

Poznanioczka ze niyj zrobiom?
wiadomosci.gazeta.pl/wiadomosci/1,114871,13555672,Najnowsza_biografia__Angela_Merkel_ma_polskie_korzenie_.html
Tako w Niymcach jyj nazgobiom?

[broneknotgeld]

Sie zabowiom fest
www.facebook.com/events/150748618424702/
Mi daleko jest.

[broneknotgeld]

Dyć czego chcecie?
Sie piyknie plecie.
wiadomosci.gazeta.pl/wiadomosci/1,114871,13607990,Dziadek_Angeli_Merkel_byl_w_armii_Hallera__Walczyl.html

[broneknotgeld]

Niymcy
---
Już ze Cezarym bijōm Germany
Kej wieki zlecōm i Rzym zdeptany
Przez istnych bydzie
Zachōd we biydzie?
Chnet Karol Wielgi stanie tu panym.
---
Kej podzielōne państwo Karola
Ze czyści Niymce – Boga w tym wola?
Niymiec cysorzym
Dyć wiela woży
Grać piyrsze krzipce tu – jego rola?
---
Z Austryjōm Prusy ô Ślōnsk sie bijōm
Wiek dziewiytnosty – wojna z Francyjōm
Krōl Prus kajzerym
To niy sōm bery
We Drugi Rzeszy dugo pożyjōm?
---
Skiż wielgi wojny mniyj ôberwali
Ku drugi ciśli, fest wynokwiali
Doł im nauczka
Rus w roli tuczka
W Uniji teroz – drap podźwigali.

[broneknotgeld]

Czowiek Heidelberski

Czwiek z Heidelbergu piyrszym we Europie
Poł miljona rokow na zadek se kopie
Dyć przeca we Niymcach trefiyło nom spotkać
Takego zocnego ludzkości praprzodka.


Lodowce

Skuwały lodowce pora razy ziymia
Dyć ktosik juz myśloł - "jo to wszysko szczimia".



Neandertalczyk

Rzeka Neander pewnikym znocie
W jeji dolinie Felhof jaskinia
Tako tyż sztela praprzodka mocie
Zdo sie co jego teroz dziedzina.

[broneknotgeld]

Szworty lodowiec

Ponoć szło go szczimać w kupie
Szczyńściym niy chcom przeca zgupieć
I choć trocha se tyż pszajom
Z lodym wygrać szansa majom.


Wielki rzeźbiorz

Toż lodowiec kunszt pokozoł
Ziymia po niym jest gryfniejszo
Kożdy bydzie to powożoł
Prawie kecka dyć dzisiejszo.



La Madeleine

Magdalyńsko kultura z dzisiejszy Francyji
Prziszła na te ziymie dyć niy bez mecyji
Szczyńściym co sie ciepli terozki zrobiyło
Toż i na połnocy znośni jakoś żyło.

[broneknotgeld]

Kultura azylsko (Mas d'Azil)

Zaś starom drogom co nowe idzie
Kolybka inkszo dyć tu se bydzie.


Kultura tardynosko (La Fere-en-Tardenois)

Zdo sie - tref tako samo durś plecie
We mezolicie już my som przecie.


Kultura maglemosko (Maglemose - Zelandia)

Widać w tych stronach już wiyncy mocy
Toż ta kultura przeca z połnocy
-Sie na połednie terozki wcisko
Czowiek i na tym ździybeczko zysko.

[broneknotgeld]

Wspolnota rodowo

Toż niy som czowiek swoj los budowoł
Cywilizacjo z rodu wyrosto
Rada naturze tako tyz dowoł
Ze krewniokami żyje se prosto.


Wierzynia

Kult przodkow - tako samo przirody
To religijo ty piyrszy wody.


Kunszt

Kunszt tyż u ludzi piyrwotnych widać
Szwabji jaskinio za przikłod by dać
Wogelherd - take jest jeji miano
W niyj już portrety "grawiyrowano".

[broneknotgeld]

We neolicie

Ze myśliwego no i zbiyracza
We neolicie momy oracza
Co i w zogrodzie gowiydź hoduje
Z tym krok do przodka - to forsztelujesz.


Urmitz k. Koblyncji

Neolityczno zdo sie warownia
Wrogow se boli jako i łognia.


Gorki lepiom

Gorki lepiom w neolicie
Ze tych szkorup wiyncy wiycie
Jako im se wtedy żyło
-Dyć poleku lepi było.

[broneknotgeld]

Kultura pucharow lejkowych

Poł Europy łogarnyła
Na połnocy wszyndy była
Tako w kontynyntu środku
Ta kultura tyż napotkom.


Kultura michelsbersko

Z Michelsbergu szła do przodka
Idzie tako jom napotkać
Na dziedziny tyj połedniu
Kaj Men Neckar inksze blednom.


Kultura cyramiki sznurowy

Prziszła tu ze wschodu
Niy yno jo godom.

[broneknotgeld]

Kultura amfor kulistych

We Brandynburgji richtig widoczno
Na wschod se cisła pieronym mocno
Cołkym zonikła ze neolitym
Toż wszysko tako pomiyni przi tym.


Kultura pucharow dzwonowych

Z Pirenejow tu wandruje
Bronz na drodze swoji suje
Zdo sie koniec neolitu
Toż ło niego już niy pytom.


Plymie

Ano - rody już łonczyło
Ze wodzym na przodku było
Tako naczelnikow radom
Z dymokracjom co tyż zwadom.

[broneknotgeld]

Pochowki

Toż megalityczne grobowce znojdziecie
Kaj ińdzi we ziymi cmyntorze com przecie
I ciałopolynie tyż praktykowane
A prochy we urny ze gliny dowane.


Bronz

Kaj gory Harzu tako Rudawy
Już unietycko ludność umiała
Wytopiać ruda niy dlo zabawy
Stond jeji siyła przeca se brała.


Laubinger

Grupa laubingersko cosik tukej znaczy
Se turyngsko-sasko dziedzina łonaczy.

[broneknotgeld]

58 r.p.n.e.

Germany Galijo chcieliby ucapić
Tako se rzymianom niy trza teroz gapić
Stanyły legije pod wodzom Cezara
Ech - ze tym Teutonom przidzie se fest starać.

[broneknotgeld]

Na wschod

Na wschod z Galiji ciongnom Rzymiany
Las Teutoburski dyć im szkryflany.

[broneknotgeld]

Las Teutoburski 9 r.n.e.

Chwała Cheruskom - klynska Rzymianom
We Germaniji dali niy stanom
Za Ryn i Dunaj niy pódom tako
Choćby i nawet cezar zapłakoł.

[broneknotgeld]

"Limes"

Przed Germanami "limes" łobroni
Tako se zdowo dyć czas pogoni
Choć umocniono richtig granica
Kedyś łodmiyniom se jeji lica.

[broneknotgeld]

Graniczne grody

Trza w tym Kolonio na wiyrchu stowiać
Moguncjo tako przed łoczy dować
Augsburg i Trier inksze do tego
Grody "limesu" - co do jednego.

[broneknotgeld]

Wander ludow (V w.)

Na zachod cisnom i na połednie
Bijom ze Rzymym durś wojska przednie
Toż se cysorstwo poleku traci
Dziedzina inkszo teroz bogaci.

[broneknotgeld]

Państwo Frasnkow

Toż miyndzy Rynym a tom Sekwanom
Franki z poyngom swojom powstanom
Na wschod pociongnom - tyż na połednie
Rośnie ich siyła w nocy i we dnie.

[broneknotgeld]

Chlodwig

Chlodwig - krol Frankow państwo podźwigoł
I ze kościołym w przimiyrze stowo
Co mog zrychtowoł - w tym se niy migoł
Prałojcym jakby tako se zdowo.

[broneknotgeld]

Soissons 486

Toż Chlodwig krol Frankow Rzymian tukej bije
Dziedziny som jego - niy jakeś niczyje
I chocioż trza bydzie durś swojego bronić
Terozki Chlodwiga żodyn niy przegoni.

[broneknotgeld]

Tolbiac 496

Aleman richtig tukej pobity
Dyć Chlodwig yno rośnie zaś przi tym.

[broneknotgeld]

Krzest Chlodwiga 496

Tako krzest Chlodwig przijoł z tym rokym
"Francia" już państwym istnego
Stolicom Paryż - tyż z jego krokym
Czas Merowingow do tego.

[broneknotgeld]

Krzest Chlodwiga

W ta strona Chlodwig drapko zaziyro
Władza krolewsko Kościoł z tym wspiyro

[broneknotgeld]

Poitiers 732

Toż majordom merowiński Francyjo łobroni
Muzułmanow ze ty ziymi pod Poitiers przegoni
Łod Karola Młota wyńdzie wielko dynastyjo
Dlo mamlasow Merowingow yno tragedyjo.

[broneknotgeld]

Pepin Krotki (714-768)

Jako fater majordomym - zły tref Childeryka
Merowingow ze niym koniec - mogom yno rzykać.

[broneknotgeld]

Pepin - krol Frankow

Z Childerykym kończom - Pepin krolym Frankow
Longobardow pobioł jak jakiś barankow
A co jejich było łoddoł papiyżowi
Monarcha przezocny - Kościoł tako powiy

[broneknotgeld]

Karol Wielki (786)

Po Merowingach dynastjo owo
o ze tym władcom we chwale stowo.

[broneknotgeld]

Nawrocoł pogan

Pogan Karol Wielki ponoć mieczym krzcioł
Coby coroz wiynkszy tron cysorski boł.

[broneknotgeld]

Karol Wielki

Ołpa majordomym
Krolym Frankow łojciec
A istny cysorzym
Toż se mu dziwojcie.

[broneknotgeld]

Cuzamyn

Co piyrwyj łosobno terozki cuzamyn
Frank German Rzymianin - jednak niy na amyn
Dyć w końcu zabraknie Karola Wielkego
Chcom być zaś se łod sia - fest ciongnom do tego.

[broneknotgeld]

Karol Wielki 768

Po Merowingach dynastio nowo
Już ze tym władcom we chwale stowo.

[broneknotgeld]

Karol Wielki (800)

Toż na cysorza już namaszczony
Kaj Eider płynie i Tyber tako
Ebro ze Łabom zepniynte momy
Tu Karol Wielki rzońdzi jednako.

[broneknotgeld]

Wilijo w Rzymie (800)

Rzym władcy Frankow rozgłoszo chwała
Stond tyż se siyła cysorza brała.

[broneknotgeld]

Karol Wielki Reformator

Dźwignoł administracyjo
Tako komunikacyjo
Prawo, szkoły i łacina
Ze tym w przodku już dziedzina.

[broneknotgeld]

Wnuki dzielom (Verdun 843)

Karolowe wnuki już cysorstwo dzielom
Aże na trzi konski - tako se pościelom.

[broneknotgeld]

Ludwik II Niymiecki (843-876)

Toż wschodni konsek cysorstwa jego
Niymcy wyrosnom richtig ze tego.

[broneknotgeld]

Po wiek X

Karolingi w Niymcach rzondzom
Dyć wygoso dynastyjo
Tropiom se tym? Czy fest błondzom?
Gorom teroz Saksonijo!

[broneknotgeld]

Krol Hynryk

Po Karolingach krolym princ saski
Trza Niymcom czekać łod niego łaski.

[broneknotgeld]

Otton I

Syn łod Hynryka w boj Niymcy wiedzie
Łon przeca krolym tako na przedzie
Ło władza prince se czasym wadzom
Przeskoczyć jednak go niy poradzom.

[broneknotgeld]

"Lechowe Pole" 955

Doł Otton I łodpor Madziarom
Wielkim se zdowo - tyż stoji wiarom!

[broneknotgeld]

Otton I Wielki (962)

W Rzymie cysorzym koronowany
Znak siyły świecki nojwiynkszy dany
Tako tyż władcom "Rzymu Wiecznego"
Trza historyjom siyngnońć do tego.

[broneknotgeld]

Świynte Cysorstwo Nacyji Niymiecki (962)

Z Ottonym I już I Rzesza
Przeca niyprowdom jo tu niy grzesza.

[broneknotgeld]

I Rzesza (962-1806)

Dugo ta IRzesza istniała
Dyć se we końcu tyż zestarzała
I Napoleon gwoźdź w truła wbije
Francjo cysorsko - Rzesza niy żyje.

[broneknotgeld]

Sie wadzom (XI-XII w.)

Sie z cysorzami papiyże wadzom
Kery terozki władzy mo wiyncy?
Jako łostudzie wielki zaradzom
Co krześcijanow w Europie mynczy?

[broneknotgeld]

Krol Hynryk IV

Arcybiskupa krol Hynryk Szworty
Mediolanowi dowo - czy worty?
Papiyż wnerwiony tyż richtig wiela
Łon krześcijaństwym rzońdzi - toż tela
Wiela poradzi łodpor w tym dowo
Ekskomunika przed władcom stowio.

[broneknotgeld]

Canossa 1077

Po ekskomunice krol Hynryk tu stoji
Trzi dni przeboczynia wyproszo papiyża
Łobiycoł ze wiyncy tako niy nabroji
Łotwarły zaś przed nym se Kościoła dźwiyrza.

[broneknotgeld]

Tyrol 1080

Synod w Tyrolu wybroł papiyża
Wibert z Rawynny mo Rzymu dźwiyrza
Krol Hynryk IV tako wygrywo
Aże Europa se tymu dziwo.

[broneknotgeld]

Rzym 1084

Z wojskym do Rzymu krol se wyprowio
Toż "Wieczne Miasto" na łasce jego
Gyszynk z korony cysorski dowo
Co Hynrykowi potrza do tego?

[broneknotgeld]

Cysorz Fryderyk I Barbarossa

Piyrszy krziżowiec z niego w Europie?
Bić sie za wiara kajś zowdy dropie?
"Ryszawobrody" w potynga rośnie
Ze niym cysorstwo jakby we wiośnie.

[broneknotgeld]

Czasy rycerstwa

Czasy rycerstwa - wyprow krziżowych
Cysorske Niymcy w tym mustrym były
Czas I Rzeszy - włazi do głowy
Toż średniowiecze nabiyro siyły!

[broneknotgeld]

Minezingery

Minezingerow pieśni słuchocie
W kerych niywiasty chwolom nad życie
Tako rycerskość karlusow znocie
Ze średniowieczo prziszła - już wiycie.

[broneknotgeld]

Moguncjo 1184

Ryszawobrody cysorz zwołuje
Festiwal dworski w Moguncji bydzie
Kto cosik szkryflo czy komponuje
Tukej se znojdzie - pewne że przidzie

[broneknotgeld]

"Bitwa Poetow" 1204

Na zamku Wartburg poetow bitwa
By se tam zdała i fraszki brzitwa.

[broneknotgeld]

Ponoć Bawaria jest echt niymiecko
Ło tym tu godo i małe dziecko
Dyć w Niymcach kożdy pszaje landowi
Toż i Bawarczyk to zowdy powiy.

[broneknotgeld]

Bawario (land)

Land wielki bogaty - umynczysz tu gyry
Dyć idzie Bawario podzielić na sztyry
Jest Gorno i Wschodnio tyż Szwabia Bawarsko
Zaś szworto Frankonia se głosi tu dziarsko

[Gość: pasikoonik]

Wszysky Uoony ku Noom s'cioonguy przed wjekooma,
coby Nous naucyc' radzic' se z rankooma!

[Gość: pasikoonik]

Dz'wigoom Bawaryjo, bo Uoona Noom blisko.
Dziynka Ni Kultura, S'wjynto Hyjdwig ... wszysko!

[broneknotgeld]

Zugspitz

Ze Alp niy cołkym gora wysoko
W Niymcach na piyrsze miejsce se skoko
Ździybko brakuje do czech tysiyncy
Dyć to Bawarow wcale niy mynczy.

[broneknotgeld]

Bawaria

Zdo sie land Niymiec to piyrszy
Bo przeca żodyn niy wyrszy.


Perełka

Znosz Wittelsbachow perełka?
Przeciyrej zaroz se szkiełka
Przeca w Monachium żeś jest
Tu sie zabawisz tyż fest.


Bawarske zamki pałace
Zodziwiom zowdy kożdego
Zdo ci sie - mało jest paczeć
Dyć jako wkludzić do tego?

[broneknotgeld]

"Krachledern"

Ano - skora ciyngym trzeszczy
Na to Niymka dyć niy wrzeszczy.


To dziwo

Ponoć niyjednago to naprowdy dziwo
Co w krotkich galotkach lepszy smak mo piwo.


Gryfne karlusy

Pastyrz i feszter przewodnik tako
W krotkich galotkach gryfne jednako.

[broneknotgeld]

Nojlepszy biyrek
rudaslaska.naszemiasto.pl/artykul/1085113,bawaria-swietuje-oktoberfest-2011-zobacz-tlumy-na-zdjeciach,id,t.html#199141942211c8e8,1,3,5
I galert z gyrek.

[broneknotgeld]

"Krolewski zamek"

Nałoglondoł se bajek łod Walta Disneya?
Myśloł - Mom piniyndzy podobnoś za wiela
-Toż sie piykny zamek tukej wybudowoł
Choć godali ło niym że richtig zwarjowoł

Dyć dzisioj Bawarjo asi sie tym cudym
Skiż krola Ludwika myni jakby nudy
I chocioż przi tymu prawie zbankrutowoł
Łon to przeca cołki historyji dowoł.

[broneknotgeld]

Krol Ludwik II Bawarski
W Hochenschwangau se karlus przezocnym wychowoł
Możno bestoż ideje romantyka stowioł
Zowdy z przodka choć przeca dziwaczne to było
No i zdo sie Bawarii jakoś niy służyło

Ludwik w gowie mioł czynsto średniowiecze downe
Abo tyż to co starsze a ponoć cudowne
Stond te zamki turnieje pieśni trubadurow
I Ryszarda Wagnera głos germańskich chorow

Nić że bez to Bawario nawet ziymie traci
Nic że skarbiec durś ciyrpi bo za wiela płaci
Wieczne zamki pałace wieczno tyż muzyka
W tym kunszt co krolowi zdoł sie Nieba tykać.


Bawarske dzisioj

Co wpiyrw krolewske bawarske dzisioj
Bych na Ludwiku nudli niy wiyszoł
Łostoł w legyńdzie w piśmie we gowie
Co? -Że niyrichtig był z niego czowiek?

