Forum Regionalne Śląskie Ruda Śląska - stolica fraszki
ZMIEŃ
    Dodaj do ulubionych

    Ornontowice

    26.05.05, 09:39
    Łońskego roku mioł żech we Gminnym Ośrodku Kultury w Ornontowicach wystawa
    ślonskich notgeldow. Połosprowiołch wtedy trocha ze ichniom szefowom i
    łobiycołch co szkryfna jakesik fraszki na 700-lecie Ornontowic. No i terozki
    prawie mioł żech telefon w ty sprawie. Trza mi już te rymowanki szkryflać, bo
    przez cołke lato bydom tam rożniste imprezy skiż tego gyburstagu, a rymowanki
    se w GOKu przidadzom.
    Obserwuj wątek
      • broneknotgeld Re: Ornontowice 26.05.05, 09:43
        Jakby ktosik dołonczoł to tyż byłoby piyknie. Dyć niy bydzie to szkryflanie po
        darymnicy, bo w gminie jakosik to wykorzystajom. Inkszo sprawa, że majom moje
        słowo, co te fraszki kere jo szkryfna mogom brać bez łograniczyń ze tego forum.
        Co do inkszych autorow, to już jest sprawa łodrymbnych uzgodniyń.
      • broneknotgeld Re: Ornontowice 26.05.05, 09:46
        Hehe - jedne moje łograniczynie jednak jest.
        - Zowdy trza pamiyntać ło autorze - to niy som fraszki anonimowe.
        No dyć trza to mianować inaczy - to jest podstawowo norma.
        • broneknotgeld Re: Ornontowice 25.06.05, 11:32
          1510 hektorow
          Tysionc piyńćset z hokym - uno tela - wiycie
          Na nich cołko gmina - te Ornontowice.
          • broneknotgeld Re: Ornontowice 25.06.05, 12:29
            Na hektor

            Na hektor wyłazi mniyj niż sztyry dusze
            Toż ciźbom niy mynczom aż za wiela tu sie.
            • broneknotgeld Re: Ornontowice 13.10.06, 23:37
              Orna gminom Mikołowa
              Dyć czy mo zakuto gowa?
              • broneknotgeld Re: Ornontowice 23.02.08, 22:44
                Ponoć te Ornontowice
                Fest ciekawe okolice.
                • broneknotgeld Re: Ornontowice 24.02.08, 10:06
                  Rym dali leci - ornontowicki
                  Czy tako tukej bydzie na wdycki?
                  • broneknotgeld Re: Ornontowice 07.04.09, 07:49
                    Cołko historyjo w rymowankach majom
                    Czy w Ornontowicach ślonski godce pszajom?
                    • broneknotgeld Re: Ornontowice 11.02.12, 22:26
                      Pszajom - tela wiym
                      Przidzie czas na rym.
                      • broneknotgeld Re: Ornontowice 24.10.24, 08:36
                        Mono tyż wystawa
                        Zdo - ciekawo sprawa.
      • broneknotgeld Fraszki i rymowanki ornontowicke 26.05.05, 09:48
        700 lot Ornontowic

        Szkryfli - jest już tako wiocha
        Chocioż starszo łona trocha
        Toż gyburstag tyn fajruje
        Niych se dlo niyj fraszka suje.
        • broneknotgeld Re: Fraszki i rymowanki ornontowicke 26.05.05, 09:54
          Ło utopku

          Jedyn utopek ze Ornontowic
          Pszoł gryfny frelce - dyć chopie to wiydz
          Że łona w zocy go nic niy miała
          Z utropy wysła mu woda w gałach
          Podobnoś dostoł chnet "wodowstryntu"
          I se zatracioł - aż do imyntu.
          • broneknotgeld Re: Fraszki i rymowanki ornontowicke 26.05.05, 09:56
            Jakby tego było mało
            forum.gazeta.pl/forum/72,2.html?f=261&w=10288510&a=15881566
            Na wspominki se zebrało.
            • broneknotgeld Re: Fraszki i rymowanki ornontowicke 26.05.05, 09:57
              Już sie aszom

              Aszom sie wystawom już Ornontowice
              Dożynki z notgeldym to niy yno wice
              Dyć tu i szkolorze bydom se dziwować
              Historyjom kero przed łoczy trza dować.

              (zeszłoroczno rymowanka)
              • broneknotgeld Re: Fraszki i rymowanki ornontowicke 26.05.05, 09:58
                Żniwno korona w Ornontowicach

                Baby z Ornontowic przi koronie siedzom
                Komu łobrodziyło łone dobrze wiedzom
                Zefel mo dzieciontko łod Karlika przeca
                Dyć pszaje mu wiela bo ze ślubny neca.
                • broneknotgeld Re: Fraszki i rymowanki ornontowicke 26.05.05, 10:01
                  "Jyndruchowy" pałac

                  Pałac to firma se miała
                  W Ornontowicach. -Bezmała
                  Już po remońcie w ruinie
                  Tako w tyj naszy dziedzinie.
                  • broneknotgeld Re: Fraszki i rymowanki ornontowicke 26.05.05, 15:44
                    Cd. - ło utopku ornontowickim

                    Morał w tym taki - płaczki utopka
                    Umiom wykończyć nawet i chopka
                    Ornontowicki freli zaś mało
                    Łogyń w niyj wiynkszy niżby se zdało.
                    • broneknotgeld Re: Fraszki i rymowanki ornontowicke 26.05.05, 22:21
                      Ornontowice "Budrykym" żyjom
                      Czy richtig yno skiż tego tyjom?
                      • broneknotgeld Re: Fraszki i rymowanki ornontowicke 08.06.05, 18:59
                        Utopek z "Szadego Bagna"

                        Piyrwyj żył tukej - radocha mioł
                        Jak we te bagno kogosik broł.
        • broneknotgeld Re: Fraszki i rymowanki ornontowicke 26.05.05, 14:53
          "Renoltowice"

          Ze Renoltowic przez Rnontowice
          Wylazły w końcu Ornontowice?
          • broneknotgeld Re: Fraszki i rymowanki ornontowicke 26.05.05, 14:59
            "Reinold"

            Reinold zasadźcom richtig ty wsi?
            Czy historyjo coś ło tym wiy?
            Czamu jo dzisioj tako to słysza?
            -Fara tyn karlus mioł dyć sołtysa

            Toż se w tych czasach na Ślonsku dzioło
            Choć wpiyrw niy było wcale wesoło
            Kolonizacjo wielko ruszyła
            Ze Flandrii Niymiec Walonii była
            Ludzi nalazło na ziymie puste
            By zaś se mogły stać bardzi tuste

            I niy dziwujcie se Reinoldowi
            Z zajtow historji ło nom sie jowi
            Choć niywyraźnie dyć możno styknie
            By to leciało dali już piyknie.
            • broneknotgeld Re: Fraszki i rymowanki ornontowicke 26.05.05, 15:02
              Przi Ornontowickim Potoku

              Po łobu stronach potoku
              wydzielyli łany
              Kaj piyrwyj bor gynsty
              był niywyczesany

              Dyć go jednak wytli
              skiż ty ludzki woli
              By czowiek mog żyć tu
              i Ponboczka chwolić.
              • broneknotgeld Re: Fraszki i rymowanki ornontowicke 26.05.05, 15:04
                Łany

                Już wedle strumiynia łany rozłożone
                Czidziści zrachujesz - poczontkym som łone.
                • broneknotgeld Re: Fraszki i rymowanki ornontowicke 26.05.05, 15:07
                  "Registrum Wyasdense" 1303-1306

                  W tym registrze miejscowości piyrszo wzmianka dali
                  Toż do historyji tako powołali
                  I chocioż już łona ździybko piyrwyj była
                  Gyburstag mo latoś - oby ciyngym żyła!
                  • broneknotgeld Re: Fraszki i rymowanki ornontowicke 29.05.05, 11:02
                    W ksiynstwie bytomsko-kozielskim

                    Ornontowice wpiyrw z Gliwicami
                    w ksiynstwie bytomsko-kozielskim
                    Toż łodpowiycie se na to sami
                    Kazimierz panym tu wielkim

                    Niy jakiś rycerz czy wasal inkszy
                    Wioseczka czimoł we rynkach
                    Yno Piastowicz - rod tu nojwiynkszy
                    Przed niym trza było imklynkać

                    Pleban i sołtys suchali jego
                    A wola ksiyńcia chnet świynto
                    Przeca z nadanio łoni istnego
                    Niychej to kożdy pamiynto.
                    • broneknotgeld Re: Fraszki i rymowanki ornontowicke 29.05.05, 11:06
                      W sztyrnostym wieku?

                      W sztyrnostym wieku se tako stało?
                      Już Przemyślidow ta ziymia cało?
                      Ornontowice stojom przi Pszczynie?
                      -Zdo sie to było we ty dziedzinie.
                      • broneknotgeld Re: Fraszki i rymowanki ornontowicke 29.05.05, 11:09
                        Najazd - 1345

                        Kazimierz Wielki ze swojym wojskym
                        Najechoł ziymie - krol tu niyswojski?
                        Wele Rybnika Pszczyny i Żor
                        Wsie wszyske spoloł - wielki był wor

                        Spolone tako Rybnik i Pszczyna
                        Ślinto fest ślonsko naszo dziedzina
                        W Ornontowicach tyż wielki płacz?
                        Łoj historyku - pedzieć coś racz!
                        • broneknotgeld Re: Fraszki i rymowanki ornontowicke 31.05.05, 08:54
                          1387

                          Jan II Żelazny zaś panym na Pszczynie
                          Jako w raciborski tyż cołki dziedzinie
                          Czimoł Przemyślida ziymie rynkom kwardom
                          Zniszczoł niyjednego co ze duszom hardom.
                          • broneknotgeld Re: Fraszki i rymowanki ornontowicke 31.05.05, 08:56
                            Ksiynżno Helyna

                            Jak w końcu zabrakło Jana Żelaznego
                            Wdowa zastompiyła tu przeca istnego
                            Sama ziymia pszczyńsko aż do wtedy miała
                            Jak jom wola bosko z padołu zabrała.
                            • broneknotgeld Re: Fraszki i rymowanki ornontowicke 31.05.05, 09:00
                              Husty w Gliwicach 1429-1431

                              Wojska husycke wziyły Gliwice
                              Trocha w nich nawet siedziały
                              Wyfutrowały je okolice
                              Utropa ze tym fest miały

                              W końcu i im se tyż łoberwało
                              Tu łod Konrada Biołego
                              Ku Kościołowi wszysko wrocało
                              Co łoderwane łod niego.
                            • broneknotgeld Re: Fraszki i rymowanki ornontowicke 31.05.05, 09:02
                              W piytnostym wieku

                              W piytnostym wieku co wpiyrw ksionżynce
                              Rycerskim dobrym już stoło
                              Kmiecie skiż tego możno we mynce
                              Inkszym tyż tako se dzioło.
                              • broneknotgeld Re: Fraszki i rymowanki ornontowicke 01.06.05, 17:59
                                Maciej Lencz

                                Maciej Lencz podzieloł wioska
                                Łobu synkom doł niytroszka
                                Po niym gospodarzom łoni
                                A czas drapko tukej goni.
                              • broneknotgeld Re: Fraszki i rymowanki ornontowicke 01.06.05, 18:02
                                Bratki z Rynoltowic

                                Mikołaj lencz był ze Rynoltowic
                                Toż Pyjtra bratym tyż mioł
                                Łoba panami - terozki powiydz
                                Ło dwor swoj kożdy jyż bdoł.
                              • broneknotgeld Re: Fraszki i rymowanki ornontowicke 01.06.05, 18:05
                                Jan Lencz z Runoltowic

                                Jan Lencz przi ksiyńciu Bolku pisarzym
                                Ło familiji swoji se marzy
                                By jom podźwignońć i uposażyć
                                Czy mog se na to tyn karlus ważyć?
                              • broneknotgeld Re: Fraszki i rymowanki ornontowicke 01.06.05, 18:09
                                1467-1472

                                Piotr Lencz we służbie ksiyńcia swojego
                                Starostwo pszczyńske ze ronk istnego
                                Do wsi Dymbiyńsko tako i prawa
                                Jedyn mo trudy - inkszy zabawa.
                                • broneknotgeld Re: Fraszki i rymowanki ornontowicke 01.06.05, 22:27
                                  Ksionżoszek

                                  Jan Lencz ksionżoszkym - trza wiedzieć to
                                  Możno bracikow Lenczow tyż mo
                                  I jejich wspiyro na ksiyńcia dworze
                                  Po prowdzie niy wiym dyć szkryfna - może.
                                  • broneknotgeld Re: Fraszki i rymowanki ornontowicke 01.06.05, 22:29
                                    "Piotr lens z Renerdorf"

                                    Zdo sie to karlus ze Rynoltowic
                                    Bo kto by inkszy? Jeronie - powiydz!
                                    • broneknotgeld Re: Fraszki i rymowanki ornontowicke 01.06.05, 22:30
                                      "Rybniki"

                                      Ryby se tukej bogactwym zdały
                                      Ornontowice dwa stawy miały.
                                      • broneknotgeld Re: Fraszki i rymowanki ornontowicke 01.06.05, 22:32
                                        Dwa młyny

                                        Dwa młyny we jedny wsi?
                                        Ktosik ło tym cosik wiy?
                                        Jedyn w jeji środku stoł
                                        Drugi kościoł u sia mioł.
                                        • broneknotgeld Re: Fraszki i rymowanki ornontowicke 01.06.05, 22:36
                                          Koniec Lenczow?

                                          Ksionże Wacław stowioł na Jagiellończyka
                                          Toż Korwina w końcu dosiyngła go rynka
                                          Pewno potym Lenczom trza było stond zmykać
                                          By tu niy czekała na nich jakoś mynka.
                                          • broneknotgeld Re: Fraszki i rymowanki ornontowicke 01.06.05, 22:38
                                            Kazimierz II Cieszyński (1480)

                                            Kupioł Piastowicz ta ziymia pszczyńsko
                                            Bestoż tu władza teroz cieszyńsko.
                                          • broneknotgeld Re: Fraszki i rymowanki ornontowicke 02.06.05, 20:33
                                            Aleksy Turzo (1517)

                                            Aleksy turzo panym na Pszczynie
                                            Łon teroz "freiherr" we ty dziedzinie
                                            Toż jymu służom teroz dziedzice
                                            We kerych grabach Ornontowice.
                                            • broneknotgeld Re: Fraszki i rymowanki ornontowicke 04.06.05, 15:51
                                              Jan Turzo (1525)

                                              Po Aleksym drapko ziymia w rynkach Jana
                                              Chocioż przidzie jeszcze niyroz zmiynić pana.
                                            • broneknotgeld Re: Fraszki i rymowanki ornontowicke 04.06.05, 20:00
                                              Piotr Rynultowski

                                              We historyji ślod po niym łostoł
                                              Łod Kudowskiego stow rybny dostoł
                                              Za kery jymu doł konsek ziymi
                                              Toż z ksiyngi ziymski to wszysko wiymy.
                                              • broneknotgeld Re: Fraszki i rymowanki ornontowicke 04.06.05, 20:02
                                                Stow wiejski

                                                Ze niego woda na młyn płynyła
                                                I gowiydź wiejsko tu woda piyła.
                                                • broneknotgeld Re: Fraszki i rymowanki ornontowicke 04.06.05, 20:04
                                                  Jan Kornic Rynultowski

                                                  Kornic - toż se zdowo że niy bele kto
                                                  Zasługi dlo Ślonska rod Kornicow mo
                                                  Jana mioł we zocy pewno i pan Pszczyny
                                                  We kerego władzy tutejsze dziedziny.
                                                  • broneknotgeld Re: Fraszki i rymowanki ornontowicke 05.06.05, 19:54
                                                    Szczynsny i Jerzy Rynultowscy

                                                    Toż z nich somsiady tego Kornica
                                                    Sońdziyli se z niym ło okolica
                                                    Las co sie ciongnoł do Gierałtowic
                                                    Uczimoł Kornic - jeronie to wiydz.
                                                  • broneknotgeld Re: Fraszki i rymowanki ornontowicke 05.06.05, 19:56
                                                    Karczma

                                                    Karczma na gruntach była Kornica
                                                    Toż czopowego jo mu niy licza
                                                    Z wyszynku piwa szoł dobry grosz
                                                    Jako i dzisioj kaj biyr tyż mosz.
                                                    • broneknotgeld Re: Fraszki i rymowanki ornontowicke 05.06.05, 19:58
                                                      Dwa folwarki

                                                      Dwa folwarki w jedny wsi
                                                      Coś za wiela to sie wiy
                                                      Kmieć na pańskim robić musioł
                                                      Niym u siebie cosik usioł
                                                      Tako samo i przi żniwach
                                                      Dyć se niy ma czymu dziwać.
                                                    • broneknotgeld Re: Fraszki i rymowanki ornontowicke 05.06.05, 20:03
                                                      Katarzyna

                                                      Ze Kozłowy Gory wzioł se Kornic frela
                                                      We wianie mu wniosła piniyndzy dość wiela
                                                      Majontku dziedzica dyć jednak niy dała
                                                      Toż i wdowom w końcu po niym tu łostała

                                                      Tako se już stracioł tukej rod Kornica
                                                      Niy szukej nastympcy we Ornontowicach.
                                                    • broneknotgeld Re: Fraszki i rymowanki ornontowicke 07.06.05, 17:28
                                                      Małgola

                                                      Cera łod Olszowca - sołtysa wsi Łonka
                                                      Sie w Ornontowicach niy musiała błonkać
                                                      Jerzy Rynultowski za ślubno jom wzioł
                                                      Skiż śmierci niydogo jednak ze niom boł.
                                                    • broneknotgeld Re: Fraszki i rymowanki ornontowicke 07.06.05, 18:08
                                                      "Niydogo"

                                                      Kurde - zaś "niydugo" we wiyrchu być miało
                                                      Dyć se coś z klawiyrom richtig pomiyszało.
                                                    • broneknotgeld Re: Fraszki i rymowanki ornontowicke 07.06.05, 18:12
                                                      Szczynsny (Starszy) Rynultowski

                                                      Z braci Rynultowskich łon som w końcu łostoł
                                                      Jorga i Macieja działy w spadku dostoł
                                                      I ło tym tu jeszcze przeca szkryfnońć musza
                                                      Że tyż erbnoł tako grunt łod Mateusza.
                                                    • broneknotgeld Re: Fraszki i rymowanki ornontowicke 07.06.05, 18:14
                                                      Stanisław Orzeski

                                                      Łod Szczynsnego kupioł dział po Mateuszu
                                                      Tako na Macieja grunt tyż grosz swoj ruszoł
                                                      Toż już pan Orzesza wiela tukej znaczy
                                                      Hołd ze Rynoltowic Promnicom łonaczy.
                                                    • broneknotgeld Re: Fraszki i rymowanki ornontowicke 08.06.05, 18:37
                                                      Sztyrech synow

                                                      Po Szczynsnym sztyrech synow łostało
                                                      Kożdy dzaił chycioł - dyć przeca mało
                                                      Szmat Rynultowic mioł tyn Orzeski
                                                      Bo niy poskompioł na to łon kieski.
                                                    • broneknotgeld Re: Fraszki i rymowanki ornontowicke 08.06.05, 18:55
                                                      "Rusek" i "Dorgesz"

                                                      Miana dwóch stawow w Ornontowicach
                                                      Ze ryb mo profit ta okolica.
                                                    • broneknotgeld Re: Fraszki i rymowanki ornontowicke 08.06.05, 18:57
                                                      "Szade Bagno"

                                                      Wele potoku wiejskiego było
                                                      Gyry tu ponoć zowdy zmoczyło.
                                                    • broneknotgeld Re: Fraszki i rymowanki ornontowicke 08.06.05, 19:00
                                                      1566

                                                      Rynultowscy z Orzeskim
                                                      Hołd w Pszczynie złożyli
                                                      Toż se Promnicowi
                                                      Tako pokłoniyli.
                                                    • broneknotgeld Re: Fraszki i rymowanki ornontowicke 08.06.05, 19:02
                                                      Sztyry bratki

                                                      Szczynsny i Melchior Adam Mikołoj
                                                      Toż Rynultowscy - tako ich wołoj
                                                      Łojciec mioł w kupie co dzielom łoni
                                                      Bestoż tyż biyda ze czasym goni.
                                                    • broneknotgeld Re: Fraszki i rymowanki ornontowicke 08.06.05, 19:04
                                                      Adam Rynultowski z Knurowa (1603)

                                                      Tropi historyk tym swoja gowa
                                                      Czamu terozki jest ze Knurowa?
                                                      Pewno łopuścioł Ornontowice
                                                      Wzion nowe grunta - tako powiycie.
                                                    • broneknotgeld Re: Fraszki i rymowanki ornontowicke 11.06.05, 08:25
                                                      Prokop Rynultowski (1608/1613)

                                                      Łostatniego z rodu wspomnieć trza tu chopa
                                                      W hołdzie Promnicowi tyż momy Prokopa.
                                                    • broneknotgeld Re: Fraszki i rymowanki ornontowicke 11.06.05, 08:27
                                                      Regina

                                                      Regina - ślubno Prokopa
                                                      Chnet pochowała tu chopa
                                                      Utropa dyć wiynkszo miała
                                                      Bo mu dziedzica niy dała.
                                                    • broneknotgeld Re: Fraszki i rymowanki ornontowicke 11.06.05, 08:29
                                                      Rynultowice - Ornontowice

                                                      Tu Rynultowscy se tracom
                                                      Inksi na gruntach bogacom
                                                      Rod w historyjo wpisany
                                                      Ornontowicom był dany.
                                                    • broneknotgeld Re: Fraszki i rymowanki ornontowicke 11.06.05, 08:31
                                                      Jan Welczek

                                                      Jak prziszoł wiek siedymnosty
                                                      Pedzioł - dziedzina tu mosz ty
                                                      I Welczek usłuchoł tego
                                                      Prziszoł z Dymbiyńska Wielkego.
                                                    • broneknotgeld Re: Fraszki i rymowanki ornontowicke 11.06.05, 08:32
                                                      W siedymnostym wieku

                                                      Ło Rynultowicach mianie zapomnieli
                                                      Ornontowicami zwać ta sztela chcieli.
                                                    • broneknotgeld Re: Fraszki i rymowanki ornontowicke 04.07.05, 18:33
                                                      Graf Krzysztof Welczek (1675)

                                                      Toż niy yno jego te Ornontowice
                                                      Przeca czimoł inksze tukej okolice
                                                      Do tego mioł urzond starosty we Pszczynie
                                                      Bestoż wiela znaczoł w ty ślonski dziedzinie.
                                                    • broneknotgeld Re: Fraszki i rymowanki ornontowicke 04.07.05, 18:35
                                                      W XVII wieku

                                                      W siedymnostym wieku sztela mo czi działy
                                                      Nojwiynkszy - tyn Welczki se dlo sia zabrały
                                                      Reistwitze Pielgrzymy te dwie familije
                                                      Tyż grunt tu czimały - historio niy zmyje.
                                                    • broneknotgeld Re: Fraszki i rymowanki ornontowicke 04.07.05, 18:39
                                                      Rod Welczkow

                                                      Z Dymbiyńska Wielkiego rod Welczki swoj wziyli
                                                      Toż na Gornym Ślonsku łoni w zocy byli
                                                      Dymbiyńsko Leszczyny te Ornontowice
                                                      Kamiyń Rydułtowy jejich Gardawice
                                                      Jeszcze Niepaszyce Ligota do tego
                                                      Jak widać niy mieli majontku małego.
                                                    • broneknotgeld Re: Fraszki i rymowanki ornontowicke 05.07.05, 22:41
                                                      Krzysztof Welczek (1587)

                                                      W tym roku za ślubno Anna Kloch se wzioł
                                                      Z niom wiano na Ornie - kontynt z tego boł
                                                      Tako sie w grunt tukej piyrszy Welczek wżynioł
                                                      Rod dugo tu łostoł - już tego niy miynioł.
                                                    • broneknotgeld Re: Fraszki i rymowanki ornontowicke 05.07.05, 22:44
                                                      Jan Welczek (1593)

                                                      Anna Kloch von Konitz syna Welczkom dała
                                                      Swoji familiji wyrosnoł na chwała
                                                      W Ołomuńcu karlus wiela sztudiyrowoł
                                                      Przi cysorzu czasym nasz Jan nawet stowoł
                                                      Był w końcu u ksiyńcia zocnego kanclerzym
                                                      Opolsko-raciborskim - jak kery niy wierzy.
                                                    • broneknotgeld Re: Fraszki i rymowanki ornontowicke 05.07.05, 22:45
                                                      Graf Welczek (1656)

                                                      Toż łod tego roku grafym trza mianować
                                                      Przistoji Janowi przi nojlepszych stować.
                                                    • broneknotgeld Re: Fraszki i rymowanki ornontowicke 05.07.05, 22:47
                                                      Hołd (1623)

                                                      Hołd Promnicowi w tym roku dany
                                                      Ze Orny Welczek zostoł wezwany
                                                      Dyć przeca wiedzioł że go niy minie
                                                      Pokłony swoje łoddać we Pszczynie.
                                                    • broneknotgeld Re: Fraszki i rymowanki ornontowicke 05.07.05, 22:48
                                                      Ornontowice 1628

                                                      Dział Orzeskiego Holly już mo
                                                      A Rynultowskich kto teroz zno?
                                                      Ano - se miano tukej straciyło
                                                      Ornontowicom cosik ubyło.
                                                    • broneknotgeld Re: Fraszki i rymowanki ornontowicke 05.07.05, 22:51
                                                      Jan Welczek 1670

                                                      Pomarł graf zocny - w Gliwicach leży
                                                      Czas bez litości przeca durś bieży
                                                      Dyć to dlo rodu niy jakoś sztrofa
                                                      Na syna paczom wszyscy - Krzysztofa.
                                                    • broneknotgeld Re: Fraszki i rymowanki ornontowicke 05.07.05, 22:55
                                                      Graf Krzysztof Welczek

                                                      Jan potomkow wiela mioł
                                                      Tyn nojwiyncy po niym broł
                                                      I som łod sia coś dołożoł
                                                      Niym żywota w końcu dożoł

                                                      Pszów Łabyndy i Gliwice
                                                      To już Welczkow okolice
                                                      Zdo sie richtig wielkim panym
                                                      Taki los istnymu dany.
                                                    • broneknotgeld Re: Fraszki i rymowanki ornontowicke 05.07.05, 22:56
                                                      Baca?

