Ruda Ślonsko - Złoto Miejscowość 2005???

[broneknotgeld]

Wiela z tym uciechy przidzie
Z "czornym złotym" mocno bydzie.

[broneknotgeld]

"Tromf"

Piykny przedwyborczy tromf se tako kroji
Dyć radość tyż wielko - Ruda se niy boji
Zabawa niych bydzie miyszkańcow profitym
Jak przegrano przidzie - władza yno przi tym.

[broneknotgeld]

Fraszka i notgeldy - tromfy to jyż dwa
Jeszcze cosik czeba - wiycie ło tym - pra?

[broneknotgeld]

Możno łod Partnera przidzie jakeś wsparcie
forum.gazeta.pl/forum/72,2.html?f=28940&w=23395906&v=2&s=0
Stanie se przi Rudzie jakby na ty warcie.

[broneknotgeld]

A jakby magistrat łobsypać fest złotym?
Niy - to som jednak yno gupoty.

[broneknotgeld]

Co bydzie w Rudzie?

Co bydzie w Rudzie? -Jeszcze niy wiedzom
Podobnoś jednak nad tym posiedzom
W urzyńdzie siyrpiyń yno wskozali
Niy som z poczontku a trocha dali.

[broneknotgeld]

Zajta sie nom przido
www.radio.katowice.pl/?id=10119
Dyć czas pryndko "kido".

[broneknotgeld]

Ruda ze zadku se ustawiyła
www.radio.katowice.pl/?id=10151
Już po tym widać jako mo siyła.

[broneknotgeld]

180 punktow

Żeby tym punktym fraszka być mogła
Łoj - wszyske miasta Ruda by zmogła!

[broneknotgeld]

Dziesiyńć miejscowości w konkursie sztartuje
Ło tym niych tukej nom se rymyje
Terozki bydzie piykno igraszka
A kto jom wygro? -Wiadomo fraszka!

[broneknotgeld]

Ano - dyć stowiom tako na rym
Wygro niy wygro? werci se - wiym.

[broneknotgeld]

Szłoby poasić tu sie zajtami
Kero gryfniejszo - łosońdźcie sami.

[broneknotgeld]

Ponoć zaś sztartuje Ruda
Wyńdom z tego jakeś cuda?

[broneknotgeld]

forum.gazeta.pl/forum/72,2.html?f=261&w=40623028
Pewnikym taki link se tu przido.

Ruda Ślonsko

[broneknotgeld]

A możno Ruda łobsypać rymym
Przeca w stolicy fraszki żyjymy.

[broneknotgeld]

Ło Rudzie jednak szkryfnoł żech wiela
forum.gazeta.pl/forum/72,2.html?f=28940&w=23052235&v=2&s=0
Dyć cosik mało ło inkszych sztelach.

[broneknotgeld]

Co skarbym ślonskim zdo sie w ty Rudzie?
Fraszka - stond łona we Polska pódzie!

[broneknotgeld]

Ruda "Złotom Miejscowościom"?
Chyńci zdo sie wielke goszczom
Dyć czy za tym cosik idzie?
Władzy spytej - wiedzieć bydzie.

[broneknotgeld]

Żeby tak punktym fraszka być mogła
Łoj - wszyske miasta Ruda by zmogła.

[broneknotgeld]

13 siyrpnia

Ruda blyśnie czinostego?
Niy łoglondna jo se tego
Czy tu piyknie dadzom rady
Ekologji łod parady???

[broneknotgeld]

"Trzynastego - wszystko zdarzyć się może"

Ano ano - dobrze wiym
Bestoż kłada tukej rym.

[broneknotgeld]

240 punktow

Rudzie z tym dostatnio
Dyć ciyngym łostatnio.

[broneknotgeld]

Łońskom sobotom w Rudzie sie dzioło
Podobnoś było richtig wesoło
Ruda na końcu durś finiszuje
Tym zadnim laurym se fest raduje.

[broneknotgeld]

Ruda poszła fest do przodka
Przedłostatnio - ło tym godka.

