broneknotgeld 25.04.05, 22:05 Downo tymu Dwiesta lot ze hokum - Co Danio nom dała? -"Czeci rozbior Polski" łoprotestowała Dyć w Europie była ze tym "aż" jedyno Tako historyjo dzisioj sie wspomino. Odpowiedz Link Obserwuj wątek Podgląd Opublikuj
broneknotgeld Re: Dania po ślonsku 25.04.05, 22:06 Danowie Ze Szwecji Danowie swoj rod wywodziyli Połtora tysionca lot tymu to było Jak te ziymie mieczym do sia zagarnyli Ich miano sie z państwym na zowdy stopiyło. Odpowiedz Link
broneknotgeld Re: Dania po ślonsku 25.04.05, 22:08 Arcybiskup Absalon Twierdza we wiosce rybokow stowioł Havn piyrwyj jom nazywali Kamiyń pod nowo stolica dowoł Tako poleci z tym dali. Odpowiedz Link
broneknotgeld Re: Dania po ślonsku 25.04.05, 22:09 "Wojny Hrabiow" Toż skiż Reformacji te wojny tyż były Brat bratu korona torgoł z cołki siyły We końcu wygrały te wojska Krystiana Piyrszego na tronie w Danii luterana. Odpowiedz Link
broneknotgeld Re: Dania po ślonsku 25.04.05, 22:11 W Drugi Lidze Państw Neutralnych Angljo ze Francyjom już se fest hatrusi Danio neutralno być przi tymu musi Postrachano jednak szifami Nelsona Chyciyła se w końcu tyż Napoleona. Przi Napoleonie Ciyngym fest utropa dlo Danii z tym była W końcu wiela na tym przeca tyż straciyła Traktat we Kilonii - zdo sie dlo niyj dno Dyć kraj durś istnieje choć zocy mniyj mo. Fryderyk IV Choć ksiyńciym ciyngym był na Holsztynie Utropa ze tym Danii niy minie Toż "absolutyzm" zdo sie chnet kończy A "liberalizm" ze gminym łonczy. Odpowiedz Link
broneknotgeld Re: Dania po ślonsku 25.04.05, 22:13 Zaś wojna Zaś wojna ło Szlezwik - terozki przegrano Ta ziymia już Niymcom cołkym jest łoddano. Zjednoczono Lewica (1872) Po przegrany wojnie zowdy tako bywo Że to co jest "lewe" bardzi gowa dźwigo Folketing se zdowo terozki "ludowy" Dyć jakoś "prawica" na to tyż łodpowiy. Zjednoczono Prawica Co "prawe" to przeca na "lewe" niy przyńdzie Toż se historyjo tako dzieje wszyńdzie Dwie siyły ło władza durś durś sie potym wadzom Utropie przi tymu jednak niy zaradzom. Odpowiedz Link
broneknotgeld Re: Dania po ślonsku 25.04.05, 22:14 9.IV.1940 Przez telefon Dania se Niymcy zajyli Wystykło że łostro tako postraszyli Kapitulacyjo pryndko richtig była Ja no - kraj malutki a somsiod mioł siyła Okupacyjo Ciynżko jom niy przeszli - dyć zowdy mecyjo Niywiela tu cieszy ta okupacyjo Ruch oporu nawet rozwinoł sie z czasym Chocioż go niy kryły przeca rzodke lasy. Po wojnie Przeczimała ta wojna se Danio bez strat Chocioż ze wygranych nikt niy był jyj brat Dyć tyz erbła cosik przi Planie Marshala I tako szif duński pruł zaś łostro fala. Odpowiedz Link
broneknotgeld Bornholm 25.04.05, 22:17 Zamek Hammershus Na Bornholm zoglondnońć a ruin niy widzieć Toż utropa możno jakoś z tego przidzie Trza se bydzie wrocić - połazić w tych murach Historiom podychać i niy myśleć - "dziura". Odpowiedz Link
broneknotgeld Re: Bornholm 25.04.05, 22:18 Bornholmske słowiki Tela tu nakwilom tela naśpiywajom Że "obywateli wyspy" tytuł majom. Drzewka figowe Toż drzewka figowe na Bornholmie rosnom Czy to mi sie yno coś myli ze wiosnom? Bałtyk przeca niy jest te Środziymnomorze Dyć figi z ty wyspy dej mi Panie Boże. Almindingen Nojwiynkszy las duński na Bornholmie znojdziesz Siedmiopiynne drzewo - do niego tu dojdziesz. Wodospady Mo Danio tukej tyż wodospady W żlebie Dandalen - niy łod parady. Odpowiedz Link