[broneknotgeld]

Monachium

Co nojgryfniejsze bywo po lecie?
Grod nad Izarom w tym recht jest przecie
Turystow ciongnom tu richtig krocie
Toż Oktoberfest wtedy tu mocie

Ludwik princesa Tereska broł
Toż przi weselu gest wielki mioł
"Theresienwiese" jeszcze niy było
Dyć se tu wiela piwa wypiyło

I łod tych czasow - chnet dwiesta lot
Po lecie Bawar richtig jest rod
Słonko se skryło we biyrze złotym
Uciechy trza nom - to niy gupoty.


"Niymiecki Paryż"

"Niymieckim Paryżym" Monachium tyż zwom
Cosik mi sie zdowo - inksze zdanie mom.


Blik na Monachium

Z telewizyjny zoglondnij wieży
Atrakcjo piykno możecie wierzyć
Przeca z niyj Alpy tyż widać czynsto
Bele we lufcie niy było gynsto.

[broneknotgeld]

Wele Monachium

Kaltenberg wele Monachium leży
Tukej turnieje wielke rycerzy
Prawnuk Ludwika tako zrychtowoł
By sie land cały tymu dziwiwoł.

[broneknotgeld]

"Nymphenburg"

Pałac Wittelsbachow mustra francuskego
Werci sie w Monachium dyć kuknońć na niego
We stajniach karytom downym podziwować
Jako dzisioj niymi byłoby rajzować?

[broneknotgeld]

Bamberg

Bamberg Frankonii perłom jest przeca
Ze bawarskego landu tyż neca.


"Rauchbiyr"

Yno z Bamberga jest take piwo
Dyć niychej wos to wcale niy dziwo
Toż recyptura znoł wiek szesnosty
Słod przipolony w tym koncept prosty
Choć zdo sie jeszcze że cosik wiyncy
No to pijymy - niy trza sie mynczyć!


Kajzer Hynryk II

Kajzer Hynryk II w jedynostym wieku
"Rzym" chcioł tu zbudowć - poskopisz czowieku?
Choćcioż se dziwujesz dyć dobrze sie stało
Przeca cosik z tego do dzisioj łostało.

Marktl am Inn

[broneknotgeld]

Marktl am Inn

Mało mieścina latoś coś budzi
Toż stond se karlus w Watykan kludzi.

[broneknotgeld]

W Wielko Sobota (16.IV.1927)

W Wielko Sobota Zefel rodzony
Toż we Wielkanoc zarozki krzczony
Wodom co była świyncono rano
Z niom wiara wielko bajtlowi dano.

[broneknotgeld]

Żywiciel

Inn Marktl tyż żywioł tako jak niwy
Z rzekom i ziymiom czowiek szczyńśliwy.

[broneknotgeld]

Czi sklepy

Toż pamiontkarske czi sklepy majom
Ze Janym Pawłym tyż coś sprzedajom
Jednak Benedykt we raji piyrszy
Dlo Marktl łon przeca teroz nojwyrszy.

[broneknotgeld]

Gyszeft

Gyszeft przestawić na Ratzingera?
Profitu z tego może być wiela.

Linderhof

[broneknotgeld]

Pałac

Pałac tu niywielki dyć mustrym Wersalu
Zdo sie tako blyszczeć jako krol na balu
W łogrodzie fontanna wodom w gora siko
Raduje kożdego kery na nia bliko.

Hohenschwangau

[broneknotgeld]

Hohenschwangau

We średniowieczu warownia zocno
I dzisioj widać ze była mocno
Choć zamek cołkym przebudowali
Kunszt romantyzmu "wymurowali".

[broneknotgeld]

W hohenschwangau

Martin Luter tukej gościoł
Wnerwioł se na niego Kościoł
Princ bawarski dyć niy gonioł
Toż go jakby richtig chronioł.

[broneknotgeld]

Z Bawarii na zachod pódziesz we tyn land
Toż przeca tu Niymiec jakby jedyn rand.

[broneknotgeld]

Czi krainy w tym landzie przepiykne znojdziecie
Badynio i Szwarcwald - te już znocie przecie
Wirtembergia miejscowi ciyngym Szwabiom zowiom
Toż na take miano jo tyż tukej stowiom.

[broneknotgeld]

Brackenheim

W południowych Niymcach te miasto jest zocne
Kaj wino czerwone robiom nawet mocne
Winorośl "Lamberger" tukej sie udowo
Godajom co łona jest jak ta krolowo

Z czinostego wieku już znomy ta sztela
Rudolf Habsburg miastu przisłużoł sie wiela
Możno tyż lubowoł sie w tutejszym winie
Kere ciyngym majom w niymiecki dziedzinie.



Muzeum Heussa

Heuss Theodor tukej przeca sie urodzioł
Swojym piorym łostro we Hitlera godzioł
Dyc skrył sie na Ślonsku w małym Gościszowie
Historio nom godo że wielki był czowiek

We tym NRFie zostoł prezydyntym
Dziesiyńć lot kraj czimoł co już niy był "dynty"
Niy dziwota tymu że muzeum tu mo
Europa pamiynto i nad niym tyż dumo.

Stuttgart

[broneknotgeld]

Coś mi niży tyn grod wloz
Feler z tym niy piyrszy roz

[broneknotgeld]

Chocioż niy wyglondo piyknie
Pora linkow tu wystyknie
forum.gazeta.pl/forum/72,2.html?f=28940&w=19671960&a=28392505
forum.gazeta.pl/forum/72,2.html?f=28940&w=19671960&a=28446195
forum.gazeta.pl/forum/72,2.html?f=28940&w=19671960&a=28575233
forum.gazeta.pl/forum/72,2.html?f=28940&w=19671960&a=40081148

[broneknotgeld]

Stuttgart

Stuttgart stolicom landu jest tego
Znojdziesz we Niymcach se bogatszego
Miasta co tako miyszkańcom zdo sie
Na samym wiyrchu te przeca mo sie.


Stadnina (Stutengarten) 950

Ano skiż koni se tu zaczyło
We downych Niymcach cosik znaczyło.


Stolica krolewsko

Toż "napoleońsko" stolica sie zdo
Wirtembergio krola już terozki mo
Choć yno stulecie jedne take było
Dyć sie ze tym richtig miasto podźwignyło.

[broneknotgeld]

Sercym Niymiec mi sie zdo
Dyć czy rola tako gro?

[broneknotgeld]

Frankfurt

Zaroz we gowie mi franfuterki
Burczy coś cicho ze brzucha
Skiż nich tyn Franfurt tyż przeca wielki
Bo dbo ło ciało i ducha.

[broneknotgeld]

Ren ze Mozelom se tukej płynom
Do końca świata tego niy minom
A jo wesoło ciyngym mom mina
Jak tutejszego wypija wina.

[broneknotgeld]

Land Katedr romańskich - takim go znocie
We Spirze Wormacji te kościoły mocie
Moguncjo i Trewir dołożcie do tego
Wiela dlo Kościoła znaczyły naszego.


Niymiecki Szlak Winny

Łoj bych se puścioł jo szlakym tym
Na razie musi wystyknońć rym.


Dolina Mozeli

W Dolinie Mozeli rizling zocny płynie
Trza łostać na dugo w ty piykny dziedzinie.

[broneknotgeld]

Mozelske zamki

Arras Eltz i Cochem - zamki przi Mozeli
Niymi tyż se idzie zochwycić w ty szteli.


Lorelei

Se Rynym płyna - ślyp szuko skał
Możno na keryś ta Lorelei.


Ryńske Gory Łupkowe

Kaj Ryn se wcisko w Gory Łupkowe
Zochwyt na gymbie mo zowdy czowiek
Choćbyś Lorelei niy spotkoł nawet
Zdo ci sie - cuda widzisz na jawie.

Bad Dürkheim

[broneknotgeld]

Z Mannheim

Z Mannheim do Bad Dürkheim bankom se zajedziesz
Dej pozor na glajzy jak Bachus cie wiedzie.

[broneknotgeld]

Bad Dürkheim ok.1000 r.p.n.e.

Ano - już Celty tukej siedzieli
Radochy jednak z winnic niy mieli
Niy rosły jeszcze we ty dziedzinie
Dyć se niy tropcie - to przeca minie.

--

Rzymiany nad Rynym

Jakby niy godać - coś szteli dali
Wonorośl drapko zielyni wzgorza
Na dobrym winie tyż se już znali
Hehe - co dali przeca niy wroża.

[broneknotgeld]

Kaj jest?

Kaj tyn Bad Dürkheim?
Chciyjcie mi wierzyć
To już połnocne
Richtig Wogezy.

[broneknotgeld]

Z XIV wiekym

Z sztyrnostym wiekym już miejske prawa
Dziedzina rośnie richtig na winie
Ech - we Bad Dürkheim zocno zabawa
Niychej i ciebie to niy łominie.

[broneknotgeld]

Bad Dürkheim 1969

Kreisu z rokym tym stolica
Toż weselsze ciyngym lica
Teroz se naprowdy kraszom
Tako tyż mieszczany aszom.

[broneknotgeld]

Kaplica św. Michała 1990

Ano - kapliczka stanyła nowo
Worsztu trza pojeść i popić zdrowo
Przeca to miastu richtig na chwała
No i ucieszy tako Michała.

[broneknotgeld]

1,7 mln litrow

Łoj - tela wina jako wysłepia?
Na tako beka niy idzie hepać.

[broneknotgeld]

Targi wina i szampana

W targi wina i szampana
Bych bych zabawioł se łod rana
Z bachantkami tyż gryfnymi
Dlo mnie prawie raj na ziymi.

[broneknotgeld]

Łod wiosny

Łod wiosny na podzim festyny w winnicach
Życiym se raduje cołko okolica
Przi zimie se cosik robi tu smutnawo
Jakoś to szczimiymy by wiośnie bić brawo.

[broneknotgeld]

Skiż kamracynio

Skiż kamracynio - to se niy zdowo
Kluczbork z Bad Dürkheim winko dostowo
Trza by z tym eksra fajer zrychtować
Za zdrowie wypić - podegustować
Kto se kamraci - dobrze to wiycie
Dbo coby wszyscy byli w proficie.

[broneknotgeld]

Klasztor Limburg

Miano łod rzeźbiorza - znomy
Dyć tu klasztor downy momy
Co w dostojny już ruinie
Ciyngym stoji - to niy minie.

[broneknotgeld]

"Dom Catoir" (1781)

"Dom" mo muster barokowy
Ano - niy jest tyż łon nowy
Dyć ośrodkym tu kultury
Ciyngym dźwigo jom do gory
Tako w niym muzeum majom
Historyji przeca pszajom.

[broneknotgeld]

Uzdrowisko

Ech - uzdrowiskym Bad Dürkheim słynie
Werci tyż wspomnieć ło ty dziedzinie
Wodom już mnichy se kurowali
Tako nom dzisioj swoj muster dali.

[broneknotgeld]

W herbie powiatu
--

W herbie Bad Dürkheim
oreł jest bioły
Bliko na wino
toż fest wesoły.

[broneknotgeld]

Kreis Bad Dürkheim 1.VII.1969

Z tym rokym Bad Dürkheim
Powiatu stolicom
Kerego grynościom
I jo se zochwycom.

[broneknotgeld]

W środku

W środku powiatu Bad Dürkheim lezy
Przi "Drodze Winny" - możecie wierzyć
Toż napijymy se tu biołego
Potym skosztować trza czerwonego.

[broneknotgeld]

Las Palatynacki

Bor to nojwiynkszy zdo sie we Niymcach
Tako w Bad Dürkheim do lasu skrynca.

[broneknotgeld]

Na "winny sztrasie"

Hambach ty sztrasy pympkym se zdowo
Dyć i Bad Dürkheim we łoczach stowo.

[broneknotgeld]

Risling - krol wina

Ano - nad Rynym zdo sie kroluje
Tako w Bad Dürkheim dobrze tyż czuje.

[broneknotgeld]

Winno turystyka

Tako łona richtig winno
Dyć niy może być dziecinno
Pełnoletnim w tym być trza
By po winko siyngać - pra?

[broneknotgeld]

"...heim"

Kaj z "...heim" se kończy dziedziny miano
Sztela łod Frankow pewnikym brano.

[broneknotgeld]

Gryfno sztela

Sztela Celtow, Rzymian tyż
-Z winoroślom se wkludziyli
Zdroj - to przeca dobrze wiysz
Z konskym raju idzie mylić.

[broneknotgeld]

Limburg (XI w.)

Benedyktynow piyrwyj to sztela
Toż dlo kultury znaczyli wiela
Jak Konrad II tukej ich wkludzioł
Ze tym ta ziymia do życio budzioł.

[broneknotgeld]

Zamek Hardenburg 1212

Z czinostego wieku - już szteli pilnowoł
Schroniynie rycerzom duge wieki dowoł.

[broneknotgeld]

Dynkmal Bismarcka 1903

Dynkmal Bismarcka richtig łogromny
Kto go zbajstlowoł zdoł sie niytomny
Sztyrdziści metrow dźwigli kanclerza
Toż przeca richtig to jakby wieża.

[broneknotgeld]

W "Brunnenhall"

W "Hali Studziynny" muzyka bywo
Tu przeca koncert wcale niy dziwo
Tela że czasym jakiś "dźwiynk studni"
Aże we duszy głośno zadudni.

[broneknotgeld]

Winogronowe kuracyje

z dwudziestych rokow łońskego wieku
Tu je stosujom zocny czowieku
Werci se zowdy tako kurować
Jeszcze flaszeczkom zdrowio dodować.

[broneknotgeld]

Wrzesiyń w Bad Dürkheim

Wrzesiyń w Bad Dürkheim "Wurstmarktym" blyśnie
Aże sie ślina na jynzyk ciśnie
Wina ryńskego trza pokosztować
Prowda co inksze mogom sie schować?

[broneknotgeld]

Kej żech tam znod
Toch z tego rod.

www.facebook.com/places/Zajecia-i-atrakcje-w-miejscowosci-Bad-Durkheim/107555709273592/

Hassloch

[broneknotgeld]

Hassloch

We cołkich Niymcach nojwiynkszo wioska?
Dyć se niy tropiom tym ani troszka
Niy chcom być miastym - tako im lepi
Bo jak luft wiejski to ciało krzepi.

[broneknotgeld]

20,5 tys. dusz

Jak na wioska - dużo luda
Ze tym Hassloch take cuda.

[broneknotgeld]

Łoczyszczalnio na biogazie

Łoczyszczalnio w Hassloch
Jest tako frechowno
Niczego jyj niy trza
Do tego szykowno
Styknie piyńciu chopa
I wszysko se kulo
Toż w tym niy utropa
Prziroda niy fulo.

[broneknotgeld]

Virofly - Francjo
Gebesse - Niymcy
Silifke - Turcjo
Wołczyn - Polska

Kamrat kamrata
-tyż konsek brata.

[broneknotgeld]

Ratusz w Hassloch

Łod niego zwiydzać ta sztela trza
Choć yno gminny dyć zocny - pra?

[broneknotgeld]

Holiday Park

Łod marca do października
Idzie tukej wiela brykać
Pozowiścić tako gminie
"Parku" tego we dziedzinie.

Deidesheim

[broneknotgeld]

Deidesheim

W skuplowany gminie
Jest take miasteczko
Trza ło ty dziedzinie
Rymow wciepać deczko.

[broneknotgeld]

Ratusz XVI w.

Na placu targowym ratusz stoji stary
Dlo istny dziedziny łon nojlepszy miary.

[broneknotgeld]

Kościoł w Deidesheim 1440-1480

Katolicki koscioł ta dziedzina stroji
Dugo budowany ciyngym mocno stoji.

[broneknotgeld]

W łogrodzie botanicznym

Łogrod zodziwi wos florom swojom
Tako rośliny dziedzina strojom.

Grünstadt

[broneknotgeld]

Grünstadt

We średniowieczu już handlym kwitło
I wino zocne robiyło
Szczyńście ze Grünstadt nikaj niy pitło
Jest jako piyrwyj tu było.

[broneknotgeld]

Dzisioj na zamku

Dzisioj na zamku jest bibliotyka
No i muzeum dziedziny
Zoglondnońć w ksionżki wola niż klikać
Czas przidzie - znojda se driny.

[broneknotgeld]

1 luty w Grünstadt

Jak karnawał to karnawał
Wielko w mieście z tym zabawa
Korowody przebiyrańcow
Wina wiela, śpiywu, tańcow.

[broneknotgeld]

Grünstadt - Carrieres-Sur-Seine

Grod se kamraci ze Francuzami
Tyż pszajom winu - to wiycie sami.

[broneknotgeld]

Grünstadt - Westerburg

Na Grünstadt bliko turyngsko sztela
Bo se kamraci ze niym już wiela.

Neustadt

[broneknotgeld]

Hambacher Schloss w Neustadt

Znojdziesz taki zamek w tutejszy dziedzinie
Skiż niego tyn powiat w cołkich Niymcach słynie.

[broneknotgeld]

Zamek Kasztanowy

Ano gryfnie se szlos zwoł
Dugo take miano mioł?

[broneknotgeld]

"Maxberg" 1842

Maksymilian Bawarski erbnoł go przi ślubie
Drapko we tych murach se istny podubie.

[broneknotgeld]

Zamek Hambach dzisioj

Dzisioj zamek Hambach przi Bad Dürkheim mocie
Powiatu perełkom - z ty strony go znocie.

[broneknotgeld]

Wiela tu znojdziesz ludzi ze Ślonska
Kierzy ściongnyli do tego konska
Tako łod downa już przeca było
Zdo sie - niywiela z czasym zmiyniyło.

[broneknotgeld]

Iserlohn

Z jegłow i szpyndlikow słynie
W cołki niymiecki dziedzinie.

[broneknotgeld]

Kolońsko katedra

Szejset lot dźwigali
W koncu zrychtowali
Niychej se niom aszom nojmni druge tela
Bo czym bez katedry jest ta miejsko sztela?


"Żywo siyła"

Z fligow tepichym Kolonia pokryli
Yno katedra durś stoła
W Niebo wołała - Bydymy tu żyli!
Nawet sie łognia niy boła

Kaj łona przeca - chnet wszysko łodrośnie
W niyj siyła żywo "zaklynto"
Czowiek - nadzieja - blikanie ku wiośnie
A niy zaś jakeś "memynto".