[broneknotgeld]

A jednak poszło piyknie

Richtig na finiszu
Wyloz wielki miszung
Ruda kończy szworto
Toż wiela jest worto!

Świyntochłowice

[broneknotgeld]

Świyntochłowice

Czym sie zachwycać?
W Świyntochłowicach
Może tom wieżom wodnom
Lepszego losu godnom.

[broneknotgeld]

Lipiny

Lipiny palcym wytykajom
I tacy som co je kochajom
Choć richtig biydy wiela tukej
W Lipinach ślonski duszy szukej.

[broneknotgeld]

Świyntochłowice

Wicow stond dużo
Yno niy swiyntych
W Ślonsku sie nurzo
Że idzie w piynty.

[broneknotgeld]

We Lipinach

Piyrszo społka akcyjno na tym Gornym Ślonsku
Tukej była -we richtig dzisioj biydnym konsku
To jest naszo kolybka wonglo ajzy cynku
Ło tym żech sie dowiedzioł we lipińskim szynku.

[broneknotgeld]

Lipiny

Tam jest pympek świata
Zowdy we wypłata
Dyć jak bezrobocie
To kaj pympek mocie?

[broneknotgeld]

Jak w Lipinach banka glingo
Ludzie myślom że to bingo.

[broneknotgeld]

• Re: Lipiny
broneknotgeld 02.11.2003 22:41 + odpowiedz

Naznojdywali tam heroiny
I zaś som głośne teroz Lipiny
Tak sie łod downa już plecie tukej
Niyszczyńścio we tyj dzielnicy szukej.

[broneknotgeld]

Ło tytuł Złoty Miejscowości

W Świyntochłowicach konkuryncyjo
Łoj bydom mieli ze tym mecyjo.

Dąbrowa Górnicza

[broneknotgeld]

Dombrowa Gorniczo richtig łostro jedzie
Po wiyniec ajchlowy stanyła na przedzie.

[broneknotgeld]

Zdo sie

Zdo sie bliży wiyńca som
Ich ajchlowe liście znom.

[broneknotgeld]

Dombrowske logo

Nawet logo z ajchlym majom
Łostro sztartli - se niy dajom.

[broneknotgeld]

"Pomnik Czerwonych Sztandarow" - 1970

Stanoł w Dombrowie ze "woli ludu"
Na postumyncie karlus i frela
Zdo sie - niy bydzie takego cudu
Kery by zmynioł ta naszo sztela

"Wiesłowca" kery z "edkowcym" szoł
We jedno jakby tyn dynkmal spinoł
Kto by to dzisioj słyszeć zaś chcioł?
No i tych fanow łopot wspominoł?

[broneknotgeld]

1990

Kurde - dynkmal szpryngnońć mieli
We Dombrowie co sie stało?
-Ci co go łobronić chcieli
Wachowali tu niymało

Mode frelki i karlusy
Broniom tako dyć "Hendriksa"
Sie tysioncom chciało ruszyć
Toż to cołkym inkszo biksa

Już magistrat w tym przegrany
Pomnik łostoł -"znak młodości"
W inkszych czasach tukej dany
Dzisioj wiela już niy złości.

[broneknotgeld]

"Pamiyńci Jimiego Hendriksa"

Ano - toż dynkmal mioł druge miano
Już w nowych czasach mu przipisano
Dyć wystawiyli go we tym roku
W kerym tyn Jimi wyloz ze ćmoku.

[broneknotgeld]

Czyrwiec 1990

Chcom go szpryngnońć?! - Toż trza bronić!
Po co nom kaj ińdzi gonić?!
Dyć tyn dynkmal nos tyż - modych!
Na to niy dowomy zgody!!!

[broneknotgeld]

Przi dynkmalu

Przi "dynkmalu Hendriksa" rodziyło se pszonie
Łaziyli tu przeca ciyngym na zolyty
I choć coś terozki zdo sie inksze wionie
-W pamiyńci łostało chopa i kobiyty.

