Lubelszczyzna

[broneknotgeld]

Piyrwyj w kupie Galicyjo
Teroz inkszo z tym mecyjo.

[broneknotgeld]

Lubelske

Ze małopolskym bydzie we zgodzie
Czy Lublin Krakow u sia pobodzie?

[broneknotgeld]

Lubelszczyzna tyż mie kusi
Dyć robota ciyngym dusi.

[broneknotgeld]

Dyć trza znojść mi ździybko czasu
Rymow niy wiyźć durś do lasu.

[broneknotgeld]

Ze tym czasym niy ma leko
Bestoż wontek ciyngym czeko.

[broneknotgeld]

Mało kukom na tyn wschod
Łod zachodu rymy wprzod.

[broneknotgeld]

Toz i latoś tam niy jada
Dyć niy robcie ło to zwada.

Lublin

[broneknotgeld]

W herbie

Na winorośl koziołek w herbie miasta skoko
Szłapy se niy złomie bo niy za wysoko.

[broneknotgeld]

Z wieży

Z Trynitarski Wieży na Lublin se pacza
Dwiesta dziesiyńć schodkow we gyrach łonacza.

[broneknotgeld]

Za bramom

Za Krakowskom Bramom
Krakowsko ulica
Przedmieściym se ida
Na wiela niy licza
Styknie jak niy spotko
Co złego w Lublinie
A jak coś dobrego
Toż niychej niy minie.

[broneknotgeld]

Ło herbie

Łokietek herb nadoł
-Ciga mieli w zocy
Co ich wykormiyła
Przi tatarski nocy
Tako łocalone
Zocne lubliniany
Wiedzo że we kozie
Retunek im dany.

[broneknotgeld]

Kokot z Bramy Trynitarski

Cołki Lublin już sie śmieje
Kokot z rana głośno pieje
Czy tu chopy bardzi wierne?
Czy bajanie to mizerne?

[broneknotgeld]

Na koziołka!

Na koziołka lubelskego!
Jest tyn kokot do niczego!
Trynitarskom Bramom ida
A zapioła ta łobrzida!

[broneknotgeld]

Ponoć

Ponoć kokotowi z Trynitarski Bramy
Dar pionio mioł richtig takowy być dany
Na chopa co nigdy niy zdrodzioł tu ślubny
Niy pieje łod wiekow - dar dlo niego zgubny.

[broneknotgeld]

Przed zamkym

Przed zamkym krolewskim lew na wachcie stoji
Pewno se ło Lublin już teroz niy boji.

[broneknotgeld]

Kamiyniczki

Stare kamiyniczki rynku som łozdobom
Coroz to gryfniejsze terozki se robiom.

[broneknotgeld]

"U Biesa"

Zloz żech do piwniczki ze jodłym djobelskim
Jak jest biyr tu zocny to nastroj anielski.

[broneknotgeld]

Pohulać w Lublinie

W Lublinie łod wiekow wiela se hulało
Dyć mie tu terozki cosik tego mało
Noc modo - toż moje kafeje i szynki
Choć gowa zaś rano bydzie ciyrpieć mynki.

[broneknotgeld]

Czy minie

Azjo sie z Europom spotkała w Lublinie
Już za Jagiellonow! Czy dzisioj to minie?

[broneknotgeld]

W ratuszu

Koronny Trybunał piyrwyj ratuszowy
Niy szczyńdzioł herbowy tyż czasami gowy
Małopolski szlachcic tu se procesowoł
Inkszymu recht przeca za rzodko prziznowoł.

[broneknotgeld]

Ech - Lublina
Niy łomina.

Janowiec Lubelski

[broneknotgeld]

Janowiec

Zdo ci sie Janowiec dziurom?
Dyć mog być naprowdy gorom
Z Kazimierzym szoł w zawody
-Poskompiyła Wisła wody
No i tako se cofnyła
Że utropa w szteli była.

[broneknotgeld]

Ze wzgorza zamkowego

Na dolina Wisły blikej se ciekawie
Mozno cie zochwyci taki widok prawie
Piyrwyj sama rzeka richtig lisko była
Dyć se łod Janowca jednak łoddalyła.

[broneknotgeld]

Zamek

Dzisioj to yno trwało ruina
"Złoty wiek" minoł downo dziedzina
Dyc pamiyntajom wiek łoziymnosty
Przi Lubomirskich niymynczom troski
Wiela w Janowie przeca sie dzioło
I czas na zamku lecioł wesoło.

[broneknotgeld]

Dworek

Dworek barokowy tyż Janowiec zdobi
By sztela wydźwignońć coś se tukej robi
Czasami na zamek zoglondnom wandrusy
Tukej przenocujom niym dali trza ruszyć.

[broneknotgeld]

Skansyn

Przi dworku znojdziesz tyż stare chaty
Zoglondnij choć żeś niy za bogaty.

[broneknotgeld]

Janowiecki kościoł

Wielki sie zdowo - dyć wloz do gowy
Tako że dzisioj łon jest różowy.

Kazimierz Dolny

[broneknotgeld]

Kazimierz Dolny

Miljon turystow co rok tu kuko
Tego co piyrwyj i dzisioj szuko.

[broneknotgeld]

3500 miyszkańcow

Sztela niywielko - to przeca wiycie
Dyć fest ciekawie leci jyj życie
Zochwyco ciyngym nos zobytkami
No i kulturom - wiycie już sami.

[broneknotgeld]

Gora Trzech Krziży

Skiz zarazy krziże na wiyrchu stanyły
Ech, dlo Kazimierza złe czasy to były
Dyć dzisioj niy tako, dzisioj grod rozkwito
Co złe? -Małokery sie tu nawet pyto.

[broneknotgeld]

Kazimiyrski Park Krajobrazowy

Wonwozy, przikopy sie tu pozwiydzocie
Tako kunszt natury w ty dziedzinie mocie
Toż idzie podreptać, no i podziwować
We knipsaparacie coniyco tyż schować.

[broneknotgeld]

Promym do Janowa

Promym do Janowa - kaj zamku ruiny
Prawiom co tyż straszy cosik w nocy driny.

[broneknotgeld]

"U fryzjera"

U golacza
Niy złonacza
Niy łostrzigom, niy łogolom
Drapci zupa już przesolom
Ano - toż restauracyjo
"U fryzjera" - kryjolyjo!

[broneknotgeld]

Festiwal Muzyki Klezmerski

Ech, żydowskom tradycyjom
Z lipcym w Kazimierzu żyjom
Toż wspominki i muzyka
Czy mi styknie ło tym klikać?

Janów Lubelski

[broneknotgeld]

JANÓW LUBELSKI

Województwo lubelskie, powiat janowski,
gmina miejsko-wiejska
---
Powierzchnia: 14,80 km2
Liczba ludności: 16349
Założenie miasta: 1640
---
Sanktuarium Matki Bożej Różańcowej Łaskawej
---------------------
Janōw Lubelski

Krōl Władysław IV lokacjo nadowo
W Warszawie, dyć Janōw Zamojskim tam stowo
Kaj jejich dziedziny wielge i bogate
W lokacji poczōntek, historji zadatek

Wele rzeki Bioły chnet grōd stanōł nowy
Wartko mioł bogacić – zarozki targowy
Kej Chmielnicki spolōł, Sobiepan zaś dźwigoł
Gospodorz bōł przeca – ciyngym dboł, niy migoł.