[broneknotgeld]

20 Światowe Dni Młodzieży

Co czi dni znaczom w historii miasta?
Z krześcijańskego dyć rosło ciasta
I tako dali niychej tu bydzie
Ze Dni Młodzieży dobro w świat idzie.



Jako ku dobru?

Jan Paweł II zwołoł tu modych
Papiyż Benedykt jednak ich witoł
Jedyn zakonczoł życio przigody
Drugi za Niego Ponboczka pytoł

Jako ku dobru wiyźć modych dali?
Jako w ich dusze wloć pszonie świata?
W ty intyncyji tyż z Niym rzykali
Ci przed kerymi prziszłe som lata.



"Przybyliśmy oddać Mu pokłon"

Dyć prziszli młodzi - w Kolonii siyła
pont znakym wiary dlo nich głymbokim
Co ciyngym bydzie jako i była
Pokłon dać Jymu richtig głymboki.

[broneknotgeld]

Mu ulżyło

Już dwa tysionce rokow niom rod
Zdo sie w ramiona jeji łon wpod
Prawiom - Rynowi przi niyj ulżyło
Wpiyrw gorzi ze niym podobnoś było.


Kolonia 33 r.p.n.e

Ciśli w ta strona łostro Rzymiany
Chocioz broniyli se fest Germany
Tako nad Rynym rodzi se sztela
Historio do jyj gyszynkow wiela.


Kolonia 50 r.n.e.

Sie Agrypina Młodszo w niyj rodzi
Co za cysorza Rzymu wychodzi
Klaudiusz szczyńśliwy nadaje prawa
Miasta rzymskego - toż niy zabawa
Stond tyż Koloniom zwać sie już może
Rzymskom - tref ze tym wcale niy korze.

[broneknotgeld]

Kolonia IV w.

Stolicom biskupstwa Kolonia sie stała
Krześcijaństwu tako wiela łod sia dała.


Krzescijaństwo

Z połnocy cysorstwa zdo sie być na kraju
Bestoż krześcijany myślom tu ło raju?
Dyc stare we nowe sie leko niy miyni
Mynczyństwym znaczono przemiana ty ziymi.


Seweryn Gereon Urszula

Wspomnieć trza te miana
Jejich śmierć za wiara
Łokwieci se rana
Zdo sie już na marach

Życiym bogobojnym
Świyntości służyli
Przikłodym dostojnym
Dlo pokolyń byli

Z jejich mogił aże
Wyrosły kościoły
Ponboczek niy karze
Z Niymi jest wesoły

Chwała tymu światu
Za dzieci przezocne
Z niych mosz wiela blasku
I korzynie zocne.

[broneknotgeld]

Wolne Miasto Rzeszy

Łod średniowieczo po nowsze czasy
Biydom Kolonia Niymiec niy straszy
Toż ciyngym rośnie - durś sie bogaci
Profity zbiyro rzodko zaś traci.


Woda kolońsko (XVIIIw.)

Ze Italyji koncept tyn wziyła
Se na ty "wodzie" tyż wzbogaciyła
Niuchoł ktoś kwiotki na szpyrytusie
Toż ze tym jakby kłonioł i tu sie.


"Eau de Cologne"

Yno jom niy myl z "wodom łognistom"
Zdrowi jak gymba przepłokosz "czystom".

[broneknotgeld]

Katedra kolońsko

Toż drugo wojna jom łoszczyńdziyła
Stoji durś tako jako wpiyrw była
Alianckim fligrom latarniom zdo sie
Poczebnom - z tego cud jakby mo sie.


12 kościołow

Dwanoście kościołow romańskich tu przeca
Kożdy zocnom gwiozdom na kolońskim niebie
Łozdoby to wielke tutejszego neca
Na chwała dźwignione Ponboczku dyć Ciebie.


Kościoł sw Gereona

Konstrukcyjom swojom zodziwi kożdego
Bydziesz we Kolonii zoglondnij na niego.

Stuttgart

[broneknotgeld]

Ludwigsburg

Ze Stuttgartu metrym drapko se tu znojdziesz
Przi pałacu tako do zochwytu dońdziesz.


Pałac

Niymiecki barok w pełny swyj krasie
Toż tukej wybrać naprowdy trza sie.


"Marhengarten"

Łogrod dlo bajtli ze baśni braci
Grimm jejich miano - pewnikym znocie
Zoglondnońć tukej wom se łopłaci
Wiela radości dzieciom tyż docie.

[broneknotgeld]

Cannstatt

Podzim - toz trza tyż zoglondnońć tukej
W Cannstatt radości życia poszukej.


Festiwal piwa

Nic że bawarski "Oktoberfest"
Richtig we Niymcach nojwiynkszy jest
Wola we Cannstatt piwa se napić
Niy na Bawario ciyngym se gapić.


Biyr

Biyr jest słonkym
We niym życie
Ło tym tukej
Wszyscy wiycie.

[broneknotgeld]

Łogrod "Wilhelma"

Zwiyrza i ziela
Tu coś za wiela
Toż we Europie tyn łogrod znajom
I sie tyż jymu wiela dziwajom.


"Mineralbad Lauze"

Potoplać se możesz
W mineralny wodzie
Zdrowie poratujesz
-Pokłonisz tyż modzie.


Telewizyjno wieża

Ze wieży na miasto niy yno se blikniesz
Łoczami na Alpy przeca tako mykniesz.

[broneknotgeld]

Chocioż niymiecko to cołkym łonka
www.stuttgart.de/sde/menu/frame/top_11021.htm
Możno se przido tu tako stronka.


Muzeum Mercedes-Benz

Tu mosz auta historyjo
To dlo Niymca niy mecyjo.


Muzeum Porsche

Łod Mercedesa łone niy gorsze
Pewno zochwyci Muzeum Porsche.

Bottrop

[broneknotgeld]

Familoki w Bottrop

W Bottrop familoki
sie ciyngym dyć trzimiom
Niy jako boroki
choć zdo sie co drzymiom
Kajniykaj już blyszczom wyremontowane
I niy widać takich kere ankrowane.

[broneknotgeld]

Piyrwyj w tych ziymiach Sasy miyszkali
Toż je po wojnie tako nazwali.

[broneknotgeld]

Roland w Bremie

Rycerz Roland na rynku we tym mieście stoji
"Muzykantow z Bremy" łon sie nic niy boji
We "Freimarkt" mo przeca serce ze piernika
Luftbalony czimie - gro mu durś muzyka.


"Freimarkt" - 1035

Dyć skiż tego łon jest "frei"
Że dlo wszyskich przeca naj
Cieszy biydnych i bogatych
Tych w pelcmantlach i "sagatych"
Chnetko cołke tysionc lot
Ze jarmarku kożdy rod.

[broneknotgeld]

Tako se czasym ciekawie plecie
forum.gazeta.pl/forum/72,2.html?f=59&w=19764660&a=21495082&s=1
Ze Bremerhaven szif to jest przecie.

Dolna Saksonia

[broneknotgeld]

E.Czerny w Dolny Saksońji

Dolno Saksonia Czernego znała
Przeca niyjedna łorkestra grała
Muzyka kerom zochwycioł Niymcy
W Polsce go chwolom - dyć tukej wiyncy!
--

11.06.1917 Zabrze (Hindenburg)

Ano se w Zabrzu Czerny urodzioł
Eberhard - take mioł miano
Tu po ańfartach i placach chodzioł
-Wspomniołch se ło tym jo rano.

Ganderkesse

[broneknotgeld]

"Świynty Jozef"

"Świynty Jozef" w Ganderkesse
www.dziennikzachodni.pl/artykul/547727,swiety-jozef-jeszcze-bije-w-dolnej-saksonii,2,id,t,sa.html
Ściongnońć nazot nom go chce sie.

[broneknotgeld]

Dania z Niymcami durś se spiyrała
U sia te ziymie mić przeca chciała
Był kedyś nawet plebiscyt tukej
Po piyrszy wojnie w historii szukej.

[broneknotgeld]

forum.gazeta.pl/forum/72,2.html?f=64&w=15994312&a=19831921

[hepik1]

broneknotgeld napisał:

> forum.gazeta.pl/forum/72,2.html ?f=64&w=15994312&a=19831921

Fraszkopisarz spamuje.Bartoszcze do pracy.

[broneknotgeld]

Mocno tyn Hammerhus Lubeka czimała
forum.gazeta.pl/forum/72,2.html?f=67&w=10225394&v=2&s=0
Stond cołkym Bornholmym toż przeca włodała.

[broneknotgeld]

Miyndzy Odrom a Łabom leży ta dziedzina
Tu czasy komuny tyż przidzie wspominać.

[broneknotgeld]

Przilondek Arkona

Ponoć łon Rugia przed morzym broni
Dyć czas rachunek dowo niytoni
Kredowo skała niy szczimie wody
Arkonie z falom brakuje zgody.

[broneknotgeld]

W Sassnitz

Blikej na piykne kredowe ściany
Jeszcze brzeg cołkym morzu niy dany.


Sassnitz

Leży se te Sassnitz we rugijski wyspie
Dyć trza tyż pamiyntać że i na połwyspie
Kery tu Jasmundu nosi przeca miano
Klif z kredy podziwej se tukej co rano.


"Tron"

Na kredowym klifie tyn "tron" se znojdziecie
Pewne że na niego zarozki wyńdziecie
Przeca kto tam zicnie krolym Rugii bydzie
Dyć czy richtig tako wom we życiu przidzie?

Ponoć wiynkze szanse we tym jednak mo sie
Jak prosto łod morza wylyźć tukej zdo sie.

[broneknotgeld]

Rostock - 1161

Nad rzekom Warnow już Rostock stoł
Słowiański przeca rodowod mioł
Dyć chnetko se to fest pomiyniyło
Bo coroz wiyncy Niymcow tu było.

[broneknotgeld]

W Rostocku

W NRD na stoczniach tu se bogaciyli
Toż zdowo sie teroz że cosik straciyli


Port

Port ciyngym jest w ruchu - nojwiynkszy w tych stronach
Niy szkryfna ładunku wom tukej we tonach
Dyć przeca i promow wiela dali wpływo
Rostock se podździgnie - niych to wos niy dziwo.

[broneknotgeld]

Anklam

Kaj rzeka Piana durś wody toczy
Tam miasto Anklam możesz łoboczyć
W kerego herbie gryf jest na murach
Sławne czowiekym co lotoł w chmurach.

[broneknotgeld]

Jezioro Muritz

Zdo sie jakby godali Słowianie
Jejich słowo ukryte w tym mianie
Dyć jezioro jest wielke jak "morze"
Sztorm cie chyci - Bog yno pomoże.

[broneknotgeld]

Krakow

Miast Wisły mo tukej Jezioro Krakowskie
Dyć grod ło tym mianie tyż wpiyrw był słowiański
Ano - niyzbadane som wyroki boske
Krakow jednak mały i niy "wielkopański".

[broneknotgeld]

Połwysep Darss

Czi wyspy kedyś to były
Cołkym łosobno se żyły
Jedna Fischlandym tu zwali
Darss Zingst - te były zaś dali

"Kraj ryb" w lond jednak se wklejoł
Darss drugi był za kolejom
Zingst zrobioł to na łostatku
Bo ktoś mu pedzioł - gagatku.


Wustrow

Choć to malutko rybacko wiocha
Zdo sie zoglondnońć tukej na trocha
Na "pniu słowiańskim" kościoł tu stoji
Domki pod trzcinom. -Łogyń niy broji?

[broneknotgeld]

Hiddensee

Wiycie - dyć były tu take czasy
Jak rosły stare i gynste lasy
Wallenstein jednak ze wojskym wloz
Łogołociyli z niych wyspa w roz.


Grob Hauptmanna

Na kerchofie Hiddensee Hauptmanna znojdziecie
Choć pszoł łon Ślonskowi tukej pomarł przecie.

[broneknotgeld]

Stolica Niymiec we samym środku
Wlyźć tukej pódzie z niyjednom godkom.

[broneknotgeld]

Kolin i Berlin

Kolin i Berlin w jedno sie zloły
Z tym jakby szwongu dostały
Brandenburg w końcu łostoł se goły
Margrabia dwor tu doł cały

[broneknotgeld]

"Parada Miłości"

Dyć piyrszo skiż pszonio parada zrobiyli
Niym jeszcze w Berlinie tyn mur łobalyli
Wolnościom i sexym wiela sie radujom
Ołpy tyż se tymu coś chyntnie dziwujom.

[broneknotgeld]

4 miliony

Chnet berlińczykow sztyry miljony
Zachod ze wschodym już se wymiyszoł
Blisko tyn Berlin tyż łod sia momy
Za Odrom chnetko go bydziesz słyszoł.


Turecki Berlin

Wiyncy ich yno we Turcji szukej
Jak ci tu mało tam se pokukej.


Lata dwudzieste

Lata dwudzieste dlo berlińczyka
To nojciekawszo ponoć "muzyka".

[broneknotgeld]

Dwanoście dzielnic

Dwanoście dzielnic - Berlin Zachodni
Żyło se ludziom tu przeca godni
A co za murym sie kedyś dzioło?
-Ano niy było wcale wesoło

Dyć to już przeszłe terozki czasy
Zdo sie stolica jedny jest krasy
Ossis łod Wessis daleko niy som
Jeszcze roz rymym yno zamiyszom.


Brama Brandynbursko

Mioł kedyś Berlin sztyrnoście bram
Jedna łostała sie teroz sam
Toż niy tak downo Berlin dzielyła
A dzisioj zdo sie nowo w niyj siyła.


Zjednoczynie Niymiec

Zdo sie ta brama symbolym tego
Na dziyń dzisiejszy styknie kolego.

[broneknotgeld]

Brama Brandynbursko 1791

Lanhaus wzioł muster peryklesowy
To Propyleje! Akropol kaj?
Toż niych i dzisioj czowiek se dowiy
-Z militaryzmu niy wyńdzie raj.


Brama Brandynbursko 1806

Była w tym roku tukej parada
Napoleońsko dyć defilada
Cysorz z kwadrygi łograbioł wrota
Dyć czas pokozoł co w tym gupota
Wiktoria cudzo niesie utropa
Ło tym wiy przeca cołko Europa.


Krziż Żelazny

Na wiyńcu Wiktorii Krziż Żelazny widać
Łod kedy? -Ta fraga dyć tukej trza by dać
Zdo mi sie ze czasow jak tyn order był
No i "pułkom ślonskim" dokłodoł już siył.

[broneknotgeld]

Kurde, znoloz żech terozki inkszo informacjo ło tym ajzynkrojcu.
Myńsza ło to że miast Wiktorii terozki jest Nike (to yno z inkszy mitologii
miano), dyć odznaczynie mo mieć na piersi.
No toż dom drugo wersjo ty fraszki, a jak se znojda w Berlinie, to sprawdza.

Krziż Żelazny

Na piersi Wiktorii Krziż Żelazny widać
Łod kedy? -Ta fraga dyć tukej trza by dać
Zdo mi sie ze czasow jak tyn order był
No i "pułkom ślonskim" dokłodoł już siył.

[broneknotgeld]

Jak żech sa tak podziwowoł na łobrozek Bramy Brandynburski to zaś mi prziszoł
inkszy rym.

Z czytanio ksionżek czowiek gupieje?
Czy djoboł wtedy sie z niego śmieje?
Bliknołch na zdjyńcie - ajzynkrojc kaj?
W wiyńcu na sztylu - niy ma w tym jaj.

[broneknotgeld]

Dzieło Schadowa

Kwadryga z Nike - dzieło Schadowa
Dźwignij se wyży karlusie gowa
Wiktoriom zowiom jom tyż nikerzy
Dyć to ganc-egal możecie wierzyć.


Nike wygrała

Jak kwadryga z Nike na brama wrocała
Schinkel wiyniec z orłym i ajzynkrojc dowo
Terozki to richtig już na Prus jest chwała
W kerych chyńć do glorii zdo sie ciyngym nowo.


Brama Brandynbursko 1815

To historyjo ty bramy zno
Tu defilada - po Waterloo
Prusy radościom sie zachłysnyły
Napoleońske jarzmo ściepnyły..

[broneknotgeld]

Brama Brandynbursko 1871

Zaś tukej wojokow krok
Toż Drugi Rzeszy to piyrszy rok
Francjo na klynczkach - Niymcy we gorze
We wagnerowskim słysza to chorze.


Cholera

Ano - choć biere przi tym cholera
Grały te wrota tyż za Hitlera.

[broneknotgeld]

Reichstag 1884-1894

Rosnoł parlamynt Niymiec w tych latach
Godali - Bismarck to jego tata
Cysarstwo zdo sie tyż richtig sławioł
Wcale niy naskwol tako se "bawioł".


Reichstag 1918

Z balkonu tukej to łogłosiyli
Że w republice bydom se żyli
"Weimar" w Reichstagu zaczoł se przeca
A Wiluś uciyk ze tego neca.


Reichstag 22.II.1933

Pożar - nojgorszy zdo sie tu dziyń
We cołkich Niymcach bronotny ciyń.

[broneknotgeld]

Reichstag po wojnie

Po łostatni wojnie ło niym zapomnieli
Stoł choć go łodnowić tu przeca niy chcieli
Zdo sie cicho czekoł aż przidom te czasy
Jak we cołkich Niymcach nabiere zaś krasy.


Nowy Reichstag 1998

Ano w końcu prziszoł tyn czas przebudowy
Łoddali go w rynce teroz Anglikowi
Forster se nazywoł dyć był tyż Normanym
Ze tym parlamyntym tako poszoł w tany
Że łostała staro sie yno fasada
Reszta nowomodno już cołkym parada
W kero durś zoglondo czecie tysionclecie
Tako se historio fest ciekawie plecie.


Szpacyr

Na wiyrchu Reistagu se poszpacyrujesz
Możno zjysz wypijesz - jak geld w kapsi czujesz.

[broneknotgeld]

Plac Poczdamski

We miyndzywojniu pympek stolicy
Zdo sie na cołko Europa rycy
Źle mu sie dzioł w tym NRD
Teroz łod nowa pympkym być chce


"Sony"

We połokryngu wieżowcow siedym
Przeca niy styknołby im tu jedyn
Siyła w tym widać - niy yno zdo sie
Reszpekt przi tymu naprowdy mo sie.