                                                      Łowczarnio mioł Welczek nojwiynkszo na Ślonsku?
                                                      Tysionce barankow - toż cosik w tym konsku.
                                                    • broneknotgeld Re: Fraszki i rymowanki ornontowicke 05.07.05, 22:58
                                                      Djoboł?

                                                      W swoji dziedzinie parafie grabioł?
                                                      We Ornie ćwieka ksiyndzu tyż zabioł?
                                                      Toż Kościołowi piyrwyj łon szkodzioł
                                                      Z wiekym duch inkszy dyć se w niym rodzioł
                                                      Chcioł wyrzondzone krziwdy naprawić
                                                      A możno tako dusza se zbawić.
                                                    • broneknotgeld Re: Fraszki i rymowanki ornontowicke 05.07.05, 23:01
                                                      Ślub 1654

                                                      Z grafiniom Praschma "junior" sie żyni
                                                      W Rybniku fajer pewno skiż tego
                                                      Ze szczyńścio gymba łojca se miyni
                                                      Czy Krzisztof rod jest? -Spytej istnego.
                                                    • broneknotgeld Re: Fraszki i rymowanki ornontowicke 06.07.05, 17:17
                                                      Wdowa Welczek

                                                      Maria Eufemia dzieci mu dała
                                                      Szostka - toż cosik możno i wiela
                                                      Po śmierci chopa upilnowała
                                                      By Francik Rudolf erbnoł ta sztela.
                                                    • broneknotgeld Re: Fraszki i rymowanki ornontowicke 06.07.05, 17:19
                                                      Franciszek Rudolf Welczek (1704)

                                                      Już w niym dziedzica mo ta dziedzina
                                                      Dyć dlo nos we tym żodno nowina
                                                      Niym fater pomarł radcom Franc był
                                                      W służbie cysorza niy szczyńdzioł siył.
                                                    • broneknotgeld Re: Fraszki i rymowanki ornontowicke 06.07.05, 17:25
                                                      Tragedyjo 1717

                                                      To wtedy se stało - grof w borze polowoł
                                                      Na grubego zwiyrza pewnikym nastowoł
                                                      We Franca trefiyła kula zabłonkano
                                                      Stond wielko mecyjo familiji dano

                                                      Cera se łostała - ta Maksymiliana
                                                      We wianie majyntność teroz wielko dana
                                                      Jan Wilhelm de Hollstein Orna tako chycioł
                                                      Aż w końcu Oppersdorff dlo sia grunt tyn wycioł.
                                                    • broneknotgeld Re: Fraszki i rymowanki ornontowicke 06.07.05, 17:26
                                                      1735

                                                      Łodkupioł Oppersdorff tyż grunt łod Pielgrzima
                                                      Już dziedzica tego w zocny Ornie niy ma.
                                                    • broneknotgeld Re: Fraszki i rymowanki ornontowicke 06.07.05, 17:28
                                                      Graf Oppersdorff

                                                      Welczkowna za ślubno piyrwyj łon se wzioł
                                                      Coś erbnońć po Welczkach richtig w prawie boł.
                                                    • broneknotgeld Re: Fraszki i rymowanki ornontowicke 08.07.05, 16:51
                                                      Zuzanna Karolina

                                                      Po Oppersdorffie wdowa łostała
                                                      Toż hołd Promnicom z Orny łoddała
                                                      Jako se godzi na ślonski Pszczynie
                                                      Bo ciyngym łona we ty dziedzinie.
                                                    • broneknotgeld Re: Fraszki i rymowanki ornontowicke 10.07.05, 23:43
                                                      Po Oppersdorffach

                                                      Po Oppersdorffach tyż rod Twardawa
                                                      W Ornontowicach mioł grunt we prawach.
                                                    • broneknotgeld Re: Fraszki i rymowanki ornontowicke 10.07.05, 23:45
                                                      Teodor Twardawa (1759)

                                                      W Ornontowicach go pochowali
                                                      Dyć co z majontkym dzioło se dali?
                                                      Karol von Kornberg to kupioł tedy
                                                      Se już niy pytej mie teroz - kedy?
                                                    • broneknotgeld Re: Fraszki i rymowanki ornontowicke 10.07.05, 23:48
                                                      22 333 talarow de Maubeque talarki już doł
                                                      Tela za ta Orna ponoć Kornberg chcioł.
                                                    • broneknotgeld Re: Fraszki i rymowanki ornontowicke 10.07.05, 23:52
                                                      Jerzy de Maubeque (1771)

                                                      Dziedzic umiyro - kto erbnie to?
                                                      Dyć jego cera ta Orna mo
                                                      Drapko łodstompi czyńść krewniokowi
                                                      Tyż Maubeque - kożdy to powiy.
                                                    • broneknotgeld Re: Fraszki i rymowanki ornontowicke 10.07.05, 23:56
                                                      Maksymilian Maubeque (1772)

                                                      Za "dział pielgrzimowski" piyńć tysiyncy doł
                                                      We wercie niywiela dyć jednak go chcioł.
                                                    • broneknotgeld Re: Fraszki i rymowanki ornontowicke 11.07.05, 00:00
                                                      Ornontowice Dolne 1783

                                                      Dressler łodkupioł Reiwitzow działy
                                                      Majontek zdo sie z tym bardzi cały
                                                      Działu Pielgrzima yno brakuje
                                                      Durś tam Maubeque gospodaruje.
                                                    • broneknotgeld Re: Fraszki i rymowanki ornontowicke 11.07.05, 00:02
                                                      Franciszek Leopold Zawadzki 1784

                                                      Łodsprzedoł Dressler cołki majontek
                                                      Zawadzki teroz chycioł tyn kontek
                                                      Już wpiyrw mioł przeca Łaziska Średnie
                                                      Fortuna rośnie mu a niy blednie.
                                                    • broneknotgeld Re: Fraszki i rymowanki ornontowicke 11.07.05, 00:09
                                                      Rudolf Zawadzki 1794

                                                      Kupioł Rudolf dział Pielgrzima
                                                      Dyć go chnetko tukej niy ma
                                                      Sztyry lata grunta czimoł
                                                      Za wiela profitu niy mioł.
                                                    • broneknotgeld Re: Fraszki i rymowanki ornontowicke 11.07.05, 18:28
                                                      Leopold von Heidebrand 1798

                                                      Mo cołko Orna nowego pana
                                                      Teroz ta ziymia jymu poddana
                                                      W tym roku kupioł se wszyske konski
                                                      Taki mioł koncept - zdo sie niywonski.
                                                    • broneknotgeld Re: Fraszki i rymowanki ornontowicke 11.07.05, 18:30
                                                      Dolne Ornontowice

                                                      Łod właścicieli tyn dział tyż zwany
                                                      Reiswitzom piyrwyj był łon poddany.
                                                    • broneknotgeld Re: Fraszki i rymowanki ornontowicke 11.07.05, 18:32
                                                      Dolne Ornontowice Zawadzkich

                                                      Po śmierci Jana Reiswitza
                                                      Zawadzkich ta okolica
                                                      Tyż von Polanka se zwali
                                                      Dyć dugo tu niy szczimali.
                                                    • broneknotgeld Re: Fraszki i rymowanki ornontowicke 11.07.05, 18:35
                                                      Dolne Ornontowice 1751

                                                      Jan Samuel de Boseck grunt tyn teroz broł
                                                      Tysionc dwiesta talarow Zawadzkim dyć doł.
                                                    • broneknotgeld Re: Fraszki i rymowanki ornontowicke 11.07.05, 18:37
                                                      Dolne Ornontowice 1756

                                                      Familijo Lubowskich sztela se kupiyła
                                                      Połtora tysionca teroz warto była.
                                                    • broneknotgeld Re: Fraszki i rymowanki ornontowicke 11.07.05, 18:40
                                                      Dolne Ornontowice 1766

                                                      Francik Gusnar ze Komorna
                                                      Jymu kłonio sie ta Orna.
                                                    • broneknotgeld Re: Fraszki i rymowanki ornontowicke 11.07.05, 18:45
                                                      Dolne Ornontowice Dresslera

                                                      Jak siedymnoście rokow minyło
                                                      Zaś właściciela to pomiyniyło
                                                      Dyć tako wiymy - grunt łod Dresslera
                                                      Ze resztom Orny cołkym jest teraz.
                                              • broneknotgeld Re: Fraszki i rymowanki ornontowicke 11.07.05, 18:57
                                                Zawadzcy na Ornontowicach

                                                Rudolf Zawadzki - starosta pszczyński
                                                Z siostrom co wyszła za Porymbskiego
                                                Łod Heidebranda grunt wziyli wszyski
                                                Tako pospołu pilnujom tego

                                                W końcu brat siostrze czyńść sprzedoł swoja
                                                Cołko już Orna we jeji rynkach
                                                Czy bydzie dugo? -Ano sie boja
                                                Komuś łodsprzedo go zaś Porymbska.
                                                • broneknotgeld Re: Fraszki i rymowanki ornontowicke 11.07.05, 19:00
                                                  Ornontowice 1839

                                                  August Wilhelm Schneider już ta Orna mo
                                                  Możno wonglo szukoł - tako mi sie zdo
                                                  Przeca gruby jego w Dymbiyńsku Czerwione
                                                  Cis sie durś tam istny kaj niy swiyci słońce.
                                                  • broneknotgeld Re: Fraszki i rymowanki ornontowicke 11.07.05, 19:02
                                                    Licytacyjo 1852

                                                    Do śmierci Schneidera Orna na pomp żyje
                                                    Toż trza zlicytować - to musi być czyjeś
                                                    Z geldu przidzie pokryć roztoliczne borgi
                                                    Czy richtig wystykło co dali za morgi?
                                                    • broneknotgeld Re: Fraszki i rymowanki ornontowicke 11.07.05, 19:03
                                                      90 tysiyncy talarow

                                                      Za tela majontek był zlicytowany
                                                      Na piyńć lot terozki Eichbornowi dany.
                                                    • broneknotgeld Re: Fraszki i rymowanki ornontowicke 11.07.05, 19:05
                                                      Moric Eichborn

                                                      Mozno i kogoś brała cholera
                                                      Że Orna w rynkach tego bankera
                                                      Kery chnet profit ze tego mioł
                                                      Bo przeca po to pewno jom chcioł.
                                                    • broneknotgeld Re: Fraszki i rymowanki ornontowicke 11.07.05, 19:07
                                                      "Cud" Eichborna

                                                      Jakby "cud" z niym w Orna prziszoł
                                                      Geldym richtig łon zamiyszoł
                                                      Sie dowiycie to niyskorzy
                                                      Sprzedoł sztyry razy droży.
                                                    • broneknotgeld Re: Fraszki i rymowanki ornontowicke 11.07.05, 19:10
                                                      Towarzystwo Akcyjne "Ornontowice"

                                                      Po Eichbornie łone majontek czimało
                                                      Toż czista piyńdziesiont tysiyncy mu dało
                                                      Jako ze tym wyszło że mioł taki profit?
                                                      Już se tu nikomu chyba niy przitrofi.
                                                • broneknotgeld Re: Fraszki i rymowanki ornontowicke 11.07.05, 19:11
                                                  Sztyry folwarki

                                                  Sztyry folwarki - cołki majontek
                                                  Ornontowice - zowiom tyn kontek.
                                                  • broneknotgeld Re: Fraszki i rymowanki ornontowicke 11.07.05, 19:12
                                                    "Szlosshof"

                                                    Folwark zowiom "Dwor Zamkowy"
                                                    Toż we Ornie kożdy to wiy.
                                                    • broneknotgeld Re: Fraszki i rymowanki ornontowicke 11.07.05, 19:13
                                                      "Mittelhof"

                                                      Tako wiycie to "Dwor Średni"
                                                      Oby jeszcze łon był przedni.
                                                    • broneknotgeld Re: Fraszki i rymowanki ornontowicke 11.07.05, 19:15
                                                      "Oczkau"

                                                      "Oczków" - tako folwark czeci
                                                      Miano jego z gowom leci.
                                                    • broneknotgeld Re: Fraszki i rymowanki ornontowicke 11.07.05, 19:17
                                                      "Neuhof"

                                                      "Nowym Dworym" tyn zaś zwali
                                                      Richtig świyżo zrychtowali.
                                                    • broneknotgeld Re: Fraszki i rymowanki ornontowicke 11.07.05, 19:18
                                                      Młyn (XIX w)

                                                      Młyn w tych czasach mloł tu gnaty
                                                      W "monczka kostno" łon bogaty.
                                                    • broneknotgeld Re: Fraszki i rymowanki ornontowicke 11.07.05, 19:20
                                                      4067 morgow

                                                      Tela zrachowali
                                                      We majontku morgow
                                                      Jak licytowali
                                                      Ta sztela skiż borgu.
                                                    • broneknotgeld Re: Fraszki i rymowanki ornontowicke 11.07.05, 19:22
                                                      Ornontowice 1883

                                                      Hegenscheidtowie kupiyli Orna
                                                      Ich familiji mielom już żorna.
                                                    • broneknotgeld Re: Fraszki i rymowanki ornontowicke 12.07.05, 16:45
                                                      Wilhelm Hegenscheidt

                                                      Z Westfalii Wiluś na Ślonsk nom prziszoł
                                                      W Gliwicach nojpiyrw ździybko namiyszoł
                                                      Werk kaj drot ciongli "bajtlym" jest jego
                                                      I huta "Baildon" była istnego
                                                      Na Gornym Ślonsku fortuna rosła
                                                      Chocioż do szpicy cołkym niy doszła.
                                                    • broneknotgeld Re: Fraszki i rymowanki ornontowicke 12.07.05, 16:46
                                                      We Ornie

                                                      We Ornie Wiluś wcale niy miyszkoł
                                                      Dlo familiji majontek zyskoł
                                                      By se tu wkludzioł nastympca jego
                                                      Otto Hegenscheidt - znocie istnego.
                                                    • broneknotgeld Re: Fraszki i rymowanki ornontowicke 13.07.05, 17:24
                                                      Wystowioł zamek

                                                      Ano dyć Otto zamek wystowioł
                                                      Ze familijom cołkom tu bowioł
                                                      Ślubno Lucija dała dwie cery
                                                      I syna Klausa - pamiynto kery?
                                                    • broneknotgeld Re: Fraszki i rymowanki ornontowicke 13.07.05, 17:28
                                                      Pałac

                                                      Pałac - dyć wszyscy zamkym go zwali
                                                      Na eklektyczny muster tu dali
                                                      Toż Hegenscheidtow teroz siedziba
                                                      Już se łostanom na dugo chyba
                                                    • broneknotgeld Re: Fraszki i rymowanki ornontowicke 13.07.05, 17:30
                                                      Hegenscheidtow

                                                      Toż Hegenscheidtow Orna niy yno
                                                      Zawiść Dymbiyńsko tyż ich wspomino
                                                      Jelynio Gora podobnoś nawet
                                                      Bo tyż tam grunta mieli we prawie.
                                                    • broneknotgeld Re: Fraszki i rymowanki ornontowicke 25.09.05, 13:22
                                                      Klaus Hegenscheidt

                                                      W armiji huzarym
                                                      Służoł Wilusiowi
                                                      Modym był - niy starym
                                                      Kożdy tako powiy

                                                      Na ost-froncie bioł sie
                                                      I na tym co "west"
                                                      We Ornie niy kroł sie
                                                      Po wojnie tu jest.
                                                    • broneknotgeld Re: Fraszki i rymowanki ornontowicke 25.09.05, 13:24
                                                      Klaus Hegenscheidt w Galicyji

                                                      W Galicyji terminowoł
                                                      Łon na ziymianina
                                                      Coby tu gospodarowoł
                                                      Kaj jego dziedzina.
                                                    • broneknotgeld Re: Fraszki i rymowanki ornontowicke 05.10.05, 22:05
                                                      Annemarie

                                                      Zdo sie z niyj była swiatowo frela
                                                      Rumunio Turcjo znaczyła wiela
                                                      Dyć piyrszo wojna wszysko zmiyniyła
                                                      Jakby z tym dziecku dowała siyła
                                                      By słuzyć inkszym nawet we trudzie
                                                      W ta strona Annemarie już pódzie.
                                                    • broneknotgeld Re: Fraszki i rymowanki ornontowicke 05.10.05, 22:07
                                                      Annemarie 1926

                                                      Matura zdano - co dali bydzie?
                                                      Toż sztudiyrować teroz jyj przidzie
                                                      A że durś chciała ludzi kurować
                                                      Na medycyna trza jyj z tym stowiać.
                                                    • broneknotgeld Re: Fraszki i rymowanki ornontowicke 05.10.05, 22:09
                                                      Annemarie Hegenscheidt

                                                      Serce niy sługa - już Klausa ślubnom
                                                      Dlo medycyny decyzjom zgubnom
                                                      Bo z tym i studia frela przerwała
                                                      Na gowie teroz majontek miała.
                                                    • broneknotgeld Re: Fraszki i rymowanki ornontowicke 05.10.05, 22:10
                                                      Park w Ornie

                                                      Toż Annemarie ło niego dbała
                                                      Ciyngym tyż cosik tam dokłodała
                                                      By arboretum z niego zrobiyła
                                                      Jakby co zaczła jednak skończyła.
                                                    • broneknotgeld Re: Fraszki i rymowanki ornontowicke 05.10.05, 22:11
                                                      "Ibongplatz"

                                                      Ano - we parku kontek rychtuje
                                                      "Przez szport do zdrowio" - tako tyż czuje.
                                                    • broneknotgeld Re: Fraszki i rymowanki ornontowicke 05.10.05, 22:13
                                                      Kolonie dziedziczki

                                                      Wele Bielska na kolonie bajtli śle ze Orny
                                                      By sie tako dychły - los niy dusioł morny
                                                      Ano dlo nich przeca dobrodziejkom była
                                                      Tako i bogactwym z biydnym se dzielyła.
                                                    • broneknotgeld Re: Fraszki i rymowanki ornontowicke 05.10.05, 22:15
                                                      "Fjoł"

                                                      Medycyna "fjołym" durś zdo sie dziedziczki
                                                      Toż se jyj chytała jako mogła wdycki
                                                      Kobiytom prawiyła ło profilaktyce
                                                      Łopieki dochtorski niy skompiyła - wiycie.
                                                    • broneknotgeld Re: Fraszki i rymowanki ornontowicke 05.10.05, 22:17
                                                      W majontku - 1926

                                                      Dziewiyńdziesiont ton zboża ze pol se zebrali
                                                      Łowsa tyż do tego wiela żniwowali
                                                      W wiynkszości to wszysko polski rynek zbiyroł
                                                      Klaus przeca na gyszeft ze ziymi zaziyroł.
                                                    • broneknotgeld Re: Fraszki i rymowanki ornontowicke 05.10.05, 22:19
                                                      Choć "obszary dworske"

                                                      Choć "obszary dworske" polikwidowali
                                                      Hegenscheidt był u sia - gospodorzoł dali
                                                      Ziymi mu ubuło dyć wiela durś czimoł
                                                      Zdo sie co we Ornie łon nigdy niy drzymoł.
                                                    • broneknotgeld Re: Fraszki i rymowanki ornontowicke 05.10.05, 22:21
                                                      W Dymbiyńsku

                                                      W Dymbiyńsku Wielkim no i tyż Starym
                                                      Czimoł Klaus niwy dość wielki miary
                                                      I ciyngym tako gospodarowoł
                                                      Że wiynkszym z roku na rok se stowoł.
                                                    • broneknotgeld Re: Fraszki i rymowanki ornontowicke 05.10.05, 22:23
                                                      Łogrodnictwo dworske

                                                      Łogrodnik Skowronek ło nie richtig dboł
                                                      Niy yno w warzywach uciecha dyć mioł
                                                      Przeca rozkryńciyli gyszeft tu na kwiotkach
                                                      W doniczkach stond brane wszyndy żeś mog spotkać.
                                                    • broneknotgeld Re: Fraszki i rymowanki ornontowicke 05.10.05, 22:25
                                                      Dworsko "łowiyńdzina"

                                                      Ano "łowiyńdzina" masowo hodowoł
                                                      W tym mioł Klaus uciecha - dowom na to słowo
                                                      Sławom sie ze Orny buhaje cieszyły
                                                      No bo tyż pierońsko jurne łone były.
                                                    • broneknotgeld Re: Fraszki i rymowanki ornontowicke 05.10.05, 22:27
                                                      Mlyczornie Hegenscheidta

                                                      Tam kaj jest bydło wiela tyż mlyka
                                                      Trza je przerobiać a niy se smykać
                                                      Tako sprzedować we swojich sklepach
                                                      Było to miarom tego czowieka.
                                                    • broneknotgeld Re: Fraszki i rymowanki ornontowicke 05.10.05, 22:29
                                                      Śmietonka maślonka jogurty i mlyko
                                                      Ze Orny nojzdrowsze bo dziedzic niy rzykoł
                                                      Yno we chłodziarnie drapko wszysko tkoł
                                                      Bestoż sort nojlepszy w swijich sklepach mioł.
                                                    • broneknotgeld Re: Fraszki i rymowanki ornontowicke 05.10.05, 22:30
                                                      8 ton

                                                      Krowa rekordzistka w rok mo mlyka tela
                                                      Tuste - sztyry procynt - dziwujom se wiela.
                                                    • broneknotgeld Re: Fraszki i rymowanki ornontowicke 05.10.05, 22:31
                                                      W Katowicach i Chorzowie

                                                      W Katowicach i Chorzowie
                                                      Sklepy ze nabiałym
                                                      Co nojlepsze we nich krowie
                                                      Z Orny towor cały.
                                                    • broneknotgeld Re: Fraszki i rymowanki ornontowicke 05.10.05, 22:33
                                                      Sztrom Hegenscheidta

                                                      Toż jednym z piyrszych co swoj sztrom mioł
                                                      Ze elektrowni mały parowy
                                                      W latach dwudziestych bo tako chcioł
                                                      Ze tym tu jakby wiek prziszoł nowy.
                                                    • broneknotgeld Re: Fraszki i rymowanki ornontowicke 05.10.05, 22:35
                                                      Stawy rybne

                                                      Toż przi Potoku Ornontowickim
                                                      Ryby hodowoł Hegenscheidt wdycki
                                                      Mioł "prawo wodne" po swoji stronie
                                                      Tako łod downa było - jeronie.
                                                    • broneknotgeld Re: Fraszki i rymowanki ornontowicke 05.10.05, 22:36
                                                      Kamiyniołom

                                                      Kamiyniołom Klausowi zocny kamiyń dowoł
                                                      Przecaz ty dziedziny nawet go sprzedowoł.
                                                    • broneknotgeld Re: Fraszki i rymowanki ornontowicke 05.10.05, 22:37
                                                      Tartak Hegenscheidta

                                                      Jak las we rynkach i tartak zdo sie
                                                      Gyszeft we kupie wtedy tyż mo sie.
                                                    • broneknotgeld Re: Fraszki i rymowanki ornontowicke 05.10.05, 22:38
                                                      Powozy dworske

                                                      Szejść powozow - zdo sie wiela
                                                      Toz i auto mo ta sztela
                                                      Hegenscheidty szli ze czasym
                                                      No i niy traciyli klasy.
                                                    • broneknotgeld Re: Fraszki i rymowanki ornontowicke 05.10.05, 22:40
                                                      Piyrszy telefon?