[broneknotgeld]

"Dombrowske Krzciny" - 12.VI.1990

Niy - to niy yno jest jakiś bajer
Był we tym mieście skiż tego fajer
"Hendrix" w Dombrowie mo wielke świynto
Uciecha niychej kożdy spamiynto.

[broneknotgeld]

Sława

Sławno se Dombrowa skiż tego zrobiyła
Nawet SNNie przeca wtedy była
A dynkmal mioł szansa łostać jeji logo
Toż by to niy było nawet richtig drogo.

[broneknotgeld]

Pucowanie - czyrwiec 1996

Łodnowiony dynkmal - malunki se tracom
A przeca historiom łone go bogacom
Toż i niy dziwota co zaś go sztrajchujom
Swojego "Hendrixa" w tym kamiyniu czujom.

[broneknotgeld]

1 maja 1999

Zdo sie jakby stare wroco
Czy zaś fany zalopocom?
Dynkmal tyż wypucowany
Proletarjat sztiglowany?

[broneknotgeld]

A dzisioj

Możno dzisioj laku szkoda
Dyć co ło tym by niy godać
"Hendrix" ciyngym jeszcze trwo
Dobrze tyż Dombrowa zno
Yno wele niego pusto
Chocioż piyrwyj było "tusto".

[broneknotgeld]

12.VI.2005???

Ajchlowe miast ze "sztandarami"
Toż historyjo - spokopcie sami
Możno zrychtować lokalne świynto?
By już na zowdy czowiek spamiyntoł.

[broneknotgeld]

Łobrona dynkmalu - czyrwiec 1990

Prziszły frelki i karlusy
Stond niy chcieli se już ruszyć
Jak to szpryngnońć?! -Razym z niymi?!
Możno we tym cud na ziymi?!

[broneknotgeld]

"Puchatkowo 2005" - 1.VI.godz.16.00

Dyć niy łopuszczom bajtle ty gratki
Niychej radujom wiela Puchatki
We Bibliotyce Miejski impreza
Musi se udać - w to przeca wierza.

[broneknotgeld]

Ze Błyndowa

Dropia se teroz we swoja gowa
Co mo Dombrowa z tego Błyndowa?

[broneknotgeld]

1775

Jeszcze "gorniczo" zdo sie niy była
Do historyji wzmiankom trefiyła.

[broneknotgeld]

1796

Łoj - już tu wongel w tym roku brali
Gruba "Redenem" dyć mianowali
I chocioż yno łodkrykwka była
Dlo ty Dombrowy se zasłużyła.

[broneknotgeld]

1845

Warszawsko-wiedyńske glajzy tukej lecom
Dlo ty szteli teroz lepszo prziszłośc klecom.

[broneknotgeld]

1916

Już terozki miastym Dombrowa Gorniczo
Na bezrok gyburstag łokrasi jyj lico.

Siemianowice Ślaskie

[broneknotgeld]

Miejsko Izba Regionalno

W Siymianowicach tako sie stało
Wele pałacu we spichrzu starym
Choć niy muzeum - dyć już niymało
Szło sie zochwycać historii czarym

Sztela wybrali naprowdy zocno
Kero widziała wiek siedymnosty
Dyć sie czimała krzepko i mocno
Tyż we tym czasie co niy był prosty

Gyburstag teroz by Izba miała
W tym roku przeca rowno czidziycha
I chocioż łona sie niy łostała
Trza pofajrować - niy ma w tym grzycha

Bo ze niyj przeca cosik wyrosło
Siymianowicke muzeum piykne
Piytnoście lotek tymu to poszło
Już do popicio okazji styknie.

(rymowanka zeszłoroczno)

[broneknotgeld]

Bytkow 18.IX.2004

We Bytkowie rynek łotwiyrajom
Jeszcze herb przi tymu tyż se łodsłoniajom
Nikerym prziznajom tyn "Laur Bytkowa"
Zefel Skrzek zaś wszyskim bydzie koncertować.

[broneknotgeld]

W konkursie

Siymianowice goniom Dombrowa
Inksi na sztarcie mogli se schować.