broneknotgeld Re: Bornholm 25.04.05, 22:19 Chlyb bornholmski Piykorz go tu robi zowdy po starymu Bestoż trza wom wierzyć richtig tyż i tymu Że łon potym świyży przez cołke czi tydnie Smak tego pecynka nigdy wom niy zbrzidnie. W dziyń św. Jana W dziyń świyntego Jana heksy tukej polom Jak stos sie hajcuje ździybko poswawolom Biyr w gowie zaszumi - chocioż niy za wiela To noc w kero dzieje sie niy yno tela. W Almindingen Torym wyścigowym tyn bor w Danii słynie Rajtujom tu konie z wiosny do podzima Jedyn grosik zysko inkszego to minie Szczyńście czasym bywo a kej ińdzi niy ma. Odpowiedz Link
broneknotgeld Re: Bornholm 25.04.05, 22:20 Golf Tu pola golfowe ludzi prziciongajom Podobnoś nojbardzi tych co geld durś majom. Dni Pstronga W te dni se moczom tu gynsto kije Mom taki toast - Niych pstrong nom żyje! W jedyn dziyń W jedyn dziyń na kole zjedziesz Bornholm cały Choć zic może pedzieć - "To wyczyn niymały" Kilometrow dwiesta "ścieżek rowerowych" Na zwiydzanie wyspy muster to niy nowy. Odpowiedz Link
broneknotgeld Re: Bornholm 25.04.05, 22:22 Lars Hansen (1813-1872) Malyrz czy możno botanik bardzi? Toż żodnom astom łon niy pogardzi. Kristian Zahrtmann (1848-1917) Na jego płotnach czynsto łogrody Do dzisioj łone niy wyszły z mody Wszyndy te kwiotki fest kolorowe Zdo sie - na grzondce jest ciyngym czowiek. Helge Nielsen (1893-1980) Pejzarze słońcym mo malowane Co Bornholmowi yno jest dane. Odpowiedz Link
broneknotgeld Re: Bornholm 25.04.05, 22:23 Sztyry rotundy Nyker Nylars Osterlas Osker Sztyry rotundy w łobronie proste W kerych se piyrwyj trza było chronić Życie przed Wendym swoje łobronić Bornholm se asi niymi do dzisioj Pewno żeś ło tym karlusie słyszoł Toż nikaj ińdzi takich już niy ma Yno je nosi ty wyspy ziymia. 22kościoły Na jedna wyspa styknie ich zdo sie Dyć Boga w sercu tyż ciyngym mo sie. Odpowiedz Link
broneknotgeld Re: Bornholm 25.04.05, 22:24 "Sol over Gudhjem" Filet ze śledzis jajko cebula Rediski sznitloch - toż forszteluja. Do śledzia Co do śledzia ciyngym trza? Biyr - toż napić czas nom - pra? "Bornholms Mejeri" Ichnio kyjza pokosztujesz Zdo sie - wiater z morza czujesz. "Żytni kyks" To bornholmske richtig cudo Co kaj ińdzi se niy udo. Odpowiedz Link
broneknotgeld Re: Bornholm 25.04.05, 22:25 Ronne Bornholmu to jest stolica zocno Tu wyspy jedna czecio ludności Przi inkszych miastach zdowo sie mocno W lato - jak wiyncy ludzi se gości. Tyjater w Ronne Cołki Bornholm tyjatrym we Ronne se asi Prywatny - nojstarszy ze duńskich łon jest I godka bornholmsko tukej wszyskim "pasi" Chnetko dwiesta rokow - fajer bydzie fest. Ronne 1327 Ledwo kupcy z Hanzy port tu założyli Zaroz prawa miejske osadzie nadali Na bałtyckim szlaku dyć panami byli Łoni ze wszyskimi przeca handlowali. Odpowiedz Link
broneknotgeld Gudhjem 25.04.05, 22:27 Muzeum Rolnictwa Zoglondnij na farma Malstedgardym zwano Skansyn - zdo sie lepsze teroz dlo niyj miano Zoglondnońc se możesz jak piyrwyj tu żyło Skond płotno biyr masło w zogrodzie sie wziyło. Łogrod w Malstedgard Kaj w Europie rosnom jeszcze take ziyla? Wiela z nich już nikaj - przeca sie niy myla. Odpowiedz Link
broneknotgeld Hasle 25.04.05, 22:28 Hasle Osada rybacko wyndzarniami słynie Ślydź w Hasle cie przeca nigdy niy łominie Smak kolor mu dowo te drewno łolchowe Czym "złoto bornholmske" tu dowiy se czowiek. Wyndzarnio-skansyn Zoglondniesz se richtig we wiek dziewiytnosty Dyć zowdy wyńdziyli na muster tu prosty. Odpowiedz Link