"Deimler Benz"

Wyglondo jakby mało dzielnica
Toż wielko fyrma - wielko stolica.

[broneknotgeld]

"Tiergarten"

Piyrwyj elektory tukej wiydli gon
Bestoż take miano mo do dzisioj łon.


"Zwierzyniec"

W łoziymnostym wieku już były tu planty
Zwiyrza im zabrakło - czy to jakeś kanty?


W XIX wieku

W dziewiytnostym wieku zrobiyli te cudo
Zrychtować go lepi chyba sie niy udo
Peter Lenne przeca kunszt swoj w park tyn wsadzioł
"Tiergarten" wygryfnioł i dobrze se radzioł.

[broneknotgeld]

"Złoto Elza"

Łoziym mo metrow - stoji dyć dumnie
Ciyngym w Berlinie na ty kolumnie
W kery jest chwała pruskich wojokow
I gańba wrogow - zdo sie borokow.


Na "Wielki Gwioździe"

Na "Wielki Gwioździe" "Elza" stanyła
Wpiyrw przi Reichstagu przeca tyż była
A wszysko ponoć to skiż mecyji
Łod Austrio-Wyngrow, Danii, Francyji.

Przeca bogini wygrany wojny
W zocy jak ciyngym czas niyspokojny
Se na nia blikosz ło tym pamiyntej
Czasy pokoju som richtig świynte.


Kolumna Zwyciynstwa

Choć richtig blyszczy "Elza" we gorze
Zoglondosz teroz co tu "na murze"
Postać Bismarcka we ślyp se ciepiesz
I ciyngym wojna - aż z tego hepiesz.

[broneknotgeld]

Charlottenburg

Tako sie zowie cołko dzielnica
W kery krolowy kryjom se lica.


Park

Szprewa zoglondo na park ciekawie
Toż serenady słychać tu prawie.


Sophie-Charlotte

Sophie-Charlotte ślubno łod Fryca
Tu pałac jyj barokowy
I park co krasioł niyjedne lica
Kożdy w Berlinie to powiy.

[broneknotgeld]

Charlottenburg 1695

Fundnoł Fryc ślubny tukej pałacyk
Choć piyrszy muster ciynżko złonaczyć
Dyć cosik ciyngym przeca zmiyniali
Na koniec w rynce Schinklowi dali.


Wielki Elektor - 1700

Fryderyk Wilhelm posong durś mo tu
Schulter na koniy tako posadzioł
Ano - po wojnie wrocajom go tu
By zaś se Berlin niym poparadzioł.


Dzisiejszy Charlottenburg

Skiż wojny chnetko cołko ruina
Dyć zaś niymiecko zdobi dziedzina
Piyknie go przeca łodbudowali
Wiela roboty w to jednak dali.

[broneknotgeld]

Porcelanowo Izba
W Charlottenburgu tuż porcelana
Dwor pruski mioł jom we zocy
Zoglondnij tukej se możno z rana
Napaś cudami zaś łocy.


W Sali Koncertowy

W Sali Koncertowy kroluje rokoko
Z łobrozami Watteau przed łoczy ci skoko.


Galeryjo Romantyzmu

Na Friedricha płotna tu se fest dziwujom
Sie w ty galeryji romantycznie czujom?

[broneknotgeld]

Taki "zomb"

Po starym kościele wieża se łostała
By ło drugi wojnie nom przipominała.


Kościoł Pamiyńci Kajzera Wilhelma I

Piyrszy kajzer nowych Niymiec
W świontynia se wpisoł
Czy to był dlo niego wiyniec?
Ktoś coś ło tym słyszoł?


"Silos dusz"

Eiermann dźwignoł po nowy modzie
Wiernym tyn "silos" by żyli w zgodzie
Jak w ulu tukej terozki zdo sie
Czy ze piszczoły zaroz coś mo sie?

[broneknotgeld]

Europa Center

Logo Mercedesa na Europa Center
Kryńci se i kryńci - czy ktoś kliknie "enter"?


Do Europa Center

Do Europa Center jo przida se popić
Szłoby tam niyjedna utropa "utopić".


"Wodny klops"

Wiela w fontannie ty płynie wody
Tela w Berlinie dzisioj jest zgody.

[broneknotgeld]

KeDeWe

Fest nom richtig wloz do gowy
Tyn Zachodni Dom Handlowy.


Szolom

Szolom ze glasu se tukej jedziesz
Zdo sie do raju cie łona wiedzie
Dyć to jest yno tyn KeDeWe
Bez geldu psinco - chocioż sie chce.


Na łostatnim sztoku

Kusi cie w KeDeWe tyn łostatni sztok
Piykny z niego Berlin w dziyń i jak już ćmok.

[broneknotgeld]

Kreuzberg

W Berlinie Zachodnim zdoł sie "końcym świata"
Dyć już muru niy ma - "pympkym" zaś po latach.


Berliński pympek?

W Kreusbergu łonczy se wschod z zachodym
Świat stary ze tym kery durś mody.


Kolory świata

Jak cie pokuszom kolory świata
Szykej w Kreuzbergu choćby we ratach.

[broneknotgeld]

Muzeum Prehistoryczne

Charlottenburga krzidło zachodnie
Coś pokazuje dzisioj nom godnie.


Muzeum Egipskie

Tu Nefretete gościa powito
Niyjedyn przeca ło nia se pyto.


W Muzeum Egiptu

Hehe - toż przeca to forszteluja
Że gościom-mumiom se tu dziwuja.

[broneknotgeld]

Droga Elektorow (Ku'damm)

W szesnostym wieku już tyndy szła
Na zamek wiodła skond gon szoł - pra?


Przi Bismarcku

Przi Bismarcku Ku'damm gryfnie zablyszczała
Teroz Berlinowi richtig spasowała.


"Dom Wsplnoty Żydowski"

Tu po synagodze łostało niywiela
Dyć coby pamiyntać tyż po to ta sztela.

[broneknotgeld]

"Alex"

Tyn plac był sercym Berlina Wschodniego
Był jest i bydzie - brakło istnego.


1805

Dwiesta lot tymu car Aleksander
Gościoł u krola pruskego
Możno zawadzi tukej twoj wander
Plac miano nosi istnego.


Alexanderplatz - 4.XI.1989

Poł miljona ludzi na placu stanyło
NRD se potym już pryndko skończyło.

[broneknotgeld]

Fontanna Neptuna

Przi "Alexie" Neptun stanoł
Sztyry frele z niym
Gryfne - toż rzek noszom miano
Brandynburskich - wiym.


Nimfy wodne

Przi Neptunie niy klachajom
Cud - gymby zamknione majom.


Marks z Engelsym

Pomnik tukej majom
Chocioż przegrywajom
Minoł jejich czas?
A co z "walkom klas"?

[broneknotgeld]

Rathaus

Przi fontannie z Neptunym Rathaus tu znojdziecie
"Czerwonym" go zowiom - skuli cegły przecie.


Rathaus 1869

We inkszym stulu go zbudowali
Zdo sie - niy dlo Berlina
Muster z Wenecji możno zabrali
Doża by kwaśno mioł mina.


"Kamiynno Kronika"

Historio Berlina nikogo niy gryzie
Jak se jom łoglondo na kamiynnym fryzie
Kery tukej krasi tyn "ratusz czerwony"
Toż kronika miasta terozki już znomy.


1991

Dyć teroz wiycie co ze tom datom
Berlin z jednego już magistratu
We burgemajstra czimany rynkach
Hehe - niy godej że to jest mynka.

[broneknotgeld]

"Nikolaiviyrtel"

Zdo sie to nowom "starowkom" miasta
Toż za komuny jom wzniyśli
Z enerdowskego jeszcze durś ciasta
Tako historio se kryśli.


W 750-lecie Berlina

"Starowka" dźwigli przi gyburstagu
Już tu niy widać ze wojny "szlagu".


Miano dzielnicy
Świynty Mikołoj użyczoł miana
Nad ludźmi czuwo tukej łod rana.

[broneknotgeld]

Kościoł św. Mikołaja

Znoł już tyn kościoł Berlin prastary
Przeca gotycki jest łon tu "miary"
Choć w drugi wojnie uciyrpioł fest
Jednak go dźwigli i zaś tu jest.


Kościoł św.Mikołaja 1539

Reformacyjo stond w Berlin leci
Pryndko se w muster nowy ukleci
Na cołke Niymcy rozblyśnie jasno
Z niom już niy bydzie wcale tu ciasno.


"Ephriampalais"

Toż kamiynica Fryca bankera
Zaś we Berlinie stoji se teraz
W latach czidziestych jom poskłodali
W łoziymdziesiontych dźwigli - choć dali
Muzeum Marchii dzisioj w niyj znojdziesz
Możno szłapcugym czasym tu dojdziesz.

[broneknotgeld]

Izba Ludowo NRD

Czy jeszcze stoji? Zbulić to mieli
Tela azbestu przeca niy chcieli.


"Ballast der Republik"

"Palast" czy "Ballast"? -Ciekawo fraga
Skiż historyji niy mynczy zgaga?


Kaj Pałac Kajzera?

Pałac Kajzera z downa tu stoł
Co szram po wojnie dość wiela mioł
Niy naprowiali yno szpryngnyli
Izba Ludowo tu postawiyli.

[broneknotgeld]

"Berliner Dom"

Muster ze Rzymu se wziyła
Raschdorffa kunsztym łożyła
Bardzi bosko czy cysarsko?
Z drugi wojny dźwigli dziarsko.


Kościoł Hehenzollernow

Piyrwyj katolicki potym luterański
Po krypcie poskopisz co łon richtig pański
W katedra wielgachno z czasym sie zamiynioł
Przi kery se kajzer z gańby niy rumiynioł.


Katedra 1905/1945

We końću już dzieło te cołkym gotowe
Co rynkom dźwignione zbulić może czowiek
Tako tyż skiż drugi wojny se tu stało
Dyć jednak niy cołkym bo wiela łostało.


Katedra 1975

Toż se już zaczyła wielko łodbudowa
Katedra zaś blyszczeć bydzie se łod nowa
Choć końca remontu coś niy widać dali
Dyć se enerdowce już za to zabrali.

[broneknotgeld]

Wyspa Muzeow

Toż Fryderyk Wilhelm III
Chcioł kultura tako "sklecić"
By na wyspie jedny była
Tym stolica sie asiyła.


"Altes Muzeum"

Richtig nojstarsze łone tu było
Ze mustru Schinkla tako se wziyło
Wito wos kolumn aż łoziymnoście
Gibko do środka dyć przeca włoźcie

Ze wojny piyknie łodbudowane
W niym zaś antyczne rzeźby som dane
Tako łobrozow tyż galeryjo
Choć z niom łosobno zdo sie mecyjo.

[broneknotgeld]

"Neues Muzeum"

Z miana bo przeca niy cołkym nowe
Łodbudowuje teroz je czowiek
By zaś tu blysła sztuka egopsko
W Charlottenburgu na razie wszysko

[broneknotgeld]

Muzeum Pergamońske

Toż babilońsko zdo sie świontynia
Że nojzocniejsze - zdanio niy miynia
Przi pergamońskim tukej ołtarzu
Pewno niyjedyn chuba zamarzoł
By do zwyciynstwa wiodła Atyna
Dyć jak przegrywoł - mioł gupio mina


W Pergamońskim Muzeum

W Pergamońskim Muzeum Babilon prziwitosz
Isztar coś ci powiy nawet jak niy spytosz.

Kunszt arabski

Kunsztym arabskim tyż tu se dziwej
Atyna, Isztar - na nie niy kiwej.

[broneknotgeld]

Staro Galeryjo Narodowo

Z Altes Museum już tu łobrozki?
Przeniyśli? -No to koniec ich troski
Toż galeryjo blyszczy jak nowo
Kunszt durś przed łoczy wandrusom dowo.


"Bodesmuseum"

Ciyngym w remoncie - trza jeszcze czekać
Rzeźbom niymieckom bydzie urzekać.


Kunszt bizantyński

Kunszt bizantyński w "Bodesmuseum"
Jak yno remont tu skończom
Ano tu wspomnij tyż "basileum"
Historiom ludzie se łonczom.

[broneknotgeld]

Z Bramy Brandynburski po Plac Aleksandra
Na "Unter den Linden" niy weźmie cie chandra
Piyrwyj elektory tyndy se kulali
Bo przeca z uciechom łoni polowali.


"Unter den Linden"

Za Fryca Wielkego sadziyli te lipy
By żodyn niy pedzioł że łoni som klipy.

Skiż wojny

Skiż wojny ta droga richtig uciyrpiała
Enerdowsko władza jom łodbudowała
Na szejśdziesiont metrow nawet poszyrzyła
Defilada tukej niyjedna ciongnyła.

[broneknotgeld]

"Arsynał Pruski"

"Arsynał Pruski" Zeughausym zwany
Był durś łostatnio remontowany
Dyć już se łotwar na nos tyn barok
Do "arsynału" zoglondna za rok.


Muzeum Historyji Niymiec

W Zeughausie było przi NRD
No a kaj łone terozki je?


Arsynał

Po niym widzymy co tu znaczyła
Wojna - ze kery Prus zdo sie siyła.

[broneknotgeld]

"Kronprinzenpalais"

Nastympca tronu tu rezydowoł
Miano łostatnio dyć se straciyło
"Unter den Linden" - pałac se zdowo
Choć te co piyrwyj zocniejsze było.


Narodowo Galeryjo Sztuki Nowoczesny (1919)

Jak już kajzera w Niymcach niy było
"Weimar" wystawioł tu galeryjo
"Posztrajchowane" na nowy muster
Przi hitlerowcach dyć ściany puste
Bo nowo moda niy dlo nich przeca
"Niy z niymieckego łona jest neca".


"Prinzessinpalais"

Cery Fryderyka Wilhelma III
Pryndko se wkludziyły do pałacu tego
Czi frele to wiela i na krola zdo sie
Dyć jak łod sia były mog je mieć we nosie.

[broneknotgeld]

"Neue Wache"

Ta Nowo Wartownia tyż jest kunsztu Schinkla
Zdo sie jakby była ze rzymskego winkla
Ponoć nojzocniejszy budynek istnego
Toż se podziwejcie i wspomnijcie jego.


Nowo Wartownia

Wartownikom krolewskim służyła
Po to piyrwyj dyć yno tu była.


Nowo Wartownia 1930

Czas przichodzioł niyspokojny
Mauzoleum piyrszy wojny
Ze wartowni zrychtowali
-Tako poleciało dali.


W NRD

W NRD dynkmal ofiar faszyzmu
I niymieckego militaryzmu
Czy to do dzisioj se tu łostało?
Szczyńściym wartownia ciyngym jest cało.


We Wartowni

We środku teroz som dwie mogiły
I Kate Kollwitz co niy mo siyły
Bo w piyrszy wojnie syna straciyła
A drugo wnuka ziymiom zakryła.

[broneknotgeld]

Uniwersytet Berliński

Wpiyrw to był pałac łod Fryca brata
Hynryk mioł miano i wielko "chata"
Dyć potym Humboldt krola uprosioł
By uniwerek nowy łogłosioł.


Uniwersytet im. braci Humboldtow

Wiluś - filolog i dyplomata
Mioł geografa przeca za brata
Co Alexandrym na krzcie nazwali
-Łoba zaś miana uczelni dali.

[broneknotgeld]

Uniwersytet Berliński - werk noblistow

Zdo sie noblistow łon jakby werkym
Siedym dwadziścia z tym uniwerkym.

[broneknotgeld]

Bebelplatz

Pamiyńci Augusta Bebla
Co z czerwonego był hebla
Jak Marks i Engels - za nami
Choć czasym pamiyńć nos mami.


Bebelplatz 1933

Toż skiż Gebbelsa była fojera
Ksionżki polyli - jasno cholera
Bronotne czasy przeca nastały
Niymiecke dusze zdo sie już miały.


Dynkmal

Postawiyli dynkmal tu ksionżce spolony
Przeca w bibljotyce już niy znojdziesz łonych.

[broneknotgeld]

"Forum Fridericianum"

Wielkego Fryca tako ideja
Knobelsdorff kunsztym jyj służoł
Jo sie ze tego wcale niy śmieja
Rzymskego mustru dyć użoł.


"Staatsoper"

Nadworny architekt łod Wielkego Fryca
Pokozać w Operze chcioł mu Romy lica
Razym ze monarchom gmach tyn projektowoł
Co krol - co Knobelsdorff w te gmaszysko dowoł?


Katedra św. Jadwigi

Fryc chcioł świontyni rożnistych wiar
W tym był za drapki - to yno czar
Jednak katedra tu wybudowoł
I katolikom jom podarowoł.

[broneknotgeld]

"Alte Bibliotheke"

Stoji se jakby tukej połkołym
Czy jom skiż tego zwom "wertikołym"?
Fryc by se wnerwioł jakby to wiedzioł
Ciekawe co by dzisioj nom pedzioł.


Dynkmal Fryderyka Wielkiego

Wele bibljotyki stanoł se ze świtom
Jak byda w Berlinie to go tam prziwitom
Dynkmal we stulecie dzwigli koronacji
Bo mioł w zocy Prusy - wiela we tym racji.


Po drugi wojnie

Dynkmal se tułoł po drugi wojnie
Bo enerdowcom coś niy sztimowoł
Dyć w końcu stanoł tu zaś spokojnie
Unter den Linden adres - dom słowo.

[broneknotgeld]

Muzeum Guggenheima

Piyrwyj bank tukej teroz muzeum
A w środku zdo sie jakby "liceum"
Na kunszt se dziwosz tyn nowomodny
Niy zowdy jednak richtig pogodny.


Rusko ambasada

Wielko - na miara ty NRD
Ło kery dzisioj godome - be.


Na Unter den Linden

Na Unter den Linden i dzisioj lip wiela
Łod Fryca Wielkego asi sie tym sztela.

[broneknotgeld]

"Gendarmenmarkt"

Gryfny plac w Berlinie
Z dwiyma katedrami
Żodyn go niy minie
Dyć wiycie to sami.


Katedra Francusko

Dlo hugenotow Fryc jom postawioł
Nacjo francusko zowdy łon sławioł.


