Medal Otylii Jędrzejczak

[broneknotgeld]

Stania na medal se już kwestuje
No bo to richtig jymu sztumuje
Dyć jak do tego zachyńcić mo?
Ano - nojprości - to mi sie zdo

Na jego miejscu dołbych wypłata
Niych Ruda widzi co dowo "tata"
Jakby źle poszło dociep bych drugo
Toż fater Oti aż by zamrugoł

Czeci bych jednak niy ryzykowoł
Co Stania zrobi - jak wom sie zdowo?

[broneknotgeld]

Jak Zarzond cołki za "tatom" pódzie
Geldu niy braknie ty naszy Rudzie.

[broneknotgeld]

miasta.gazeta.pl/katowice/1,35019,2397417.html

[broneknotgeld]

Radni dociepnom po jedny diecie?
Chcom mieć tyn medal we Rudzie przecie.

[broneknotgeld]

rudaslaska.naszemiasto.pl/wydarzenia/421234.html

[broneknotgeld]

Cyna wywoławczo

Na sztarcie było dziesiyńć tysiyncy
Wylicytujom na wiela wiyncy.

[broneknotgeld]

Sto tysiyncy

Sto tysiyncy wczoraj było
Piyknie se to rozkryńciyło
Yno Rudy brakło tam
Ale to już inkszy kram.

[broneknotgeld]

Chcecie - możecie tyż licytować
medalotylii.pl/
Yno trza ciynżki piniondz już dować.

[broneknotgeld]

Hehe, dyć u nos ciyngym liczom na te cegiełki, choć nawet z tym sie pierońsko
spoźniyli. Radio Katowice jednak puściyło informacjo z Urzyndu ło tym, że
cegiełki cieszom se wielkom popularnościom niy yno we Rudzie.
Możno terozki kolejne numery "Wiadomości Rudzkich" bydom po 2,70 zł, no bo ze
takom cegiełkom. Już to widza jak z cołkego wojewodztwa zjyżdżajom sie ludzie do
Rudy coby kupić tyn cajtong. Nakład pierońśko wzrośnie i bydzie przi tymu zaś
szansa tyn medal wylicytować.

[broneknotgeld]

No psinco. Kupiołch dzisioj tyn nasz cajtong ale "cegiełki" ni dołonczyli, yno
reklamowka sieci sklepow. Richtig szkoda, bo przeca by to niy było gupie.
No ja, ponoć drukli tego 20 000 sztuk. Pewnikym wszyske sie już rozeszły, a z
dodrukym zaś se spoźniyli. Tako już u nos bywo czynsto. Możno za tydziyń byda
mioł okazjo tyn swoj złotek dołożyć. Kto wiy?

[uska19]

Drogi Bronku, kupno medalu od Otyli nie jest czymś złym, jednak musi to być
akcja społeczna i nikogo nie można zmuszać do tego. W szkołach niestety jest
różnie. Dzieci muszą przynieś złotówkę, choć rodzice nie mają lub nie chcą
dziecku dać. Jak mam dzieciom tłumaczyć słowo dobrowolność, kiedy nasz kochane
władze na siłę uszczęśliwiają nas i za nas decydują, czego chcemy. Niestety
dowiedziałam się jak wygląda "spontaniczność" firm przy tej akcji. Wiem na
własnym przykładzie jak wygląda spontaniczność w szkołach. Chciałam bym poznać
te osoby, które to dzwoniły z pomysłem kupna medalu do Prezydenta.
A tak szczerze mam dość odgórnych akcji charytatywnych na siłę.

[broneknotgeld]

No widzisz, a niy lepi jakby dołonczyli tyn medal do WR.
Kto by chcioł to by kupioł
Ło akcjach w szkole tyż cosik wiym.
We "Faunie" ukradli masa piniyndzy, dyć prokurator możno ło tym niy wiy.
Za to dzieci we szkołach miały "na siyła" ratować ta "Fauna".
Co do popularnośći ty akcji, to godom żech yno słyszoł ło tym w radyjoku.
Pozdrowiom.

[broneknotgeld]

Kurde - ta aukcjo ździybko mie mynczy
Już sto piyńdziesiont klupło tysiyncy.

[broneknotgeld]

Jo swoj złotek żech już doł
Zrobiołch to co Stania chcioł.

[broneknotgeld]

No ja, dyć kolejne WR zaś som bez ty "cegiełki", a przeca to już prawie łostatni
dzwonek. Podobnoś te 20 000 cegiełek już sie rozeszło i cosik jednak
dodrukowali. Tako przinojmni naszkryflali we WR.

[broneknotgeld]

A dyć prawie szkrynyli tyż ło tym w "Dziynniku".
Ponoć cuzamyn chyba rozyńdzie se 30 000 cegiełek po złotku.
Do zasztartowanio w licytacji to niy styknie, dyć możno jednak prezydynt
wyciongnie jakeś tuzy ze rynkowa.
Niy ma sie co jednak tropić, bo przeca zebrane piniondze majom być wydane na
"charytatywny cel w mieście lub regionie".
Pewnikym namowiać jom bydom do tego coby łostało to we Rudzie.
Jo bych jednak postawioł na region. Piniondze z licytacji medalu znojdom se we
Wrocławiu, toż dobrze by było jakby i za te cegiełki tam se znodły.
Łostałyby na Ślonsku.

[broneknotgeld]

miasta.gazeta.pl/katowice/1,35019,2438568.html

[broneknotgeld]

Ćwierć miljona z hokym - cyna rekordowo
Jeszcze pódzie w gora - czy mi sie wydowo?

[broneknotgeld]

Ciyngym dali w gora idzie
Ze czi setki możno przidzie.

[broneknotgeld]

"Victoria-Cymes" dali prowadzi
Dyć czy sie richtig ze tym poradzi?

[broneknotgeld]

No i ta fyrma medal już mo
Stania w malinach - to mi sie zdo.

[broneknotgeld]

"Ruda Śląska niy wygrała licytacji"
(cytat z Elsatu)

W licytacji miasto udziału niy brało
Prowda przeca tako - NIY LICYTOWAŁO
Czamu na łodwyrtka wszysko przekryncajom?
Gańby skiż połprowdy ciyngym tu niy znajom?
Prowda zowdy cało - inaczy cygaństwo
Z kerego poleku rodzi se tyż draństwo.

[broneknotgeld]

Ano niy chycioł pomysł łod Stani
Widać że ździybo był łon do bani
Trza swojim groszym sypnońć z wysoka
A jakby brakło to na fecht skokać

Szczyńściym że niy ma gańby we Rudzie
Co my tam dali - na dobre pódzie
Jako se Oti to winszowała
Na zbożno sprawa sztela zbiyrała.

[broneknotgeld]

Medal św. Brata Alberta

Wiela we wercie - jak z Atyn złoty
Toż halymbianka erbła go - Oti.

[broneknotgeld]

sport.gazeta.pl/sport/1,35335,2484390.html
"Szportowcym Roku" teroz rudzianka
Zaś cosik wiyncy do jeji wianka
Pijymy wszyscy we cołkym bloku
ZDROWIE - NIYCH ŻYJE SZPORTOWIEC ROKU.