Bronkanotgelda słownik ślonski

[broneknotgeld]

Zowitka

Dyć ze niyj nojlepszo frela
Łona pszaje zowdy wiela
A że już jest tyż dzieciato
Niy jałowo - powiym na to.

[broneknotgeld]

Zawalaty

Chop sie robi zawalaty
Jak za wiela jest bachraty.

[broneknotgeld]

Zymft

Co do wusztu czeba ci?
Zymft - to przeca kożdy wiy.

[broneknotgeld]

Zola

Zola ciga jedna zjadła
I z maszkytu tego padła.

[broneknotgeld]

Zolycić

Zolycić ze frelkom trza
Karlus chce to zowdy - pra?

[broneknotgeld]

Zolytnik

Karlus gryfny i postawny
Jeszcze żeby był zabawny
I mamona mu brzynczała
- Zolytnik jakego chciała.

[broneknotgeld]

Żymlok

Zowdy jak jest świniobicie
Se żymlokow tyż pojycie.

[broneknotgeld]

Żeleźniok

Łon nos w zima piyknie grzoł
Aż czerwone lica mioł.

[broneknotgeld]

Żelazło

Ajza na nie tyż godajom
Żelazłu durś ludzie pszajom.

[broneknotgeld]

Żyniaczka

Niyjedyn przed niom uciyko
Dyć w końcu to wszysko łyko
Mo ślubno do tego dzieci
I jakoś życie sie kleci.

[broneknotgeld]

Żymła

Żymła ze kyjzom zaś mom
Rano do gymby jom tkom.

[broneknotgeld]

Żymlok

Na żymloka jak mosz chyńć
Tam kaj świniobicie kryńć.

[broneknotgeld]

Żić

Jak dobrze naszkryflać bych musioł ta żić?
By ze ortografiom przi tym w zgodzie być.

[broneknotgeld]

Żgać

Żgajom mie czasym na Forum Ruda
A jo kaj ińdzi przeca niy póda
Bo w Rudzie zowdy byda u siebie
Choc wiym że tukej niy ma jak w niebie.

[broneknotgeld]

Żeleźniok

Żeleźniok zimom we kuchni stoł
I familijo naszo łon grzoł.

[broneknotgeld]

Żdżadło

Pech pieroński jak wom spadło
I szczaskało sie te żdżadło.

[broneknotgeld]

Żdżały

Chocioż chopek z niego mały
Do żyniaczki jest już żdżały.

[broneknotgeld]

Żadny

Żadny karlus - godo frela
Dyc w galotach mo cos wiela
Bestoż ciongnie za niym fest
Bo łon "szwarny" w łożku jest.

[drcarlos]

broneknotgeld napisał:

> Żadny
>
> Żadny karlus - godo frela
> Dyc w galotach mo cos wiela
> Bestoż ciongnie za niym fest
> Bo łon "szwarny" w łożku jest.

;D

[broneknotgeld]

Żeleźniok

Żeleźniokow zdo sie niy ma
Choć zaś idzie ponoć zima.

Re Ź

[broneknotgeld]

Ździybko

Ździybko nieba by sie zdało
Na ziymi go cosik mało.

[broneknotgeld]

Źrybok

Bydzie łoger ze źryboka
Już mu teroz chce sie skokać.

[broneknotgeld]

Już mo format cołki tymat
Idzie teroz szkryflać w rymach
Ślonske słowa - przeca piykne
Czasu teroz nom wystyknie.

[broneknotgeld]

Piyknie słownik se nom kulo
Dyć niy byda wos tu fuloł
Langsam pewnie już poleci
Kożdy jednak może klecić.

[broneknotgeld]

Abzaga

Tyn abzagi durś dostowoł
Co w raji di Efu stowoł.

[broneknotgeld]

Abcybilder

Hefty abcybildrom pszajom
Wiedzom jake miano majom.

[broneknotgeld]

Ajerkoniak

To jest gorzołeczka
Gryfnego dziubeczka.

[broneknotgeld]

Abnyjer

Nojpiyrw abnyjery miała
Potym wszyske popuszczała.