Katedra Niymiecko

Ta luteranom ciyngym służyła
Przeca w Berlinie ich richtig siyła.

[broneknotgeld]

"Prenzlauer Berg"

Piyrwyj Kreuzbergym był "Wschodu"
Dzisioj tyglikym narodu
Stare ze nowym zmiyszane
Tako na łoczy nom dane.


Synagoga w Prenzlauer Berg

Cudym to zdo sie Berlina
Łostała z wojny jedyna
I kirkut stary tu majom
Tymu se dzisioj dziwajom.


Zaś modny

Prenzlauer Berg zaś modny se stowo
Dyć tu zabawisz czasym niyzdrowo
To awangardy jakby "misz-masz"
A możno yno jakowyś "gwasz".

[broneknotgeld]

"Friedrichshain"

Friedrichshain z parku zocnego słynie
Jedyn z nojstarszych we ty dziedzinie.


Bajkowo fontanna

Po prowdzie dziewiyńć fontann zrachujesz
U braci Grimm se jakby poczujesz
Żab zdo sie wiela i rożne dziwy
Dzieciok przi tymu zowdy szczyńśliwy.


"Mont Klamott"

Z berlińskego gruzu ta gorka sypano
Tako ku pamiyńci drugi wojny dano.


"Kleiner Bunkerberg"

W tym coś ze festung Berlin łostało
"Klener..." toż zdo sie naprowdy mało.

[broneknotgeld]

"Checkpoint Charlie"

Hamerykony przi Ruskach stoli
Ło swoja strefa ciyngym sie boli
Łostała wieża dlo wartownika
I bilbord coby se nań poblikać.


"Żelazno kurtyna"

"Zelazno kurtyna" niy ajzom stanyła
Zimny lod - choć gorko tyż czasami była.


Muzeum Muru Berlińskiego

W Europie muzeum może być ło murze
Dyć jo wola chiński bo grom w inkszym chórze.

[broneknotgeld]

Kaj te krziże?

Krziże kaj mur stoł już tu niy stojom
Pamiyńci braknońć niy może!
Dusz "ofiar muru" czy sie niy bojom?
Zdo sie i tako dyć Boże.

[broneknotgeld]

Hotel "Alton"

Berliński hotel piyrszy w Europie
Taki mu latoś tytuł prziznali
jaky zoglondoł jo tam "na kropie"
Jeszcze bez geldu - by wykopali.

[broneknotgeld]

Czy ktoś richtig w to uwierzy?
forum.gazeta.pl/forum/72,2.html?f=28940&w=19671960
Ponoć Berlin w Niymcach leży!

[broneknotgeld]

Schlesiseche Strasse

Na Ślonski w Berlinie
Niy cołkym jak w kinie
www.dziennikzachodni.pl/artykul/726391,troche-slaska-w-berlinie-czyli-schlesiesche-strasse-zdjecia,id,t.html
Chocioż tyż zabawisz
Kej rajza tam sprawisz.

[broneknotgeld]

Brandenburg

"Brenna" - tak piyrwyj miejscowośc zwali
Na wyspie w nurcie Haweli
Wiela z Niymcami tu wojowali
Wspomnij - jak bydziesz w ty szteli.

[broneknotgeld]

"Las Sprewy"

Zowiom go czasym "krainom wody"
Z łodkom dońść musisz tukej do zgody.

[broneknotgeld]

forum.gazeta.pl/forum/72,2.html?f=64&w=15994312&a=19799096

[broneknotgeld]

Brandynburske dziedziny

Toż miyndzy Odrom Szprewom Hawelom
Se brandynburske dziedziny ścielom
Jak na zachodzie tu jeszcze niy ma
Dyć zdo sie - inkszy to jakby tymat

Styknie że łonki tukej i lasy
Jezioro czynsto dołoży krasy
Niymcy juz wiyncy majom w tym troski
By wygryfniały tutejsze "pioski".

[broneknotgeld]

"Poztumipi" 933

Zwoł sie piyrwyj "Pod Dymbami"
Rosnol tu ze Słowianami
Dyć jak prziszli tukej Niymcy
Tyn grod cosik fest sie mynczy

Choć zapomniany zdo sie łon był
Toż jeszcze dońdzie do swojich siył.



"Raj na ziymi"

Fryderyk Wilhelm - ksionże elektor
Chcioł "raj na ziymi" zrobić w tych stronach
Łogrodym mioł być tu kożdy hektor
Wele pałacow piyknie tu konać.

[broneknotgeld]

"Poztupimi"

Toż "Poztupimi" wyży być miało
Jakosik mi sie to pomiyszało.

[broneknotgeld]

Poczdam

Dzisioj stolicom landu wschodniego
Przeca łod downa perłom tu był
Zaś klara blyszczy bardzi dlo niego
Gryfnieje no i nabiyro siył.


Na Starym Mieście

Na Starym Mieście po drugi wojnie
Jakoś niy było zowdy spokojnie
Se enerdowske klocki wadziyły
Z tymi domami co piyrwyj były.


W latach dwudziestych

Był tu Babelsberg na miara cudu
Richtig podobny do Hollywoodu.

[broneknotgeld]

Kościoł św Mikołaja

W neogotyckim Schinkla kościele
Kopuła rowno "piotrowy"
Choć niyłaskawe wojynne dzieje
Dyć "dach" tyn blyszczy zaś nowy

Przeca go dźwigli w tym roku piyknie
W kerym by lot dwiesta klupło
Tworcy świontyni - niych to wystyknie
Dyć zdo sie - coś przi tym mrukło.


Prosto z kościoła

Prosto z kościoła do szifa wlyź
Toż po Poczdamie może cie "wiyź"
Chcesz to popłyniesz se do Berlina
Jak cie umynczy już ta dziedzina.

[broneknotgeld]

"Wyspa Przijaźni"

Na Haweli wyspa tako
Z kamracyniym durś jednako
Dyć po parku se połazisz
Niym gyry do łódki wrazisz.

Dynkmal na Starym Torgu

Wpiyrw władcow pruskich widzioł żeś tukej
Toż architektow terozki szukej
Knobelsdorff Gontard Persius i Schinkel
Był "demoludow" w NRD winkel.

[broneknotgeld]

Downy ratusz

Downy ratusz przi rynku niy mo dzisioj rajcow
Hereszt tu był nawet - przeca niy dlo jajcow
Potym bank - bo ciyngym mury jego mocne
Dzisioj zaś kultury ideje tu zocne.


"Marstall"

Z pałacu krolewskiego łostały sie stajnie
Choć wpiyrw była tu podobnoś ta oranżeryjo
Dyć Fryc Wilhelm I pedzioł - Zdo sie to niyfajnie
Koni trza mi dlo wojokow - po co ta mecyjo?

Konie żywe i figury zarozki som tukej
Zdo sie cołkym to po myśli jest krola-wojoka
Dzisioj jednak we muzeum filmu se tu kukej
Dej tyż pozor byś niy musioł do kadru aż skokać.

[broneknotgeld]

Brama Brandynbursko

Ano - dyć tako w Poczdamie tyż
Na Brandynburgio szło sie niom - wiysz.

"Bassinplatz"

Dlo Holyndrow stanyła w Poczdamie dzielnica
Dyć pieronym mokro była okolica
Przidoł sie tyn basyn bo pozbiyroł woda
Szło chałupy stowiać kaj wpiyrw yno szkoda.


Kościoł Francuski

Knobelsdorff tyn kościoł w Poczdamie wystawioł
Niyjedyn hugynot przeca tukej bawioł
Francuzy tyz łod sia wiela dali miastu
Swoji ich wygnali - dlo nich lepszy czas tu.

[broneknotgeld]

Konsek Amsterdamu

Już i we Poczdamie konsek Amsterdamu
Łopytać se idzie przi tymu tyż - czamu?
Mieć u sia Holyndrow toż kedyś w tym skarb
Ze niymi szło stracić zowdy jakiś garb.


W NRD

Choć niy było wcale sielsko
Dźwigli sztela "holyndersko".

[broneknotgeld]

Kwartał Holynderski

W niymieckim Poczdamie a niy w Holandyji
Aszom sie fest dzisioj - niy ma z tym mecyji.


Nowo Brama (1755)

Możno dzisioj se wydowo
Że niy cołkym łona nowo
Ćwierć tysionca lot mo przeca
Bestoż ło tym cosik kleca
W niyj tu piyrszy "neogotyk"
Niy - to wcale niy gupoty
Jakby szkocki zamek zdo sie
Take myśli tukej mo sie.


Brama Myśliwsko

Jeger w zocy mo te wrota
Gon jelynia - niy robota
Kero by go umynczyła
Przeca z tego łon mo siyła.


Mury miejske (XVIII w)

Te mury miejske skiż tego stowiali
Że czynsto wojoki dezerterowali.

[broneknotgeld]

"Sanssouci"

"Sans-Souci" - toż zdo sie bez utropy życie
Przi Frycu takowe? -Ano przeca wiycie
Że miało być tukej yno to dlo niego
Czy richtig spotkało to jednak istnego?


"Pruski Wersal"

Fryderyk Wielki budować kozoł
Pałac co zdoł sie tym rajym
Knobelsdorff kunszt swoj cołki w to dowoł
Kaj piyrwyj gorka ze gajym

Ponoć krol grob tu wykopoł dlo sia
Richtig był tym kopidołym?
Ano - łostatnio prochy tu mo sia
Historio kulo se kołym.


"Friedrich der Grosse"

Leży tu kamiyń na grobie krola
To na niym szkryfli - niy byda fulać.

[broneknotgeld]

"Bez utropy"

"Sanssouci" se blyszczy francuskim rokokym
W niym komnat dwanoście kere Fryc mioł w zocy
Był w nich zowdy władcom a nigdy borokym
Zdo sie jakby tukej nabiyroł w sia mocy.


Jak Fryc z Volteirym

Dyszkurs ze Volteirym wiod Fryc przecz czi lata
Na koniec czekała go tako zapłata
-Do komnaty mistrza powkludzoł papugi
I afy - toż zdo sie był to czas za dugi.


W Sali Koncertowy

W Sali Koncertowy krol na flecie grywoł
Podpod tu kto richtig se tymu niy dziwoł?

[broneknotgeld]

Za Fryderyka Wilhelma IV

Fryc łojcym Sanssouci dyć sto lot minyło
Nastympnego krola tw wzgorze wciongnyło
Jeszcze se to wtedy piyknie tu rozrosło
Idzie se dziwować na wszysko co doszło.


Kościoł Pokoju

Bizantyjskom bazylikom niy przipodkym zdo sie
Wleziesz - jakby coś ze wschodu we duszy już mo sie
Se zoglondnij tyż do krypty - dwa krole w niyj leżom
Ze ślubnymi - dyć to dzisioj jednom miarom mierzom.


Galerio Łobrozow

Barokowo ta galerio z barokym na płotnach
Niy jest wszysko to prawdziwe - tako dyszkurs utna
Wojna swoje tu zrobiyła - zagrabiyli wiela
Dyć Rubynsym i van Dyckym asi sie ta sztela.

[broneknotgeld]

Uparty młynorz

Krzidła wiatraka czasym furczały
Kamiynie młyńske tyż szterowały
Fryc bestoż monka zakozoł mloć
A młynorz ani myśloł se boć
I pozwoł krola w końcu przed sond
Hehe - bliknijcie na wiatrak stond.


Młyn-wiatrak

Toż ze starego replika nowo
Dyć historyjo przed łoczy dowo
I pokazuje jak piyrwyj mloli
Ci co sie krola ponoć niy boli.


"Neue Kammern"

Tu goście Fryca pomiyszkiwali
Czy na pejzaże już se dziwali?
Po prowdzie niy wiym - dyć mie to styknie
Że stary Poczdam widać tu piyknie..

[broneknotgeld]

Oranżeryjo

Dziewiytnostowieczny pałac we tym zdo sie
We zachodnik krzidle durś rosnom te ziela
Galerio łobrazow dobrze tukej mo sie
Dyć w niyj same yno kopie Rafaela.


Domek Winiorza

Na kawa tu wdepnij abo lampka wina
Jak mosz skiż deptanio już dość kwaśno mina.


Chińsko herbaciarnio

Chińczyk z paryzolym "woło" cie do środka
Byś pogaftoł trocha na zbior porcelany
Dyć już umynczonyś i twoja czelodka
A zesel rokoko niy bydzie ci dany.

[broneknotgeld]

"Nowy Pałac"

Toż w niym tyż ślonsko jest historyjo
Fryc se radowoł skiż końca wojny
Przegrała w końcu cołkym Austryjo
Ło Ślonsk przi Prusach był już spokojny.


Fryderyk Wielki

Siedmioletnio wojna ło Ślonsk wygroł przeca
Po niyj go już wciepli do tych "Wielkich" neca
Nowy Pałac w Poczdamie skiż tego postawioł
W niym tyn krol terozki richtig czynsto bawioł.


Sala Grotowo

Richtig z niyj miała być jakby grota
Co sie we wodzie głymboko skryła
Krolewski kaprys abo gupota
Dyć wprowno rynka jom łozdobiyła.


Sala Marmurowo

W Nowym Pałacu nojwiynkszo z sal
Łodbył se tukej niyjedyn bal
Terozki prozno zdowo se nom
Fryderycjańske czasy kaj som?



12 statuł

Dwanoście statuł z marmuru tukej
W niych elektorow nojwiyncy szukej
Cezara tako tyż i Karola
Dlo Konstantyna Wielkego rola
I ło Habsburgu niy zapomnieli
Rudolf statuła dostoł w ty szteli.

[broneknotgeld]

Fryderyk Wilhelm IV

"Romantykym na tronie" we Prusach go zwali
Przi niymu Sanssouci rozwijo se dali
Co po Frycu ździybko w zapomniynie poszło
Terozki do wiynkszy świytności tu doszło.


"Spielfestung"

Możno było z tym ździybko i tukej mecyji
Dlo bajtli z krolewski przeca familiji
We wojna se ciyngym mogły teroz bawić
Richtig fest uciecha fater im chcioł sprawić.


Charlottenhof

Przi inkszych gmaszyskach tyn pałac jest mały
Neoklasycyzmym dyć asi sie cały
Ze rozkazu krola schinkel tako sprawioł
W tym fachu był dobry - przeca se niy bawioł.

[broneknotgeld]

Babelsberg

Wpiyrw to grod tukej cołkym łosobny
Dyć Poczdam zdoł sie bardzi zasobny
I do sia tako Babelsberg garnie
Przeca przi niymu tyż niy ma marnie.


W Nowawes

W Nowawes piyrwyj tkacze miyszkali
Ze Czech tu prziszli i swoje tkali.


Park Babelsberg

Hawela w Tiefersee teroz se rozlywo
Przi tymu park zocny nikogo niy dziwo.

[broneknotgeld]

Pałac Babelsberg

W angelskim parku tyn pałac stoji
Inksze budowle tyż tako
Dyć na wyspiarski muster se stroji
Niy wszysko w Niymcach jednako.


Rezydyncjo Wilhelma I

Był prziszły cysorz tym princym jeszcze
Jak tyn Babelsberg chycioł już - wierzcie
Lubioł tu latym se łodpoczywać
Toż chyba niy ma czymu sie dziwać.


"Flatowturn"

Majontek Flatow - Prusy Zachodnie
Ta wieża tukej wspomino godnie
Skond geld był na nia już teroz znocie
Pamiontka tako w Poczdamie mocie.

[broneknotgeld]

Filmopark Babelsberg

UFA z Hollywoodym szła tukej w zawody
Stond "Błynkitny anioł" ty nojpiyrszy wody
Dyć wygrała przeca w końcu Hameryka
Teroz kinomany do niyj idom rzykać

Dzisioj se łostała z downych lot pamiontka
Radochy dlo bajtli w tym tukej na piontka
Toż przijedź - dzieciskom uciechy dej tela
Przeca ciyngym stoji w Poczdamie ta sztela.


"Świat Horroru"

We ty downy "Ufie" take widowiski
Przi tymu se nawet geld godziwy zysko.


"Prinz Eisenherc"

W "średniowiecznym" zamku czeko cie przigoda
Szkoda że niyrichtig - jeronie dyć szkoda.

[broneknotgeld]

"Neuer Garten"

Piyrszy park angelski w Prusach
tela tukej szkryfnońć musza
Toż Fryderyk Wilhelm II
Go wystawioł na czas dugi.


Dwa jeziora

Dwa jeziora som przi parku
Mioł krol gowa dyć na karku
Że i pałac tu wystawioł
"Neuer Garten" - niym se bawioł.


Marmurowy Pałac

Bliknij se jako piyrwyj miyszkali
Kierzy w familiji korona czimali.

[broneknotgeld]

Cecilienhof 1913-1917

Choć świat se colki toploł we wojnie
Tyn pałac rosnoł tukej spokojnie

Schultza-Naumburga dzieło w tym było
Z woli kronprinca jednak stanyło.


55 kominow

Tela w Cecilienhofie zrachyjesz
Czamu? -Toż tego niy forsztelujesz.


Poczdam 1945

Wielko Trojka mo tukej ta konferyncyjo
Dlo Cecilienhofu wcale niy mecyjo.

[broneknotgeld]

Alexandrowka

Richtig to rusko jest kolanijo
Z Napoleonym była mecyjo
W pruski armiji Rusy służyli
Na koniec tukej se osiedlyli.


Poczdamski Korpus Piechoty

Mioł swoj tyn Poczdam Korpus Piechoty
W niym zaś służyli ruske niycnoty
Co yno w Chorze chcieli durś śpiywać
Dyć niy ma przeca sie czymu dziwać

Frelki za niymi ponoć gupiały
Z tego dzieciska ciyngym se brały
Alexandrowka urosła tako
Choć we Poczdamie to niy jednako.


Alexandrowka 1826

Ło familije Ruskow krol dboł
Wtedy ta ziymia im tukej doł.


Alexandrowka 1829

Dźwignyli teroz cerkiewka bioło
By przed Ponboczkym pokłonić czoło
Jeji wezwanie Olka Newskiego
W zocy durś majom tego świyntego.

[broneknotgeld]

Nastympny Niymcow konsek ciekawy
Byda mioł ze niym trocha zabawy
Toż jak harcować mi kedyś przidzie
We gorach Harcu nojlepi bydzie.