[broneknotgeld]

Skond te Siymianowice?
(I niy yno)

Czech bratkow ślonsko ziymia wydała
Co wele siebie miyszkali
Siemian zoglondoł se do Michała
Tyż na Macieja blikali

Siemian doł miano Siymianowicom
Łosiod tu ze familijom
Drugi wiadomo - Michałkowicom
Jego potomki w niych żyjom

W Maciejkowicach łostoł se Maciej
Na swojym fest gospodarzoł
A jo se teroz łobleka lacie
Ło czasach tych byda marzoł.

-----------------------------

Drugo legynda takoż ło bratkach
Macieja Jakub zastompioł
Czy znocie możno tego gagatka?
W Jakubowice żech zwontpioł

Aż jedyn starzik ło tym mi prawioł
Co wioska piyrwyj spolyli
Jak tyn Zamojski na Ślonsku "bawioł"
Ło tron Korony se biyli

Kaj richtig były Jakubowice?
-Podobnoś Lompa coś wiedzioł
Tam huta "Laura" dźwigli - toż wiycie
Przeca Donnersmarck tu siedzioł.

Ustroń

[broneknotgeld]

Ustroń czecie miejsce czimie
Dyć pokoże co w niym drzymie.

[broneknotgeld]

Ustroń żyje ze turysty
www.ustron.com.pl/
Toż tyn link jest łoczywisty.

[broneknotgeld]

Zajta Ustronia
www.ustron.pl/
Na nia wos gonia.

[broneknotgeld]

Jeszcze jedna stronka
ustron.naszemiasto.pl/
Z ustrońskego dzbonka.

[broneknotgeld]

Ano - do Ustronia
Teroz myślom gonia
Blyśnie dzisioj piyknie!
Wygrać konkurs styknie?!

Górki Wielkie i Małe

[broneknotgeld]

Toż cuzamyn wielke małe
Szworte z przodka - tam som całe.

[broneknotgeld]

Sie asiyły

Sie dworkym Kossakow te Gorki asiyły
W historio malarstwa tako tyż wkludziyły.

[broneknotgeld]

Z Brennom Górki w zgodzie
www.ksiestwocieszynskie.republika.pl/brenna.html
Niych bydzie to w modzie.

[broneknotgeld]

Ciekawe herby
www.brenna.org.pl/index.php3?menu=prlok
Te ichnie derby.

[broneknotgeld]

Schronisko Młodzieżowe

W majontku Kossakow wiela sie zaś dzieje
Toż niyjedna Gorka se do tego śmieje
Fundacyjo remont robi we folwarku
Chcom młodych wandrusow mieć tukej na karku.

[broneknotgeld]

Gorki Wielkie no i Małe
Tam terozki harce całe.

[broneknotgeld]

18 lot łorkestry

Łorkestra w Gorkach swoj wiek już mo
Wiyncy terozki nom łod sia do.

Boronów

[broneknotgeld]

Boronow pionty - tyż piyknie
Przeca szwongu mu wystyknie.

[broneknotgeld]

We Boronowie tyż fajer majom
www.boronow.pl/index.php
Przeca swyj gminie wszyscy tam pszajom.

[broneknotgeld]

Kościoł w Boronowie - ciekawy zobytek
www.silesia-region.pl/sad/tab_7.htm
Możno kedyś zwiedza tyn boski przibytek.

[broneknotgeld]

Powiat lubliniecki Boronów se czimie
www.lubliniec.starostwo.gov.pl/index.php?id=gminy&lp=1
Podobnoś terozki ta gmina niy drzymie.

[broneknotgeld]

Zabalujymy w sobota z nowa
Na fajer proszom do Boronowa.

[broneknotgeld]

Wiela radości Boronow sprawi
"Ślonsk" - zespoł zocny nos tyż zabawi.

Łazy

[broneknotgeld]

Szoste Łazy

Bliży zadku som niż przodka
Dyć szpas yno tako godka.

[broneknotgeld]

Toż jeronie - bez łobrazy
www.lazy.pl/
Niy nadmorske to som Łazy.