                                                      Piyrszy mioł telefon w Ornie?
                                                      Dugo ze tym tukej mornie
                                                      Dyć we dworze trza go było
                                                      Toż se drapko mu spełniyło.
                                                    • broneknotgeld Re: Fraszki i rymowanki ornontowicke 05.10.05, 22:41
                                                      Antoni Waloszczyk

                                                      U Hegenschedtow zarzondzoł dworym
                                                      Toż po dziedzicach łon piyrszy tukej
                                                      Zowdy w robocie - nigdy niy chory
                                                      Darmo takego kaj ińdzi szukej.
                                                    • broneknotgeld Re: Fraszki i rymowanki ornontowicke 05.10.05, 22:44
                                                      Adelajda Franzke

                                                      Pod Waloszczykym ksiyngowom była
                                                      Na jeji gowie cołki rachunek
                                                      Sie tom robotom przeca cieszyła
                                                      Choć możno czsym prziszoł frasunek.
                                                    • broneknotgeld Re: Fraszki i rymowanki ornontowicke 05.10.05, 22:45
                                                      Nadleśniczy Franzke

                                                      Ano lasow mioł pon wiela
                                                      We Dymbiyńsku tako w Ornie
                                                      Trza istnego na ta sztela
                                                      By niy poszło to na morne.
                                                    • broneknotgeld Re: Fraszki i rymowanki ornontowicke 05.10.05, 22:47
                                                      Klaus Hegenscheidt - patron kościoła

                                                      Toż "ze urzyndu" jakby to mioł
                                                      Farze niy skompioł bo tako chcioł
                                                      Choć wiary przeca był wangelicki
                                                      Coś dlo świontyni dowoł łon wdycki.
                                                    • broneknotgeld Re: Fraszki i rymowanki ornontowicke 05.10.05, 22:49
                                                      Komitet Pomocy Bezrobotnym

                                                      Klaus tyn komitet cołki czas wspiyroł
                                                      Na biyda w ornie z troskom zaziyroł
                                                      Bezrobotnymu by niy głodowoł
                                                      Geldu coś kapnoł i jodło dowoł.
                                                    • broneknotgeld Re: Fraszki i rymowanki ornontowicke 09.10.05, 10:44
                                                      "Jak długo my tu jeszcze coś posiadamy, nikt nie może u nas głodować względnie
                                                      z głodu umierać"

                                                      Tako w Komitecie Bezrobotnych prawioł
                                                      Ze głodu wybawcom nikerym se jawioł
                                                      Po złotku na tydziyń przeca biydnym dowoł
                                                      No i jodła głodnym wiela tyż rozdowoł.
                                                    • broneknotgeld Re: Fraszki i rymowanki ornontowicke 09.10.05, 10:45
                                                      Dowoł bezrobotnym

                                                      Na gody i łodpust monki po dwie tony
                                                      No i czsym krowy niy poskompioł łonym.
                                                    • broneknotgeld Re: Fraszki i rymowanki ornontowicke 09.10.05, 10:46
                                                      Garkuchnia dlo bezrobotnych

                                                      Niywiela by dali do warzynio garom
                                                      Jakby tyn Hegenscheidt niy prziszoł z ofiarom.
                                                    • broneknotgeld Re: Fraszki i rymowanki ornontowicke 09.10.05, 10:49
                                                      Biydaszyby w Ornie

                                                      Ze tym bezrobotni robiyli fest szkoda
                                                      Darmo po dobroci mog Hegenscheidt godać
                                                      Las mu przeca niszczom drzewa przewrocajom
                                                      Dyć choćby hajcować we doma czym majom
                                                      A i tyż zarobić chcom te groszy pora
                                                      Choć Klausa szanujom niy słuchajom dwora.
                                                    • broneknotgeld Re: Fraszki i rymowanki ornontowicke 09.10.05, 10:51
                                                      Po kryzysie

                                                      Niby kryzys minoł - dyć biyda łostała
                                                      I ciyngym se pomoc dworu przidowała
                                                      Toż dziedzice tako biydota wspiyrali
                                                      Grzych prziwiyrać łoczy - to forsztelowali.
                                                    • broneknotgeld Re: Fraszki i rymowanki ornontowicke 09.10.05, 10:53
                                                      W parku Hegenscheidta

                                                      Dziedzic dowo na to zgoda
                                                      By tu rechtor mioł - prziroda
                                                      Toz we parku dziatwa z Orny
                                                      Poznowała świat niymorny.
                                                    • broneknotgeld Re: Fraszki i rymowanki ornontowicke 09.10.05, 10:54
                                                      Parkowe festyny

                                                      Ano tyż sie odbywały
                                                      Z gminy ciongnoł "kwiot" tu cały
                                                      Dlo zabawy i muzyki
                                                      -Radość miały nawet śpiki
                                                      Tyż dziedziczka sie cieszyła
                                                      Ze tym bliży "gminu" była.
                                                    • broneknotgeld Re: Fraszki i rymowanki ornontowicke 09.10.05, 10:56
                                                      Ochotniczo Straż Pożarno 1927

                                                      Jako by z niom w Ornie było
                                                      Jakby klausa niy wciongnyło?
                                                      Toż u niego zagościyli
                                                      a i koni użyczyli.
                                                    • broneknotgeld Re: Fraszki i rymowanki ornontowicke 09.10.05, 10:58
                                                      "Dom Zdrowio"

                                                      Hegenscheidt sypnoł na to grosiwym
                                                      Chocioż bogaty dyć niy był chciwy
                                                      W dziesiyńciolecie państwa polskego
                                                      Doł swoja "cegła" zocno do tego.
                                                    • broneknotgeld Re: Fraszki i rymowanki ornontowicke 09.10.05, 11:00
                                                      Ornontowicki radny

                                                      Strona niymiecko we Radzie czimoł
                                                      Dyć se normalne to zdało
                                                      Klaus służoł Ornie - przeca niy drzymoł
                                                      Wiela go we tym wspiyrało.
                                                    • broneknotgeld Re: Fraszki i rymowanki ornontowicke 09.10.05, 11:01
                                                      Komisyjo Drogowo

                                                      Ano - zasługom tyż to dziedzica
                                                      Co w Ornie drogi zmiyniajom lica
                                                      Dwor se ze gminom dogodoł tako
                                                      By dbać ło drogi tukej jednako.
                                                    • broneknotgeld Re: Fraszki i rymowanki ornontowicke 09.10.05, 11:03
                                                      Gon

                                                      Gon w ornontowickich lasach
                                                      Hegenscheidtow - dobra nasza
                                                      Przeca łoni to lubieli
                                                      Tako se zabowiać chcieli.
                                                    • broneknotgeld Re: Fraszki i rymowanki ornontowicke 09.10.05, 11:04
                                                      Kloźdowki na stawach

                                                      Tako tu zimom zowdy zabawa
                                                      Były kloźdowki na Orny stawach
                                                      Kto przi ślynzuchach na lod se pchoł
                                                      Choć dziedzic ze tym utropa mioł.
                                                    • broneknotgeld Re: Fraszki i rymowanki ornontowicke 09.10.05, 11:09
                                                      Kuligi ornontowicke

                                                      Dyć zaprzongnyli konie do sani
                                                      Kulig powiedom we Orny lasy
                                                      Choć niy dogoniom we lesie łani
                                                      Przeca ty szteli dołozom krasy

                                                      Toż wio koniku! Śniegu jest wiela
                                                      Ziomb skuli szwongu w zadku łostanie
                                                      Gorko przi tymu - trza nom wesela
                                                      Zima w pamiyńci tako łostanie.
          • broneknotgeld Re: Fraszki i rymowanki ornontowicke 28.05.05, 22:38
            Ornontowicko parafijo

            We wrocławski djecezyji
            Som Ornontowice
            Jako we ty parafiji?
            Przeca se dowiycie.
            • broneknotgeld Re: Fraszki i rymowanki ornontowicke 29.05.05, 10:51
              We sztyrnostym wieku

              Znodli we wykazie kościoł parafialny
              Dyć powod szkryfniyńcio zdowo sie niyfajny
              Bo niy łopłaciyli "Vienny" dziesiyńciny
              Kero szła na wsparcie ty Świynty Dziedziny.
              • broneknotgeld Re: Fraszki i rymowanki ornontowicke 29.05.05, 10:53
                6 skojcow (1335-1342)

                Farorz z Ornontowic spłacioł co do skojca
                Zaległy podatek do stolicy Łojca.
                • broneknotgeld Re: Fraszki i rymowanki ornontowicke 29.05.05, 10:55
                  Przi Glywicach

                  Parafijo przi Glywicach
                  Stoji w djecezyji
                  Na Wrocka tyż paczy lica
                  -Taki prowincyji.
                  • broneknotgeld Re: Fraszki i rymowanki ornontowicke 29.05.05, 10:57
                    Piyrszy kościoł

                    Piyrszy kościoł dyć drewniany
                    we ty wiosce stoł
                    Już Michała Archanioła
                    za patrona mioł.
                    • broneknotgeld Re: Fraszki i rymowanki ornontowicke 11.06.05, 08:38
                      1578

                      Kościoł wystawiyli nowy tyż drewniany
                      Łon na duge lata mioł im być tu dany
                      Sztyrysta piytnoście rokow aże stoł
                      Niym stond parafianin murowany mioł.
                    • broneknotgeld Re: Fraszki i rymowanki ornontowicke 11.06.05, 08:41
                      Wizytacyjo parafiji ornontowicki (1687)

                      Co wizytator szkryfnoł w papiorach?
                      -Kościoł drewniany a niy we murach
                      I zocny ponoć tu tyż skiż tego
                      Że w niym niy majom pochowanego
                      Kogoś kto szołby gibko za Lutrym
                      - Tyż katolicki bydzie ze jutrym.
                      • broneknotgeld Re: Fraszki i rymowanki ornontowicke 13.06.05, 07:58
                        Parafijo w siedymnostym wieku

                        W siedymnostym wieku richtig ubożeje
                        Niy były to dobre dlo koscioła dzieje
                        Protestancko-katolicke roztoliczne wojny
                        Biyda wiernym ciyngym niosły w tyn czas niyspokojny
                        Bestoż i w Ornontowicach kościoł zdo sie chylić
                        Chocioż Welczki przed nojgorszym trocha go chroniyli.
                        • broneknotgeld Re: Fraszki i rymowanki ornontowicke 20.06.05, 17:43
                          Kościelne łorgany?

                          Choć łorganista szkoła prowadzioł
                          Grać na klawiyrach tu niy poradzioł
                          Dyć insztrumyntu niy ma w kościele
                          Tako se życie dziwacznie miele

                          W Dymbiyńsku jednak pewno łon grywoł
                          Tymu niyjedyn by se niy dziwoł
                          Bo w Ornie w końcu zabrakło ksiyndza
                          Toż parafialno richtig już nyndza.
                          • broneknotgeld Re: Fraszki i rymowanki ornontowicke 24.06.05, 21:24
                            1693

                            Durś parafijo podupadała
                            Z tym rokym sztela w Dymbiyńsku miała
                            W ornontowickim teroz kościele
                            Mszo yno była skuli niydziele
                            A plebanijo cołkym już pusto
                            Przeca łod downa niy było tusto.
                            • broneknotgeld Re: Fraszki i rymowanki ornontowicke 03.07.05, 15:19
                              Parafijo Ornontowicko 1719

                              Ano - niy było już ksiyndza tukej
                              Toż na Dymbiyńsko terozki klupej
                              Tam farorzowi brak wikarego
                              Wiela wymogać to szło łod niego?

                              We cołkym roku msze w Ornie czi
                              Kościoł podupod - kożdy to wiy
                              Na lepsze czasy czekać sie zdo
                              Czy łone przidom? Ponboczek do?
                              • broneknotgeld Re: Fraszki i rymowanki ornontowicke 03.07.05, 15:23
                                "Fundacyjo Mszalno"

                                Sztyrysta talarkow baron Welczek doł
                                By kościoł posługa kapłanow tu mioł
                                Profit erbnoł farorz Dymbiyńska Wielkego
                                Jaki ? -Trza by spytać se możno istnego

                                Dyć dwie parafije z tym se połonczyły
                                Łod sia być zabrakło we tych czasach siyły
                                Świontyni zaś biyda w łoczy zoglondała
                                Chocioż tu na Ornie jakosik przetrwała.
                                • broneknotgeld Re: Fraszki i rymowanki ornontowicke 04.07.05, 18:23
                                  Farorz Jakub Talapacz (1678-1684)

                                  W Ujeździe był krzczony we wieku połowie
                                  Richtig świyntobliwy był ze niego czowiek
                                  Protestantow nawrocoł łon na rzymsko wiara
                                  Czy było ich wiela niym skończoł na marach?
                                  • broneknotgeld Re: Fraszki i rymowanki ornontowicke 04.07.05, 18:27
                                    Farorz Paweł Kasperek (1684-1693)

                                    Wiela parafiji piyrwyj mioł we rynkach
                                    zdało sie - sutanna to dlo niego mynka
                                    Popić przeca lubioł połobrocać baby
                                    Bajtli tyż moioł pora wspomnieć tako trza by
                                    Na starość se zmiynioł - już w Ornontowicach
                                    Dyć tukej we nyndzy pogasły mu lica.
                              • broneknotgeld Re: Fraszki i rymowanki ornontowicke 14.07.05, 18:25
                                Stary kościoł (1578-1893)

                                Wiela stary kościoł we Ornie szczimoł
                                Zdowało sie jakby czasym tu drzymoł
                                Farorz ze Dymbiyńska ciyngym piecza mioł
                                Ale w ciynżkich rokach niywiela tyż dboł.
                              • broneknotgeld Re: Fraszki i rymowanki ornontowicke 14.07.05, 18:26
                                W dziewiytnostym wieku

                                W dziewiytnostym wieku przibywo durś ludzi
                                Toż se parafijo do życio łobudzi.
                              • broneknotgeld Re: Fraszki i rymowanki ornontowicke 14.07.05, 18:27
                                Bractwo Rożańcowe 1849

                                Czy już pobożniejszy miyszko tukej czowiek?
                                Pewnie - przeca majom Bractwo Rożańcowe.
                              • broneknotgeld Re: Fraszki i rymowanki ornontowicke 14.07.05, 18:28
                                W połowie XIX wieku

                                Ołtorz Matki Boski gryfnie łodnowiony
                                Sztyrdziści talarkow trza wyłożyć łonym.
                              • broneknotgeld Re: Fraszki i rymowanki ornontowicke 14.07.05, 18:29
                                1862

                                Delina drewniano była do niczego
                                Toż teroz zrobiyli z piaskowca mocnego.
                              • broneknotgeld Re: Fraszki i rymowanki ornontowicke 14.07.05, 18:31
                                Łorgany 1863

                                Wolfgang ze Ujazdu wzioł w rynce łorgany
                                Naprawioł co umioł - "wykurowoł rany"
                                Rokow ze czidziści jeszcze tu służyły
                                Na krotko w świontynia tyż nowo wkludziyły.
                              • broneknotgeld Re: Fraszki i rymowanki ornontowicke 14.07.05, 18:34
                                Kościoł przed 1878

                                Farorz z kościelnym tu gospodarzoł
                                Możno dali tako rzońdzić by se marzoł
                                Z gory nakozali mieć Zarzond Kościoła
                                Myni teroz znaczoł - w tym dlo niego szkoła?
                                • broneknotgeld Re: Fraszki i rymowanki ornontowicke 18.07.05, 17:28
                                  Kaplica św. Jana

                                  Świyntego Jana kaplica
                                  Przi drodze naprzeciw kościoła
                                  Starego - tako uklyca
                                  Toż wele niego se stoła.
                                • broneknotgeld Re: Fraszki i rymowanki ornontowicke 18.07.05, 17:31
                                  Łostatnie lata

                                  Niym stary kościoł zbulyli
                                  Durś na mszo tukej łaziyli
                                  Niy szło dyć wystoć we środku
                                  Skuli pożaru przipodku

                                  Ci co se w ławkach niy siedli
                                  Na dworze czas mszy tu wiedli
                                  A przeca było ich wiela
                                  Bo Orna rosła - to tela.
                                • broneknotgeld Re: Fraszki i rymowanki ornontowicke 18.07.05, 17:32
                                  1893

                                  Stary kościoł już bulony
                                  Nowy lepi służy łonym.
                              • broneknotgeld Re: Fraszki i rymowanki ornontowicke 14.07.05, 18:36
                                Zarzond Kościelny 1878

                                W tym roku Zarzond Kościelny dany
                                Na szpicy farorz - z niym parafiany
                                Zocne bo przeca kożdy ze Orny
                                Zarzond mioł bardzi być gospodorny.
                              • broneknotgeld Re: Fraszki i rymowanki ornontowicke 14.07.05, 18:39
                                Zastympstwo Gminy Kościelny 1878

                                Toż te Zastympstwo cołkym z welunku
                                Mo "parafijo" ciongnońć ku słonku
                                By samorzondność łod sia se miała
                                I na Dymbiyńsko już niy paczała.
                              • broneknotgeld Re: Fraszki i rymowanki ornontowicke 14.07.05, 18:42
                                Parafijo 1888

                                Zarzond Kościelny tako uchwoloł
                                "Że stary kościoł cołkym sie woloł
                                Trza za budowa brać se nowego"
                                Dziedzic Hegenscheidt niy bronioł tego
                                Wsporcie dać musioł bo był patronym
                                Dyć prziszło na to czekać tu łonym.
                              • broneknotgeld Re: Fraszki i rymowanki ornontowicke 14.07.05, 18:44
                                Patronat Hegenscheidta

                                Patronat czimoł nad parafijom
                                Dyć to dlo niego tyż tu mecyjom
                                Trza było groszym sypnońć na kościoł
                                A łon wangelik - toż farorz pościoł.
                              • broneknotgeld Re: Fraszki i rymowanki ornontowicke 14.07.05, 18:48
                                Ksiondz Ćwielong

                                Dymbiyński farorz parafian wspiyroł
                                By kościoł nowy na Ornie stoł
                                Choć se do Pyjtra chnetko wybiyroł
                                Dyć radość przeca z ideji mioł.
                              • broneknotgeld Re: Fraszki i rymowanki ornontowicke 14.07.05, 18:49
                                Bauplac

                                Doł dziedzic łod sia na to parcela
                                Parku ubyło dyć mu niywiela.
                              • broneknotgeld Re: Fraszki i rymowanki ornontowicke 14.07.05, 18:54
                                82 775 marek

                                Trza na świotynio marek aż tela
                                Tyż robocizna parafian w tym
                                Dwie czecie patron doł na ta sztela
                                Portmanyj łotwar to przeca wiym

                                I chocioż bauplac wpiyrw tyż doł na to
                                Choć geld wyłożoł bez ty radości
                                Dyć przeca Orna niy jest sagato
                                Coś łod sia dadzom i ludzie prości.
                              • broneknotgeld Re: Fraszki i rymowanki ornontowicke 14.07.05, 18:54
                                73 tysionce

                                Tela w gotowce wyłożyć trza
                                Reszta z roboty parafian - pra?
                              • broneknotgeld Re: Fraszki i rymowanki ornontowicke 14.07.05, 18:55
                                Kolekta na kościoł

                                Ponoc dała wiyncy niż sie spodziywali
                                Ludzie na świontynia z chyńciom grosz dowali.
                              • broneknotgeld Re: Fraszki i rymowanki ornontowicke 14.07.05, 18:57
                                Z Funduszu Wolnych Kuksow

                                Fundusz na tyn kościoł tyż doł zapomoga
                                Wiela? tego niy wiym - toż szkryfnońć niy moga.
                              • broneknotgeld Re: Fraszki i rymowanki ornontowicke 14.07.05, 18:58
                                30 tysiyncy marek

                                Tela na świontynia pożyczyła gmina
                                Dość dugo spłocali - toż to niy nowina.
                              • broneknotgeld Re: Fraszki i rymowanki ornontowicke 14.07.05, 18:59
                                Nowy kościoł 1892/1893

                                Toż we tych rokach go zbudowali
                                Cześć Ponboczkowi tako łoddali.
                              • broneknotgeld Re: Fraszki i rymowanki ornontowicke 14.07.05, 19:13
                                Budowa 1892/1893

                                Projekt doł Jackisch na ta budowa
                                Maksa Phillipa z Gliwic w tym gowa
                                By w Ornie nowy kościoł chnet stoł
                                Jako niyjedyn tukej dyć chcioł

                                Ze Mikołowa Kasza malowoł
                                Droga Krziżowo artysta dowoł
                                W drewnie kunsztownie jest wystrugano
                                Przez Dorfa z Nysy - take mioł miano.

                                forum.gazeta.pl/forum/71,1.html?f=28940
                              • broneknotgeld Re: Fraszki i rymowanki ornontowicke 14.07.05, 19:18
                                23.IX.1893

                                Archanioł Michał zdo sie mo świynto
                                Toż te pokropki dugo spamiynto
                                Z rynki farorza Zielonkowskiego
                                Dyć przeca sztela pod władzom jego

                                Filjom dymbiyński parafji łona
                                Chocioż by chceli łod sia być "w doma"
                                Pewno we końcu i to im przidzie
                                Czekajom - z czasym richtig to bydzie.
                            • broneknotgeld Re: Fraszki i rymowanki ornontowicke 18.07.05, 19:56
                              Ks. Zielonkowski

                              Dymbiyński farorz popiyroł Orna
                              Samodzielności sioł jakby ziorna.
                              • broneknotgeld Re: Fraszki i rymowanki ornontowicke 18.07.05, 20:00
                                Ks. Ludwik Winkler

                                Jak we Dymbiyńsku majom Winklera
                                Z kuracjom w Ornie ruszo sie teraz
                                Tyż samodzielność "parafii" wspiyroł
                                Za tym na Wrocek ponoć zaziyroł.
                              • broneknotgeld Re: Fraszki i rymowanki ornontowicke 18.07.05, 20:01
                                Mecyjo

                                Już nowy kościoł a durś mecyjo
                                Ciyngym podległo ta "parafijo"
                                Filiom Dymbiyńska Wielkego przeca
                                Jakby tu wylyźć ze tego "neca"?
                              • broneknotgeld Re: Fraszki i rymowanki ornontowicke 18.07.05, 20:05
                                Ornontowicki ksiondz (1907)

                                Orna "swojego" ksiyndza już miała
                                Dyć mu miyszkanie wynajmowała
                                Ło farze mog łon pomarzyć yno
                                Choć tyż se ło nia coś dopomino.
                              • broneknotgeld Re: Fraszki i rymowanki ornontowicke 18.07.05, 20:09
                                1907

                                Ksiondz Stanoszek w Ornie teroz "wikaruje"
                                "Parafijo" ze tym jakby fermynt czuje
                                Co ze kuracyjom? Bydzie czy niy bydzie?
                                Możno i co złego w końcu z tego przidzie?
                              • broneknotgeld Re: Fraszki i rymowanki ornontowicke 18.07.05, 20:11
                                Ksiondz Jan Salzburg

                                Doszły ploty take do biskupa aże
                                Co farorz dymbiyński durś strania "maże"
                                Coby parafijo we Ornie zrychtować
                                Dyć czy idzie wiary tymu richtig dować?
                              • broneknotgeld Re: Fraszki i rymowanki ornontowicke 18.07.05, 20:14
                                1908

                                Sie ksiondz Stanoszek staroł z wiernymi
                                Ło kuracyjo dlo Orny ziymi
                                Kopp we Wrocławiu łobiycoł w końcu
                                Zdało sie ludziom - idom ku słońcu.
                                • broneknotgeld Re: Fraszki i rymowanki ornontowicke 18.07.05, 20:17
                                  Wonty?