[broneknotgeld]

Ańlauf

Ańlaufu nom wszyskim dała
Dyć jajca trzepać umiała.

[broneknotgeld]

Ajerkuchy

Zjedli wszyske ajerkuchy
Pełne majom teroz brzuchy.

[broneknotgeld]

Ańfach

Styknie szkryfnońć belejak
Niby cosik dyć kaj smak?

[broneknotgeld]

Abo

Abo do kusiola
Abo coś "pod zola".

[broneknotgeld]

Abzac

Abzac choby szpyndlik ciynki
Na starość z gyrami mynki.

[broneknotgeld]

Abraham

Czy pamiynto to hebama
Że jo chnet mom abrahama?

[broneknotgeld]

Aby

Aby yno mi sie chciało
Aby cosik zrymowało.

[broneknotgeld]

Achtlik

Styknom mi achtliki sztyry
By durś tańcowały gyry
Gorzołeczki bestoż dejcie
I na cyji coś zagrejcie.

[broneknotgeld]

Afa

Afa frelka mi zrobiyła
Zdo sie - cołko afom była.

[broneknotgeld]

Ajchle

Kuknołch we gora - ajchle dymbowe
Łoj! -Już terozki mom je na gowie.

[broneknotgeld]

Ampla

Ampla blysła mu we gowie
Łoświycony teroz czowiek.

[broneknotgeld]

Ausdruk

Ausdrukow we godce tela
Niy spamiyntosz tego wiela.

[broneknotgeld]

Ajchnońć

Ajchnyła se pod niym jakby asta życio
A wszysko skiż tego że za wiela picio.

[broneknotgeld]

Auslynder

Zać przignało auslyndera
Ciongnie go tu jak cholera.

[broneknotgeld]

Ańfach

Co jest ańfach a co niy?
Zowdy ktosik ło tym wiy
Tyż utropa ze tym jest
Idzie se dyć szajsnońć fest.

[broneknotgeld]

Ablyjger

To niy franca
Yno flanca.

[broneknotgeld]

Ajzynkrojc

Zdo sie ślonski to tyż krziż
Łon ze Wrocka - przeca wiysz
Pruski krol go ustanowioł
By Francyjok już niy dłowioł.

[broneknotgeld]

Szpana

Szpany wiela narobiyła
Dyć to burza w szolce była.


--

forum.gazeta.pl/forum/71,1.html?f=28940

[broneknotgeld]

Arband

Na rynka frelki
Ring ze tych wielkich.

[broneknotgeld]

Aksle

Aksle pynkły Fridzie z bontka
Mom go teroz na pamiontka.

[broneknotgeld]

Amajza

Ech - roz wyloz żech na glajza
Szafner ryknoł - "Toż amajza!"

[broneknotgeld]

Ałgustka

Jak ałgustka mo chroboka
To niy musisz za niom skokać.

[broneknotgeld]

Ańtopf

Do antopfu bysztek mom
Co wom teroz z niego dom?

[broneknotgeld]

Ajerkuchy

Ajerkuchy z kyjzom
A mono z gymyjzom?

[broneknotgeld]

Asta

Skworc na aście siod
Cześnie wszyske zjod.

[broneknotgeld]

Ata

Mo baba coś z aty
Zowdy w dziyń wypłaty.

[broneknotgeld]

Abfal

Ktoś za abfal godka mioł
Djosek kocioł bydzie grzoł.

[broneknotgeld]

Zymft

Sznita z zymftym chopu dała
Woszt dlo siebie zaś czimała.

[broneknotgeld]

Zymfciok

Dobry do gorzoły jest
Chlyj ze niego jak mosz gest.

[broneknotgeld]

Zwyrtać

W nocy we wyrku zwyrtom sie wiela
Jak mi sie yno prziśni ta frela.

[broneknotgeld]

Zwrocać

Wrogom tego niy winszuja
Som żołondek se szanuja.

[broneknotgeld]

Zowiść

To jest ponoć polsko wada
Ślonsk tyż polski - ciynżko rada.

[broneknotgeld]

Zowiścić

Dyć choć jo sie tego wstydza
Prawie wszyńdzie tyż to widza.

