broneknotgeld
29.07.04, 18:45
Szkryfnyli we "Wiadomościach Rudzkich" co nasi radni deliberowali łostatnio
ło ty "społdzielni samopomocy finansowy".
Miałoby sie to richtig nazywać: Spółdzielczy Powiatowy Fundusz
Pożyczkowy "Karbona" w Rudzie Śląskiej.
Ciekawe co uradziyli?
Możno keryś radny cosik tukej ło tym szkryfnie.
Ideja społdzielczości jest piykno, ale przeca we Polsce jednak tyż czynsto
wypaczono. Na tym forum idzie sie cosik doczytać ło społdzielczości
miyszkaniowy. Jo pamiyntom że kedyś SKOK "Ślonsk" tyż prawie łotar sie ło
jakoś "aferka".
Bestoż wszysko zoleży niy łod teoryji a praktyki.
Z jedny strony cosik takego richtig by sie nom przidało, ale wiym tyż, że
może to być wyrychtowane yno po to, coby moc powelować nowymi stołkami
dlo "swojich".
Jako ze tym bydzie to czas pokoże,a na razie werci se łotworzyć tyn wontek na
forum.