                                  Farorz ze Dymbiyńska podobnoś mioł wonty
                                  Tako łosprowiajom tukej wszyske konty.
                                • broneknotgeld Re: Fraszki i rymowanki ornontowicke 18.07.05, 20:19
                                  Tumult

                                  pod kościołym tumult robiom parafiany
                                  Dekret kuracyjny niy bydzie wydany?!
                                  Zdo sie co wikary wiernych gorko wspiyro
                                  Na władze przi tymu wcale niy spoziyro.
                                • broneknotgeld Re: Fraszki i rymowanki ornontowicke 18.07.05, 20:22
                                  Buntownik

                                  Toż już nad Stanoszkym stoji prokurator
                                  Ksiondz czy parafialny z niego "demokrator"?
                                  Kościoł pewdzioł - winny. Tako samo sond
                                  Ponoć przi wyroku czuć było tam swond
                                  I ktosik usłyszoł chichot tyż djobelski
                                  Że na wikarego tref prziszoł niysielski.
                                • broneknotgeld Re: Fraszki i rymowanki ornontowicke 18.07.05, 20:24
                                  Stanoszkowo sztrofa

                                  Dwa miesionce w kozie - przeca ło tym wiycie
                                  I musioł łopuścić już Ornontowice.
                                • broneknotgeld Re: Fraszki i rymowanki ornontowicke 18.07.05, 20:30
                                  Tako sie dzioło

                                  W Ornontowicach jako sie dzioło?
                                  -Ano niy było wcale wesoł
                                  Nowy wikary mioł być im dany
                                  Dyć sie zbiesiyli coś parafiany

                                  Do głosu teroz doszły tu baby
                                  Na łostro poszło - szkryfnońć mi trza by
                                  Toż za Stanoszkym sie postawiyły
                                  "Prowodyrami" tu łone były

                                  Zarzond Kościelny tyż se już sztrabnoł
                                  Z tym cołki "systym" jakby fest rabnoł
                                  Wiela roboty mieli żandary
                                  Szłoby dać miano "afera fary"

                                  Swoje dociepła tyż rejyncyjo
                                  Z Opola prziszła tako mecyjo
                                  Że przepełniyła sie richtig koza
                                  I nikt niy pedzioł co trza już "z woza".
                                • broneknotgeld Re: Fraszki i rymowanki ornontowicke 18.07.05, 20:34
                                  A ksiondz Stanoszek

                                  Swoje łodciyrpioł - z heresztu wyloz
                                  Do Ornontowic drapko sam prziloz
                                  Nic że nakozoł biskup "zesłanie"
                                  Jak w "parafiji" mo powożanie
                                  Dali łodprowio tu nabożyństwa
                                  Zdo sie ze znakym teroz mynczyństwa.
                                  • broneknotgeld Re: Fraszki i rymowanki ornontowicke 18.07.05, 20:55
                                    "Łobiycano" kuracyjo 1909

                                    Ano dyć prziszła nowo utropa
                                    Czy decyzyji wierzyć tu Koppa
                                    Nojpiyrw łobiycoł potym zabronioł
                                    Jakby parafian we ćmok z tym gonioł.
                                • broneknotgeld Re: Fraszki i rymowanki ornontowicke 18.07.05, 20:43
                                  Wikary z Dymbiyńska

                                  Wikary z Dymbiyńska dyć był wyznaczony
                                  Ale co mog pedzieć boroczek tu łonym?
                                  Ornontowiczanie słuchać go niy chcieli
                                  Przeca łoni ksiyndza swojego już mieli

                                  Żol możno i było czasym kapelonka
                                  Co tu mszo łodprawioł dlo sia i dlo słonka
                                  Aże dwoch żandarow mioł tyż za łobstawa
                                  Niy była to richtig dlo niego "zabawa".
                                • broneknotgeld Re: Fraszki i rymowanki ornontowicke 18.07.05, 20:44
                                  "Bunt dzieci"

                                  Na nauki komunijne przestały prziłazić
                                  Choć Ponboczka przeca tako niy chciały łobrazić.
                                • broneknotgeld Re: Fraszki i rymowanki ornontowicke 18.07.05, 20:49
                                  Kamiyniowali?

                                  Richtig kamiyniami ciepali w farorzy?
                                  Chcieli łoni kościoł zamknońć parafianom?
                                  Trza było sie łostro na to aże wożyć?
                                  Ponboczku - wyboczom to ornontowianom!

                                  Bo przeca skiż pszonio yno to sie stało
                                  Chcieli tu być łod sia - tako im sie zdało
                                  Ze wiary to wielki wyszło baby chopa
                                  A terozki yno majom ta utropa!
                                • broneknotgeld Re: Fraszki i rymowanki ornontowicke 18.07.05, 20:50
                                  "Niysłychane zajścia"

                                  Kardynał Kopp se tako wyrazioł
                                  Toż "kij w mrowisko" tyż swoj tu wrazioł.
                              • broneknotgeld Re: Fraszki i rymowanki ornontowicke 18.07.05, 20:57
                                W końcu

                                Ksiyndza Stanoszka żandary copli
                                Hereszt niy nyńcioł - swojego dopli
                                Adres mo nowy - we Kopienicach
                                Co leżom ponoć przi Pyskowicach.
                              • broneknotgeld Re: Fraszki i rymowanki ornontowicke 18.07.05, 21:01
                                1.V.1911

                                Aktym ze lutego - kardynała Koppa
                                Kuracyjo majom - zniknyła utropa
                                Dyć jeszcze sie tukej wiela tyż starali
                                Niym se parafiji cołkym doczekali.
                              • broneknotgeld Re: Fraszki i rymowanki ornontowicke 18.07.05, 21:03
                                Kuracyjo

                                Ziymie dworske i gminne jeji podlegajom
                                Już tu parafiany samodzielność majom
                                Choć jeszcze niy pełno dyć ku tymu idzie
                                Zdo sie że to drapko terozki im przidzie.
                              • broneknotgeld Re: Fraszki i rymowanki ornontowicke 18.07.05, 21:06
                                Kuratus

                                Po ornontowicki parafialny "wojnie
                                Kożdy chcioł by było bardzi tu spokojnie
                                Otto Maternymu kuracyjo dali
                                Oby we ty Ornie mu teroz ufali.
                          • broneknotgeld Re: Fraszki i rymowanki ornontowicke 18.07.05, 21:09
                            Z lutym 1911.

                            Z lutym wszyscy to wiedzieli
                            Trza mieć fara we ty szteli.
                            • broneknotgeld Re: Fraszki i rymowanki ornontowicke 18.07.05, 21:10
                              Coby była

                              Coby tu była chnet parafijo
                              Fara poczebno - toż z niom mecyjo.
                              • broneknotgeld Re: Fraszki i rymowanki ornontowicke 18.07.05, 21:18
                                Plebanio II.1911

                                Projekt już wybrany
                                Zezwolynio trza
                                Wrocławiowi dany
                                Zgoda bydzie - pra?
                              • broneknotgeld Re: Fraszki i rymowanki ornontowicke 18.07.05, 21:21
                                24 tysionce marek

                                tela parafiany na plebanio majom
                                Z kolekty i darow - Ponboczkowi pszajom
                                Dyć to niy wystarczy - jeszcze wiyncy czeba
                                Drogo coś wyłazi ta "droga do Nieba".
                              • broneknotgeld Re: Fraszki i rymowanki ornontowicke 18.07.05, 21:24
                                10 tysiyncy marek

                                Toż łod patrona tela tyż chcieli
                                By dobioł piniondz kery brakuje
                                A łon łodmowioł! Niy chce ty szteli?!
                                Fara? Czy jego utropom ty je?!
                              • broneknotgeld Re: Fraszki i rymowanki ornontowicke 18.07.05, 21:25
                                Zdaniym patrona

                                Bauplac na fara łod sia już doł
                                I zapomoga jednorazowo
                                Toż majom wiyncy niż łon by chcioł
                                Take patrona łostatnie słowo.
                              • broneknotgeld Re: Fraszki i rymowanki ornontowicke 18.07.05, 21:27
                                Farski spor

                                Kurio sie wdała w tyn farski spor
                                Bez niyj by możno wyrosnoł "mur"
                                Dyć poszli wszyscy chnet na ugoda
                                Choć geldu mało - nastała zgoda.
                            • broneknotgeld Re: Fraszki i rymowanki ornontowicke 18.07.05, 21:14
                              Ornontowicko fara (1911)

                              Architekt Giemza projekt swoj dowoł
                              A z Siymianowic Kurpierz budowoł
                              Toż w październiku cołkym stanyła
                              Już kuratusa Piegzy gościyła.
                              • broneknotgeld Re: Fraszki i rymowanki ornontowicke 19.07.05, 19:03
                                Ksiondz Hugo Piegza

                                Toż łon Materny drapko podmiynioł
                                Doczkoł co prziszło farorza miano
                                Za parafijo sie niy rumiynioł
                                Już spokojniejszo była mu dano.
                              • broneknotgeld Re: Fraszki i rymowanki ornontowicke 19.07.05, 19:06
                                3.VIII.1914

                                Już Kopp doł handszrift swoj na papiorze
                                Toż Orna w końcu pódzie ku gorze
                                Choć bydzie trocha to jeszcze trwało
                                Czas niyspokojny - sie wojowało.
                              • broneknotgeld Re: Fraszki i rymowanki ornontowicke 19.07.05, 19:09
                                Parafijo - 1.VI.1915

                                Zdołby sie fajer w "Świyntym Michale"
                                Dyć czas terozki niy cieszy wcale
                                Łoj - coby już sie skończyła wojna
                                I radośniejszo była ta Orna.
                              • broneknotgeld Re: Fraszki i rymowanki ornontowicke 19.07.05, 19:10
                                W dekanacie dymbiyńskim

                                W dekanacie dymbiyńskim ciyngym parafiany
                                Tako jako piyrwyj tyn przidział im dany.
                              • broneknotgeld Re: Fraszki i rymowanki ornontowicke 19.07.05, 19:12
                                Siostry Służebniczki - 1917

                                Ksiondz Piegza ściongnoł je w ciynżkim roku
                                Zdo sie co Niymcy lecom ku ćmoku
                                A siostry przeca to ślubowały
                                By tam kaj "ciymno" pomoc dowały.
                              • broneknotgeld Re: Fraszki i rymowanki ornontowicke 19.07.05, 19:13
                                Wyjechoł

                                Skuli podziału Gornego Ślonska
                                Wyjechoł Piegza ze tego konska.
                              • broneknotgeld Re: Fraszki i rymowanki ornontowicke 19.07.05, 19:15
                                Ksiondz Teofil Bromboszcz

                                Ano ze Polskom Bromboszcz tu prziszoł
                                Przeca niy po to by coś namiyszoł.
                                • broneknotgeld Re: Fraszki i rymowanki ornontowicke 25.08.05, 16:35
                                  28.VII.1922

                                  Ksindz Broboszcz farorzym - mioł przeca zasługi
                                  Toż administrowoł czas yno niydugi
                                  Jak yno granica nowo już stanyła
                                  Ta fara na stałe se jymu trefiyła.
                                  • broneknotgeld Re: Fraszki i rymowanki ornontowicke 25.08.05, 16:40
                                    XII.1923

                                    Przeniyśli Bromboszcza aże do Katowic
                                    Trza nowego ksiyndza dlo tych Ornontowic
                                    Józef Grunt farorzym - z zocny Wsi Wojtowy
                                    Toż jakby ze Gliwic dzisioj kożdy powiy.
                                    • broneknotgeld Re: Fraszki i rymowanki ornontowicke 18.09.05, 17:00
                                      Ks.dr. Teofil Bromboszcz 1923

                                      Ano - trza zdać było
                                      Ta fara ze Orny
                                      Dyć poloz we gora
                                      Tref niy czekoł morny
                                      Po szceblach se wspinoł
                                      Bez jakichś mecyji
                                      Aże sufraganym
                                      Łostoł djecezyji.
                                    • broneknotgeld Re: Fraszki i rymowanki ornontowicke 18.09.05, 17:02
                                      Ks. Józef Grunt (6.XII.1923)

                                      Już tom parafijom łon administruje
                                      Farorzym łostanie - cosik tako czuje.
                                    • broneknotgeld Re: Fraszki i rymowanki ornontowicke 18.09.05, 17:05
                                      Ks. Józef Grunt (1.IV.1924 - 18.XI.1933)

                                      We "prima-aprilis" farorzym tu zostoł
                                      Dyć na reszta życio parafijo dostoł
                                      Toż nikerzy richtig po niym fest płakali
                                      Jak dziyń taki prziszoł w kerym go chowali.
                                    • broneknotgeld Re: Fraszki i rymowanki ornontowicke 18.09.05, 17:07
                                      Pora miesiyncy

                                      Z tom parafijom pora mesiyncy
                                      Sie bujakowski farorz umynczy
                                      Szczyńściym co trwało to tu niydugo
                                      Chnet Kwapuliński wszyskim zamrugoł.
                                    • broneknotgeld Re: Fraszki i rymowanki ornontowicke 18.09.05, 17:09
                                      Ks. Juliusz Kwapuliński (IV.1934)

                                      Ponoć łośmiu ksiyndzy ło fara sie "biyło"
                                      Toż Kwapulińskiymu tako se trefiyło.
                                    • broneknotgeld Re: Fraszki i rymowanki ornontowicke 18.09.05, 17:11
                                      Dola farorza

                                      Ano - we Ornie farorz był som
                                      Niy wspiyroł go tu wikary
                                      Łod sia tu tela yno se dom
                                      Boroczkym chory i stary.
                                    • broneknotgeld Re: Fraszki i rymowanki ornontowicke 18.09.05, 17:14
                                      Zarzond Komisaryczny Parafiji Ornontowicki (8.VI.1925)

                                      Rady parafialny w tych latach niy było
                                      Toż z "komisorzami" se tukej rzońdziyło
                                      • broneknotgeld Re: Fraszki i rymowanki ornontowicke 20.09.05, 23:54
                                        Zarzond Komisaryczny Parafiji 1925

                                        Pawełek Owczarek Szarf i Siedlaczek
                                        Toż przeca styknie - żodyn niy płacze
                                        A przewodniczy wszyskymu farorz
                                        Piyńciu zrachujesz tako ich naroz.
                                      • broneknotgeld Re: Fraszki i rymowanki ornontowicke 20.09.05, 23:55
                                        Zarzond Komisaryczny 1927

                                        Toż za Owczarka Malczyka majom
                                        Tela - już wiyncy ło tym niy "wajom"
                                        Tako leciało do wojny aże
                                        I bez łostudy na Orny farze
                                      • broneknotgeld Re: Fraszki i rymowanki ornontowicke 20.09.05, 23:58
                                        Zakrystianin Błażej Mikusz (1890-1935/6)

                                        Toż Błażej Mikusz wiela tu przeżoł
                                        Aże bych tymu jo niy uwierzoł
                                        Ty parafiji był żywom ksiyngom?
                                        A jo do zajtow spisanych siyngom.
                                      • broneknotgeld Re: Fraszki i rymowanki ornontowicke 20.09.05, 23:59
                                        Zakrystianin Jan Adamczyk

                                        Mikusza wspiyroł w podeszłych latach
                                        Łojca w niym widzioł? -Przeca niy brata!
                                      • broneknotgeld Re: Fraszki i rymowanki ornontowicke 21.09.05, 00:00
                                        Walenty Łowiński (1923-1931)

                                        Reskiyrowoł szkołom - tu był łorganistom
                                        Pieścioł parafianom uszy nutom czystom?
                                      • broneknotgeld Re: Fraszki i rymowanki ornontowicke 21.09.05, 00:01
                                        Lorganista Rudolf Reczek

                                        Tyn na łorganach do wojny groł
                                        Tyż tako "fara" we Ornie mioł.
                                      • broneknotgeld Re: Fraszki i rymowanki ornontowicke 21.09.05, 00:06
                                        Bierzmowanie 23.V.1933

                                        Kurde - to sie w gminie dzioło!
                                        Mioł Adamski tu wesoło
                                        Toż prziwiydli go cyklisty
                                        Witoł Zdzieblik głosym czystym
                                        Ksiondz Grunt wodom i kadzidłym
                                        W Ornie fest woniało mydłym

                                        Bierzmowańcow wiela było?
                                        Chnet piyńć setek sie zliczyło
                                        Biskup aże tym utrudzioł
                                        Dyć w nich wiara wiynkszo budzioł

                                        Prawiom - z Duchym Świyntym w Ornie
                                        Z tego czasu niy ma mornie.
                                      • broneknotgeld Re: Fraszki i rymowanki ornontowicke 21.09.05, 00:10
                                        Nowe dzwony 1921

                                        Piyrsze z kościoła wojna zabrała
                                        Już we szesnostym se rozkulała
                                        Tako co spiżu wszyndy dzukali
                                        I z wież kościelnych wiela zabrali

                                        Toż nowych drapko trza parafianom
                                        Coby dzwoniyły niy yno rano
                                        Łod Hegenscheidta cosik dostali
                                        A reszta sami se dozbiyrali

                                        Juzaś radosne Ornontowice
                                        Ze klangu dzwonow - to niy som wice
                                        Ponboczka tako przeca tu chwolom
                                        We sercach dzwoniom tyż "wolnom wolom".
                                      • broneknotgeld Re: Fraszki i rymowanki ornontowicke 21.09.05, 00:13
                                        Sztrom w kościele 1926

                                        Ksiondz Grunt pociongnoł sztrom do ty sztele
                                        Byrny już świycom we tym kościele
                                        Zdo sie - im jaśni tym bliży Boga
                                        Czy tako szkryfnońć jo tukej moga?
                                      • broneknotgeld Re: Fraszki i rymowanki ornontowicke 21.09.05, 00:15
                                        Świyntokradztwo 5/6.X.1933

                                        Monstrancjo gotycko kelichy złocone
                                        W nocy ze kościoła były wykradzione
                                        Złodzieji niy znodli choć wiela szukali
                                        Aż na szejść tysiyncy straty zrachowali.
                                      • broneknotgeld Re: Fraszki i rymowanki ornontowicke 21.09.05, 00:16
                                        Toutynhala

                                        Na starym kerchofie w miyndzywojniu była
                                        Toż kapliczka staro do tego służyła.
                                      • broneknotgeld Re: Fraszki i rymowanki ornontowicke 21.09.05, 00:18
                                        Krziż ulbrycha 6.V.1934
                                        Toż biskup Bromboszcz świyńcioł tyn krziż
                                        Ulbrych był z Zabrza - to pewno wiysz.
                                      • broneknotgeld Re: Fraszki i rymowanki ornontowicke 21.09.05, 00:19
                                        Krziż Owczarczyka VI.1936

                                        Francik Owczarczyk tyn krziż fundowoł
                                        Przi drodze co do Orzesza
                                        Świadectwo wiary tako swe dowoł
                                        Toż fraszkom jo tu niy zgrzesza.
                                        • broneknotgeld Re: Fraszki i rymowanki ornontowicke 21.09.05, 22:32
                                          Bractwo Rożańca Świyntego (1849)

                                          Dyć tu nojwiynkszo ferajna z wiarom
                                          I niy zaszkodzi mianować "starom"
                                          Toż piyrwyj rosło w Ornie i rosło
                                          Czy do piyńciuset parafian doszło?
                                          Chnetko już tela w bractwie rzykało
                                          W latach czidziestych - a to niymało.
                                        • broneknotgeld Re: Fraszki i rymowanki ornontowicke 21.09.05, 22:35
                                          Katolicke Stowarzyszynie Młodzieży Mynski

                                          Zdo sie jejich miyndzywojnie
                                          Rozkryncało se spokojnie
                                          Z niym łorkestra z niym tyjater
                                          -Tako szumioł w Ornie wiater.
                                        • broneknotgeld Re: Fraszki i rymowanki ornontowicke 21.09.05, 22:37
                                          Katolicke Stowarzyszynie Młodzieży Żyński

                                          Ano i frelki ferajna miały
                                          Choć we nia myni łod sia dowały
                                          Toż dlo karlusa wiela znaczyło
                                          Jak se "godzinki" razym nuciyło.
                                        • broneknotgeld Re: Fraszki i rymowanki ornontowicke 21.09.05, 22:39
                                          Arcybractwo Matek Krześcijańskich

                                          Czuwały łone nad familijom
                                          By krziżym żyła a niy mecyjom
                                          Podobnoś za tym rzykały wiela
                                          Co szczyńściym dzieci żyła ta sztela.
                                        • broneknotgeld Re: Fraszki i rymowanki ornontowicke 21.09.05, 22:40
                                          Katolicke Stowarzyszynie Kobiyt

                                          Frelki matki - wszyske baby
                                          W ta ferajna wrazić trza by.
                                        • broneknotgeld Re: Fraszki i rymowanki ornontowicke 21.09.05, 22:42
                                          Katolicke Stowarzyszynie Mynżow

                                          Czy yno żonatych wciongoł tyn pietruszka
                                          Ktoś członkowstwo stracioł skiż pustego łożka?
                                        • broneknotgeld Re: Fraszki i rymowanki ornontowicke 21.09.05, 22:43
                                          Akcjo Katolicko 1934

                                          Wszyske te ferajny w jedna połonczyła
                                          Akcjo Katolicko - toż we niyj jest siyła.
                              • broneknotgeld Re: Fraszki i rymowanki ornontowicke 19.07.05, 19:16
                                Stary cmyntorz

                                Piyrszy cmyntorz był wele kościoła starego
                                Co dzisioj łostało we Ornie ze niego?
                              • broneknotgeld Re: Fraszki i rymowanki ornontowicke 19.07.05, 19:17
                                Cmyntorz do 1906

                                Ano aż do wtedy na starym chowali
                                Dyć zdoł sie już mały - nowy zrychtowali.
                              • broneknotgeld Re: Fraszki i rymowanki ornontowicke 19.07.05, 19:19
                                Do 1922 roku

                                Łorganista zakrystianin i kerownik szkoły
                                Jedyn to cuzamyn czimoł - był ze tym wesoły?
              • broneknotgeld Re: Fraszki i rymowanki ornontowicke 11.06.05, 08:44
                Ornontowice Hindenberga (1636)

                Wiela już widać na mapie jego
                Zocno wioseczka wedle istnego
                Kościoł tu majom i dwory czi
                Kaj sołtys miyszkoł tyż kożdy wiy
                Dyć yno jedna droga tu widać
                Orzesko - take miano trza by dać.
                • broneknotgeld Re: Fraszki i rymowanki ornontowicke 11.06.05, 08:46
                  Ornontowice Wielanda (1736)

                  Toż niywiela se zmiyniyło
                  Jest durś tako jako było
                  Łod somsiadow dzielom lasy
                  Mo w tym sztela wiyncy krasy.
                • broneknotgeld Re: Fraszki i rymowanki ornontowicke 20.07.05, 19:43
                  Bunty chłopskie - 1811

                  Ano - we "państwie pszczyńskim" tyż były
                  Ornontowice niy miały siyły
                  Dyć przeca cosik i tu sie dzioło
                  Ponoć we dworze niy za wesoło.
                  • broneknotgeld Re: Fraszki i rymowanki ornontowicke 20.07.05, 20:01
                    Ornontowickie recesy 1821-1822

                    Trocha gospodorzy, zagrodnikow tako
                    Sie tu uwłaszczyło dyć dwor tyż niy płakoł
                    Toż chłop dziedzicowi doł łodszkodowanie
                    Coby pon niy stracioł - tyż było we planie.
                    • broneknotgeld Re: Fraszki i rymowanki ornontowicke 20.07.05, 22:05
                      Uwłaszczynie 1848-1850

                      Toż wszyscy terozki co ziymia łorajom
                      Za własność jom w końcu w familiji majom.
                    • broneknotgeld Re: Fraszki i rymowanki ornontowicke 20.07.05, 22:08
                      Kolanije Orny

                      Niy yno w jedny kupie wieś była
                      Kolanijami sie rozłożyła
                      Beksza, Solarnia, Marzankowice
                      Grenzdorf - toż Orny jakby "dzielnice"
                    • broneknotgeld Re: Fraszki i rymowanki ornontowicke 20.07.05, 22:10
                      2000 merynosow

                      Jak tu we folwarkach barany zrachować?
                      Na łoko dyć idzie tako liczba dować.
                    • broneknotgeld Re: Fraszki i rymowanki ornontowicke 20.07.05, 22:12
                      Gmina

                      W dziewiytnostym wieku Orna tako gmina
                      Sołtysa swojego miała ta dziedzina
                      Kery naczelnika z czasym przijoł miano
                      Przeca historyjo ta dobrze nom znano.
                    • broneknotgeld Re: Fraszki i rymowanki ornontowicke 20.07.05, 22:14
                      Filip Schelthalter (1815-1826)

                      Sołtysa w tych czasach dziedzic se mianowoł
                      Filip jedynoście rokow rada dowoł.
                    • broneknotgeld Re: Fraszki i rymowanki ornontowicke 20.07.05, 22:15
                      1826-1838

                      Niy wiym kto tu sołtysowoł
                      Jak sie dowiym - szkryfna - słowo!
                    • broneknotgeld Re: Fraszki i rymowanki ornontowicke 20.07.05, 22:16
                      Piotr Cyprys (1838-1844)

                      Ano Pyjter "fara" chycioł
                      Co dobrego tu uklycioł?
                    • broneknotgeld Re: Fraszki i rymowanki ornontowicke 20.07.05, 22:17
                      Jan Hanisch (1844-1848)

                      Po Cyprysie - jako słysza
                      Przeszło w rynce to Hanischa.
                    • broneknotgeld Re: Fraszki i rymowanki ornontowicke 20.07.05, 22:18
                      Maciej Kornas (1848-1859)

                      Sołtysuje teroz Kornas
                      A durś rośnie nom ta Orna.
                    • broneknotgeld Re: Fraszki i rymowanki ornontowicke 20.07.05, 22:20
                      Jakub Spyra (1860-1872)

                      Spyra wiela wtedy znaczy
                      Naczelnikym se łonaczy.
                      • broneknotgeld Re: Fraszki i rymowanki ornontowicke 20.07.05, 22:22
                        Maciej Kornas (1873-1876)

                        "W koło Macieju" - richtig to było?
                        Juzaś Kornasa tako chyciyło.
                      • broneknotgeld Re: Fraszki i rymowanki ornontowicke 20.07.05, 22:23
                        Karol Janek (1877-1898)

                        Niyjedyn w Ornie był piykny ranek
                        Jak naczelnikym tukej tyn Janek.
                      • broneknotgeld Re: Fraszki i rymowanki ornontowicke 20.07.05, 22:25
                        Antoni Janek (1898-1910)

                        Czy już łod Jankow to "dynastyjo"?
                        "Fach" naczelnika to niy mecyjo.
                  • broneknotgeld Re: Fraszki i rymowanki ornontowicke 20.07.05, 22:26
                    Poczta - 1900

                    We gospodzie Szydłowskiego
                    Agyncjo pocztowo
                    Roz pytali sie istnego
                    Czy brif biyra stowio?
                    • broneknotgeld Re: Fraszki i rymowanki ornontowicke 20.07.05, 22:28
                      Kery?