[broneknotgeld]

Zołza

Kloski bez zołzy? - To jakiś wic!
Niy chca łobiadu! Niy chca już nic!

[broneknotgeld]

Zorta

Kozok to jest zorta grziba
Prowda godom? - Ano chyba.

[broneknotgeld]

Zopaska

Ponoć kożdo frelka żdżało
Pod zopaskom mo niymało.

[broneknotgeld]

Zoki

Patrza - a tam co? - Ło rany!
Stojom zoki wele ściany.

[broneknotgeld]

Zokel

Te zokle lakym sztrajchnione
Kajniykaj som jeszcze łone.

[broneknotgeld]

Zogowek

Miast zogowka berga broł
By pod gowom "miynko" mioł.

[broneknotgeld]

Zogibka

Zogibki mo już na brzuchu
Bo żyje choćby we puchu.

[broneknotgeld]

Znojść

Znojd żech to coch wczoraj stracioł
I nic przi tym niy wzbogacioł.

[broneknotgeld]

Zmierzło

Zmierzło bywo baba
Co w betach mo żaba
Choć kusiole dowo
Princym sie niy stowo.

[broneknotgeld]

Zmaścić

Cołke życie zmaścić idzie
We chorobie i we biydzie.

[broneknotgeld]

Zmarasić

Bawioł bajtel sie ciaplytom
Czy zmarasioł sie - niy pytom.

[broneknotgeld]

Zista

Zista piykli co niydziela
Bajtle maszkyciyli wiela.

[broneknotgeld]

Zicnońć

Chciołch pokozać jo to dziecku
Jak sie zicnońć po turecku
Gyry mi sie poplontały
No i tak już se łostały.

[broneknotgeld]

Załośniczki

Ucho frelki w niych gryfniejsze
Bestoż taki gyszynk dejcie.

[broneknotgeld]

Zandale

By gyrow niy było czuć
Latym je w zandale kludź.

[broneknotgeld]

Zamtowy

Ano dyć taki ze zamtu
Tela naszkryflom jo sam tu.

[broneknotgeld]

Zawrzyty

Za to bych mog być zawrzyty
Żech we rymach niywyżyty.

[broneknotgeld]

Zawalaty

Jak popija "mamy-taty"
Toch jest zowdy zawalaty.

[broneknotgeld]

Zasuć

Zasuć chciołbych richtig wiela
Z chyńciom łoncza a niy dziela.

[broneknotgeld]

Zasmyczyć

Zasmyczyły mie roz zymby
Tam kaj rwiom je nom ze gymby
Straciołch wtedy yno dwa
Dyć zaś wybrać by sie trza.

[broneknotgeld]

Zasioty

Zasioty w Rudzie zostoł tyn rym
I jakoś leci nom to już z tym.

[broneknotgeld]

Zarościały

Zarościały jynzor mom
Pryndzyj post na forum dom.

[broneknotgeld]

Zaroz

Zaroz - prawie "ajn momynt"
Niy miyj ruły yno pynd.

[broneknotgeld]

Zaprzić

Dyć zapiyroł sie niy byda
Zowdy tukej jo se przida.

[broneknotgeld]

Zesel

Na zeslu wygodnie se zicnoł
I nawet niy wiedzioł jak przisnoł.

[broneknotgeld]

Zemlyć

Na Wilijo mak zemlyty
Poczebujom go kobiyty
Na makowek ze dwie miski
Już dzieciokow słychać piski.

[broneknotgeld]

Zejscać

Piwa wypioł coś za wiela
Zejscoł sie w galoty - tela!

[broneknotgeld]

Zelter

Pij - do gowy przidzie ci
W maras wlecisz - to sie wiy.

[broneknotgeld]

Zwyrtnońć

Sie Zefel musioł we trule zwyrtnońć
Jak Lyjnie z Lojzym sztrom prziszło szkyrtońć.

[broneknotgeld]

Zogowek

Na zogowku gowa leży
Tymu richtig idzie wierzyć.

[Gość: q]

bronek dej se luz

[broneknotgeld]

"Luz" niy na "zet"
Koniec niy chnet.

