broneknotgeld
28.07.05, 17:11
Toż prawie co tyn nasz prawodawca ustanowioł ekstra świynto i chwała mu za to.
Po prowdzie to wolołbych mieć wolne, dyć jakoś to szczimia.
No ja - take bogobojne miasto jak Ruda Ślonsko mogłaby już terozki pomyśleć
nad tym jako to uczcić. Przeca przi magistracie momy już tym Plac Jana Pawła II.
Mom propozycjo dlo szanownych radnych, wszelki maści beamtrow miejskich
(poczynajonc łod nojwyrszego kery z woli ludu jest "namaszczony"),
stowarzyszyń, a nawet partyji, dyć co nojważniejsze, dlo wszyskich miyszkańcow
naszego miasta, kierzy przeca som tom Rudom Ślonskom.
Moj koncept jest taki, że łod siebie dowom ślonsko fraszka papiesko
forum.gazeta.pl/forum/72,2.html?f=28940&w=23022365&v=2&s=0
i wierzcie, że może być w jeszcze wiynkszym wyborze. Jakby chyciyło, to przeca
musiołbych skończyć przinojmni "nauki papieskie".
To już dużo, dyć trza jeszcze yno ździybko piniyndzy coby kupić jakeś proste i
tonie plansze i stojaki. Na planszach zleciyło by sie nadruk tych rymowanek, a
przi samym świyńcie to wszysko poskłodało na placu przed magistratym w taki
"fraszkowany labirynt papieski". Toż na łotwarcie szłody zaprosić arcybiskupa,
a jakby tak przi tymu poruszć trocha medialnymi i parafialnymi "linkami" to
efekt byłby richtig ciekawy. Wierzcie, że godny stolicy ślonski fraszki.
Co do wykonania labiryntu to musiołby bć przinojmni dyszczołodporny, bo z
tydziyń mogby tam stoć, coby dzieciska z rudzkich szkoł miały szansa tam
zoglondnońć w ramach nauki religji. Jakby jeszcze farorze w rudzkich
kościołach nagłośniyli sprawa, to efekt byłby lepszy.
Dyć mie sie zdo, że byłoby ło tym głośno w cołkym wojewodztwie, a możno i
Polsce. No co mi tam, dołoża jeszcze Niymcy (prawie jest rok
polsko-niymiecki), no i Watykan (stolec apostolski tyż teroz jakiś taki
polsko-niymiecki).
No dyć jakeś koszty by tego były. Jakby jednak chyciyło to miasto i wlazłyby w
to te miejske "Ślonske Media", to zarozki przi tymu szłoby sprzedować tomik
fraszek z "labiryntu". Kokosow to by niy dało, dyć możno poleciało po kosztach.
Som "labirynt" tyż możno by sie przez tydziyń niy zniszczoł, toż jakeś krotke
turnee po somsiednich miastach możno dałoby sie wyrychtować.
No, to by było na tyla.
Jak to ktoś kedyś pedzioł;
"Cudze chwalicie, swego nie znacie
Sami nie wiecie co posiadacie"
Szczyńść Boże