                      Stelmach tu briftryjgrym
                      a laufrym zaś Błaszczyk
                      Kery z nich we tasi
                      wiyncy teroz taszczy?
                    • broneknotgeld Re: Fraszki i rymowanki ornontowicke 21.07.05, 22:08
                      "Amtsvorstand"

                      Toż łon czuwoł tyż nad gminom
                      Właściciela dobr dziedzinom
                      Hegenscheidt był naczelnikym
                      Na ty grzondce łogrodnikym.
                      • broneknotgeld Re: Fraszki i rymowanki ornontowicke 21.07.05, 22:10
                        "Rentmaister"

                        Administracyjo na karku mioł gminy
                        Porachowoł wszyske tutejsze rodziny?
                        • broneknotgeld Re: Fraszki i rymowanki ornontowicke 21.07.05, 22:11
                          "Amtadiener"

                          Zdo sie gminnego groł policaja
                          Heresztym karoł jak wloz na haja.
                    • broneknotgeld Re: Fraszki i rymowanki ornontowicke 21.07.05, 22:13
                      Zjednoczynie Zawodowe Polske w Ornontowicach

                      Przed piyrszom wojnom zwionzek sie tworzoł
                      Polskich roboli bronić tu wożoł.
                      • broneknotgeld Re: Fraszki i rymowanki ornontowicke 21.07.05, 22:24
                        "Leopold" - 1798

                        Heydebrand gruba tu łotwar tako
                        Po niym se Winkler "chycioł" fedrować
                        Jakeś poł wieku było jednako
                        We końcu prziszło jom "zaryglować".
                    • broneknotgeld Re: Fraszki i rymowanki ornontowicke 21.07.05, 22:15
                      "Porembski Wunsch" - 1830

                      "Życzoł" sie Porembski tego
                      By loz wongel dlo istnego.
                      • broneknotgeld Re: Fraszki i rymowanki ornontowicke 21.07.05, 22:17
                        "Bremsky Wunsch" - 1845

                        Piyrwyj ta gruba łod Porembskiego
                        Miano zmiyniyła jak brakło jego.
                      • broneknotgeld Re: Fraszki i rymowanki ornontowicke 21.07.05, 22:18
                        Huta cynku "Maria"

                        To tyż sprowka Porembskiego
                        Gyszeft ciongnoł tako jego.
                      • broneknotgeld Re: Fraszki i rymowanki ornontowicke 21.07.05, 22:20
                        Huta Wegnera

                        Major von Wegner z Tarnowskich Gor
                        Tyż mioł we Ornie "cynkowy dwor".
                        • broneknotgeld Re: Fraszki i rymowanki ornontowicke 21.07.05, 22:26
                          Do 1840 roku

                          Na cynku tu sie niy dorobiyli
                          Bo łobie huty drapko zamknyli.
                      • broneknotgeld Re: Fraszki i rymowanki ornontowicke 22.07.05, 19:32
                        "Żeleźniok" - 1859

                        Ano tyż fajrant - rudy już mało
                        By jom tu kopać se łopłacało
                      • broneknotgeld Re: Fraszki i rymowanki ornontowicke 22.07.05, 19:34
                        Wielki piec 1840-1860

                        Wydobywali ruda darniowo
                        Toż piec se tukej Franc Winkler stowio
                        I chocioż ajzy niy loli dugo
                        Z niym przi kuźnicach ta Orna mrugo.
                      • broneknotgeld Re: Fraszki i rymowanki ornontowicke 22.07.05, 19:35
                        Wapiynnik

                        Ze Mokrego kamyń brali
                        Tukej wopno wypolali.
                      • broneknotgeld Re: Fraszki i rymowanki ornontowicke 22.07.05, 19:36
                        "Claudia" i "Leopold"

                        Wele Orzesza kamyniołomy
                        Piaskowiec zocny - niy jakeś "kromy".
                      • broneknotgeld Re: Fraszki i rymowanki ornontowicke 22.07.05, 19:37
                        Cegelnia Grzegorczyka

                        W miyndzywojniu mocie jeszcze
                        Dyć zabrakło gliny - wierzcie.
                      • broneknotgeld Re: Fraszki i rymowanki ornontowicke 22.07.05, 19:38
                        Tartak

                        Bole tar tu Filip Spyra
                        Puki umioł złazić z wyra.
                      • broneknotgeld Re: Fraszki i rymowanki ornontowicke 22.07.05, 19:39
                        Tartak Zefla Grzegorczyka

                        Po Spyrze tartak Grzegorczyk mioł
                        Wele cegelni łon przeca stoł.
                      • broneknotgeld Re: Fraszki i rymowanki ornontowicke 22.07.05, 19:42
                        Werk Hegenscheidta -1884

                        Gliwicki fabryki filijo we Ornie
                        Toż niyjednego łona przigornie
                        Beleby w grabach mioł fach kowola
                        Werk se łotwiyro przed niym "do mola".
                      • broneknotgeld Re: Fraszki i rymowanki ornontowicke 22.07.05, 19:43
                        "Łańcuszkownia"

                        Łańcuchow robiom tukej dość wiela
                        Werk Hegenscheidta - szkryfna jo tela.
                      • broneknotgeld Re: Fraszki i rymowanki ornontowicke 22.07.05, 19:45
                        1888

                        Ornontowicom śmiejom sie lica
                        Już przeca cug mo tukej bocznica
                        Łańcuchow z Orny szukej w Europie
                        Toż niy cygania cie teroz chopie.
                      • broneknotgeld Re: Fraszki i rymowanki ornontowicke 22.07.05, 19:48
                        Po plebiscycie

                        Otto Hegenscheidt po plebiscycie
                        Na Dolnym Ślonsku - przeca to wiycie
                        W Jelyni Gorze majontek mioł
                        Tyn z polski strony synowi doł
                        Klaus w Ornie wszysko czimie tu dali
                        Dyć czas tyn idzie co to łobali.
                      • broneknotgeld Re: Fraszki i rymowanki ornontowicke 22.07.05, 19:50
                        Huta szkła "Maria"

                        Jeszcze niy tak downo ta huta we Ornie
                        Terozki w Orzeszu - dyć czy bez to mornie.
                      • broneknotgeld Re: Fraszki i rymowanki ornontowicke 22.07.05, 19:52
                        "Maria" Panofskych (od 1860)

                        Łod kupcow Panofskych była ta glashuta
                        Czy szkło wyrobiała na żydowsko nuta?
                      • broneknotgeld Re: Fraszki i rymowanki ornontowicke 22.07.05, 19:54
                        W latach siedymdziesiontych XIX w

                        Kupioł jom inkszy terozki kupiec
                        Taki był Pollak aż w gowie klupie
                        Gyszeft na glasie dyć lecioł dali
                        Ludzi ze Orny tyż zatrudniali.
                      • broneknotgeld Re: Fraszki i rymowanki ornontowicke 22.07.05, 19:55
                        Glashuta "Maria" - 1905

                        Połojcu erbnoł to wszysko syn
                        Maksymilianym zwany - dyć wiym.
                        • broneknotgeld Re: Fraszki i rymowanki ornontowicke 23.07.05, 22:47
                          Piyrwyj

                          piyrwyj jedna karczma yno w Ornie była
                          W wieku dziewiytnostym dyć se rozmnozyła
                          Znaczy - wzbogaciyła sie ta naszo sztela
                          Geldu do wydanio mieli tukej wiela?
                        • broneknotgeld Re: Fraszki i rymowanki ornontowicke 23.07.05, 22:49
                          1884

                          Heidebrandt zamknoł karczma już swoja
                          Niy ma kaj wypić? -Toż se niy boja
                          Przeca tu takich pora przibytkow
                          Piniondz im leci durś skuli zbytkow.
            • broneknotgeld Re: Fraszki i rymowanki ornontowicke 11.06.05, 08:49
              Szkoła w Ornontowicach (1680)

              Som okryngym szkolnym te Ornontowice
              Toż szkoła już była - ło tym możno wiycie
              Pewnikym i piyrwyj bajtli tu uczyli
              Dyć to w historyji jakosik straciyli.
              • broneknotgeld Re: Fraszki i rymowanki ornontowicke 11.06.05, 08:51
                Organista Antoni (1703)

                Organista Antoninus tu szkoła prowadzioł
                Nic wiyncy niy wiymy dyć jakoś se radzioł.
              • broneknotgeld Re: Fraszki i rymowanki ornontowicke 11.06.05, 08:52
                Organistowka

                Tako ta szkoła szło by tu zwać
                Bo organistom prziszło jom brać.
                • broneknotgeld Re: Fraszki i rymowanki ornontowicke 11.06.05, 08:56
                  Szkoła "Organistowka"

                  Take w tradycji miano nosiyła
                  W Ornontowicach jedynom była
                  Durś organista mioł jom na gowie
                  Musioł robotny być z niego czowiek.
                  • broneknotgeld Re: Fraszki i rymowanki ornontowicke 11.06.05, 08:58
                    Jan Stebel (1759)

                    Tyż organista - niy byda miyszoł
                    Przeca i belfrym szkoły se pisoł.
                    • broneknotgeld Re: Fraszki i rymowanki ornontowicke 11.06.05, 09:02
                      Mateusz Rojowiec (1772-1777)

                      Ło tym rechtorze trza szkryfnońć wiyncy
                      W cysterskich Rudach wpiyrw łon se mynczy
                      Dyć przeca dobrze wyuczoł fachu
                      Mog iść na swoje - niy było strachu

                      Toż dzieci uczoł w tych okolicach
                      Niy yno w zocnych Ornontowicach
                      I organistom był tyż do tego
                      Tako poznali żeście istnego.
                      • broneknotgeld Re: Fraszki i rymowanki ornontowicke 11.06.05, 09:05
                        Antoni Skrzypczyk (1781-1789)

                        Dali ze szkołom tako leciało
                        Skrzypczyk mioł jedny fary za mało
                        Bestoż trza jymu rechtorym być
                        By se tu jakoś ze tego żyć.
                        • broneknotgeld Re: Fraszki i rymowanki ornontowicke 11.06.05, 09:08
                          Karol Janchin (1792-1821)

                          Tuzin talarow rocznie dostowoł
                          No i tyż drzewa do pieca
                          Toż przi bogatych ze tym niy stowoł
                          Biydnie żył - tako jo kleca

                          Z rechtorowanio w końcu go ściepli
                          Po polsku uczyć już niy mog
                          Niy było bez to wcale tu "ciepli"
                          Dyć pruski taki był wymog.
                          • broneknotgeld Re: Fraszki i rymowanki ornontowicke 23.07.05, 22:53
                            Generalno Insztrukcyjo 1765

                            Insztrukcyjo władze pruske tako tu wydali
                            By do roku dwunostego bajtli nauczali
                            Ano syny jak i cery - terozki tu tako
                            Państwo szkoły pogorszyło by było jednako
                            • broneknotgeld Re: Fraszki i rymowanki ornontowicke 23.07.05, 22:57
                              Do 1872

                              Toż do tego czasu w szkole gornoślonski
                              Polski był szyroki - niymiecki zaś wonski
                              Potym na łodwyrtka wszysko sie zmiyniyło
                              Toż z niymieckim ciynżko ciynżko i rechtorom było.
                            • broneknotgeld Re: Fraszki i rymowanki ornontowicke 24.07.05, 11:36
                              Religijo po polsku

                              Religijo po polsku yno w modszych klasach
                              Tako tu "kulturkampf" pokozoł swo krasa.
                            • broneknotgeld Re: Fraszki i rymowanki ornontowicke 24.07.05, 11:37
                              Karol Jaschin 1821

                              Przestoł rechtorym byc we tym roku
                              Bo we niymiecki niy zrobioł "kroku".
                            • broneknotgeld Re: Fraszki i rymowanki ornontowicke 24.07.05, 11:39
                              Rechtor Jachin (Janik)

                              Rechtor Jachin biyda klepoł
                              We ruderze pomiyszkiwoł
                              Tam łoswiata w gowy "ciepoł"
                              Niyjedyn se tymu dziwoł.
                            • broneknotgeld Re: Fraszki i rymowanki ornontowicke 24.07.05, 11:40
                              Nowo szkoła 1818/1819

                              Jedna klasa szkolno nowo szkoła miała
                              Kero co nojwyży sto bajtli zbiyrała.
                              • broneknotgeld Re: Fraszki i rymowanki ornontowicke 24.07.05, 11:42
                                forum.gazeta.pl/forum/72,2.html?f=28940&w=24396333&a=26862586
                                A dzieciskow przeca ciyngym przibywało
                                Już na samym sztarcie było to za mało.
                              • broneknotgeld Re: Fraszki i rymowanki ornontowicke 24.07.05, 11:45
                                Franciszek Urbańczyk 1821-1831

                                Dziesiyńć lot karlus szkołom kierowoł
                                Jakoś se rada tukej z tym dowoł
                                Chocioż dzieciskow durś przibywało
                                A szkoła ciyngym była za mało.
                              • broneknotgeld Re: Fraszki i rymowanki ornontowicke 24.07.05, 11:47
                                Franciszek Reichel 1831-1859

                                Piyńćdziesiont talarkow za rechtorowanie
                                Toż wiyncy trza było mu na uczimanie
                                Ze "organistowki" cosik wycis jeszcze
                                Dyć i to niywiela - w bogactwo niy wierzcie.
                                • broneknotgeld Re: Fraszki i rymowanki ornontowicke 25.07.05, 19:36
                                  Szkoła rośnie 1842-1844

                                  Richtig czas na to był już nojwyrszy
                                  Bo Orna przeca durś rośnie
                                  Edukacyjo to punkt jest piyrszy
                                  Bez niyj niy bydzie radośnie

                                  Szkoła terozki dwie klasy mo
                                  I dwoch rechtorow w niyj uczy
                                  Wiela szkolorzom łod sia tyż do
                                  Chocioż niyjedyn z nich buczy.
                                • broneknotgeld Re: Fraszki i rymowanki ornontowicke 25.07.05, 19:38
                                  "Adjuwant"

                                  Tako sie rechtor zwoł do pomocy
                                  Łod kerownika myni mioł mocy
                                  Ano - tyż myni zarobioł wiela
                                  Choć umynczyła tak samo sztela.
                                • broneknotgeld Re: Fraszki i rymowanki ornontowicke 25.07.05, 19:40
                                  Karol Miarka 1840

                                  Piyrszy adjuwant w tutejszy szkole
                                  Jeszcze przi tymu zdo sie pachole
                                  Przeca mioł rokow yno szesnoście
                                  Już bajtli uczoł - se wyłobroźcie.
                                • broneknotgeld Re: Fraszki i rymowanki ornontowicke 25.07.05, 19:47
                                  Ernest Dohn 1842

                                  Adjuwantym był przez rok?
                                  Kaj go powiod potym krok?
                                • broneknotgeld Re: Fraszki i rymowanki ornontowicke 25.07.05, 19:49
                                  Adjuwant Amand Spak 1845-1847

                                  Rechtorowoł niy za dugo
                                  Tako Orna ło niym "mrugo".
                                • broneknotgeld Re: Fraszki i rymowanki ornontowicke 25.07.05, 19:55
                                  Jozef Marzodko

                                  Zefel adjuwantym był we szkole dugo
                                  Jak pomrł kerownik ta "fara" tyż mrugo
                                  Dyć go powitały drapko Gardawice
                                  Tam szkole szefowoł - terozki już wiycie.
                                • broneknotgeld Re: Fraszki i rymowanki ornontowicke 25.07.05, 19:57
                                  Jozef Czammer 1859-1880

                                  Czammer kerownikym nowym
                                  Uczoł tukej aż do śmierci
                                  Cosik ło niym jeszcze powiym
                                  Bo se przeca tako werci.
                                • broneknotgeld Re: Fraszki i rymowanki ornontowicke 25.07.05, 19:58
                                  Kronika Szkolno 1864

                                  Toż pomyślunek we tym Czammera
                                  By w niyj coś szkryflać ło szkole teraz.
                                • broneknotgeld Re: Fraszki i rymowanki ornontowicke 25.07.05, 20:01
                                  Co ze szkołom?

                                  Ciyngym ta szkoła miała dwie klasy
                                  Richtig za mało jak na te czasy
                                  Dyć Zefel Czammer na gowie stowoł
                                  A ty utropie rady niy dowoł

                                  Deliberuje durś parafijo
                                  I Zarzond Szkolny - ciyngym mecyjo
                                  Nic to że wiela staro sie gmina
                                  Jeszcze poczeko na to dziedzina.
                                • broneknotgeld Re: Fraszki i rymowanki ornontowicke 25.07.05, 20:04
                                  Marceli Skowronek 1881-1891

                                  Sie we stary szkole mynczoł tu niydugo
                                  Bo chnet przeca nowo w ty Ornie zamrugo
                                  Szkolorzy dyć było chnetko poł tysionca
                                  Uczyć we dwoch klasach? -To niy miało końca!
                                • broneknotgeld Re: Fraszki i rymowanki ornontowicke 25.07.05, 20:06
                                  Za Skowronka

                                  Wpiyrw jeszcze za niego sztyry klasy były
                                  Z niym sztyry rechtory dzieciska uczyły
                                  Dyć jak na dwie izby to wszysko podzielić?
                                  Łoj - coby już wreszcie wiynkszo szkoła mieli!
                              • broneknotgeld Re: Fraszki i rymowanki ornontowicke 26.07.05, 17:22
                                Nowy budynek szkolny 1884/1885

                                Ano urosnoł już do kompletu
                                Richtig terozki uczyć se chce tu
                                Izb szkolnych styknie i miyszkań tyż
                                Tych dlo rechtorow - dyć przeca wiysz.
                              • broneknotgeld Re: Fraszki i rymowanki ornontowicke 26.07.05, 21:10
                                21 tysiyncy marek

                                tela dotacji pańswo prziznało
                                By se ta szkoła rozbudowało
                                "Czas już jest na to richtig prawdziwy"
                                -Tako we Ornie godały niwy.
                              • broneknotgeld Re: Fraszki i rymowanki ornontowicke 26.07.05, 21:13
                                Karl Bohm 1877-1891

                                Karlus kształcony we Pyskowicach
                                Dyć zaroz potym w Ornontowicach
                                Wiela umynczoł sie ze dzieciarnim
                                Czy do nauki bajtle se garnom?
                              • broneknotgeld Re: Fraszki i rymowanki ornontowicke 26.07.05, 21:15
                                Karl Bohm 1891-1919

                                Prziszło mu szkołom tyż reskiyrować
                                Trza możno wiyncy łod sia w to dować.
                              • broneknotgeld Re: Fraszki i rymowanki ornontowicke 26.07.05, 21:17
                                Karl Bohm 1877-1919

                                Sztyrdziści dwa lata w Ornie rechtorowoł
                                Wpiyrw yno nauczoł - z czasym reskiyrowoł.
                              • broneknotgeld Re: Fraszki i rymowanki ornontowicke 26.07.05, 21:20
                                Ornontowicko szkoła 1901/1902

                                Sztyrysta sztyrnoście dzieci tu łaziyło
                                Do szejściu klas wielkich se wszyskich wraziyło
                                Rechtorow zaś piyńciu cołki etat miało
                                Zdo sie co roboty im tyż niy zbywało.
                              • broneknotgeld Re: Fraszki i rymowanki ornontowicke 26.07.05, 21:23
                                Bryłka 1919/1920

                                Ano jak Bohma brakło we szkole
                                Se tu zaczyły jakby swawole
                                Bryłka z Sośnicy szkoła ta chycioł
                                Dyć przi łorganach Filla go wycioł

                                Toż zaś we Ornie "wojynka" mało
                                Aże w kościele wiela huczało
                                Opole w końcu Bryłki cofnyło
                                Bestoż se jakoś uspokojyło.
                              • broneknotgeld Re: Fraszki i rymowanki ornontowicke 26.07.05, 21:25
                                Emil Janek 1920

                                Kerownikym szkoły mianowany Janek
                                Ornontowiczanin - toż niychej mu dane
                                Tym bardzi że bajtli już tu uczoł dugo
                                No i fater przeca tyż na niego mrugo.
                          • broneknotgeld Re: Fraszki i rymowanki ornontowicke 28.07.05, 18:34
                            69 poległych (1914-1918)

                            Miynso harmatnie poczebne było
                            Na frontach wojny światowy
                            Ornontowiczan wiela zginyło
                            Niym ze pokojym czas nowy.
                • broneknotgeld Re: Fraszki i rymowanki ornontowicke 26.07.05, 21:27
                  Wojna Wyzwolyńczo 1813-1814

                  Toż i przi ty wojnie ze Orny karlusy
                  Z niywoli francuski wyzwolali Prusy.
                  • broneknotgeld Re: Fraszki i rymowanki ornontowicke 26.07.05, 21:30
                    Lipsk 16-19.X.1814

                    Biyli pod Lipskym sie z Ornontowic?
                    Toż historyjo coś ło tym powiydz
                    W "Bitwie Narodow" Ślonzokow siyła
                    Ło wyzwolyniu łona ważyła.
                  • broneknotgeld Re: Fraszki i rymowanki ornontowicke 26.07.05, 21:32
                    Waterloo 1815

                    Czamer Kuras Kamionka Prohas i Nogalik
                    W walce z Francuzami życie śmiertce dali.
                  • broneknotgeld Re: Fraszki i rymowanki ornontowicke 26.07.05, 21:34
                    Franciszek Szmidt 1866

                    Czy pod Sadowom tyn karlus zginoł?
                    Śmierć go skosiyła - z Ornom se minoł.
                    • broneknotgeld Re: Fraszki i rymowanki ornontowicke 28.07.05, 18:36
                      Kurde - tu to miało być
                      forum.gazeta.pl/forum/72,2.html?f=28940&w=24396333&a=27061955
                      Ano klyć se rymie klyć.
                      • broneknotgeld Re: Fraszki i rymowanki ornontowicke 28.07.05, 18:38
                        1918

                        Ano już stało
                        Niymcy przegrały
                        Teroz sie zdało
                        Wolny świat cały

                        Ornontowice
                        Lizajom rany
                        Ciynżke durś życie
                        Los taki dany.
                      • broneknotgeld Re: Fraszki i rymowanki ornontowicke 28.07.05, 18:40
                        Niypewne czasy

                        Niypewne czasy prziszły po wojnie
                        Zefel Owczarek tu naczelnikym
                        Ano niy było przeca spokojnie
                        Polska czy Niymcy? Łostanom przi kim?
                      • broneknotgeld Re: Fraszki i rymowanki ornontowicke 28.07.05, 18:42
                        Józef Kornas

                        Zefel Kornas amstdienerym
                        Niy podskoczy mu tu kery?
                      • broneknotgeld Re: Fraszki i rymowanki ornontowicke 28.07.05, 18:45
                        Rentmeister Freimuth

                        Rentmeister Freimuth
                        Zmarzłym wpiyrw zwany
                        Po wojnie jakby
                        Zdoł se przegrany.
                      • broneknotgeld Re: Fraszki i rymowanki ornontowicke 28.07.05, 18:47
                        Skiż Brilki (Bryłki)

                        Skiż Brilki nowo w gminie łostuda
                        Toż take czasy - niy grozi nuda
                        By Niymiec szkole tu reskiyrowoł
                        Niyjedyn w Ornie zgody niy dowoł.
                      • broneknotgeld Re: Fraszki i rymowanki ornontowicke 28.07.05, 18:49
                        Niy dadzom

                        W rynce łorganow Brilce niy dadzom
                        I ze farorzym ło to se wadzom
                        Ze chóru ciyngym wyciepowany
                        Spokopioł w końcu co tu przegrany.
                      • broneknotgeld Re: Fraszki i rymowanki ornontowicke 28.07.05, 18:50
                        Poszli ze Orny (1920)

                        Ze orny poszoł se piyrszy farorz
                        Dyć Brilka za niym polecioł zaroz.
                      • broneknotgeld Re: Fraszki i rymowanki ornontowicke 28.07.05, 18:51
                        Kto chlebodawcom?

