Gość: Mama MELANIE
IP: *.internetdsl.tpnet.pl
19.06.04, 03:44
M.. Mama Mélanie a faatia mai na te vero o teie ora hia mai e to oe mau metua.
K.. Matahiti 1903 faaineine te huiraatira no Hao nei e fano'atu ite motu no
Hikueru no te hapura'a paraù. E taua matahiti rà mea puai te taata te inu ite
mau ava taero e te ava hamani.
I taua matahiti ra te tupuraa teie vero ua moe te fenua ite miti, puai te
mata'i e te miti ua horo noa te taata ma te uru maamaa ra te huru.
E teoteo no taata no te mea ite ava'e tiurai e tupu te mau arearea raa, e
huti hia te reva farani e to na roa 12 ia metera ite taitai. Ei muri mai i
reira ia e arearea ai. Ia taero te taata i reira ia e manii'ai te ava i roto
ite miti. A rave atu'ai ta ratou mau peu haapaoraa ore.
I taua vero ra ua nina roa hia te motu ite miti. Ua paùma to'u na metua i nia
ite hoe ro'i no te puai te miti e te mata'i, ua topa to'u metua vahine i roto
ite miti. Vai noa tu'ai to'u metua tane oia ana'era.
I roto ite roa raa o te hora ua hee te miti , te ite nei oia te hoe poti
tapiri atu ra oia i piai ho to na hoa vahine teie, ua ora i roto i teie vero
riaria. Mea apapa te taata pohepohe ite pae tatahi.
Te fenua no Hao nei mea huru maru rii te matai e te miti. Aita e taata i
pohe. Ua riro ra ei manaonao raa na matou te mau ati o tei tupu i taua
matahiti ra. Iau te mau faatiaraa a te mau metua paari.
Teie mahana ua patu pau roa hia na tatahi na te hau fenua. Ite matahiti 95 te
fa'iraa hia. Te mata'i NANO tei farani to'u ite raa na roto ite afata teata.
Ua faara vau i tau tamahine e hoi vau i Hao.
I roto i teie mau faahiti raa mana'o ta Mama Mélanie i hohora mai, ua riro ia
ei faahaamanao raa ite mau ati e te huru o te taata i taua tau ra.
Teie mahana te mau nei te Pu no te reva ite mau moihaa no te haapuroro raa na
roto na poro e ha no Polynesia Farani.
Afata teata /radio e rau noa tu'a…