[broneknotgeld]

Kalte i Warme Bode

Kalte Bode - Warme Bode
Ciepłe z zimnym trza pomiyszać
Życie moje już niy mode
Dyć tu jeszcze cosik zgrzysza.

[broneknotgeld]

Harz

Te gory jakby kolybka Niymiec
Richtig łobrosły zamkami
Downiyj fest w kruszce bogate ziymie
Aszom sie durś zabytkami.

[broneknotgeld]

W Wernigerode

Z "fachwerku" stare Wernigerode
Lepi wyglondo niż cołkym mode.

[broneknotgeld]

Wernigerode

To tyż ze Harzu piykno perełka
Choć NRD-owsko płyta tu widać
Dyć już minyły czasy "diobełka"
Te miasto zowdy pamiyntać byda

Zamek co stoł już downymi czasy
Dzisioj we barok jest łobleczony
Chałpy na rynku w połni swy krasy
Z "pruskego muru" to przeca domy.

[broneknotgeld]

Quedlinburg

Quitilo warownia postawioł
Łod niego miasto te miano mo
Łon "dobrze godoł" - tako sie jawioł
Harz historyjo ło niym ta zno.

[broneknotgeld]

Goslar

Po prowdzie dzisioj mieścina mało
Nojlepsze lata minyły
Stolicom Niymiec sie być zdowało
Ło tym tyż przeca my wiymy

Pałac cysorza łostoł do dzisioj
Gotyku piykno pamiontka
Ło "Rzymskich" Niymcach świat wtedy słyszoł
Trza Goslarowi dać - piontka.

[broneknotgeld]

"Tale" z Laurastrasy znom
W pamiyńci te łonki mom
Dyć ło inksze idzie tukej
Thale w gorach Hartzu szukej

Toż tam na "Hexsentanzplatzu"
Ździybko żech se połonaczoł
Goniyła mie Baba Jaga
Alech woloł młodszo zgaga.


Noc Walpurgii

Thale cug stary wtedy witajom
Ciuchcia go ciongnie jak z bajki jakiś
Mugole jednak niy wysiodajom
Heksy dioboły i inksze strachy.

[broneknotgeld]

Naumburg

Katedra Pyjtra i Pawła tukej
W niyj Regelindy naszy tyż szukej
Cera Chrobrego durś uśmiychniynto
Czy Ekkeharda jeszcze pamiynto?


Naumburg 1432

Husyty Tabor wiydli w te strony
Z niymi była Prokop niyzwyciynżony
ż Naumburg ciyrpioł skiż oblynżynio
Dyć se łodezwoł tyż głos sumiynio

Toż bajtle fatrom uciykły tukej
I przi Prokopie ich zaroz szukej
Wszyskim se gymby fest ześlintały
Tako Husytow chnet ubłogały

Cud stoł se jakby - historio piśnie
Za swo łodwaga dostały wiśnie
Naumburg se łostoł niyponiszczony
To wydarzynie czczom dzisioj łoni.


"Świynto wiśni husyckich"

Zowdy we czyrwcu Naumburg radosny
Bo bajtle wiśnie kedyś dostali
Z poczontkym lata - ze końcym wiosny
Wspomnom Prokopa i pódom dali.

Sangerhausen

[broneknotgeld]

Sangerhausen

We wschodnim landzie sztela znojdziecie
Kaj Sachsen-Anhalt i łona przecie.
--

Stare miasto

Sangerhausen - miasto stare
Dyć nom zdo sie ciyngym jare.
--

Gruba Łupkow Kukfru

Ano - w Sangerhausen zobytek przezocny
Toż piyrwyj skiż kukfru niyjedyn tu mocny.

[broneknotgeld]

Staro gruba kukfru

Łoziym wiekow mi sie zdo
Tela rokow gruba mo.

[broneknotgeld]

Stary zamek (1260)

Ciyngym w Sangerhausen stoji
Chocioż wieki przeminyły
Se w muzyka teroz stroji
W starych murach nowe siyły.

[broneknotgeld]

Nowy zamek (1616-1622)

Ano - stanoł w końcu nowy
Trocha trwało niym gotowy.

[broneknotgeld]

Jak fyniks z popiołu tu se łodrodziyła
W zjednoczyniu Niymiec biere swoja siyła.

[broneknotgeld]

W gory Harzu

Z Nordhausen mosz bana do Wernigerode
Po drodze przejedziesz dopływy ty Bode
Choć glajzy som wonske dyć wiela radości
Bo przeca ci w sercu Harz cołki zagości.

"Z Nordhausen" - toż wkleja ta fraszka tyż tukej
Bo ty szteli przeca we Turyngii szukej.

[broneknotgeld]

Las Turyński

Las Turyński to gory - nic że cosik małe
Dyć do dzisioj piykne - zielone chnet całe
Na wschodzie przełażom we Gory Łupkowe
Werci se zoglondnońć jak ciekawy czowiek.


Piyrwyj

Piyrwyj tukej gwarki rudy dobywali
Dyć dzisioj by yno na darmo kopali
Zdo sie co świytności czas downo miniony
Przeca to jest piykne co jeszcze niy znomy

Bestoż Las Turyński turysty prziciongo
Łod nowa w historio tych ziym jakby wciongo
Miasteczkom co z osad bergmonow powstały
Wspomino te jejich "czi grosze" do chwały.


"Rennsteig"

Droga graniczno to piyrwyj była
Nikierzy "miedza" w tym widzieć wolom
Toż skiż turystow dzisioj łodżyła
Co sie tutejsze widoki chwolom.


Na szlaku

Kaj byś tu yno te "R" niy znoloz
Wiysz że na "Rennsteig" żeś chopie poloz.

[broneknotgeld]

Bad Frankenhausen

Jak mosz dzieci chorowite
Z niymi tukej se zawitej
To dlo bajtli uzdrowisko
Wiyncy zdrowio szkrab twoj zysko.

[broneknotgeld]

Erfurt

We państwie Frankow Erfurt już był
Fest mu biskupstwo dodało siył
Stond krześcijaństwo poszło w Słowiany
Dyć miecz miast krziża czyńści był dany.


"Furt"

"Furt" to "brod" przeca - na rzece Gera
Ło mianie wiyncy wiymy już teraz.

[broneknotgeld]

Weimar

Piyrwyj małego ksiynstwa stolica
Kery sie richtig łośmioły lica
Do dwoch poetow w Europie wielkich
Toż jejich dzieła niy duperelki.

[broneknotgeld]

Fryderyk Schiller

Wiod swoje życie fest niyszczyńśliwie
Ciyngym se przeca buntowoł
"Zbojcow" sie boły pany strachliwe
Słowym łon ciyngi tyż dowoł

No toż i pomarł Schiller nom młodo
Z rymami mioł dośś utropy
W nich łostoł - niymi do dzisioj godo
Wiydzcie to baby i chopy.

[broneknotgeld]

"Las Bukowy"

Ettersberg - wzgorze wele Weimaru
Dyć niy ma tukej poezji czaru
Rosnoł zaś kedyś tyn "Las Bukowy"
Buchenwald miano wiyncy ci powiy.


Mynczyństwo

Mynczyństwo narodow - dzwon bije na trwoga?
Dyć skuli pamiyńci - tela szkryfnońć moga
Niychej dzwoni zowdy z buchynwaldzki wieży
Oby już niy było dane nom do przeżyć.

[broneknotgeld]

Gotha 1775

Ponoć piyrszy w Niymcach tyjater we Gotha
Kaj aktor mioł etat - dyć to niy gupota.


Gotha 1818

Tukej rechtory handlu uczyli
Toż piyrszo szkoła handlowo
W Gotha - dyć prosza tego niy mylić
Niymiec sie tyczy te słowo.


Gotha 1821

By zaś te "piyrsze" przed łoczy dować
Ubezpieczalnio chcieli zrychtować.


Justus Perthes

Łon wydawnictwo w Gotha założoł
Z kerego piykne atlasy
Gyszeft sie kryńcioł - toż tego dożoł
I dzisioj niy brak w tym klasy.


Adolf Stieler

Toż piykny atlas tako zrychtowoł
Że Perthesowi geld zocny dowoł
No i rozkryńcioł sie gyszeft tyn
Już w łoziymnostym wieku - to wiym.

[broneknotgeld]

Uniwersytet - 1789

W tym czasie Schiller tu rechtorowoł
Ze historyji wykłady dowoł
Bestoż niy zdziwi nikogo teraz
Że uniwerek z mianym Schillera.


"Carr Zeiss Jena"

Wdziynczno być Jyna może Zeissowi
To kożdy w Niymcach przeca ci powiy
Ze czech karlusow kożdy tu rod
Carl Zeiss, Ernst Abbe i Otto Schot.


Ernst Abbe 1840-1905

Z Eisenach do Jeny prziszoł sztudiyrować
Zdo sie tu optyka łon zaczoł "budować"
Dzieloł sie ze światym co wykoncypowoł
Tako swoja wiedza ciyngym inkszym dowoł.


Carl Zeiss 1816-1888

Toż jego żywiołym była mechanika
Bez niyj jak bez rynki ta cołko optyka
Z warsztatu małego chnet fyrma niczego
Abbe doł teorio kunszt jednak istnego.


Otto Schott 1851-1935

Chymik kery wiedzioł czym richtig jest szkło
I jako je robić coroz lepsze szło
Bez niego niy wszysko by sie tu udało
Łod sia doł ty Jynie przeca tyż niymało

[broneknotgeld]

Eisenach

Z czego Eisenach łod wiekow słynie?
Ano z Wartburga - niych to niy minie
Prince Turyngii już przed wiekami
Zdobiyli zamek jakby gwiozdkami.


Walter von der Vogelweide (XII w)

Podbioł łon Wartburg jak cołke Niymcy
Tydziyń go słyszeć - nic niy umynczy
Śpiyw ze poezjom jego - Toż cudo
Inkszym dyć tako sie już niy udo.


Martin Luter

Co ze Wartburgym zwionzało Lutra?
-Spokojniejszego tu czekoł jutra
Princ po kryjomu gościna dowoł
A łon Biblijo przetuplikowoł.


Georg Philipp Telemann 1681-1767

Wiela tu karlus nakomponowoł
Eisenach dugo sztelom był jego
Dyć na Wartburgu kapelmajstrowoł
Już niy zapomnom tukej istnego.

[broneknotgeld]

Jan Sebastian Bach 21.III.1685

Eisenach gniozdym jest piyrszym Bacha
Tu bajtlym lotoł przez dziesiyńć lot
Jeszcze niy musioł sie życiym strachać
Dyć już muzyce był przeca rod.


Eisenach 1896

Już piyrsze auto tukej jechało
Wartburga miano czy wtedy miało?


Tako porka

Wartburg - wzioł zocne miano łod frelki
Zamek historiom swojom fest wielki
Wartburg - zdo ci sie to łod karlusa
Ło auto idzie - szkryfnońć to musza.

[broneknotgeld]

Oberchof - 1470

Już we tym roku tukej dychali
Ci co przez gory te wandrowali.


Oberhof (XIX-XX w)

Kurde - terozki to już niy szpas
Zdo sie że prziszoł nartow tu czas
Dlo Oberhofu dobry to tref
Pulsuje ze tym w niym nowo krew.


Skocznie w Oberhofie

Oberhof zimom skoczniami stoji
Sto lot tu "hopsrom" chnetko sie kroji.

[broneknotgeld]

Dowom Saksonia tukej na końcu
Dyć niychej land tyn leci ku słońcu.

[broneknotgeld]

Kaj Łużyce?

Po czyńści tyż wyży
Dyć teroz dom niży.

[broneknotgeld]

Rudawy - Ercgebirge

Srybło w tych gorach nojpiyrw łodkryli
Potym za inksze rudy se wziyli.


Fichtelberg

Nojwyrszo w Niymcach wschodnich to gora
Choć se Rudawy niy kryjom w Chmurach
Dyć trza mieć w zocy tutejsze smreki
We mianie nawet skryte na wieki.


"Oberwiesenthal"

"Wysoko dolina pokryto łonkami"
Czy to prowda dzisioj? -Zoglondnijcie sami
Ston banom linowom wygodnie wjedziecie
Na wiyrch Fichtelbergu - werci sie wom przecie.

[broneknotgeld]

"Sasko Szwajcario"

Gory Piaskowcowe ta "Szwajcario" tworzom
Choć niy som za wielke przeca cosik wożom.


Adriann Zwing

Szwajcarski malyrz - co sie dziwocie?
-Łobrozkow jego cosik niy znocie
Dyć łon ty szteli doł zocne miano
"Sasko Szwajcario" niychej jest znano.


Gory Piaskowcowe

Gory turystykom żyjom
Przed łoczami sie niy kryjom
Cuda swoje pokazujom
Niychej ludzi durś dziwujom.


"Steine"

Tych gor stołowych skał i kamyni
Przeca niy mogło być tukej myni
Kształy fikuśne majom nikere
Zdo sie natura za bozna biere.


"Grosser Winterberg"

Niy dość że wielko i tyż zimowo
Jeszcze do tego jest bazaltowo
Kaj se zoglondniesz - cosik z piaskowca
Ta gora jakby tu "czorno owca".


"Doły Szwedzke"

Zdo sie w tych gorach jakby przikopy
Dziwujom tymu sie baby chopy
Potoczek tukej tyż piykny płynie
Toż se zochwycisz we ty dziedzinie.


Czamu "Szwedzke Doły"?

Szwedow w tych dołach ponoć niy było
Dyć se przed niymi wiela schroniyło
W czidziestoletni wojnie tu czasach
Ratunek czynsto w gorach i lasach..

[broneknotgeld]

Rathen

Dzisioj tu piykne jest uzdrowisko
Zdrowio niyjedyn wiela łodzysko


"Baszta"

Do "Baszty" zońdziesz z Rathen szłapcugym
Z niyj na "Szwajcario" blik bydzie dugi.


700 schodow

Zdo sie ze ze "Baszty" za dużo tego
Toż żeś we "Dołach Szwedzkich" kolego.


"Ratin"

Toż grod warowny piyrwyj tu stoł
Pozor na Łaba ciyngym łon mioł.


Gorne i Dolne

Gorne po lewy Dolne po prawy
Z promym na Łabie trocha zabawy
Dyć rzeka skrynco tu malowniczo
Rathen pokoże ci piykne lico.

[broneknotgeld]

Lipica

Osada słowiańsko Lipica tu była
Z lipy swoje miano przepiykne se wziyła
Niymce jom podbiyli - grod wybudowali
Bestoż se ło Lipsku pogodomy dali.


Lipsk - 1165

Ponoć z tego latoś richtig Lipsk jest rod
Łoziymset sztyrdziści mo miasto już lot.

[broneknotgeld]

Piyrwyj

Słowiańsko osada rybacko tu była
I brod przez ta Łaba - w niym tyż jakby siyła


Drezno 1216

W dziesiyńć lot po wzmiance piyrszy
Prawa miejske grod już mo
Lata lecom - chnet nojwyrszy
We Saksonii łon sie zdo.


"Okres augustyński" 1694-1763

Miasto rozkwitło richtig w tych czasach
A Polska słabła ciyngym przi Sasach
Dyć co tam - Drezno zdowo sie boske
Gryfnieje bardzi niż miasta włoske.


August Mocny

Znało go Drezno - znała Warszawa
Niyjedna przeca z niym popijawa
"Zelter" przi tymu do gowy bioł
Bestoż czasami pomysł tyż wzioł
Kery sie zocny możno mu zdowoł
Dyć kończoł potym richtig niyzdrowo.

[broneknotgeld]

Z Augustym Mocnym

Z Augustym Mocnym Drezno gryfniało
Zdo sie - z Paryżym jakby ścigało
I choć na wiela zabrakło złota
Dlo miasta wcale to niy gupota.


Zwinger

Mury przi zamku kaj dubeltowe
Tyn "zwinger" miały - miano doł czowiek
Woje świczyli miyndzy murami
Po to to było - dyć wiycie sami

We Dreźnie jednak "Zwinger" jest inkszy
Zdo sie skiż tego w świecie nojwyrszy
Wielko stanyła oranżeryjo
Mioł August Mocny ze tym mecyjo

Dyć w końcu prziszło - syna "wydowoł"
Jeszcze tyn "Zwinger" se rozbudowoł
Sale galerie gryfne powstały
Brama Krolewsko za wjazd dostały.

[broneknotgeld]

M.D.Poppelmann 1662-1736

Architekt kery Drezno wzioł w rynce
Wielko swo sztuka przed łoczy dowoł
Rosło przepiyknie - niy w jakiś mynce
Łon jego tworcom - tako sie zdowo.


Balthazar Permoser 1651-1732

Czym barok w rzeźbie bez Permosera?
Myśla że niczym - tako cholera
Łon "krolym" Drezna w tych czasach zdo sie
Durś dłuto jego we łoczach mo sie.


Gottfried Semper (XIX w)

Z Akadymiji Architektury
Drezno łon stowioł ciyngym do gory
Jego projektu tyn gmach opery
Syn sie wzioł za nia - to niy som bery.


"Floryncjo nad Łabom"

Tako przed wojnom te Drezno zwali
W sztyrdziestym piontym jednak przestali
Nalot bombowy jak "koniec świata"
Zdo sie co miasto w gruzach przez lata
Dyć przeca dźwigło sie - zaś tu nowe
Na duge lata niychej jest zdrowe.

[broneknotgeld]

W sztyrdziestym piontym

Zdo sie tukej słychać ciyngym yno płacz
Europo - na Drezno se terozki pacz.


Opera Sempera 1945-1985

Przez rokow sztyrdziści jyj tukej niy było
W końcu ze tych gruzow nawet to łodżyło.


Richtig stare Drezno

Tego już dzisioj niy znojdziesz tukej
Na Canaletta łobrozach szukej.


Kraszewski w Dreznie

Ignacy Kraszewski w Dreźnie pomiyszkiwoł
Toż jego muzeum tyż tukej niy dziwo.