broneknotgeld Svaneke 25.04.05, 22:30 Banka we Svaneke We Swaneke banka mo napynd na siano Kopyta ło droga sukajom już rano. Wesołe miasteczko We Svaneke muter niy może być zło Tu przeca dlo bajtli piykne mini-zoo Basyny wyciongi i djobelske młyny Niy majom dziecioki ty stropiony miny. Odpowiedz Link
broneknotgeld Christianso 25.04.05, 22:30 Christianso Wele Bornholmu wyspa z fortecom Krol Christan V jom stowioł Myśloł że wrogi se tu niy zlecom Dyć bestoż fortyfikowoł. Djobelsko Wyspa Dlo heresztantow łona Djobelsko Przeca niy mieli tu wcale sielsko Robota ciynżko i dożywocie Toż ze kostuchom niy było pociech. Plyner Dzisioj napotkosz czynsto malyrzy Zdo sie ze kunsztym som tukej wyży. Odpowiedz Link
broneknotgeld Hammerhus 25.04.05, 22:31 Zamek Hammerhus Arcybiskup Lundu tyn zamek wystawioł Utropa pierońsko krolowi tym sprawioł W końcu łobie strony Hanza "pogodziyła" Lubeka Hammerhus tyż wtedy zajyła. Odpowiedz Link
broneknotgeld Nyker 25.04.05, 22:32 Ny-Kirke Kościoł -rotunda ze downych wiekow Jak se tu wszyscy Kaszubow boli Malutki zdo sie dyć wiydz czowieku Że dzisioj se niym Bornholm fest chwoli. Ny Łod Nikolausa wzioł pewno miano Przeca jak rybok wypływoł rano Tyn świynty chronioł go durś na morzu I dziynki niymu powrotu dożoł. Wpiyrw Wieża kościoła płaski dach miała We niyj se ludność wioski zbiyrała Dostympu Wendom mocno broniyła Kaszubsko horda jom niy zdobyła Zagrody jednak zowdy grabiyli Niym se przez morze do sia wrociyli Ciyngym tyn Bornholm tako nynkali -W końcu Duńczyki łupnia im dali. Przi Ny-kirke Przi Ny-kirke kamiyń z lot pradownych stoji Zygor - toż i dzisioj klara go durś "stroji". Odpowiedz Link
broneknotgeld Bodilsker 25.04.05, 22:33 Dzwonnik z Bodilsker Ponoć jak yno przestowoł dzwonić Chcioł do łogrodka swojego gonić I sztudiyrowoł przez cołke życie Ta botanika - przeca to wiycie. Odpowiedz Link
broneknotgeld Duodde 25.04.05, 22:34 "Bornholm" W Dueodde to hotel kolos Jo bych do niego wcale niy poloz. Brzeg w Dueodde Ruchome wydmy laguny klify Sama prziroda niy jakeś knify. Latarnio Se do latarni na szpacyr idźcie Yno ło jednym tyż richtig wiydźcie Za widok ze niyj zapłacić trza Co łaska - to zdo sie tonio -pra? Odpowiedz Link
broneknotgeld Snogebaek 25.04.05, 22:34 W Snogebaek Tawernow tu wiela - zicnijcie przi piwie I deliberujcie ło bornholmskim dziwie. W glashucie Zarobić glashucie pora euro dejcie Dyć szkła z tego werku yno niy szczaskejcie. Jarmark Staroci To sie podobo mi ludzie złoci Że tukej czynsto jarmark staroci. Odpowiedz Link
broneknotgeld Nexo 25.04.05, 22:35 Nexo 1364 Mo prawa miejske tyn zocny port Choć mały przeca wiela jest wort. Skiż wojny Skiż wojny Nexo fest uciyrpiało Wojsko tu przeca stacjonowało Niymcy sie Ruskom poddać niy chcieli Toż zbombardować wszysko musieli. Kościoł św. Mikołaja Świynty Mikołoj rybokow chroni Łod lot patronym majom go łoni Toż w Nexso mo tyż świontynia łon Niychej niy dziwi że tu se wzion. Odpowiedz Link
broneknotgeld Akirkeby 25.04.05, 22:36 Akirkeby Jedyne miasto łod morza dali Stolica piyrwyj tu zakłodali. W Akirkeby Zdi sie te miasto nojstarsze tukej W nojwiynkszy kościoł przeca tyż kukej Niyjedne w Danii przi niymu blednom Łon piyrwyj nawet był tyż katedrom Toż przeca wiek dwunosty nań blikoł W niym arcybiskup Lundu tyż rzykoł. "Automobilmuseum" Zoglondnij tukej chocioż na chwila Przeca sie kochosz w automobilach Choć na tych se już wcale niy karniesz Dyć napaś łoczy pewno tyż garniesz. Odpowiedz Link