                        Kto chlebodawcom ty Orny - wiycie
                        Gruba "Dymbiyńsko" - z niyj zdo sie życie.
              • broneknotgeld Re: Fraszki i rymowanki ornontowicke 31.07.05, 23:07
                XII.1918 - Rada Chłopsko

                W powiecie pszczyńskim rad było wiela
                Miała i Orna - szkryfna jo tela.
                • broneknotgeld Re: Fraszki i rymowanki ornontowicke 31.07.05, 23:08
                  Rada Robotniczo 1918/1919

                  Ano i tako we gminie była
                  Choć rewolucjo traciyła siyła.
                • broneknotgeld Re: Fraszki i rymowanki ornontowicke 31.07.05, 23:10
                  01.I.1919 Chor "Wanda"

                  Ano juz wtedy tyn chor miyszany
                  Ornontowicki ziymi był dany
                  A że ta Wanda Niymca niy chciała
                  Pieśniczki polske ciyngym śpiywała.
                • broneknotgeld Re: Fraszki i rymowanki ornontowicke 31.07.05, 23:12
                  19 i 26.I.1919 Welunki

                  Bojkot welunkow zdo sie we Ornie
                  Rzesza i Prusy niy śpiom spokojnie.
                  • broneknotgeld Re: Fraszki i rymowanki ornontowicke 01.08.05, 21:52
                    POW GŚl - Ornontowice 1919-1921

                    Ano - we Ornie tyż przeca byli
                    Ci co ło Polska tukej sie biyli.
                  • broneknotgeld Re: Fraszki i rymowanki ornontowicke 01.08.05, 21:53
                    Paweł Owczarek

                    Łon komyndantym POW w Ornie był
                    Niy szczyńdzioł tymu podobnoś siył.
                  • broneknotgeld Re: Fraszki i rymowanki ornontowicke 01.08.05, 21:55
                    W piyrszym powstaniu

                    Powstańce z Orny w "piyrszym" sie biyli
                    We bataljonie połnocnym byli
                    Co wystawiyli ze Mikołowa
                    Toż se "polyła" niyjedna gowa.
                  • broneknotgeld Re: Fraszki i rymowanki ornontowicke 01.08.05, 21:57
                    Strajk szkolny VI/VII.1920

                    Dyć "sztrajkowały" bajtle w powiecie
                    I szkoła w Ornie tako se gniecie.
                  • broneknotgeld Re: Fraszki i rymowanki ornontowicke 01.08.05, 22:01
                    Orna 18/19.VIII.1920

                    Toż na "Amstvorstand" Kolarczyk wiod
                    Karlusow co bić se chcieli
                    Niy narobiyli za wiela szkod
                    Dyć urzond drapko już mieli

                    Dwor! Już terozki tam ruszać trza
                    Hegenscheidt im niy podskoczy
                    Se doł rozbrojić dość leko - pra?
                    Powstaniec śmioł sie mu w łoczy.
                    • broneknotgeld Re: Fraszki i rymowanki ornontowicke 01.08.05, 22:08
                      Na Dymbiyńsko

                      Z Orny na Dymbiyńsko poniyśli gywery
                      Zginie jak podskoczy im terozki kery
                      Tako z agronomym tu sie przeca stało
                      Broni w swoje rynce wiela tyż dostało.
                    • broneknotgeld Re: Fraszki i rymowanki ornontowicke 01.08.05, 22:09
                      Na Bujakow

                      Kamratom trza pomoc teroz w Bujakowie
                      Szczylanina w lesie - we plecach aż mrowie.
                  • broneknotgeld Re: Fraszki i rymowanki ornontowicke 01.08.05, 22:03
                    Wyjechoł

                    Otto Hegenscheidt łopuścioł sztela
                    Podobnoś gańby mioł richtig wiela
                    Że sie karlusow z Orny wystrachoł
                    Możno tu ktosik z niego se lachoł?
                  • broneknotgeld Re: Fraszki i rymowanki ornontowicke 01.08.05, 22:05
                    Pora dni powstanio

                    Niydugo to trwało
                    Chnetko se skończyło
                    Wygrali niymało
                    Choc marnie tyż było.
                    • broneknotgeld Re: Fraszki i rymowanki ornontowicke 01.08.05, 22:11
                      Koniec powstanio

                      Toż jako piyrwyj kończom boroki
                      W Ornontowicach Italyjoki
                      Kierzy czimali bardzi ze Niymcym
                      Choć to Slonzokow trocha tu mynczy.
                    • broneknotgeld Re: Fraszki i rymowanki ornontowicke 01.08.05, 22:13
                      Komitet Plebiscytowy IV.1920

                      Swoboda z Filom we Komitecie
                      Plebiscytowym - zaczli już przecie.
                    • broneknotgeld Re: Fraszki i rymowanki ornontowicke 01.08.05, 22:15
                      Po powstaniu

                      Plebiscytowe sprawy ruszyły
                      Komitet drapko terozki rośnie
                      Toż zbiyro Polska we Ornie siyły
                      Zdo sie co idzie jakby ku "wiośnie".
                    • broneknotgeld Re: Fraszki i rymowanki ornontowicke 01.08.05, 22:17
                      Plebiscyt 20.III.1921

                      Za Polskom głosow czi szworte dali
                      Ćwierc za Niymcami - tako spisali
                      Toż i we dworze to samo było
                      Hegenscheidtowi se niy prziśniyło.
                    • broneknotgeld Re: Fraszki i rymowanki ornontowicke 01.08.05, 22:20
                      Hajmatreutery

                      Hajmatreuterow ździybko ściongnyło
                      Dyć to we Ornie nic niy zmiyniyło
                      Wiyncy tu było wtedy Ślonzokow
                      Co z gminom chcieli być u Polokow.
                    • broneknotgeld Re: Fraszki i rymowanki ornontowicke 01.08.05, 22:23
                      2/3 maja 1921

                      Chnetko dwie setki pod broń stanyło
                      Grała łorkestra im dynto
                      Na dwor i gmina drapko ruszyło
                      Czy ktoś to jeszcze pamiynto?

                      Czyńść se łostała we Ornie swoji
                      Dyć wiynkszość poszła na Wyry
                      Ślonzok sie przeca kuli niy boji
                      Na Niymca niesom go gyry.
                    • broneknotgeld Re: Fraszki i rymowanki ornontowicke 01.08.05, 22:25
                      7 kompanio

                      Siodmo kompanio pułku pszczyńskego
                      To z Ornontowic karlusy
                      Do Mikołowa idom zocnego
                      Italyjokow tam ruszyć.
                    • broneknotgeld Re: Fraszki i rymowanki ornontowicke 01.08.05, 22:26
                      Franciszek Brzonkalik

                      Siodmom kompaniom Francik dowodzioł
                      Czy Niymcom richtig wiela zaszkodzioł?
                    • broneknotgeld Re: Fraszki i rymowanki ornontowicke 01.08.05, 22:28
                      W Szopiynicach

                      W Szopiynicach oddział stoji
                      Sie ło sztab powstańczy boji
                      Przez dwa tydnie tako chroni
                      Som łodwodym jakby łoni.
                      • broneknotgeld Re: Fraszki i rymowanki ornontowicke 21.08.05, 11:37
                        Do Łabynd

                        Siodmo kompanio do Łabynd idzie
                        Boj ło Gliwice naprowdy bydzie?
                        Dyć nic takego sie tu niy stało
                        Szczyńściym - toż krwi by poszło niymało.
                      • broneknotgeld Re: Fraszki i rymowanki ornontowicke 21.08.05, 11:40
                        We Warmontowicach

                        We Warmontowicach przez dwa tydnie stoli
                        Czy niymcy tu ruszom? -Mozno ździybko boli
                        Dyć z frontu se poszli w końcu ku Centawie
                        Dlo nich wojowanie skończyło sie prawie.
                      • broneknotgeld Re: Fraszki i rymowanki ornontowicke 21.08.05, 11:41
                        5.VII.1921 Orzesze

                        Demobilizacjo - terozki karlusy
                        Możecie na Orna do dom se wyruszyć.
                • broneknotgeld Re: Fraszki i rymowanki ornontowicke 21.08.05, 21:35
                  29.VI.1922 Pszczyna

                  Cołki powiat pszczyński władze polske "wziyły"
                  Teroz u sia tukej już naprowdy były
                  Szeptycki se z wojskym stanoł przi ratuszu
                  Major Canicati do dom potym ruszoł.
                  • broneknotgeld Re: Fraszki i rymowanki ornontowicke 21.08.05, 21:37
                    W wojewodztwie ślonskim

                    W wojewodztwie ślonskim Orna teroz leży
                    Czy sie samorzońdzi? -Trza nom tako wierzyć.
                    • broneknotgeld Re: Fraszki i rymowanki ornontowicke 21.08.05, 21:39
                      Urzond Okryngowy we Orzeszu (1922)

                      Miyndzy powiatym łon był a gminom
                      Tyn we Orzeszu wiynkszom "dziedzinom"
                      "Pod niym" Zawada i Jaśkowice
                      Dyć tyż do tego Ornontowice.
                    • broneknotgeld Re: Fraszki i rymowanki ornontowicke 21.08.05, 21:42
                      Robert Lis z Orzeszo

                      Sekretorzym łon amtowym
                      Czimoł Urzond Okryngowy
                      Hereszt był we jego mocy
                      Policyjo do pomocy
                      Gospodarka tyż do tego
                      Zdo sie wiela dlo istnego.
                      • broneknotgeld Re: Fraszki i rymowanki ornontowicke 22.08.05, 08:29
                        Urzond Okryngowy w Orzeszu (1925)

                        Na wiynkszym konsku terozki "siedzioł"
                        Trza bych i ło tym coś tukej pedzioł
                        Ano - Orzesze Ornontowice
                        Zawada Zawiść tako Woszczyce
                        Tyż Gardawice no i Krolowka
                        Zazdrość - już wiyncy niy wiy mo głowka.
                      • broneknotgeld Re: Fraszki i rymowanki ornontowicke 22.08.05, 08:30
                        Posterunek Policji Wojewodztwa Ślonskego

                        Na Ornontowice tyż w Orzeszu był
                        Zdo sie ze tym sztela wiyncy miała siył.
                      • broneknotgeld Re: Fraszki i rymowanki ornontowicke 22.08.05, 08:32
                        Samorzond Gminny

                        Na prawie pruskim durś stoła gmina
                        Wyprobowano przeca dziedzina
                        Zowdy był Zarzond i tako Rada
                        Choć możno czasym skiż tego zwada.
                  • broneknotgeld Re: Fraszki i rymowanki ornontowicke 22.08.05, 22:34
                    Zarzond Gminy

                    Toż naczelnik z ławnikami zarzond taki tworzoł
                    Łon we kożdy ślonski gminie zowdy wiela wożoł.
                    • broneknotgeld Re: Fraszki i rymowanki ornontowicke 22.08.05, 22:35
                      Rada Gminy

                      Gminnych rajcow wybiyrali roz na sztyry roki
                      Z nich trza Zarzond wywelować - toż to niy boroki.
                    • broneknotgeld Re: Fraszki i rymowanki ornontowicke 22.08.05, 22:36
                      18 rajcow

                      We miyndzywojniu tela dowali
                      By w Ornie rzondy se sprawowali
                      Łoni już brali se naczelnika
                      Trza tyż pamiyntać ło tych ławnikach.
                    • broneknotgeld Re: Fraszki i rymowanki ornontowicke 22.08.05, 22:39
                      Franciszek Swoboda i Zarzond

                      Piyrszy naczelnik we polski szteli
                      "Fara" ławnikow przi niymu mieli
                      Kornas i Bonczyk Ulbrycht tyż tako
                      Dyć rok to yno prziszło jednako.
                    • broneknotgeld Re: Fraszki i rymowanki ornontowicke 22.08.05, 22:41
                      Kadyncjo 1923-1926

                      Francik Swoboda naczelnikuje
                      Dyć Karol Cyprys już zastympuje
                      We ty kadyncji Jana Bonczyka
                      Kery mioł piyrwyj "fara" ławnika.
                    • broneknotgeld Re: Fraszki i rymowanki ornontowicke 22.08.05, 22:43
                      Welunek samorzondowy XII.1926

                      Sie z politykom fest namiyszało
                      Nowe starymu miejsce zabrało.
                    • broneknotgeld Re: Fraszki i rymowanki ornontowicke 22.08.05, 22:45
                      Kadyncjo 1927-1930

                      Ignacy zdzieblik we gminie piyrszym
                      Aże do wojny łon tu nojpiyrszym
                      Pawełek Magdziorz Tenczyk we ławie
                      Tako i potym bydzie tu prawie.
                    • broneknotgeld Re: Fraszki i rymowanki ornontowicke 22.08.05, 22:46
                      Ignacy Zdzieblik

                      Chcecie to wiyrzcie mi tu na słowo
                      Rokow czinoście naczelnikowoł.
                    • broneknotgeld Re: Fraszki i rymowanki ornontowicke 22.08.05, 22:48
                      Welunek 1930

                      Z tym sie niywiela w Ornie zmiyniyło
                      Przeca to prawie co piyrwyj było
                      W ławie zastompioł Cyprys Tenczyka
                      Cołko we Ornie już "polityka".
                    • broneknotgeld Re: Fraszki i rymowanki ornontowicke 22.08.05, 22:49
                      Niy było

                      Potym welunku w gminie niy było
                      Se przi ty Radzie do wojny żyło.
                    • broneknotgeld Re: Fraszki i rymowanki ornontowicke 22.08.05, 22:51
                      urzond Gminny

                      We "nowy szkole" pokoik mały
                      Taki z poczontku Urzond był cały.
                      • broneknotgeld Re: Fraszki i rymowanki ornontowicke 25.08.05, 08:37
                        W gospodzie Szydłowskiego

                        Po Szydłowskim gmina gospoda kupiyła
                        Drapko na siedziba se jom urzońdziyła
                        We czidziestum piyrszym już łobradowali
                        I piyntro z izbami tyż dobudowali
                        Kaj rechtorow szkoły ze Orny wkludziyli
                        Bo skiż braku miyszkań we utropie byli.
                      • broneknotgeld Re: Fraszki i rymowanki ornontowicke 25.08.05, 08:39
                        Obszar dworski

                        Niy z Ornontowic przeca to winy
                        Dwa razy myńszy tu "obszar gminy"
                        Niż Hegenscheidta wielko dziedzina
                        Toż niyjednymu krziwi sie mina.
                      • broneknotgeld Re: Fraszki i rymowanki ornontowicke 25.08.05, 08:42
                        10.VII.1923

                        Sejm Ślonski znosi swojom ustawom
                        Obszary dworske - tako se jawiom
                        Zarozki wiynksze gminy dziedziny
                        Choć z tym dziedzicow som kwaśne miny.
                      • broneknotgeld Re: Fraszki i rymowanki ornontowicke 25.08.05, 08:43
                        15,61 km kwadratowych

                        Na nic przi tymu jakeś urazy
                        Ornontowice wiynksze czi razy.
                      • broneknotgeld Re: Fraszki i rymowanki ornontowicke 25.08.05, 08:45
                        Ornontowiczanie 1920-1939

                        W dwudziestym roku dwa czista było
                        Do wojny cołki tysionc przibyło.
                      • broneknotgeld Re: Fraszki i rymowanki ornontowicke 25.08.05, 08:46
                        1.VII.1936

                        Z tym dniym sie Orna myńszo coś stała
                        Do Gierałtowic Beksza iść chciała.
                  • broneknotgeld Re: Fraszki i rymowanki ornontowicke 25.08.05, 08:54
                    Zwionzek Szkolny Ornontowice (1922)

                    Ksindz Teofil Bromboszcz jymu przewodniczoł
                    Za vice sie pisoł ty kerownik szkoły
                    Hegenscheidt w Zarzońdzie tyż ciyngym se liczoł
                    Naczelnik Swoboda i tako pospołym.
                    • broneknotgeld Re: Fraszki i rymowanki ornontowicke 25.08.05, 08:55
                      Szkoła 1921/1922

                      Toż pory rechtorow we Niymcach już siedzi
                      A szkoła z utropom se swojom tu biedzi.
                      • broneknotgeld Re: Fraszki i rymowanki ornontowicke 25.08.05, 16:07
                        Szkoła 1922/1923

                        Ernest Rojek "fara" kerownika chycioł
                        Dyć "ciało rechtorske" ze kobiyt se sklycioł
                        Farorz Bromboszcz uczoł dzieci religiji
                        Bo łon był za Polskom - niy mioł z tym mecyji.
                      • broneknotgeld Re: Fraszki i rymowanki ornontowicke 25.08.05, 16:09
                        Wakacje 1923

                        Wakacje - dlo szkoły jakby czas pechowy
                        Ernest Rojek pomarł - przidzie ktosik nowy.
                      • broneknotgeld Re: Fraszki i rymowanki ornontowicke 25.08.05, 16:10
                        Walenty Łoziński (1923)

                        Toż prziszoł do Orny z piyrszym październikym
                        Poznaniok Łoziński teroz kerownikym.
                      • broneknotgeld Re: Fraszki i rymowanki ornontowicke 25.08.05, 16:13
                        Ciyngym

                        Ciyngym sie we szkole zmiyniali rechtory
                        Frele se wydały - to ktosik był chory
                        Abo własnom prośbom przenosioł kaj ińdzi
                        A te miyndzywojnie do przodka durś pyńdzi.
                      • broneknotgeld Re: Fraszki i rymowanki ornontowicke 25.08.05, 16:15
                        1931

                        Kerownik łostatnio coś wiela choruje
                        Jankowski do czasu go tu zastympuje
                        W końcu se Łoziński doczekoł pyndzyji
                        Już niy mo ze szkołom terozki mecyji.
                      • broneknotgeld Re: Fraszki i rymowanki ornontowicke 25.08.05, 16:17
                        Rudolf Reczek 1931

                        Rudolf Reczek z Zebrzydowic
                        Kerownikym nowym - to wiydz
                        Z niym rechtorow tu dziesiyńciu
                        A bez - rachuj do dziewiyńciu.
                      • broneknotgeld Re: Fraszki i rymowanki ornontowicke 25.08.05, 16:19
                        Rok 1934

                        Rechtory go dugo bydom pamiyntali
                        Dyć myni piniyndzy za robota dali
                        Państwo chce łoszczyndzać teroz na oświacie
                        To jakby szczewiki zamiynć na lacie.
                      • broneknotgeld Re: Fraszki i rymowanki ornontowicke 25.08.05, 16:22
                        1935

                        Jedynosty etat Skiwianka dostała
                        Za godzina lekcji jedyn złoty miała.
                      • broneknotgeld Re: Fraszki i rymowanki ornontowicke 25.08.05, 16:25
                        Remonty szkoły

                        We miyndzywojniu ciyngym remonty
                        Budynki szkolne - już stare konty
                        Bajtli se chnetko piyńćset uczyło
                        Toż wiela przi tym tyż poniszczyło
                        Chnet nowo szkoła chcieli rychtwać
                        W sztyrdziestym roku mieli jom stowiać.
                      • broneknotgeld Re: Fraszki i rymowanki ornontowicke 25.08.05, 16:28
                        Świytlica 29.XI.1933

                        Orna przi szkole mo już świytlica
                        Dwa razy w tydniu jom łodwiydzajom
                        Dyć coś niy cieszom sie z tego lica
                        Dzieciska mało tu uczynszczajom

                        Przeca robota w doma i w polu
                        Dwie mode rynce poczebne som
                        Dlo familiji robić - to chwolom
                        Czas tyż niyleki - rym taki dom.
                      • broneknotgeld Re: Fraszki i rymowanki ornontowicke 25.08.05, 16:29
                        Bibljotyka szkolno (1935)

                        Bibljotyka szkolno ksionżek dwiesta mo
                        Jak na tela dzieci mało mi sie zdo.
                        • broneknotgeld Re: Fraszki i rymowanki ornontowicke 27.08.05, 20:39
                          Kursy szkolne dlo dorosłych

                          Toż se i tego szkoła chyciyła
                          Dyć u nikerych zoległość była
                          Na kursach w polskim se podciongnyli
                          W inkszych przedmiotach - jak słabi byli.
                        • broneknotgeld Re: Fraszki i rymowanki ornontowicke 27.08.05, 20:41
                          Szkołka drzew i łogrodek szkolny

                          Kerownik szkoły jom tu założoł
                          Z własnego grosza coś na to łożoł
                          Z czasym i ziymi dość wiela mieli
                          Se tradycyjom stało ty szteli.
                        • broneknotgeld Re: Fraszki i rymowanki ornontowicke 27.08.05, 20:43
                          "Kopiec Wolności" w Ornontowicach

                          Toż usypali kopiec tu taki
                          Przi niym świyńciyli 3-go Maja
                          We miyndzywojniu szimel był taki
                          Bez tego farorz by zrobioł haja.
                        • broneknotgeld Re: Fraszki i rymowanki ornontowicke 27.08.05, 20:44
                          3-cio majowe dymby

                          Szkolorze w świynto je tu sadziyli
                          Na znak że w Polsce wolny już żyli.
                        • broneknotgeld Re: Fraszki i rymowanki ornontowicke 27.08.05, 20:46
                          Kopciuszek 1927

                          Tyjater szkolny był prawie z tego
                          We sali dzioło sie Szydłowskiego
                          Toż restaurator za tym tyż przeca
                          Kultura tako garnoł do neca.
                        • broneknotgeld Re: Fraszki i rymowanki ornontowicke 27.08.05, 20:48
                          Przedszkole 1923

                          Staraniym ksiyndza Bromboszcza tako
                          Klosztorne siostry tu prowadziyły
                          Bajtlom w niym dobrze - zowdy jednako
                          Pojadły cosik i sie bawiyły.
                        • broneknotgeld Re: Fraszki i rymowanki ornontowicke 27.08.05, 20:51
                          Siostra Innocencja Kotówna (1923-1935)

                          W Ornie przedszkole na jeji gowie
                          Lot było richtig dwanoście
                          Dyć musioł ciongnońć to dobry czowiek
                          Ło pamiyńć siostry tu proście.
                        • broneknotgeld Re: Fraszki i rymowanki ornontowicke 27.08.05, 20:52
                          100 złotych na przedszkole

                          Toż na rok tela mieli łod gminy
                          Jakby niy paczeć szło ło dzieciny.
                        • broneknotgeld Re: Fraszki i rymowanki ornontowicke 27.08.05, 20:54
                          2 złote

                          Kery czuje sie bogaci
                          Te dwa złotki tu zapłaci
                          Na przedszkole roz w miesioncu
                          Toż niywiela przeca w końcu.
                        • broneknotgeld Re: Fraszki i rymowanki ornontowicke 27.08.05, 20:55
                          Przedszkolno żymła

                          Żymła z mlykym bajtlom trza
                          Ździybko to kosztuje - pra?
                        • broneknotgeld Re: Fraszki i rymowanki ornontowicke 27.08.05, 20:57
                          Siostra Rolandis 1935

                          Ło bajtli nowo już siostra dbała
                          Dyć we zakonie to ślubowała
                          Być służebniczkom łod Matki Boski
                          Toż sztimowały jyj take troski.
                        • broneknotgeld Re: Fraszki i rymowanki ornontowicke 27.08.05, 20:59
                          "Ochronka" 1928

                          "Ochronka" w ornie staraniym szkoły
                          Los biydnych dzieci tu niywesoły
                          A kryzys wielki zaklupoł przeca
                          Toż trza tyż było takego "neca".
                        • broneknotgeld Re: Fraszki i rymowanki ornontowicke 27.08.05, 21:01
                          "Gwiozdka"

                          Niyjedna możno ło tym powiostka
                          Przeca co roku we Ornie "Gwiozdka"
                          U szydłowskiego jom rychtowali
                          Dzieciom z "Ochronki" coś zowdy dali.
                        • broneknotgeld Re: Fraszki i rymowanki ornontowicke 27.08.05, 21:03
                          Łogrodki działkowe 1930

                          Hegenscheidt doł ziymi dwa i poł hektora
                          Toż przeca niy była z niego jakoś zmora
                          Łogrodek w kryzysie mog rodzina retnońć
                          Ło to przeca wcale niy musza sie wetnońć.
                        • broneknotgeld Re: Fraszki i rymowanki ornontowicke 27.08.05, 21:05
                          Łogrodki działkowe 1945

                          Po wojnie majontek rozparcelowali
                          Toż i do łogrodkow coś przi tymu dali
                          Pińć hektorow teroz cuzamyn już majom
                          Działkowcy ty ziymi przeca wiela pszajom.
                        • broneknotgeld Re: Fraszki i rymowanki ornontowicke 27.08.05, 21:07
                          Towarzystwo Łogrodkow Działkowych 1930

                          Jak już som łogrodki to i Towarzystwo
                          Stykło by mi szkryfnońć możno tako wszysko
                          Dyć chciołbych piyrszego choć wspomnieć prezesa
                          Jan Widuch niym łostoł - szkryfna bo niy zgrzesza.
                        • broneknotgeld Re: Fraszki i rymowanki ornontowicke 27.08.05, 21:10
                          Ornontowicko Kasa Łoszczyndności i Pożyczek 1927

                          Toż niychej wos to wcale niy dziwi
                          W tych czasach czowiek był szporobliwy
                          A i pożyczki poczebne były
                          Z tym mały piniondz wiyncy mioł siyły.
                        • broneknotgeld Re: Fraszki i rymowanki ornontowicke 27.08.05, 21:11
                          Konstanty Magdziorz

                          Konstanty Magdziorz prezesym kasy
                          Piniondz go tukej wcale niy straszy
                          Tako niym przeca łobrocoł piyknie
                          Że zowdy Kasie tego wystyknie.
                        • broneknotgeld Re: Fraszki i rymowanki ornontowicke 27.08.05, 21:14
                          Kołko Rolnicze 1923