[broneknotgeld]

Zawalato

Choć w kromflekach niy łaziyła
Se na prostym wywalyła.

[broneknotgeld]

Zawalato (II)

Bez kromflekow poleciała
Tyż se gyry połomała.

[broneknotgeld]

Gość portalu: q napisał(a):

> bronek dej se luz

"Luz" tu niy sztmuje - mo "z" na końcu.

[broneknotgeld]

"Zeflug"

Kej zeflug na fali
www.dziennikzachodni.pl/artykul/676557,slaska-godka-nadaza-za-swiatem-poznaj-nowe-slowa,id,t.html
I ło tym coś dali.

[broneknotgeld]

Szupa

Szupy yno na tyj gowie
Rok se kudłow niy mył czowiek.

[broneknotgeld]

Szus

Na progu Małysza szus
To już dlo nos jakby mus.

[broneknotgeld]

Szusblech

Ściongnoł szusblech skiż gupoty
Zmaraszone mo galoty.

[broneknotgeld]

Szuszczeć

W telefonie szuszczy coś
Już niy szczimia tego - dość!

[broneknotgeld]

Szwaja

Jak trynować chcesz przełaje
Musisz zadbać fest ło szwaje.

[broneknotgeld]

Szwarne

Szwarne frelki u nos momy
Za to sie posiekać domy.

[broneknotgeld]

Szampioniok

Szampioniok se konia czimie
Czasami przi stajni drzymie
Dyć gnoj koński łon mo we zocy
I zowdy nabiyro z niym mocy.

[broneknotgeld]

Szwigrowie

Ze szwigrami trza żyć w zgodzie
Już bydymy mieć ich w rodzie.


Chocioż szwigrom numer wytnoł
W końcu z niymi flacha kipnoł.

[broneknotgeld]

Szwoczka

Miała do szwoczki iść skiż ańproby
A durś jom czimiom chopy ze gruby.

[broneknotgeld]

Szwong

Szwongu w rymach jo mom wiela
Ponoć myncza niym ta sztela.

[broneknotgeld]

Szychta

Szychta w szychta minoł rok
Do pyndzyji bliży krok.

[broneknotgeld]

Szajbyngardinka

Łod kuchni we łoknie
Za szybom niy zmoknie.

[broneknotgeld]

Szykowny

Szykowny karlus ze niego boł
Yno że ciyngym tyn pieron pioł.

[broneknotgeld]

Szluknońć

Szluknoł żech sie z gwinta
Poli mie aż w piyntach.

[broneknotgeld]

Sznitbouny

Co sznitbouny majom ze szparglym wspolnego?
- Spytała se frelka karlusa jednego.

[broneknotgeld]

Szpek

Niy jydz za wiela szpeku
Bo sie zapasiesz czowieku
Chop przi tym jak kokot tusty
Zdo sie że worek mo pusty.

[broneknotgeld]

Szpas

Szpas jest po to - mi sie zdo
Że sie lachać czowiek mo.

[broneknotgeld]

Szplotki

Szplotki przi szułach se poplontało
No i utropa terozki mało.

[broneknotgeld]

Szipa

Niyjednego to fest szczypie
Że se znoloz już na szipie.

[broneknotgeld]

Szkryfnoł

Koperblajsztift szkryfnoł słowo
Wiecznym sie już teroz zdowo.

[broneknotgeld]

Szkryflać

Szkryflać my na forach radzi
Kożdy tako jak poradzi.

[broneknotgeld]

Szlajer

Choć przez szlajer zrobioł yntka
Mioł na frela ciyngym chyntka.
-
Ruda Śląska - stolica fraszki

[broneknotgeld]

Szlapiczka

Mysza kyjzy skosztowała
Fedra poszła - w łeb dostała!
-
Ruda Śląska - stolica fraszki

[broneknotgeld]

Szpicpapior

Choć chropawo naszo godka
Se szpicpapior chciyj kajś potkać.

[broneknotgeld]

Szołdra

Czy wyndzono to jest to?
We Wielkanoc kożdy mo?

o godce pokrótce :D

[dr_scott]

z książki "Anegdoty z koloratką" autorstwa ks. Jana Góreckiego


46.