[broneknotgeld]

Mo gmina Łazy powiat Zawiercie
www.powiat.zawiercie.pl/index1.php?ntabela=gminy&gmina=L
Tako se zajta terozki biercie.

[broneknotgeld]

Parafije dwie w ty gminie
www.kuria.sosnowiec.pl/Koscioly/lazy.htm
Niychej wontek je niy minie.

[broneknotgeld]

Gmina Łazy

Miasto Łazy - do tego sołectw poranoście
Yno je zrachować terozki niy proście.

[broneknotgeld]

Łazy 1850

Cug warszawsko-wiedyński przez te Łazy szoł
Toż i banhof tukej drapko zaroz stoł.

[broneknotgeld]

Do 1939

Wtedy po Łazy Kielce siyngały
Ale już potym coś niy umiały.

[broneknotgeld]

1967

Już miejskom sztelom se Łazy stały
I szwongu zae tym ździybko nabrały.

[broneknotgeld]

Dzisioj Łazy

Dźwigom wontek i tym razym
Złotom Miejscowościom Łazy?

Siewierz

[broneknotgeld]

"7"

Siewierz czimie "siedym"
W cołki szteli jedyn.

[broneknotgeld]

Zoglondniecie do Siewierza?
www.siewierz.pl/
Ja! - Toż richtig jo wom wierza.

[broneknotgeld]

Możno tako "Panorama"
www.siewierz.republika.pl/
Bydzie tu niy cołkym sama.

[broneknotgeld]

Zamek siewierski
zamki.res.pl/siewierz.htm
Piyrwyj był herski.

[broneknotgeld]

Łostała ruina
www.zamkipolskie.com/siew/siew.html
Chce zdobić dziedzina.

[broneknotgeld]

Piyrszy Siewierz fajer we sobota zrobi
Godajom co richtig okolica zdobi.

[broneknotgeld]

W Siewierzu frelki uplytły wianki
Wesołe nocki choć ciynżke ranki.

[broneknotgeld]

Za połtoryj godziny
Blyśnie z ty dziedziny
Spytocie se - co to?
Możno już te "złoto".

Zawiercie

[broneknotgeld]

"9"

Zawiercie przed Rudom
Możno łeb w łeb pódom.

[broneknotgeld]

Wirtualnie lecom tako
www.zawiercie.pl/
Kożdo sztela niy jednako.

[broneknotgeld]

Magistracko zajta dom
www.um.zawiercie.pl/
Niych na forum tyż jom mom.

[broneknotgeld]

"Nasze Miasto" - tyż Zawiercie
zawiercie.naszemiasto.pl/
Sie zarozki tam wybiercie.

[broneknotgeld]

W Zawiercie
Se biercie
Prziwito wos Jura
Już w sobota - no toż hurra!

[broneknotgeld]

Z balona w sobota na Zawiercie blikej
Żeś zawiercianinym - ło wygrano rzykej.

[broneknotgeld]

Wrota

Wrotami Jury Zawiercie zwom
Czy do nich szperhok jo jakiś mom?

[broneknotgeld]

Możno keregoś tropi to fest
Dyć te Zawiercie stolicom jest
Prowda w tym przeca mi sie niy zdowo
Richtig stolica to powiatowo.

[broneknotgeld]

90 lot

Dziewiyńdziesiont lot liczy już ta miejsko sztela
Na miara czowieka richtig to jest wiela.

[broneknotgeld]

Z Ebensee

Kumo sie Zawiercie z Ebensee w Austryji
Wszysko skiż radości - niy jakiś mecyji.

[broneknotgeld]

We Kromołowie

We Kromołowie ciekawy kontek
Dyć Warta tukej biere poczontek.

[broneknotgeld]

We Bzowie

Ło Przemszy Czorny wiy kożdy czowiek
Że sie zaczyno richtig we Bzowie.

Złoto Miejscowość 2006???

[broneknotgeld]

Ponoć se szykuje nowo edycyjo
Toż tu trza zrychtować jakoś komedyjo.