                          Jan Pawełek z Orny te kołko założoł
                          Toż i prezesować durś se jymu wożoł
                          Ksiondz Grunt go w tym wspiyroł - koncept taki dany
                          -Zowdy bydzie lepi jak grunt załorany.
                        • broneknotgeld Re: Fraszki i rymowanki ornontowicke 27.08.05, 21:17
                          Zwionzek Łogrodniczo Pszczelarski

                          Jeszcze za powstań tu sie utworzoł
                          Dyć z czasym ponoć niywiela wożoł
                          Tako do roku aż czidziestego
                          Jak szwongu prziszło wiyncy do tego

                          Staraniym fary no i tyż gminy
                          Zaś majom Zwionzek Orny dziedziny
                          Choć cołkym idzie w strona pszczelorzy
                          Cosik łon jeszcze we gminie woży.
                        • broneknotgeld Re: Fraszki i rymowanki ornontowicke 27.08.05, 21:19
                          Akacyjo

                          Jak jom na Ślonsku widza terozki
                          Zowdy wspominom pszczelorzy troski
                          Coby te drzewo fest "miododajne"
                          Rosło i u nos naprowdy fajnie.
                        • broneknotgeld Re: Fraszki i rymowanki ornontowicke 27.08.05, 21:25
                          "Pasieczne spotkania"

                          We latach czidziestych pszczelorze to mieli
                          Co dlo sia sie sami zrychtować tu chcieli
                          Toż se we pasiekach zowdy spotykali
                          Ło miodzie piszczołach przi tymu godali

                          W czidziestym dziewiontym łostatnie spotkanie
                          Wiosnom niy myśleli co chnetko se stanie
                          Toż im ule jejich ciyngym w gowie były
                          A niy ciymne chmury co już nadchodziyły.
                        • broneknotgeld Re: Fraszki i rymowanki ornontowicke 27.08.05, 21:26
                          Małorolni we Ornie

                          Tych było w Ornie richtig dość wiela
                          Toż z grubow jakby żyła ta sztela.
                        • broneknotgeld Re: Fraszki i rymowanki ornontowicke 27.08.05, 21:28
                          Huta szkła 1925

                          Na nowo piece w hucie zaś polom
                          I ruszo cołko produkcjo glasu
                          Dyć tych wyrobow jakoś niy chwolom
                          W kryzysie huta pódzie "do lasu".
                        • broneknotgeld Re: Fraszki i rymowanki ornontowicke 27.08.05, 21:30
                          Teofil Kornas (1925)

                          Teofil Kornas - na Ornie stolorz
                          Kaj ze stolarniom łon potym poloz?
                        • broneknotgeld Re: Fraszki i rymowanki ornontowicke 27.08.05, 21:31
                          Paweł Sitka (1925)

                          Toż jymu przipod fach kołodzieja
                          Bydzie na gyszeft mioł tu nadzieja?
                        • broneknotgeld Re: Fraszki i rymowanki ornontowicke 27.08.05, 21:32
                          Aleksander Nowak (1925)

                          Zowdy we gminie potrza kowola
                          Toż i Nowaka rymym pochwola.
                        • broneknotgeld Re: Fraszki i rymowanki ornontowicke 27.08.05, 21:35
                          Marta Machulik (1925)

                          Chcesz dać coś uszyć - trza u niyj poczkać
                          Łona we Ornie prowdziwo szwoczka.
                        • broneknotgeld Re: Fraszki i rymowanki ornontowicke 27.08.05, 21:36
                          Wilhelm Nieradzik (1925)

                          Cieśla rychtowoł chopom stodoły
                          Jak mioł robota to niy był goły.
                        • broneknotgeld Re: Fraszki i rymowanki ornontowicke 27.08.05, 21:38
                          Paweł Grzegorczyk

                          Paweł Grzgorczyk w kamiyniołomie
                          Zdo sie z tym znoloz jakby swoj koniec
                          Dyć w lesie ciyngym kamiyń tu brali
                          Po Grzegorczyku tako tyż dali.
                        • broneknotgeld Re: Fraszki i rymowanki ornontowicke 27.08.05, 21:39
                          Ornontowicki kamiyń

                          Toż na orzeskim mosz go kościele
                          Ze kropielnicy tako sie "ściele"
                          ornontowice - widać ze tego
                          Łod sia wydały coś nojlepszego.
                        • broneknotgeld Re: Fraszki i rymowanki ornontowicke 27.08.05, 21:40
                          Juliusz Majcher

                          Po Grzegorczyku łon kamiyń kuje
                          Durś jest poczebny - to forszteluje.
                        • broneknotgeld Re: Fraszki i rymowanki ornontowicke 27.08.05, 21:43
                          Kamiyniołom i tartak

                          Paweł Grzegorczyk w kupie to czimoł
                          Dyć z jego śmierciom inaczy
                          Edward Dworaczek drzewa sie imoł
                          Majcher kamiyniym zaś raczy.
                          • broneknotgeld Re: Fraszki i rymowanki ornontowicke 31.08.05, 20:38
                            Edward Janek

                            Tartak Grzegorczyka tyn karlus prowadzioł
                            Godali co dobrze se z tym nawet radzioł.
                          • broneknotgeld Re: Fraszki i rymowanki ornontowicke 31.08.05, 20:39
                            Tartak na sztrom

                            Dworaczek Edward we niym krolowoł
                            Sztrom wiyncy szwongu już przeca dowoł.
                          • broneknotgeld Re: Fraszki i rymowanki ornontowicke 31.08.05, 20:41
                            Młyn na sztrom

                            Tyn wybudowoł Wojciech Klimera
                            Wiela gyszeftow mioł tukej teraz
                            Zocno gospoda restauracyjo
                            I sklep we kerym ta kolanijo.
                          • broneknotgeld Re: Fraszki i rymowanki ornontowicke 31.08.05, 20:41
                            Sztyry stolarnie

                            Dwoch Malczykow je tu miało
                            Ofiok, Rokim - lista cało.
                          • broneknotgeld Re: Fraszki i rymowanki ornontowicke 31.08.05, 20:44
                            Gastronomijo ornontowicko

                            Szejść lokali w Ornie było
                            Zjeść i popić we niych szło
                            Toż i głodnym se niy żyło
                            Jak geld w kapsi - mi sie zdo.
                          • broneknotgeld Re: Fraszki i rymowanki ornontowicke 31.08.05, 20:45
                            Sklepy kolonialne

                            Tyż szejść tukej takich szteli
                            A czy kolanije mieli?
                          • broneknotgeld Re: Fraszki i rymowanki ornontowicke 31.08.05, 20:46
                            Z miynsym

                            Z miynsym sklepow piyńć rachuja
                            Pewno styknie - tako czuja.
                            • broneknotgeld Re: Fraszki i rymowanki ornontowicke 01.09.05, 18:58
                              Jan Bondza (1936)

                              Wspomnieć go trza mi - niych wos niy dziwo
                              Przeca we Ornie sprzedowoł piwo.
                            • broneknotgeld Re: Fraszki i rymowanki ornontowicke 01.09.05, 19:00
                              "Elka" Łucji Lipp (1936)

                              Ze "elki" zowdy jednako "jedzie"
                              Dyć przeca w piontek muszom być śledzie
                              "Maszkyt" biydoka - wiycie tyż sami
                              Jako smakuje slydź z kartoflami.
                            • broneknotgeld Re: Fraszki i rymowanki ornontowicke 01.09.05, 19:02
                              Bronisława Głowianka (1936)

                              Dobro gorzoła sprzedowo toni?
                              Jo tego niy wiym - niy bronia Broni
                              Dyć żech tyż przeca richtig tronkowy
                              Chocioż już niy mom za mocny gowy.
                            • broneknotgeld Re: Fraszki i rymowanki ornontowicke 01.09.05, 19:04
                              Golacze

                              Giemza z Jaskółkom szczigom tu włosy
                              Tnom nożyczkami - na nic im kosy.
                            • broneknotgeld Re: Fraszki i rymowanki ornontowicke 01.09.05, 19:05
                              Błażej Kubicki (1936)

                              Karuzela i szizbuda
                              Taki gyszeft - Orny cuda.
                            • broneknotgeld Re: Fraszki i rymowanki ornontowicke 01.09.05, 19:06
                              Karol Blot (1936)

                              We gyjbisach durś majstrowoł
                              Zymbow wiela wykurowoł?
                              Możno yno rwoł ich tela
                              Jako to pamiynto sztela?
                    • broneknotgeld Re: Fraszki i rymowanki ornontowicke 01.09.05, 19:08
                      Towarzystwo Czytelni Ludowych

                      Toż i takowe we ornie było
                      Prezes Alojzy pietruszka
                      Ze bibljotykom se tu radziyło
                      Na wiyrzbie przeca niy gruszka.
                      • broneknotgeld Re: Fraszki i rymowanki ornontowicke 11.09.05, 15:13
                        5.V.1927 OSP Ornontowice

                        Fojermanow juz mo gmina
                        Przed łogniym łobroniom
                        Downe czasy trza wspominać
                        Toż roki fest goniom.
                      • broneknotgeld Re: Fraszki i rymowanki ornontowicke 11.09.05, 15:15
                        Prezes Ignacy Zdzieblik

                        Ano - fojermany pod prezesa łokym
                        Naczelnik to gminy - niy był tu borokym
                        Skiż tego sikowki chnet se dorobiyli
                        Drapko tam kaj gore z pompom teroz byli.
                      • broneknotgeld Re: Fraszki i rymowanki ornontowicke 11.09.05, 15:18
                        Naczelnik OSP Karol Spyra 1927/1928

                        Naczelnikym fojerwery był we Ornie rok
                        Ano ze niym tu zrobiyli richtig piyrszy krok
                        Toż łod łognia chcieli bronić swoja zocno sztela
                        Choć sie ze tym umynczyli czasym i za wiela.
                      • broneknotgeld Re: Fraszki i rymowanki ornontowicke 11.09.05, 15:20
                        Naczelnik OSP Paweł Madej 1928-1939

                        Do czasu wojny wiod fojerwera
                        Możno by dłuży tako se "bioł"
                        Wojynne czasy przuszły - cholera!
                        Dyć czy sie łogyń skiż tego skroł?
                      • broneknotgeld Re: Fraszki i rymowanki ornontowicke 11.09.05, 15:21
                        16.VI. 1935

                        Poświyńciyli sztandar w ornie fojermany
                        Bydom gmina chronić ze świyntym Florianym.
                      • broneknotgeld Re: Fraszki i rymowanki ornontowicke 11.09.05, 15:22
                        VIII.1938 - Fojerbaby

                        Baby we Ornie tyż z fojerwerom
                        Skond siyły łone do tego bierom?
                      • broneknotgeld Re: Fraszki i rymowanki ornontowicke 11.09.05, 15:24
                        Drużyna Maryjki Hanek

                        Maria Hanek mo frelek drużyna
                        Fojerwery to jedna rodzina
                        Dziołchy z łogniym se rada tu dadzom
                        Sie przi tymu już nawet niy wadzom.
                    • broneknotgeld Re: Fraszki i rymowanki ornontowicke 01.09.05, 19:10
                      Alojzy pietruszka

                      Wiela łod serca dlo inkszych robioł
                      Prezesym łon TCL-u
                      Dyć do zoszczytow sie tym niy "dobioł"
                      Pamiyntej to przijocielu.
                      • broneknotgeld Re: Fraszki i rymowanki ornontowicke 02.09.05, 22:12
                        Alojzy Pietruszka - tako to być miało
                        Zaś mi sie ze "shiftym" cosik pomiyszało.
                      • broneknotgeld Re: Fraszki i rymowanki ornontowicke 02.09.05, 22:15
                        ZHP w Ornontowicach - 10.IV.1928

                        Piyrszo drużyna stoji przi szkole
                        Karlusow wiela w niyj było
                        Czy rechtor Niemczyk wywiod ich w pole?
                        Dwa lata i sie skończyło

                        Zabrakło "wodza" - czy tako w Ornie
                        Harcerzy cołkym niy bydzie
                        Zdo sie co ze tym richtig tu mornie
                        Dyć jeszcze na krotko przidzie.
                      • broneknotgeld Re: Fraszki i rymowanki ornontowicke 02.09.05, 22:17
                        ZHP Ornontowice 1933

                        Kudlińsko garła do sia harcerki
                        Czy wiyncy chyńci miały te frelki?
                        Żyńsko drużyna aż przez lot sztyry
                        Niym se rozlazły po Ornie gyry.
                      • broneknotgeld Re: Fraszki i rymowanki ornontowicke 02.09.05, 22:19
                        ZHP Ornontowice 1935

                        Zaś se harcerze w drużyna klecom
                        Zdo sie karlusy do tego lecom
                        Dyć tref zły jakiś we Ornie siedzi
                        Już po dwoch rokach zabrakło "śledzi".
                      • broneknotgeld Re: Fraszki i rymowanki ornontowicke 02.09.05, 22:20
                        OMP - koło Ornontowice

                        Ano - powstańce tukej tyż miały
                        "Oddział młodzieży" chocioż był mały
                        Piyrwyj Kaczmarek mu prezesowoł
                        Potym Mozgalik go zastympowoł.
                      • broneknotgeld Re: Fraszki i rymowanki ornontowicke 02.09.05, 22:22
                        "Ompiocy"

                        Na region mieli łotwiyrać łoczy
                        Czy sie sprowdziyli we tym "ompiocy"?
                        • broneknotgeld Re: Fraszki i rymowanki ornontowicke 04.09.05, 22:04
                          Towarzystwo Młodych Polek

                          We Ornie tako tyż łone było
                          Lata czidzieste już lecom
                          Ze Cichoniównom cosik ruszyło
                          Łona ich piyrszom jest "kecom".
                        • broneknotgeld Re: Fraszki i rymowanki ornontowicke 04.09.05, 22:17
                          "Strzelec" Pawła Błaszczyka

                          Prezesym "Strzelca" łon był we Ornie
                          Musztra karlusy robiyli kornie
                          Szport i kultura a nawet fach
                          Grozioł ze niymi życiowy "krach"?
                        • broneknotgeld Re: Fraszki i rymowanki ornontowicke 04.09.05, 22:19
                          Wilhelm Bobek (1889-1959)

                          Ze Ornontowic karlus pochodzioł
                          "Strzelca" na Ślonsku łon przeca wodzioł
                          I Uniwerek tyn Robotniczy
                          Na Bobka piyrwyj naprowdy liczy.
                        • broneknotgeld Re: Fraszki i rymowanki ornontowicke 05.09.05, 20:44
                          Liga Obrony Przeciwlotniczy i Przeciwgazowy
                          Ornontowiece 1931

                          Ano - w Ornie być musiała
                          Polska przeca tego chciała
                          A "rechtory-urzyndniki"
                          We tym mieli tyż wyniki.
                        • broneknotgeld Re: Fraszki i rymowanki ornontowicke 05.09.05, 20:45
                          LOPiP we Ornie

                          Herman Szeroki Lidze przewodzioł
                          Z niom "duch obrony" w modych se rodzioł
                          Harcerstwo jakby niy sztimowało
                          Jednak we Liga cosik wciongało.
                      • broneknotgeld Re: Fraszki i rymowanki ornontowicke 12.09.05, 17:02
                        Ludwik Fila

                        Łorganistom był we Ornie
                        Dyrygowoł chórym tyż
                        Sie do "Wandy" wiela gornie
                        By przi Fili śpiywać - wiysz.
                      • broneknotgeld Re: Fraszki i rymowanki ornontowicke 12.09.05, 17:04
                        Chór "Wanda" 1919-1924

                        Piyńć lot we Ornie chór "Wanda" śpiywoł
                        Pewno nikery se tymu dziwoł
                        Dyć pora rokow go zaś niy było
                        Szczyńściym co jeszcze sie łodrodziyło.
                      • broneknotgeld Re: Fraszki i rymowanki ornontowicke 12.09.05, 17:06
                        Chór "Wanda" 28.II.1928

                        Ano - zaś "Wanda" słychać łod nowa
                        Co przeca cieszy niyjedna gowa.
                      • broneknotgeld Re: Fraszki i rymowanki ornontowicke 12.09.05, 17:07
                        Chór "Wanda" 1928-1931

                        Dlo chóru jakby rundka to drugo
                        Se pośpiywali zaś tu niydugo
                        Jankowski wtedy im dyrygowoł
                        Wiela mog tela łod sia łon dowoł.
                        • broneknotgeld Re: Fraszki i rymowanki ornontowicke 14.09.05, 22:46
                          17.II.1935 Chór "Wanda"

                          Zaś "Wanda" śpiywo - durś se łodrodzo
                          I Ornie głosym swojym dogodzo
                          Jankowski juzaś czimie batuta
                          A prezes Błaszczyk podowo nuta.
                        • broneknotgeld Re: Fraszki i rymowanki ornontowicke 14.09.05, 22:47
                          Chór "Wanda" 1935-1939

                          Niymcowi niy zaśpiywała
                          Dyć łonego durś niy chciała.
                        • broneknotgeld Re: Fraszki i rymowanki ornontowicke 14.09.05, 22:49
                          Chór "Harfa" 1927-1929

                          Chopow w chór zebroł tukej roz Spyra
                          Dwa lata tako chciało im tyrać
                          "Harfa" już potym se niy wrociyła
                          Stykło co "Wanda" we Ornie była.
                        • broneknotgeld Re: Fraszki i rymowanki ornontowicke 14.09.05, 22:51
                          Towarzystwo Polek 1923-1939

                          Kobiyty kwarde we Ornie były
                          Niy chciały dzielić co połonczyły
                          We miyndzywojniu gorom w tym baby
                          Lepsze łod chopow - to pedzieć trza by.
                        • broneknotgeld Re: Fraszki i rymowanki ornontowicke 14.09.05, 22:53
                          Anastazja Magdziorz

                          Z niom Towarzystwo Polek sztartnyło
                          Choć wiyncy kobiyt przewodniczyło
                          To Magdziorzowo ze nich jest piyrszo
                          Bestoż jo szkryfna co tyż nojwyrszo.
                        • broneknotgeld Re: Fraszki i rymowanki ornontowicke 14.09.05, 22:55
                          Sztandar Towarzystwa Polek

                          Maryjka Bajer skryła we putni
                          By niy zniszczyły go rynce "trutni"
                          Tako sie stało - dzisioj w kościele
                          Niy ma we Ornie zocniejszy sztele.
                          • broneknotgeld Re: Fraszki i rymowanki ornontowicke 15.09.05, 17:21
                            Zwionzek Powstańcow Ślonskich - Ornontowice 1923

                            Koło powstańcow we Ornie było
                            Wiela tu nawet znaczyli
                            We piłsudczykow strona ciongnyło
                            I sanacyjo chwolyli.
                          • broneknotgeld Re: Fraszki i rymowanki ornontowicke 15.09.05, 17:33
                            Sztandar ZPŚl 5.II.1936

                            W tyn dziyń se sztandar tu pokropiyli
                            Feta podobnoś przi tymu
                            Możno z radości trocha popiyli
                            Dyć styknie ło tym już rymu.
                          • broneknotgeld Re: Fraszki i rymowanki ornontowicke 15.09.05, 17:34
                            Zwionzek Obrony Kresow Zachodnich

                            Ano - juz wtedy tu "kresowioki"
                            Po wojnie przidom inksze boroki.
                          • broneknotgeld Re: Fraszki i rymowanki ornontowicke 15.09.05, 17:36
                            Polski Zwionzek Zachodni 1934

                            Ze "kresowiokow"
                            Zwionzek Zachodni
                            Chcom "korfanciokow"?
                            Som se łodgodnij!
                            • broneknotgeld Re: Fraszki i rymowanki ornontowicke 18.09.05, 16:53
                              Towarzystwo Gimnastyczne "Sokół"
                              Ornontowice 1923-1925

                              Dwa lata gniozdo sokoły mieli
                              Jojek we Ornie skłodać niy chcieli?
                              Bo przeca licho to sie kulało
                              Furgać se wiela pewno niy chciało.
                            • broneknotgeld Re: Fraszki i rymowanki ornontowicke 18.09.05, 16:54
                              Filio Polski Partyji Socjalistyczny we Ornontowicach

                              W latach czidziestych już tukej była
                              Z poł setki członkow ponoć liczyła.
                    • broneknotgeld Re: Fraszki i rymowanki ornontowicke 09.10.05, 11:12
                      1.IX.1939 Ornontowice

                      Polskego wojska w Ornie niy było
                      Łosmy Dywizji tako trefiyło
                      Ciś tom dziedzinom w Orzesza strona
                      Hitler doł rozkaz - mieli wykonać.
                      • broneknotgeld Re: Fraszki i rymowanki ornontowicke 09.10.05, 11:32
                        Polske kanony

                        Ze Mikołowa i Łazisk tako
                        Kanony biyły we strona Orny
                        Tref z polski rynki boli jednako
                        Jak ze niymiecki we zły czas wojny.
                      • broneknotgeld Re: Fraszki i rymowanki ornontowicke 09.10.05, 11:33
                        Kanony niymiecke

                        Na starym cmyntorzu se rozlokowały
                        Mikołów Łaziska Łostro łoszczylały.
                      • broneknotgeld Re: Fraszki i rymowanki ornontowicke 09.10.05, 11:35
                        2 września 1939

                        Łosmo Dywizjo pod Mikołowym
                        Zległa - se bojom ło swoje gowy
                        Choć durś kanony łostro szczylajom
                        Tukej Polokom rady niy dajom.
                      • broneknotgeld Re: Fraszki i rymowanki ornontowicke 09.10.05, 11:38
                        Kompanio Samoobrony ze Orny

                        Dziewiyńdziesiont chopa w kompanio zebrali
                        Dyć przed 1 września z Orny wycofali
                        Karol Kornas wiod ich na wojynny znoj
                        Kto wiy kaj łoddziału był prowdziwy boj?
                      • broneknotgeld Re: Fraszki i rymowanki ornontowicke 09.10.05, 11:39
                        Gore!

                        Domy se polom powstańcow ślonskich
                        Kierzy za Polska poszli se bić
                        Już take "gorzke" bydom tu konski
                        Ciynzko we Ornie prziłazi żyć.
                      • broneknotgeld Re: Fraszki i rymowanki ornontowicke 09.10.05, 11:40
                        Ciynżko żyć

                        Ciynżko żyć tako i ciynzko ginońć
                        Dyć wojna w końcu musi tyż minońć.
                        • broneknotgeld Re: Fraszki i rymowanki ornontowicke 09.10.05, 17:21
                          1-2 września Orna

                          Chytajom chopow już na roboty
                          Do Norymbergi aże wywożom
                          Ze strachu czynsom sie fest galoty
                          Na gorsze rzeczy przeca tyż wożom.
                        • broneknotgeld Re: Fraszki i rymowanki ornontowicke 09.10.05, 17:22
                          "Czorno Niydziela" (3 września)

                          Se wojska polske drapko cofajom
                          Szwong wiynkszy teroz i Niymcy majom
                          Jakby poczuli se już panami
                          Boroki kierzy łostali sami.
                        • broneknotgeld Re: Fraszki i rymowanki ornontowicke 09.10.05, 17:24
                          Wywozka - 3 września

                          Toż wele dwora ludzi zebrali
                          Za jakiś "napad" śmierciom groziyli
                          Czyńść chopow w auta załadowali
                          By w głymbi Rzeszy na niych robiyli.
                        • broneknotgeld Re: Fraszki i rymowanki ornontowicke 09.10.05, 17:26
                          Ło kompaniji

                          Ło kompaniji wspomniołch ze Orny
                          Niymce wiedzieli - toż se srożyli
                          Tref by tyż czekoł karlusow morny
                          Jakby se do dom teroz wrocili.
                        • broneknotgeld Re: Fraszki i rymowanki ornontowicke 09.10.05, 17:29
                          Do ciupy

                          Ksiondz Kwapuliński, naczelnik tako
                          Z niymi działaczy poru jednako
                          Se pod eskortom w pałac ściongnyli
                          Tu na rozpytki łostro zaś wziyli

                          Zdzieblik zoliczoł dwa tydnie ciupy
                          Inkszych zebrali jednak do kupy
                          No i wywiyźli na poniywiyrka
                          Choć czyńść wrociyła we swoje wyrka.
                        • broneknotgeld Re: Fraszki i rymowanki ornontowicke 09.10.05, 17:31
                          4 września - pyńdziałek

                          jeszcze w pyńdziałek chytajom ludzi
                          By ich do Niymiec drapko zakludzić
                          Wiynkszość przed zimom jednak wrociyła
                          Myńszo utropa w chałupach była.
                        • broneknotgeld Re: Fraszki i rymowanki ornontowicke 09.10.05, 17:32
                          Rejyncjo Katowicko 1939

                          Ano - przi Niymcach już tako była
                          Se Orna przeca tyż do sia wziyła.
                        • broneknotgeld Re: Fraszki i rymowanki ornontowicke 09.10.05, 17:34
                          Prowincjo Gornoślonsko (20.XII.1940)

                          We rejyncji katowicki
                          Przez ta wojna Orna wdycki
                          Katowice i Opole
                          Zaś cuzamyn przi tym "stole".
                        • broneknotgeld Re: Fraszki i rymowanki ornontowicke 09.10.05, 17:35
                          Jan Langer -IX.1939

                          Na krotko w Ornie "naczelnikowoł"
                          Wpiyrw tukej radnym - toż "urzyndowoł".
                        • broneknotgeld Re: Fraszki i rymowanki ornontowicke 09.10.05, 17:38
                          Burgemajster Stefan Szyndzielorz 1939-1941

                          Wpiyrw łogrodnikym u Hegenscheidta
                          Dyć już przi Niymcach zmiyniono zajta
                          Gminom dwa lata chnet reskiyrowoł
                          W okupacyjo tako "brylowoł".
                        • broneknotgeld Re: Fraszki i rymowanki ornontowicke 09.10.05, 17:39
                          Burgemajster Barylla 1941-1945

                          Z Dolnego Ślonska echt-Niymiec prziszoł
                          Coby we Ornie wiela namiyszoł.
                        • broneknotgeld Re: Fraszki i rymowanki ornontowicke 09.10.05, 17:40
                          "Dział Polityczny"

                          Kto niym w Gminie reskiyrowoł
                          Panym życio w tym sie zdowoł
                          Ano - dyć okupacyjo
                          Ciyngym mynczy ta mecyjo.
                        • broneknotgeld Re: Fraszki i rymowanki ornontowicke 09.10.05, 17:42
                          Ze czego rzykać?