Ks. Klemens Kosyrczyk bronił godki mieszkańców Śląska, pisząc o wpływach
języków obcych: "Wy godocie 'fartuch', a to jest za reszpektem po niemiecku, my
godomy 'zopaska' i to jest po polsku. Na ćwierć godziny to padocie 'kwadrans'.
Kiere jest bardzi po polsku: nasze ćwierć, albo wasze kwadrans? (zresztą, czamu
tyż nie powiecie: 'kwadrans kiełbasy'?); wy padocie 'lustro', my zdrzadło, wy
jycie 'kolacjo', my wieczerzo, wy piszecie na 'marginesie', my na kraju, wy
padocie 'inteligent', my godomy człowiek kształcony, wy padocie 'konfesjonał',
my spowiednica albo słuchatelnica, wy padocie 'okazja', my przyleżytość, wy
padocie 'metryka', my rodny list, wy padocie 'chór' (w kościele), my pawlacz,
wy padocie 'kwartał' my ćwierć roku, wy padocie 'kuzyn', 'kuzynka', my
brataniec, siostrzenica, wy mocie niemiecki szlafrok, szlafroczek, a my wcale
tego słowa nie momy, bo w szlafrokach nie łażymy, bo na Śląsku włazi się rano
do galot abo do kiecek i chyto sie roboty. Potem jeszcze mocie jakieś
bruderszafty, furmanki, asygnaty, autobuse, tramwaje, garnitury, okulary,
atramenty, dancingi, irytacje, jakieś menu i cejco. I wom się zdo, że wy mocie
ta czysto polsko mowa?"

[broneknotgeld]

forum.gazeta.pl/forum/72,2.html?f=261&w=9195947

[dr_scott]

klupanie zepsute, proszę dzwonić!

[broneknotgeld]

Tysionc postow w tym tymacie
Z radości se gryza lacie.

1000 postow

[dr_scott]

cza to oblac!
niech zyje Bronek!!

[drcarlos]

musza Ci sie Bronek pochwolić, żech napisoł na ryligia wypracowanie :)
ino ze uono boło po ślonsku i na dodatek wiyrszem :)
niy beda go tu prezentówoł do to niy wypado....
ale mom sześ z ryligi na koniyc ;)

[broneknotgeld]

Ciyngym siedziołch przi literach
Na som koniec bliknołch teraz
Jak mosz jakeś rymy piykne
Wklej na Ruda - miejsca styknie

Hehehe - a ty noty to Ci terozki gratuluja.

[forman5]

Ktoś (my dobrze wiemy kto ) wymienia Twoje imię na daremno !

Potwierdż moją hipotezę !

[forman5]

forman5 napisał:

> Ktoś (my dobrze wiemy kto ) wymienia Twoje imię na daremno !
>
> Potwierdż moją hipotezę !


Zapomniałem link :
forum.gazeta.pl/forum/72,2.html?f=102&w=18904099&a=18905219

>

[broneknotgeld]

Hehehe.
Niych se tam ktosik szkryflo.
Co mie to łobchodzi. Jo sie zowdy loguja - z "d" na końcu.
Pozdrowiom.

[forman5]

Bronek forumowicz roku !

[Gość: gorol]

razem z carlosem hahahaha

[broneknotgeld]

Ktoś słownika tego szukoł
Pewno tukej bydzie kukoł.

[...]

[Gość: Wasz Bercik]

Wiadomość została usunięta ze względu na złamanie prawa lub regulaminu.

[broneknotgeld]

Co znaczy "pojeb"?
To niy po ślonsku
Możno sztimuje
We polskim konsku.

[...]

[Gość: Karlik]

Wiadomość została usunięta ze względu na złamanie prawa lub regulaminu.

[broneknotgeld]

Czyś po polsku fest gościnny?
Czy po ślonsku "cołkym inny"?
Kwoka ponoć cosik gdacze
Ześ ty sztyngłe jajco kacze!

[broneknotgeld]

Ponoć z godkom lepi bydzie
Czas zocniejszy dlo niyj idzie.