broneknotgeld
06.06.04, 20:10
Łod czasu jak zamkli nom na sztyry spusty "Dom Kultury" ta naszo halymbsko
kultura skazano jest na "drugi obieg" i to nawet we Rudzie Ślonski. Bestoż
trza cosik zrobić. Pokozać że jednak na Halymbie wiela sie w kulturze dzieje.
Nojlepi jakomś głośniejszom imprezom.
Farorz Parafii Matki Boski Rożańcowy zaczoł coś piyknego, bo robi te farske
festyny. Co rusz to jednak zawodzo w tym pogoda, kero nos wtedy niy
rozpieszczo.
Myśla że łod tego trza zaczońć. "Tydziyń" zaczynoł by sie parafialnym
festynym i trwoł do nastympnego weekendu. Byłoby to cosik wiynkszego i
głośniejszego.
Jo ze ksiyndzym Drozdym moga ło tym pogodać.
Hehe - przeca z wystawom notgeldow wysztartowoł żech właśnie ze salek
prafialnych jak łon zaczynoł "rzońdzić" na naszy farze.
Ja no, ale to yno na poczontek, bo przeca trza by w to wciongnońć wszyske
halymbske parafie, przedszkola, szkoły, zwionzki i stowarzyszynia. kożdy z
nos tyż mogby sie prziłożyć do tego, jakby yno mog.
Myśla, że już terozki szłoby to łobgodać, choćby yno na tym forum. Po
wakacjach zaś zaprosić zainteresowanych do niyformalnego "komitetu
organizacyjnego". Jak sztartnymy ze tym we wrześniu, to na maj wyńdzie nom
richtig piykno impreza, Ło kery bydzie głośno niy yno w mieście, ale i we
wojewodztwie. Możno przi tymu i Dolinka Kłodnicy łodżyje.
A co wy ło tym myślicie?
Możno mocie jakeś ciekawe pomysły - szkryflejcie.
"Farski Festyn"
Skiż Nepomuka mokry jest czynsto
Dyć cołki tydziyń niy leje gynsto.
Halymba może być piyrszo, a jak nom to wyńdzie to i inksze dzielnice zacznom
to robić. Ciyngym by sie wtedy cosik w ty naszy kulturze dzioło. No
i "gościnne" wystympy z inkszych dzielnic byłyby jak nojbardzi na miejscu.
broneknotgeld