broneknotgeld Ro 25.04.05, 22:36 Ro Na wschod łod Gudhjem jest tako wiocha Werci rozglondnońć se tam tyż trocha. Ro Plantage Tam kaj erika park zrychtowali Jak tu zoglondniesz niy chcesz iść dali. "Helligdomsklipperne" Niydaleko Ro znojdziecie Groty - chocioż lepi przecie Z Gudhjem szifym tam przipłynońć Niy do sie ich przeca minońć. Odpowiedz Link
broneknotgeld Moselokken 25.04.05, 22:37 Moselokken Toż kamiyniołomym piyrwyj se asiyło Bestoż tyż muzeum take tu stanyło. W muzeum Rożniste granity w muzeum tym majom Narzyńdzia kerymi już niy łobrobiajom. W warsztacie Jak chcesz som łobrobić granitowo berga Chytej se roboty - niy czekej na cwerga. Odpowiedz Link
broneknotgeld Vang 25.04.05, 22:37 W Vang Czynny kamiyniołom do dzisioj w Vang znojdziesz Chocioż niy skiż tego do wioski ty dojdziesz. Młyn wodny (XVIII w) Młyn wodny - toż przeca niy był tukej zbytek A dzisioj se łostoł ciekawy zabytek. Kaplica Jona Skała przi brzegu stoji tu jedna Zlyźć z niyj na plaża - ździybeczko bledna Schodkow w doł bydzie tu przeszło sto Z klifu powiedom jakby na dno. Odpowiedz Link
broneknotgeld Allinge 25.04.05, 22:38 Allinge Letnikow wiyncy tu niż ludności Dyć te miasteczko chyntnie ich gości. Allinge Kirke W sztyrnostym wieku już tu kaplica Potym świontynia co gryfne lica Przez wieki pora razy zmiyniała Do naszych czasow tako dotrwała. Ratusz Ratusz stanoł wele portu Wzywo kutry do raportu? Zaczoł czecio setka lot Burgemajster z tego rod. Odpowiedz Link
broneknotgeld Sandvig 25.04.05, 22:38 Sandvig Ze Allinge zdo sie razym Jakby jego jest łobrazym. "Madsebakke Helleristninger" W cołki Skandynawii dziwym jest ta skała Skond chyńć do rysunku w tych ludach se brała? Prehistorio tako tu "wymalowano" Prziszłym pokolyniom łod tych downych dano. Odpowiedz Link
broneknotgeld Zelandia 30.04.05, 21:42 Zelandia Zelandia tu wyspom nojpiyrszom Na niyj stolica tyż leży I bestoż zowdy nojwyrszom Dobrze tu zyć - chciyjcie wierzyć. Bez Kopynhagi Bez Kopynhagi czym jest ta wyspa? - Szłoby se yno tu dobrze wyspać. Zelandzke "cimple" Roskilde, Koge, Rigsted, Helsingor Dyć Kopynhaga tu jakby "indor". Odpowiedz Link
broneknotgeld Re: Zelandia 30.04.05, 21:44 Downe stolice Roskilde Ringsted - downe stolice Ci rozespane pokożom lice Chocioż jak lubisz ta historyji Zoglondniesz - przeca to niy mecyjo. Zelandia Staro Zelandia staro - Zelandia Nowo Daleko łod sia - to mi sie zdowo Na Zelandii Na Zelandii krole siedzom Czamu? -Łoni dobrze wiedzom. Odpowiedz Link
broneknotgeld Kopenhaga 30.04.05, 21:45 "Kopynhaski syrynka" Jak na nia blikom łoko sie śmieje W tyj rzeźbie łonczom sie czi ideje Duch Andersena - kunszt Eriksena No i mamona łod Jacobsena Skiż tego czasym "carlsberga" pija Tom "trojidejom" jakby se żyja. Odpowiedz Link
broneknotgeld Re: Kopenhaga 30.04.05, 21:46 W Kopynhadze W Kopynhadze se łobudzisz Przez dziyń cołki niy zanudzisz Choć se Dania śpioncom zdowo Niy stolica - na to słowo. A po ćmoku Tu we nocy niy ma ćmoka Dośc uciechy dlo boroka Co w tym czasie spać niy umi Toż niy yno w gowie szumi. Ze Dunkom Jak ze Dunkom se zabawisz To i jyj radocha sprawisz. Odpowiedz Link
broneknotgeld Re: Kopenhaga 30.04.05, 21:47 "Port Kupcow" Tako po duńsku te jeji miano Łod wiekow z handlu przeca jest znano Wiochom rybackom z poczontku była Z czasym stolicom Danii - w tym siyła. 1443 Krol Danii wtedy se tukej wkludzioł Port i te miasto jakby tym zbudzioł. Amalienborg 1669 Fryderyk III czimoł tu stolec No a że richtig niy był łon golec Pałac dlo ślubny gryfny zbudowoł Zifii Amelii hołd tako dowoł. Odpowiedz Link