[broneknotgeld]

Johann Friedrich Bottger

Za fatra mioł Johann majstra mynniczego
Dyć jymu marzyło sie cosik inkszego
Po co pigulorza w Berlinie praktyka?
Toż ciyngym alchymii chciało mu sie tykać

Już klachy leciało co srybne dwa groszki
We złote zamiynioł bo mioł jakeś proszki
Yno władca pruski se ło tym dowiedzioł
Trza mu było zmykać - już na koniu siedzioł

I znoloz sie pryndko we saski dziedzinie
Chocioż los paskudny tyż go tu niy minie
Zaroz wpod we rynce Augusta Mocnego
Jak zowdy na złoto richtig pazernego

Na nic jego mynki - nadarymne to to
Prziznoł sie krolowi że niy wyńdzie złoto
Dyć prowda na psinco jakby mu sie zdała
Niywola na zamku ciyngym przeca trwała

Bo kaprys krolewski teroz dlo łodmiany
Życzoł se łod niego gryfny porcelany
Dali trza sie mynczyć - to już niy gupoty
Bottger zdo sie gasnońć łod taki roboty

Cud jednak tyż prziszoł - wschod skapitulowoł
Porcelana władcy alchymik już dowo
Na kery Saksonio se teroz wzbogaci
Toż za te szkorupy złotym trza jyj płacić.


1709

Zdo sie to jakby rok łod Bottgera
Mo porcelana Saksonia teraz.

[broneknotgeld]

13.II.1945

Śmierć spadła z nieba
Czy było czeba
richtig te Drezno łobrocić w gruzy?
Wojna złym zowdy i niy trza muzy
kero by czasy take chwolyła
Kunszt niebym przeca a piekłym siyła.

[broneknotgeld]

Most Augusta (1731)

Ze tego mostu kery na Łabie
Ta gryfność Drezna tyż przeca widać
Mioł August Mocny siyła we grabie
Dyć kunszt tyż w zocy - prowda trza by dać.

[broneknotgeld]

Pałac Krolow i Elektorow

Po drugi wojnie dugo w ruinie
Szczyńście go teroz wielke niy minie
Łodbudowujom przeca łod nowa
Czymu se dziwi niyjedna gowa
Za rok gyburstag Drezno mo przeca
Łoziymset rokow miejskego neca.


"Krzidło Jerzego"

"Krzidło Jerzego" pałacu stoji
Łone już Drezno przepiyknie stroji
Robiom wytawy tukej ciekawe
Choć przeca z ruin dzwigli to prawie.

[broneknotgeld]

Brama Jorga

Jest "Krzidło Jorga" toż brama tako
Przez nia tu idziesz na galeryje
Wystawy miyniom - durś niyjednako
Dyć se tym aszom - to niy mecyjo.


"Hausmannturm"

Piykno wysoko jorgowo wieża
Z niyj se na Drezno przeca poblikosz
Ćmok cie zastanie - w to jo uwierza
Łoczy upasiesz i niymi rzykosz.


"Komnaty Lustrzane"

Cuć że łostały po drugi wojnie
Dlo szpigla czasy to niyspokojne
Dziwy w pałacu ślypia radujom
Pokoj już teroz - to chyba czujom.

[broneknotgeld]

Katedra Trojcy Świynty 1738-1755

Barok niymiecki z włoskim zmiyszali
Na taki muster jom zbudowali
Wieża mo piykno - richtig wysoko
Łona naprowdy cieszy nom łoko.


"Włosko Wioska"

Katedra dźwigli Italyjoki
Ze "Włoski Wioski" mieli dwa kroki
Saski pioskowiec zdoł sie im "glinom"
Świodectwa kunsztu niychej niy minom.


"78"

Posongi świyntych ciynżko zrachować
Jak se pomylisz zacznij łod nowa
Zdo sie ich tukej jakby za wiela
Asi sie niymi jednak ta sztela.

[broneknotgeld]

Co August Mocny we gowie mioł
Syn zaczoł stowiać bo los tak chcioł
We protestanckim mieście stanyła
Katedra kero inkszym służyła

Zdo sie niy cołkym po krola woli
Procesjo w srodku- to przeca boli
Dzwony niy dzwoniom na piykny wieży
Dyć wnet to przidzie - możecie wierzyć.


Katedra drezdyńsko 1806

Dzwoniom w katedrze piyrszy roz dzwony
Saksonio teroz krolestwym momy
Choć yno z łaski Napoleona
Jednak już bydzie w doma korona.


Katedra 13.II.1945

Zniszczoł i katedra nalot tepichowy
Tragedyjo w Dreźnie - niych świat zowdy to wiy.

[broneknotgeld]

Odbudowa katedry 1962

Coby niy pedzieć ło NRD
Przeca łod nowa stowiać jom chce
Na zapomniynie niy jest skazano
Zaś tukej stoji - blyszczy co rano
Do chwały Pana te Drezno woło
W cołki djecezji ze niom wesoło.


1980

Dekretym papieskim katedrom se stała
Drezdyńsko-miśniyński djecezji bezmała
Tako nasz Jan Paweł Dreznu sprowioł radość
Niyszczyńścia już przeszły - we tym jakby zadość.


Łorgany Silbermanna

Se w katedrze na nie teroz dziwujecie
Piyrwowzor na zowdy zniszczony już przecie
Dyć kunszt Silbermanna i tako zochwyco
Ucho uraduje rozjaśni tyż lico.

[broneknotgeld]

"Semperoper"

Architekt miano operze doł
Tyn Gottfried Semper wiedzioł co broł
Zdobył tym sława choć jeszcze mody
Opera dała szyroke wody
Monachium Wiedyń i Hameryka
Po Dreźnie zaczły ło niego "rzykać".


Semperoper 1841

Piyrszo opera co za Alpami
Cudo - toż przeca wiycie to sami
Z La Scalom łona idzie w zawody
Nikierzy prawiom co "lepszy wody".


Semperoper 1869

Nic że przibytek to piykny muzy
Że tu śpiywali już przeca tuzy
Łogyń w tym roku trowi opera
Zgliszcza łostały - jasno cholera!

[broneknotgeld]

Semperoper 1878

W Dreźnie radocha - łodbudowano
Zaś ku uciesze muzy jest dano
Opera blyszczy na poł Europy
Fyniks co wyloz z łognia utropy.


Semperoper 1945

Ano - ze dreznym i łona leży
Dyć łodbudujom choć trudno wierzyć
Tymu kto widzioł wszysko we gruzach
Kaj bomby lecom tam niczym muza.


Krol Jan (1801-1873)

Wele opery mosz krola Jana
Zdo sie Dantego jakby kompana
"Bosko Komedio" łon tuplikowoł
Doł po niymiecku czy mi sie zdowo?

[broneknotgeld]

"Semperbau"

Galeryjo Łobrozow tu "Semperbau" zwom
Za niom już tyn Zwinger drezdyński dyć mom.


Zwinger

Dźwigli tyn Zwinger po drugi wojnie
Dzisioj go zwiydzać idzie spokojnie
Toż zoglondajom tukej wandrusy
Bez niego Drezno zdo sie bez duszy.


"Brama Koronno"

"Łuk tryjumfalny" zdo mi sie swojski
Przeca korona złoto ze Polski
I sztyry orły take tyż tukej
Ano - Wettyna we Polsce szukej.

[broneknotgeld]

"Herkules Saxonius"

Tak August Mocny karlusa zwoł
Kery we rynce cołki świat mioł
Ciyngym w Cwingerze go przeca widać
Choć inksze miano możno trza by dać.


"Nimfy w kompieli"

Bych se połoglondoł je
Ze nimfami niy ma źle
Dyć dymony i satyry
W ślypiach podziw majom szczyry
Kunszt w tym wielki Permosera
Prza go wspomnieć przeca teraz.


40 dzwonkow

Sztyrdziści dzwonow - tyn kurant znosz?
Toż porcelana miśniyńsko mosz.

[broneknotgeld]

Pałac Taschenberg

Dziesiyńć lot tukej frela miyszkała
Hrabina Cosel - tako sie zwała
Tyn pałac zdoł sie dlo niyj oprawom
Dyć jak już jeji wdziynki niy bawiom
Co tref jyj zdarzoł? -Krolewski hereszt
Saksońśki Stolberg zaroz jom biere.


"Altmarkt"

Na Starym Rynku życie durś were
Stond Drezno swoje siyły tyż biere.


"Drezdner Striezelmark"

Przi Godach wielki jarmark świonteczny
Toż łon we Dreźnie zdowo sie wieczny
Co roku żyje niym cołke miasto
Ale do zimy jeszcze dyć czas to.

[broneknotgeld]

"Kreuzkirche" - 1900

Kościoł se łostoł po drugi wojnie
Świynty Krziż widać go chronioł
Do dzisioj stoji se tu spokojnie
Niy czeba by ktoś go bronioł.


Drezdyński Chor Św. Krziża

Jedyn z nojzocniejszych zespołow dzieciyncych
We cołki Europie richtig dobrze znany
Tu głos swoj trynuje - kościoła niy zmynczy
Przeca se tym cieszom wszyske jego ściany.

[broneknotgeld]

Ze wieży Kreuzkirche

Na wieża tukej wpuszczom wandrusa
Bliknońć na miasto se tako musza.

[broneknotgeld]

Ratusz

Ratusz we reźnie z wysokom wieżom
Blyszczy figurom sie złotom
Piyńć metrow epno - czy w to uwierzom?
Sto metrow w gorze jest toto.

"Bachus na łosle"

Krynca w piwniczki tego ratusza
Inkszo figura łoglondnońć musza.


Jego paluch

Paluch Bachusa jest wygłaskany
Szczyńściym dyć darzy aż "murowanym"
Zaroz trza łobloć to flaszkom wina
To ci radocha - tako nowina.

[broneknotgeld]

"Gewandhaus"

Sukiynnice były w łoziymnostym wieku
Teroz z tego hotel - przezocny czowieku.


Landhaus 1770-1776

Klasycystyczny muster mioł piyrszy
Dyć niy skiz tego zdowoł sie wyrszy
W niym władze landu przeca siedziały
Posłuch we kraju po krolu miały.


Muzeum Historyczne Miasta Drezna

Landhaus leg w gruzach - łodbudowali
Toż tu muzeum takowe dali.

[broneknotgeld]

W KATEDRZE DREZDYŃSKI

Ambona Permosera

Cacko z aniołkami przed łoczy fest skoko
Baltazar Permoser - majster łod rokoko
Tako prawy filor katedry łozdobioł
Zdo sie niyjednego we kunszcie tym "pobioł".


Ołtorze

Ołtorze se Mengsa łobrozami aszom
Wiara w duszy budzom i nigdy niy gaszom
Widzisz "Syn Józefa" tako "Wniebowziyńcie
Na niypokalane bliknij tyż poczyńcie.


Pieta 1973

Ze miśniyński porcelany
Kunszt w nia po to tyż jest dany
By w pamiyńci to łostało
Co se z Dreznym w wojna stało.

[broneknotgeld]

W Katedrze Drezdyński

49 Wettynow

W krypcie ich znojdziesz wele ołtorza
Tela jo szkryfnońć yno se woża.


Serce Augusta II Mocnego

Ciało już na zowdy Polokom łostało
Dyć serce Wettyna tu prziwandrowało
Saksoński stolicy krol nojbardzi pszoł
Choć korona polsko na gowie swyj mioł.


Ciyngym "żyje"

Ło sercu krolewskim nikerzy to prawiom
Że łone we urnie jakby ciyngym żyje
Pryndke bicie słychać jak se frelki jawiom
Łoj z Augustym Mocnym miałyby mecyje!


Toż możno i dobrze że los tako sprawioł
Co ciało krolewske łod urny daleko
Ze urny by wyloz i z frelkom zabawioł
Przeca serce bije - zdo sie na to czeko!

[broneknotgeld]

Pillnitz 1706

Gyszynk łod krola
Cosel szczyńśliwo
Możno i pszonie
Sasa jom dziwo

Dziesiyńć lot tako
August zoglondoł
A potym jako?
We hereszt jom doł.


Pałac w Pillnitz

Jako ze bajki tyn pałac tukej
Szecherezady w komnatach szukej
A znojdziesz możno grafini ducha
Jyj miano Cosel - chciyj jom wysłuchać.



Pillnitz 1791

W Pillnitz łobgodali
Co z Francyjom robić
Jako republika
Dałoby se dobić.

[broneknotgeld]

Ze Drezna...

Ze Drezna Łabom tukej dopłyniesz
Se zamek Pillnitz po drodze miniesz
I już jest Pirna - krainy wrota
Gor Piaskowcowych a niy ze złota.



Pirna

Piaskowiec z Pirny Drezno budowoł
I Kopenhaga tako radowoł
Stond kamiyń zowdy Łabom spłowiali
Czynsto ze Niymiec płynoł tyż dali.

[broneknotgeld]

Redebeul

Kaj wzgorze Losnitz Redebeul nojdziesz
Po prowdzie piechty ze Drezna dojdziesz
Już na winnice tukej zoglondniesz
Niym we zwiydzanie miasta se wprzongniesz.


Muzeum Karola Maya

Zdo sie Winnetou tukej se rodzioł
Bo z tego doma karlus pochodzioł
Co szkryfloł wiela ło indianerach
Toż niy dziwota - muzeum teraz.


Karol May (1842-1912)

Niyjedyn bajtel ze niym se dziwo
Na Hameryka i gowom kiwo
Bo zdo sie widzi przi tym Apacza
A jo rym ło tym yno łonacza.


"Ostbahnhof"

Na tym banhofie cug cosik mały
I glajzy zdo sie tyż wonske tukej
Do Radeburga dojedziesz cały
Moritzburg z drugi strony se szukej.

[broneknotgeld]

Pojezierze Moritzburske

Dyć Moritzburske tyż Pojezierze
Bestoż trza szkryfnońć tu cosik
Jo przeca robia to w dobry wierze
Tako dołoża swoj "grosik".


Maurycy Saski (XVI w)

Maurycy Saski Pałac postawioł
Jak gon był tukej to w niym se bawioł
Na samym cyplu wbitym w jezioro
Przeca ze princa niy był tyn borok.

[broneknotgeld]

Moritzburg

August II Mocny dołożoł mu krasy
Przeca gon dlo niego zdo sie był żywiołym
Co zbytek to na to krol jest ciyngym łasy
No i tyż kompanym tu piyrszym za stołym.


Rogi

Nojwiynksze rogi jelynia zdo sie
We Moritzburgu znojdziecie
Prziprawić take - utropa mo sie
Dyć trza fest baby tyż przecie.


Prostokontne

Wszysko tukej prostokontne - pałac park jezioro
No i wyspa tyż bo przeca niy mogło być koło.

[broneknotgeld]

Bażańciarnio

Niy yno fazanom tukej żeś se dziwoł
Możno ornitolog tu niyjedyn bywoł.


Gondola

August Mocny we gondoli
Możno tymu sie dziwicie
Z frelom tako pływać woli
A co dali? -Sami wiycie.


Park na wyspie

Park na wyspie tyż rokoko
Co rusz posong w łoko skoko.

[broneknotgeld]

"Mydelniczka"

Stond ta "mydelniczka" znomy
Jakby pomnik NRD
Przed łoczami we tym momy
Wrocić czas tyn - czy ktoś chce?

[broneknotgeld]

"Trabant"

Autko dlo ludu
Na miara cudu.


Zwickau

Pytej ło Zwickau se melomana
Sztela Roberta to jest Schumanna
Kery sie tukej przeca urodzioł
I chnet swo Muza po Niymcach wodzioł.


Skiż sukna i srebła

Skiż sukna i srebła wpiyrw te Zwickau rosło
Dyć z czasym do wonglo tyż wiela tu poszło
Jednak ze "Trabantym" zdo sie wielko sława
A dzisioj ze tego łostała zabawa.

[broneknotgeld]

Seiffen

Zimom na nartach piyknie szusujesz
Zdo sie przi tymu - szwong w sercu czujesz
Toż piyrwyj żyli tukej bergmony
Ruda kopali ciyngym na tony

Dyć w końcu brakło taki roboty
A życie ciynżke - to niy gupoty
Bestoż za drewno trza było chycić
Zabawki gryfne ze tego sklycić.


Zabawki z Seiffen

Zdo sie - we cołkim świecie je znajom
Choć w zocy jakby już myni majom.

[broneknotgeld]

Freiburg

Srybło tu znodli - miasto urosło
I do znaczynio we Niymcach doszło
Na niym Saksonia sie bogaciyła
Przez wiela wiekow ze srybła żyła.


Akadymio Gorniczo 1765

Tukej tyn toast w gyburtag spełnia
-Za piyrszo w świecie tako uczelnia.

[broneknotgeld]

Chemnitz

Pewno "Karl -Marx-Stadt" durś pamiyntocie
Dyć teroz Chemnitz na powrot mocie.


Toż woda...

Toż woda w rzece Chemnitz durś płynie
I se przidlondo miejski dziedzinie
Kero zaś mianu swojymu pszaje
To historyjo - niy jakeś baje.

[broneknotgeld]

Chemnitz 1357

Chemnitz prziwilej erbło w tym czasie
Bielynio płotna - wiydz to mamlasie
Za tym tu handel lnym drapko prziszoł
Sie wzbogaciyło - ło tym żeś słyszoł.


W szesnostym wieku

W szesnostym wieku już sprowadzali
Bawełna z kery tkaniny tkali
Toż zdo sie jakby tu Hameryka
Dyć spadła za tym tyż chnetko kryka

Pierońsko wojna - wiek siedymnosty
Zdało sie prziszły ze niym tu chwosty
Z ruin se jednak wszysko dźwignyło
Chemnitz w Saksonii zaś mocne było.

[broneknotgeld]

Piyrszo stolica Saksonii

Piyrszo stolica Saksonii w Miśni
Choć to żodnymu sie już niy prziśni
Dyć tysionclecie liczom już druge
I niychej bydzie zdrowe i duge.

Miśnia 928

Skiż woli krola Hynryka I
Zamek na szkarpie "dżwignyli"
Po myśli przecabyło to jego
Coby durś Niymce tu byli.


Marchio Miśniyńsko 965

Bez niyj Saksonii dyć by niy było
Stond co niymiecke sie "rozmnożyło".


Stolica

Piyrszo Saksonii Miśnia stolicom
Piyńć wiekow richtig sie ze niom liczom.

[broneknotgeld]

Piyrszy zamek miyszkalny

Piyrszy zamek w cołkich Niymcach krol se tu zbudowoł
W kerym chrapać mog we nocy - rano zdrowy stowoł.


