Powitania

[broneknotgeld]

Prawie nad Halymbom
Burza se przełazi
Humoru to przeca
W nos wcale niy zrazi.

[broneknotgeld]

Przi sobocie fertig z dyszczym
Wszyndy słonko niychej blyszczy
Tego wom winszuja przeca
No i dali kajsik leca.

[broneknotgeld]

nasza-klasa.pl/profile/14796504

[broneknotgeld]

Słonko przi pyńdziałku z rana gryfnie świyci
Możno i na forum rymy jakeś sklyci.

[broneknotgeld]

Czas drapko leci
Wtorek już momy
Łostatni w lipcu
To niy som kromy

Dyć słonko blyszczy
Nos tym raduje
Toż szczyńścio wiela
Niych dzionek suje.

[broneknotgeld]

Z pozdrowiyniym przi środzie

Środkym tydnia zowdy środa
Ło to richtig bydzie zgoda
Już sie ponoć weekynd marzy
Toż pewnikym chnet przidarzy.

[broneknotgeld]

Dyć już łod rana tyn szwortek prawie
Tref niych niy szczyńdzi szczyńścio na jawie.

[broneknotgeld]

Piyrszy piontek siyrpnia prziszoł
Przeca nom niy bydzie miyszoł
Chnet sobota i niydziela
Toż winszuja wom wesela!

[broneknotgeld]

Ech - sobota! Słonko z ranka
Tonko promyk w naszych duszach
Kajś wesoło glingo banka
Szczyńścio powinszować musza

Przi weekyndzie niychej darzy
Wom i wszyskim bliźnim waszym
Tref do to co se wymarzy
A utropa niych niy straszy.

[broneknotgeld]

Wczoraj ździybko nom poloło
Przi niydzieli zaś wesoło
Szczyńście dzionek taki niesie
Jeszcze bardzi żyć nom chce sie.

[broneknotgeld]

Przi pyńdziałku

Bywo pyńdziałek szewski czasami
Dyć niy tyn kery blyszczy rymami
Niy tyn co w siyrpniu z samego przodka
Ło kerym prawie dzisioj tu godka

Toż niych wom szczyńście we życiu niesie
Niychej i śpiywać przi tymu chce sie
Śmiychu dokłodo bo we tym zdrowie
Mo sie radować z pyńdziałkym człowiek.

[broneknotgeld]

Wiater mocno dzisioj wieje
Djosek z wtorkym jakby śmieje
Dyć niy tropcie sie tym wiela
Jo winszuja wom wesela.

[broneknotgeld]

Ponoć richtig przi ty środzie
Potrza ludziom żyć we zgodzie
Ło szczyńściu marzyć
I niy chacharzyć
Dyć niy szkryflom to na wodzie.

[broneknotgeld]

Środa ciyngym jeszcze momy
Rymow ździybko wiyncy domy.

[broneknotgeld]

Szwortkym słonko coś jaśniejsze
Zaroz myśli radośniejsze
Przeca drapko weekynd przidzie
Chnet robota na bok idzie

Ech - winszuja Wom zawczasu
Gor i morza, łonki, lasu
Niych w zocy zyw przirody
Ze niym czowiek ciyngym młody.

[broneknotgeld]

W piontek możno rybka zjycie
Zdrowie dowo - przeca wiycie
-Niych choroby łomijajom
Dni radośnie żyć dowajom
No i pszonio niy brakuje
-Tako bliźni Wom winszuje.

[broneknotgeld]

Dyć pewnikym przi sobocie
Radość w duszy wiynkszo mocie
Tyn niy grzeszy
Kto sie cieszy
I niy myśli ło robocie

Niych tyn dziyń wom szczyńście niesie
Kajś na plaży abo w lesie
Toż dychnijcie
Bawić chciyjcie
Tako samo jak mie chce sie

Że niyhersko coś pogoda?!
Tropić tym se dzisioj szkoda
Słonko w głowie
Mo mieć człowiek
Życie zocno to przigoda.

[broneknotgeld]

Choć przi niydzieli witom se w nocy
Niy zoglondały tu pryndzy łoczy.

[broneknotgeld]

Włos ze moji leci myjny?
Jest pyńdziałek wakacyjny!
Toż choć prawie po niydzieli
Niych wom bydzie tyż weseli.

[broneknotgeld]

Toż pozdrowiom tako w środa
Czymś sie tropić chyba szkoda.

[broneknotgeld]

Zły tref przidzie i w niydziela
Dyć jest świynto - szrajbna tela
Potrza nad tym medytować
Jako dobro inkszym dować

Czasym przeca słowa styknie
A sie robi bardzi piyknie
Dusza tyż nadziejom grzeje
Aż gymbusia z tym łośmieje.

[broneknotgeld]

Spokoj prziszoł ze pyńdziałkym
Złe za nami - choć niy całkym
Burze z wiatrym szkod zrobiyły
Toż utropom richtig były

Dyć ze słonkym lżyj na duszy
Olimpiada ździybko wzruszy
Bo zaś złotym nom blysnyła
-We radości życio siyła.

[broneknotgeld]

Przedłostatnio w siyrpniu środa
Już wakacji jakby szkoda
Sie dziecioki niy radujom
Chnet do szkoły maszyrujom

Dyć na dworze ciyngym lato
W plonach ziymia niy sagato
Pożniwować teroz przidzie
Niych dostatek z Wami bydzie.

[broneknotgeld]

Jako mi ło szwortku prawić?
Pewno chcecie sie zabawić
Czas weekyndu drapko idzie
Jutro przeca piontek bydzie

Toż nadzieji Wom winszuja
Skiż niyj jo sie tyż raduja
Na sobota i niydziela
Miyjcie w duszy słonka wiela.

[broneknotgeld]

Ech - przi piontku niy nazgobia
Jutro na "dwanostka" robia
Choć ze Wami tu raduja
Jednak mało zafajruja

Już łod dzisioj dyć se bowcie
Szczyńścio tako wiyncy sprowcie
Niych łożywio tyż nadzieja
Dziynki niyj i jo pośmieja.