Trza by

Kaj potok Trebisch wpływo do Łaby
Łod wiekow Miśnia już stoji
Zoglondnońć tukej kedyś mi trza by
Moż no to w życiu se "skroji".


Stare miasto

Miyndzy zamkym a potokym
Zdo sie stoji jakby bokym
Se na rynek tu pokukej
No i dziwow tyż poszukej.

[broneknotgeld]

Muzeum Miejske

Znojdziesz je pryndko w downym kościele
To niy nojwiynkszo atrakcjo sztele
Tyż przi niym stoji Studnia Hynryka
Bliknij i dali trza ci pomykać.

[broneknotgeld]

Kościoł Maryji Panny

Piyrsze na świecie tu take cudo
Możno na wieża wlyźć ci sie udo
Kurant łoglondnońć ze porcelany
Skiż tysionclecia miasta tu dany
Muzyka jego jedyno w Miśni
Toż niychej niyroz tyż ci sie prziśni.

[broneknotgeld]

Katedra miśniyńsko

Ewangelisty świyntego Jana
No i Donata łona wezwania
Łod czinostego wieku tu stoji
Gotyk rożnisty we niyj se stroji
Dyć wieże dugo jyj budowali
W dwudziestym wieku aż wykończali


Plac Katedraly

Katedra przi niym i zamek tyż
Choć pewno ło tym już downo wiysz
Tu wiela przeca uliczek wiedzie
Langsam - niy musisz pylać na przedzie.


W katedralny kaplicy

W kaplicy Jorga dyć Brodatego
Tryptyk Cranacha znojdziesz Starszego
Na kerym Krystus Ciyrpioncy jest
I mario z Janym ślintajom fest.


Lichtorze

Lichtorze w katedrze piykne z porcelany
Tyn "skarb" jest Saksonii przez Bottgera dany
Dyć kunsztu Kaendlera som łone zocnego
Przez inkszych we Miśni niydoścignionego.

[broneknotgeld]

W katedrze miśniyński

W katedrze miśniyński Ksionżynco Kaplica
Wettynow nagrobki ci przidom przed lica
Ło kunszcie ich cosik szłoby tu "poklachać"
Dyć styknie wymiynić Durera Cranacha.


Wpiyrw

Wpiyrw na tym miejscu romańsko stoła
Niym se we gotyk przepiykny "skroła"
Z piyrszy świontyni cosik łostało
To Magdalynie przeca sie zdało
Bestoż trza bliknońć do jyj kaplicy
Jak chcesz katedra cołkym "zaliczyć".


We prezbiterium

We prezbiterium posongi sztyry
-Do dwoch patronow tu rzykej
Ku Ottonowi cie niesom gyry
Na Adelajda tyż blikej.

[broneknotgeld]

"Domkeller"

Hehe - zoglondnońć tyż tukej zdo sie
Bo po katedrze jakby brand mo sie.


"Vincent Richter"

Piyknie posiedzieć se "u Richtera"
Przeca durś w Miśni niy bydziesz szperać
Niychej cie skusi przi dźwiyrzach beka
Niy dowej winu na siebie czekać.


"U Richtera"

Pruski mur i staro prasa
Zocne wino - dobra nasza
W ty tawernie wypijymy
Możno tyż se zabawiymy.

[broneknotgeld]

Kościoł św Mikołaja

Nojstarszo w Miśni świontynia
Romańsko - to niy nowina.


W kościele św Mikołaja

Ze porcelany znojdziesz tu matki
Ze porcelany tyż jejich dziatki
W świecie podobnoś łone nojwiynksze
Dyć serce przi tym zdowo sie miynknie
Bo dynkmal ofiar to piyrszy wojny
Pamiyntać czeba choć czas spokojny.

[broneknotgeld]

Zamkowo gora

Powiy ci ło tym zamkowo gora
Że na niyj piyrszo manufaktura
We Albrechtsburgu wyrychtowali
Stond "biołe złoto" szło potym dali

Dzisioj to jednak wspominki yno
Z czasow jak Miśnia richtig jedyno
Robiyła cuda ze kaolinu
W cołki Europie - dyć czas tyn minoł.


Miśniyńsko porcelana

Dwa modre miecze to jeji znak
Łod downa przeca ze tym jest tak.


Do fabryki porcelany

"S-bahny" tukej kończom se glajzy
Niy pożałujesz jednak ty rajzy.


Joachim Kaendler

Kunszt jego zowdy do łoczu skoko
Porcelanowy majster rokoko
Cuda łon zakloł we kaolinie
Już historyjo tego niy minie.


"Sala Wystawowo" - "Schauhalle"

Toż "werk porcelany" tym we Niymcach słynie
Że jest nojzocniejszy we cołki dziedzinie
Co jest nojgryfniejsze wystowiajom w sali
By sie tymu wszyscy ludzie dziwowali.


"Biołe złoto"

To porcelana tym "złotym" przeca
Choć dzisioj zdo sie - na wyrost kleca.

[broneknotgeld]

Albrechtsburg

Kaj piyrwyj zamek krolewski stoł
Arnold z Westfalii swoj kunszt tyż doł
Toż zamek-twierdza tu wybudowoł
Wettynom przeca siedziba stowioł

Dyć niy dokończoł co zaczoł tukej
Już Elektora we Dreźnie szukej
Miśnia stolicom być z tym przestała
Ale "siedziba" przeca łostała

I choć surowo dzisioj nom zdo sie
Miasto ze zamkym tyż dobrze mo sie
Muzeum miejsce tyż se zagrzoło
Przeca niy musi być aż wesoło.


Piyrszo manufaktura

Co czowiekowi to sie niy prziśni?
Już porcelana robiom we Miśni
Wedle krolewski to przeca woli
Dyć tyż skiż tego co tu kaolin.


Miśniyńske wina

Toż wele Miśni winorośl rośnie
Leje sie winko tukej radośnie
Życie szczyńśliwszym se jakby zdo
W mieście co własne winnice mo.

[broneknotgeld]

"Konigstein"

Nojwiynkszo gorsko twierdza Europy?
Toż tak godajom nikere chopy
Dyć jest perełkom Szwajcarii Saski
Tego niy szkryfnie żodyn ze łaski.


"Lapis Regis" - 1241

Wpiyrw tukej wzniyśli tyn zamek czaski
Zdo sie już wtedy "kamiyń krolewski"
Granica przeca tyndy leciała
Marchio Miśniyńsko z Czech łodgrodzała.


W XV wieku

Wettyny zamek w ryncach już majom
Twierdza wielgachno chnetko stowiajom
Kery łoblegać żodyn niy bydzie
No bo po prowdzie - co z tego przidzie?

[broneknotgeld]

Mosty zwodzone

Do twierdzy ty wiodły czi mosty zwodzone
Czy richtig do dzisioj łostały sie łone?


W twierdzy

W ty twierdzy przez wojna elektor se chronioł
Dyć nigdy przed wrogym sie tukej niy bronioł
Bestoż prowda we tym jakby ktosik pytoł
Co jest to forteca richtig niyzdobyto.

[broneknotgeld]

"Brunnenhaus"

Głymbinowo studnia tyn dom ciyngym chroni
Do dzisioj se wody tyż możesz z niyj napić
We ty skale lity dowiercić sie toni
Szejść lot potrza było - by dzisioj pogapić.

"Magdalenenburg"

Tukej w piwnicach wino skłodali
Szkoda że niy ma tako tyż dali.


Sejf

Kazamaty Konigsteinu sejfym czasym były
Tu sie wszyske skarby Drezna wygodnie mieściyły.


Konigstein 1949-1955

Herest we twierdzy dlo tych na anty
Fest im komuna gładziyła kanty.

[broneknotgeld]

Pewno se tukej tyż pobronczycie
Tako w dźwiganie wontku włonczycie.

[broneknotgeld]

Mało ludzie recynzujom
Tako wcale niy radujom.

bania

[Gość: paulek leberko]

Slonzok ze fraszkom zou zowzdy w zgodzie
Gorol i Miymiec kaj indziyj w modzie.
Miymiec i Gorol sam ino we gosciach
Kere nom wzdycki idom po kosciach
O tym's zapomniou skuli szkryflania
Bezto do smiychyu dostous ta bania.

[broneknotgeld]

Jako to "bania"? Toż "wet za wet"
Możno na Ślonsku już przidzie chnet.

[Gość: paulek leberko]

Ida o weta
Slonzok bez zuosci
Ale Gorolom
Pondzie we kosci

Chociosz mynszosciom
Do nich my niy som
To my som narod
Niych sam to suyszom

Ganba im niyma
Cyganic sztyjc
Bezto nom pocza
W rymy to wplyc

[ciupazka]

Czytam, czytam, nie dowierzam,
Odwet bierzesz, na pohybel im?
Hej! Pozdr.

[Gość: paulek leberko]

Niy niynawisci
Ja rozumowi
Slonzok durch bydzie
"Na zuosc" sejmowi

[broneknotgeld]

Czy sie czasy pomiyniyły?
Czy durś take jake były?

Puacki sie same cisnoom do uocoow!

[Gość: pasikoonik]

Tu uo pjerdouah jak w Badyn-Badyn.
Tam z familokym, co ... szkodyn godyn!

Uobulac' majoom, kaj Janosz przeca,
Szloonzek zagarniou na zas', ... do neca.

Ze kjerym poszou we S'wjot daleki
i kwolba Ziymi przinioos na wjeki!

Pjyrszy niy przeloonk sie uodpoworzyc'
kreola pjyknos' inkszym uotworzic'!

Do tero puacki wycisko Nooma
z "Holoonka" buha korzdius'ko "krooma".

Bydzie sie hihrac' kciec' koomu jesce,
kej poo Niym niszczoom na Pamjyn'c' MJEJSCE?!

[broneknotgeld]

Janosch

Z jego Cholonka słynie Zaborze
Choć kajś żech słyszoł że coś niy może
Szczimać tyj prowdy ze ksionżki kartek
Godali że to niywiela warte

Widać jest tako już polityka
Prowda przez palce ludziom umyka
Niy zawsze blikać sie chcom na siebie
Szkryflo sie piyknie yno ło niebie

A ziymia przeca mo swoje prawa
Nojpiyrw ślintanie potym zabawa
Zawsze sie idzie ździybko zchacharzyć
Czasym tyż za tym trocha pomarzyć

Z tego marzynio bajki Janoscha
Ło nie jo ciyngym dlo dzieci prosza
A zy mnom przeca cołko Europa
Gafto na kartki ze Zabrza chopa

Jak mały bajtel łobrozki widzi
I nad czytaniym chce mu sie biydzić
We tym tyż sztuka wielgo karlusa
W jego łobrozkach ślonsko jest dusza

Bestoż go lubiom dzieci Europy
Z kerych wyrosnom porzondne chopy
I nasze wszyske pszone durś frelki
Powiym że Janosch Ślonzok jest Wielki.

[Gość: paulek leberko]

Janosz po Zabrzu lotou za bajtla
A tera zrobiom mu z doma plajta
Wszyko wbybulom Hadziaj z Gorolym
A potym miyszkac bydom pod stouym

Tak to juz lotkow dziesiontkow szesc
Tradycja slonsko furt musi niysc
Kajsik do Niymiec, kajs na Majorka
Bele co Gorol habiou do worka

Ale roz pynknie hadziajski miech
To sie okoze kery mo pech
We tynczas przidom nazod Slonzoki
I se postowiom zas familoki

Blank nowoczesne je obsztalujom
Niych sie we Zabrzu tysz juz richtujom
Bydzie we siyni juzas blank glanc
No i ze Franka zas bydzie Franc

I zas bydymy po placu lotac
No i po slonsku ino labrowac
Zuru nawarzy nom juzas Cila
Niych dyc juz przidzie zas tako chwila

A tak narazie biyda klepiymy
Ze Gorolami sie nerwujymy
A niych w nich pieron roz rombnie srogi
I niych szczewiki wrazom na nogi

Niych sie wybulom poua Warszawy
Rzeszow, Biauystok abo Puawy
Jo im za bilet moga zapuacic
Bele ze Slonska chcieli sie stracic

[broneknotgeld]

To już niy bojka - to polske dzieje
Djoboł ze tego sie yno śmieje
Pewno na Zabrze nasłoł beboka
By ślonske dusze wciongoł do ćmoka

[Gość: paulek leberko]

Kaj tera bebok miyszko we S'lonsku
Zostou sie ino ostoc' w tym konsku
Niyma juz nikaj we Zobrzu dziobua
Po c'moku w izbie biyda se siodua
Macho nom krykom i cycko gnot
Bo Hodziaj wszyc'ko inksze juz ziod
To juz niy bojka - to polske dzieje
Gorol z beboka sie ino smieje
"STRACHY NA LACHY" tako godajom
I za Europa sie zabiyrajom

[broneknotgeld]

Przeca wiysz dobrze - Czarniawka płynie
We ty zabrzański zocny dziedzinie
Piyrwyj dwoch światow granica zdo sie
W dwudziestym drugim "słupy" tu mo sie
Pawłow po jedny leżoł se stronie
A za tom rzyczkom już Polski koniec
Kurde - dyć wiycie ło tym tu może
Tam przeca było ciyngym Zaborze
Kaj bajtlym Horstlik sie przeca chowoł
Pamiynto wszysko? -Czy mu sie zdowo?

Las wele tego do dzisioj stoji
Park - dyć tam czynsto bebok coś broji.

[Gość: paulek leberko]

We S'lonsku Polski kon'ca niywidac
O tym zech ino chciou sam zas'piywac
A kej Cie kedys' cos' zadz'go w bok
Krykom to biyda tak downo znok
A poznosz jeszcze potym ta mara
Ize mo inkszo od naszyj wiara
Bo jo niy wierza juz w obiecanki
Ze piyrszyj klasy "Polskyj Czytanki"
Wola sie chycic' fest za robota
Stary pelcmantel niych zezre mota
Sam niy pomogom "kulenamole"
Jak w szranku siedzom same Gorole

[broneknotgeld]

Dzwiyrze łotworzyć do mola trza
Cug niychej bydzie - wywieje pra?
Djoski przi tymu furgnom daleko
Dyć czy tyn bebok? -Łon na nos czeko!

nadejszła chwila

[Gość: paulek leberko]

Bebok pou biydy, to swojski chop
Gorzyj kej do dom ci wlezie dziod
Kery udowo srogego Pona
A ze szczewikow kuko mu suoma
Pado: "Hanysy wynocha stąd!
Tutaj panuje cwaniakow rząd!"
I juz pies'niczki downo s'piywajom
I nowet bajtle maue je znajom
Jorgus' i Gustlik, Lyjna i Cila
Ale szlus tera! - "nadejszła chwila!":

"Na S'lonsku czi na urzyndzie
Tam Gorol wszyndzie zasiyndzie
A my S'lonzoki-boroki ..."

[broneknotgeld]

Ło Ślonzoku

Ktosik to pedzioł co "dupowaty"
I bestoż u sia zdo sie sagaty
Po prowdzie kończyć trza te gupoty
Dyć godka momy no i galoty.

[laband]

Pedziou to Pawlak
Tyn ze Karguli
Kej w Hameryce
Rozum mu spruli

[broneknotgeld]

Wiym co inkszego - z Kutza to gymby
Dyć trza łobrocić teroz na rymby.

[laband]

Bronek pierniku, co to som rymby, bo niywia?

[broneknotgeld]

Na rymby - szkryfna - na drugo strona
Trza sie karlusie ło tym przekonać
Dyć mie w ty fraszce to sie wydowo
Żech ta łodwyrtka doł łobrazowo.

[laband]

chybach jeszcze sie ze tym niy trefiou - podej prosza to we jakis zdaniach

[broneknotgeld]

Ślubno cie możno piźnie we zombek
Niy wiysz co lico i kaj jest rombek.

[laband]

dobre izes uchylou rombka tyj tajymnicy

[broneknotgeld]

Seblykej ślubny kecka przez gowa
To se to wspomnisz zowdy łod nowa.

fraszka koniochlaszka

[Gość: johan]

kto konia bije ten krocej zyje.

[broneknotgeld]

Animalsow w tym robota
Chcom zamykać za gupota.

[Gość: icuś]

Koniowi nalyj z wielgi flaszki
niy bydzie robił tu bardaszki

[broneknotgeld]

Ano - koń mo wielki łeb
We słepaniu łon niy kiep.

[naata]

..zastanawiam się, jak można pisać na tutejszym forum bez zalogowanynia?
Próbowałam, niestety od dwóch lat obowiązuje TU logowamie. Ciekawostka, którą
admin powinien wtłumaczyć!
...nie wiem czy znacie 11-te przykazanie?
- a więc; nie rób głupiego z bliźniegi swego"!!!


Grudziądz,nasze miasto na szczęście...

[broneknotgeld]

A dyć Naata - stare dzieje
Djoboł sie ze tego śmieje.

[broneknotgeld]

Polska z Niymcami teroz we zgodzie
Toż możno ślonskość bydzie tyż w modzie

[broneknotgeld]

Zdo sie - na razie ciyngym jest tako
forum.gazeta.pl/forum/72,2.html?f=59&w=26266603&a=26267680
Łod downa leci przeca jednako.

[broneknotgeld]

Dwie halbczyny - liter tako
Sie dowiymy kto zapłako?
Polska - Niymcy to ci haja
A jo durś Ślonskowi pszaja.

[broneknotgeld]

Tu ciekwaszo relacyjo
katowice.gazeta.pl/katowice/1,35063,13733820,Goraca_debata_o_Slasku__Byly_smiech__kpiny_gwizdy.html
Była tyż i tam mecyjo.

[broneknotgeld]

Pylomy z tym dali
Niych wontek "na fali".

[broneknotgeld]

Żech sie niy trefiōł z muzykantami

Tymi ze Brymy, dyć wiycie sami

Rym ślōnski kusi

Wyny niy dusi

A Bryma? Bryma wōnio Niymcami!

www.facebook.com/groups/332939560673928/permalink/502325500401999/

[broneknotgeld]

Żech sie niy trefiōł z muzykantami

Tymi ze Brymy, dyć wiycie sami

Rym ślōnski kusi

Wyny niy dusi

A Bryma? Bryma wōnio Niymcami!

www.facebook.com/groups/332939560673928/permalink/502325500401999/