                          Ze czego rzykać jest ci pisane
                          Przed łoczy tako kontroli dane
                          Za polsko godka czeko cie sztrofa
                          Toż se niymiecki nauczom trocha.
                        • broneknotgeld Re: Fraszki i rymowanki ornontowicke 09.10.05, 17:43
                          "Blokowy"

                          Poradziesiont chałup codziynnie doglondoł
                          By żyć "po niymiecku" łod kożdego rzondoł.
                        • broneknotgeld Re: Fraszki i rymowanki ornontowicke 09.10.05, 17:44
                          "Celleiter"

                          Ci porachowoł we chałpie krupy
                          I tako samo nudle ze zupy.
                        • broneknotgeld Re: Fraszki i rymowanki ornontowicke 09.10.05, 17:46
                          "Blockalter"

                          Z czego żyjesz? Kto w chałupie?
                          Pozor dej - do dźwiyrzy klupie!
                        • broneknotgeld Re: Fraszki i rymowanki ornontowicke 09.10.05, 17:47
                          Ło niymieckość gminy

                          Ło niymieckość gminy
                          wiela tukej dbali
                          Dyć łod historyji
                          w pysk za to dostali.
                        • broneknotgeld Re: Fraszki i rymowanki ornontowicke 09.10.05, 17:49
                          Rozkopany Kopiec Wolności (1940)

                          Symbol polskości trza rozkopywać
                          Toż droźnioł Niymcow łon wiela
                          Tako niy mogli se jymu dziwać
                          Historii w tym karuzela
                        • broneknotgeld Re: Fraszki i rymowanki ornontowicke 09.10.05, 17:52
                          XII.1939 Spis Ludności

                          Toż i "palcowka" ty Ornie dano
                          Bo przeca take spis nosioł miano
                          Podpis na zajcie to było mało
                          Łodcisku palca se Niymcom chciało.
                        • broneknotgeld Re: Fraszki i rymowanki ornontowicke 09.10.05, 17:55
                          DVL - Deutsche Volkliste 1941

                          Niymiec jom dzieloł na cztyry zorty
                          Kaj cie zapisoł telaś był worty
                          Dyć pionto zorta tyż przeca była
                          Se cudzoziymcow łona tyczyła
                          W nia powciskali tako Polokow
                          I możno inkszych jeszcze "borokow".
                        • broneknotgeld Re: Fraszki i rymowanki ornontowicke 09.10.05, 17:56
                          I zorta DVL

                          Do piyrszy zorty echt-Niymcow dali
                          Co polske państwo za swe niy brali.
                        • broneknotgeld Re: Fraszki i rymowanki ornontowicke 09.10.05, 17:57
                          II zorta DVL

                          Tukej tyż Niymcy
                          Dyć zdo sie inksi
                          Ze Polskom w zgodzie
                          I bezto miynksi.
                        • broneknotgeld Re: Fraszki i rymowanki ornontowicke 09.10.05, 18:01
                          III zorta DVL

                          W niyj żeś Ślonzoka znoloz ślonskego
                          Zgermanizować chcom drapko jego
                          Mody do woja drapko z tym pódzie
                          By tam rozmyśloł ło Niymiec "cudzie".
                        • broneknotgeld Re: Fraszki i rymowanki ornontowicke 09.10.05, 18:02
                          IV zorta DVL

                          Za Polskom Ślonzok - we zorcie szworty
                          Miynso armatnie - tela był worty.
                        • broneknotgeld Re: Fraszki i rymowanki ornontowicke 09.10.05, 18:04
                          "Szworka" DVL

                          Mioł ponoć szansa kto "szworka" dostoł
                          By niymcom służoł i trupym łostoł
                          Kto zaś łodmowioł na lista wpisu
                          Toż Polok abo i inkszy miszung.
                        • broneknotgeld Re: Fraszki i rymowanki ornontowicke 09.10.05, 18:06
                          Mody Ślonzok

                          Ślonzok jak był mody dostoł zorta "czecio"
                          Z niom podobnoś potym na front raźnie lecioł.
                        • broneknotgeld Re: Fraszki i rymowanki ornontowicke 09.10.05, 18:07
                          U Hegenscheidta

                          Kto u Hegenscheidta robioł
                          "Drugi" zorty z tym se "dobioł"
                          Toż i "panym" czuł nikery
                          Psinco warte - do cholery!
                        • broneknotgeld Re: Fraszki i rymowanki ornontowicke 09.10.05, 18:08
                          Do Hitlerjugend

                          Bajtli Ślonzoki niy chcieli dować
                          Dyć jako mieli je w chałpie chować?
                        • broneknotgeld Re: Fraszki i rymowanki ornontowicke 09.10.05, 18:10
                          Jyniecki lager we Ornie

                          Toż autobana budować mieli
                          Ze Raciborza do "polski" szteli
                          Co we Krakowie miała "stolica"
                          GG - skrot jeji zno okolica.
                        • broneknotgeld Re: Fraszki i rymowanki ornontowicke 09.10.05, 18:12
                          Harowa w lagrze

                          Las karczowali w strona Chudowa
                          Kaj autobana wiyźć miała
                          Niyjedyn złożoł w ty ziymi gowa
                          Śmiertka fest kosom ścinała.
                        • broneknotgeld Re: Fraszki i rymowanki ornontowicke 09.10.05, 18:14
                          Nalepowo

                          Prawiom co istno kobiyta z Orny
                          Jyńcom jeść ciyngym dowała
                          Bez niyj by los ich był bardzi morny
                          Dyć życiym ryzykowała.
                        • broneknotgeld Re: Fraszki i rymowanki ornontowicke 09.10.05, 18:15
                          Cmyntorz jyniecki

                          Tyfus ciynżko tyż robota
                          -Przeca łoni głodowali
                          Kopidoła tu robota
                          Przi lesie ich durś chowali.
                        • broneknotgeld Re: Fraszki i rymowanki ornontowicke 09.10.05, 18:17
                          136

                          Tela po wojnie ciał zrachowali
                          Jak cmyntorz jyńcow "ekshumowali"
                          Leżom boroki teroz we Pszczynie
                          Dyć pamiyńć ło tym niychej niy minie.
                        • broneknotgeld Re: Fraszki i rymowanki ornontowicke 09.10.05, 18:18
                          Cmyntorno tabula

                          Kaj ziymia jyńcow ciała czimała
                          Tabula tako se tu łostała
                          Coby we Ornie tyz pamiyntali
                          Że im tu życie Niymce zabrali.
                        • broneknotgeld Re: Fraszki i rymowanki ornontowicke 09.10.05, 18:20
                          Co łostało?

                          Jedyn domek murowany
                          Po lagrze durś stoji
                          Na pamiontka jakby dany
                          Ło swoj los sie boji.
                        • broneknotgeld Re: Fraszki i rymowanki ornontowicke 09.10.05, 18:21
                          Dziesiyńć marek sztrofy

                          Jak niy po niymiecku żes we Ornie prawioł
                          To z dziesiyńciu marek policaj "wybawioł".
                        • broneknotgeld Re: Fraszki i rymowanki ornontowicke 09.10.05, 18:22
                          Po niymiecku

                          Z beamtrym rechtorym - w kościele robocie
                          Trza szwargotać było i niy czekać pociech.
                        • broneknotgeld Re: Fraszki i rymowanki ornontowicke 09.10.05, 18:23
                          Jako ze somsiodym?
                          Jako ze somsiodym pogodać ci prziszło
                          Szpicli boł se kożdy - toż niy zowdy wyszło.
                        • broneknotgeld Re: Fraszki i rymowanki ornontowicke 09.10.05, 18:24
                          Zaciymniynie

                          Choć front już przeszoł ćmok mioł być w Ornie
                          Kto światło świycioł mog skończyć mornie.
                        • broneknotgeld Re: Fraszki i rymowanki ornontowicke 09.10.05, 18:26
                          Zabiyrajom radyjoki

                          Po piyrszym tydniu września to było
                          Mioł kozdy tukej łoddać radyjok
                          Yno echt-Niymiec ciyngym se słucho
                          Reszta zaś Orny miała być "głucho".
                        • broneknotgeld Re: Fraszki i rymowanki ornontowicke 09.10.05, 18:28
                          Pobrali meble

                          Meble se Niymce co lepsze brali
                          Z domow kaj istni pouciykali
                          Abo na wojna poszli se bić
                          Toz familijom ciynży zaś żyć.
                        • broneknotgeld Re: Fraszki i rymowanki ornontowicke 09.10.05, 18:30
                          Mus mlyko łoddować

                          Ano - ze musu mlyko trza dować
                          By ździybko masła za to dostować
                          Kyjzy se robić dlo sia niy dało
                          Toż sie to Rzeszy przinoleżało!
                        • broneknotgeld Re: Fraszki i rymowanki ornontowicke 09.10.05, 18:32
                          Hereszt masielnicow

                          Ano - tyż ludziom Niymce zabrali
                          "Koza" we gminie przirychtowali
                          Dyć w mlyku ciyngym mało tustego
                          Czy krowy Niymcom niy chcom dać tego?
                        • broneknotgeld Re: Fraszki i rymowanki ornontowicke 09.10.05, 18:33
                          Rachujom kury

                          Dwa razy do roku kury rachowane
                          Mozno i przi tymu jajca wymacane.
                        • broneknotgeld Re: Fraszki i rymowanki ornontowicke 09.10.05, 18:35
                          Czasym dali

                          Cosik zbić ci czasym dali
                          Dyć z tym kartki łodbiyrali
                          Cobyś niy boł we "proficie"
                          Take skuli wojny życie.
                          • broneknotgeld Re: Fraszki i rymowanki ornontowicke 10.10.05, 17:24
                            Nawet miod

                            Miod pszczelorzom łodbiyrali
                            Cukru mało tyz dowali
                            Trza było ło roje dbać
                            Jako rada tymu dać?
                          • broneknotgeld Re: Fraszki i rymowanki ornontowicke 10.10.05, 17:25
                            Zbiyrali ciuchy

                            Dwa razy do roku zbiyrali i ciuchy
                            Tako z tym utropa - Niymiec zdo sie guchy.
                          • broneknotgeld Re: Fraszki i rymowanki ornontowicke 10.10.05, 17:26
                            Niymiecke cajtongi

                            Kto prynumerowoł tyn niy podpod wiela
                            Miała te cajtongi czytać Orny sztela.
                          • broneknotgeld Re: Fraszki i rymowanki ornontowicke 10.10.05, 17:28
                            Wiece

                            Ano - spyndzali ludzi do kupy
                            I jakby uszy im truli
                            "Nudli" trza było do ichni "zupy"
                            Strach był jak zaczło cie mulić.
                            • broneknotgeld Re: Fraszki i rymowanki ornontowicke 10.10.05, 18:41
                              Dożynki w Ornontowicach 1940

                              Forster z Orzeszo "fundnoł" dożynki
                              Mieli z tym w Ornie yno udrynki
                              Bo na zebraniu fest łobsztorcowoł
                              Co sztela mało mlyka łoddowo
                              Za tym zarozki szły rewizyje
                              No i tyż inksze jeszcze mecyje.
                            • broneknotgeld Re: Fraszki i rymowanki ornontowicke 10.10.05, 18:42
                              Forster z Orzeszo

                              Burmistrza Orzeszo we Ornie sie boli
                              Toż pryndzy djobłowi by możno tu pszoli.
                            • broneknotgeld Re: Fraszki i rymowanki ornontowicke 10.10.05, 18:45
                              "Wodzuś" Forster

                              Kruca fuks - richtig mały firerek
                              We Ornie zapamiyntajom
                              Kulka wpakować aż chyntka biere
                              Dyć se ło bliskich strachajom.
                            • broneknotgeld Re: Fraszki i rymowanki ornontowicke 10.10.05, 18:46
                              OSP w Ornie

                              Za Niymca jednak se tu łostała
                              Dyć z pożarami roboty miała.
                            • broneknotgeld Re: Fraszki i rymowanki ornontowicke 10.10.05, 18:48
                              Zwionzek Pszczelorzy

                              Augustyn Cyprys pszczelorzy czimoł
                              Nawet przez wojna Zwionzek niy drzymoł
                              Przeca ło roje dbać było czeba
                              Miod som niy lecioł jakby ze nieba.
                            • broneknotgeld Re: Fraszki i rymowanki ornontowicke 10.10.05, 18:50
                              Rewolucyjny Ruch Oporu w Ornontowicach 1941

                              Ano - sie łopor we Ornie tworzoł
                              Po prowdzie jednak wiela niy wożoł
                              To partyzantka żodno niy była
                              By szczimać - tym se sztela biydziyła.
                            • broneknotgeld Re: Fraszki i rymowanki ornontowicke 10.10.05, 18:51
                              PRO-PPR 1944

                              Ano - cołke PRO
                              PPR z tym rokym mo.
                            • broneknotgeld Re: Fraszki i rymowanki ornontowicke 10.10.05, 18:54
                              Rudolf Reszek (1939-1940)

                              Szkołom reskiyrowoł - uciyk przed Niymcami
                              Przeca familijo we Istebny mioł
                              Toż tam go dopadli - miyndzy swojokami
                              Koniec we obozie okupant mu doł.
                            • broneknotgeld Re: Fraszki i rymowanki ornontowicke 10.10.05, 18:57
                              Polske rechtorki

                              Z poczontkym września Rzesza je "capła"
                              Wywiyźli do Norymbergi
                              Wojna złowiyszczo kobiytom "klapła"
                              Tref zły pod nogi doł bergi.
                            • broneknotgeld Re: Fraszki i rymowanki ornontowicke 10.10.05, 18:59
                              Kerownik Kohler z Lipska

                              Terozki szkołom łon reskiyruje
                              Bajtle szwargotać chnet miały
                              Niy było leko - toż forsztelujesz
                              Szkolorzom miyniom świat cały.
                            • broneknotgeld Re: Fraszki i rymowanki ornontowicke 10.10.05, 19:01
                              Rechtor Bars

                              Chcioł po niymiecku uczyć Poloka
                              Toż musioł wiela przi tymu skokać
                              Do Orny zjechoł aże z Berlina
                              Możno niytyngo mioł przi tym mina.
                            • broneknotgeld Re: Fraszki i rymowanki ornontowicke 10.10.05, 19:03
                              Frau Wilkelman

                              Tyz we ty szkole rechtorowała
                              Tako z Berlina tukej zjechała.
                            • broneknotgeld Re: Fraszki i rymowanki ornontowicke 10.10.05, 19:04
                              Do "Hitlerjugend"

                              Do "Hitlerjugend" trza było włazić
                              By "rasy panow" tako niy razić.
                            • broneknotgeld Re: Fraszki i rymowanki ornontowicke 10.10.05, 19:05
                              Bund Deutscher Madel

                              Ano - dyć Zwionzek Niymieckich Frelek
                              Tyż niy łominoł tutejszy sztele.
                            • broneknotgeld Re: Fraszki i rymowanki ornontowicke 10.10.05, 19:08
                              "Hitlerjungfolk"

                              Tu już szkolyli "miynso armatnie"
                              Na kerym Hitler jednak se natnie.
                            • broneknotgeld Re: Fraszki i rymowanki ornontowicke 10.10.05, 19:09
                              Bolała rzić

                              Rzić niyroz bajtli w szkole bolała
                              Za naszo godka te ciyngi brała.
                            • broneknotgeld Re: Fraszki i rymowanki ornontowicke 10.10.05, 19:11
                              Po bibljotyce

                              Za Polski Orna jom miała w zocy
                              Toż i ślintały w ukryciu łoczy
                              Jak ksionżki wszyske do doła wciepli
                              Na to co polske Niymce se hepli.
                            • broneknotgeld Re: Fraszki i rymowanki ornontowicke 10.10.05, 19:12
                              Archiwum szkolne

                              Archiwum szkolne tyż na zatrata
                              Jak nom brakuje tego po latach
                              Wiela we Ornie niymiecki szkody
                              Pamiynto czowiek kery niy mody.
                              • broneknotgeld Re: Fraszki i rymowanki ornontowicke 12.10.05, 19:13
                                Kronika szkolno rechtora Skowronka

                                Z dziewiytnostym wiekym jeszcze prowadzono
                                W przikopie terozki zdo sie jakby kono
                                Co polske to przeca mo być zatracone
                                Taki hitlerowcy chcom zrychtować koniec.
                              • broneknotgeld Re: Fraszki i rymowanki ornontowicke 12.10.05, 19:15
                                Pochowali

                                Farorz Kwapuliński - dejcie tymu wiary
                                Z bratym i kościelnym schowali sztandary
                                Chorongmie noczynie kere do łobrzondku
                                Toż Niymce niywiela znodli we tym kontku.
                              • broneknotgeld Re: Fraszki i rymowanki ornontowicke 12.10.05, 19:19
                                W Norymberdze

                                Toż tam wywiyźli z Orny farorza
                                I tako torturowali
                                Wrocioł se jednak zaś do ołtorza
                                Ducha mu tyż niy zabrali.
                              • broneknotgeld Re: Fraszki i rymowanki ornontowicke 12.10.05, 19:22
                                Ksiondz Karol Józef Bąk (6.IX.1939)

                                Wikary teroz tu za farorza
                                Słowa łotuchy loł ze ołtorza
                                Ano skiż tego dynuncjowany
                                Do Sachsenhausen "eksmitowany".
                              • broneknotgeld Re: Fraszki i rymowanki ornontowicke 12.10.05, 19:23
                                Za dobre serce

                                Za dobre serce we tym ciyrpiyniu
                                Ktoś z Orny mioł go dyć na sumiyniu
                                Tortury tako ekszperymynty
                                Już mu pisane chocioż niy świynty.
                              • broneknotgeld Re: Fraszki i rymowanki ornontowicke 12.10.05, 19:26
                                Po niymiecku (IV.1940)

                                Już polske msze som tu zakozane
                                Yno niymiecke teroz kozanie
                                Ano - niy wszyscy je spokopiyli
                                Dyć ze Ponboczkym tako tyż żyli.
                              • broneknotgeld Re: Fraszki i rymowanki ornontowicke 12.10.05, 19:28
                                Nowo Rada Parafialno (VI.1940)

                                Toż se richtig fest zmiyniyła
                                Po dobroci czy na siyła?
                              • broneknotgeld Re: Fraszki i rymowanki ornontowicke 12.10.05, 19:30
                                Zowdy w niydziela

                                Zowdy w niydziela tu przed kościołym
                                Stoł z Hitlerjugend synek "wesoły"

                                Trza było wciepać jakeś fyniki
                                I dować pozor na krziwe bliki.
                              • broneknotgeld Re: Fraszki i rymowanki ornontowicke 12.10.05, 19:32
                                Bierzmowanie 15.VIII.1943

                                Farorz Dudek ze Janowa
                                Ludzi musioł wybierzmować
                                Bo biskupa tu niy było
                                Jednak życie se toczyło.
                              • broneknotgeld Re: Fraszki i rymowanki ornontowicke 12.10.05, 19:35
                                Siostry Służebniczki NMP

                                Starsze w klosztorze nojpiyrw łostały
                                Dyć lazaryty modsze zabrały
                                W sztyrdziestym drugim już niy jednako
                                We panewnicki se wrocom zakon.
                              • broneknotgeld Re: Fraszki i rymowanki ornontowicke 12.10.05, 19:36
                                Spolony klasztor

                                W sztyrdziestym piontym klasztor spolony
                                Jako tu przilyźć terozki łonym?
                                • broneknotgeld Re: Fraszki i rymowanki ornontowicke 15.10.05, 10:05
                                  Klaus Hegenscheidt 1941

                                  Trza zaś mu było na front wyruszać
                                  Rylsko Żytomierz - poznoł te strony
                                  Wspomnieć Wenecjo Triest tyż musza
                                  Jak już na zachod był przeniesiony.
                                • broneknotgeld Re: Fraszki i rymowanki ornontowicke 15.10.05, 10:06
                                  Ślubno Klausa

                                  Chop był na wojnie
                                  We doma łona
                                  Niy śpi spokojnie
                                  Jak kożdo żona.
                                • broneknotgeld Re: Fraszki i rymowanki ornontowicke 15.10.05, 10:07
                                  Koniec 1944

                                  Se familijo poleku kludzi
                                  Strach przed Ruskami i pomstom ludzi
                                  Niym front zagrozi jejich dziedzinie
                                  Łoni już bydom siedzieć w Berlinie.
                                • broneknotgeld Re: Fraszki i rymowanki ornontowicke 15.10.05, 10:10
                                  1.V.1945 Novara

                                  Tam dzisioj leży se na cmyntorzu
                                  Do końca wojny nasz Klaus niy dożoł
                                  Miasto już wziyli Hamerykany
                                  Dyć tref szczyńślwy niy był mu dany.
                                • broneknotgeld Re: Fraszki i rymowanki ornontowicke 15.10.05, 10:13
                                  Grudziyń 1944

                                  Oświyńcimioki przszli przez Orna
                                  Śmierś we tym "marszu" zbiyrała ziorna
                                  Chnet tako samo dyć wyglondała
                                  Tela że kosa czerwono miała
                                  Krew na niyj jakby w lod se zmiyniyła
                                  Dość srogo zima przeca to była.
                                • broneknotgeld Re: Fraszki i rymowanki ornontowicke 15.10.05, 10:14
                                  Styczyń 1945

                                  Czas zdo sie gorki choć zima srogo
                                  Płaciyli teroz i Niymcy drogo.
                                • broneknotgeld Re: Fraszki i rymowanki ornontowicke 15.10.05, 10:15
                                  26.I.1945

                                  Pancry niymiecke se wycofujom
                                  Z Gliwic we strona Orzeszo prujom
                                  Łostatni dziyń ich okupacyji
                                  Dyć z tym niy koniec wcale mecyji.
                                • broneknotgeld Re: Fraszki i rymowanki ornontowicke 15.10.05, 10:17
                                  17.I.1945

                                  Już w Ornie Ruski Niymcow fest lejom
                                  Dyć se tutejsi wcale niy śmiejom
                                  Kaj front przełazi zowdy ofiary
                                  Cywili tako kładzie na mary.
                                • broneknotgeld Re: Fraszki i rymowanki ornontowicke 15.10.05, 10:19
                                  Jedynostu z Orny

                                  Tela cywili tukej zginyło
                                  Dniym w kerym wszysko se pomiyniyło
                                  Toż Orna tako Niymce straciyli
                                  Ruski panami terozki byli.
                                • broneknotgeld Re: Fraszki i rymowanki ornontowicke 15.10.05, 10:20
                                  Gore 27-29.I.1945

                                  Dwor Hegenscheidtow ogyń fest trowi
                                  Rusek se tukej aż tako bowi?
                                • broneknotgeld Re: Fraszki i rymowanki ornontowicke 15.10.05, 10:23
                                  Se hajcuje

                                  Rozhajcowany tako Dom Gminny
                                  Czy łon ty wojnie richtig był winny?
                                • broneknotgeld Re: Fraszki i rymowanki ornontowicke 15.10.05, 10:24
                                  I po szkole

                                  Zgliszcza ze ty "nowy" szkoły
                                  "Stary" stan tyż niywesoły.
                                • broneknotgeld Re: Fraszki i rymowanki ornontowicke 15.10.05, 10:25
                                  Banhof gore!

                                  Banhof gore - strata tako
                                  By niy było tu jednako
                                  Co te Ruski wyprowiali?
                                  Aże tela rojbrowali!
                                  • broneknotgeld Re: Fraszki i rymowanki ornontowicke 15.10.05, 10:32
                                    II.1945 - W wojewodztwie ślonskim

                                    W wojewodztwie ślonskim zas ta orna leży
                                    Wrociyło na krotko - możecie mi wierzyć.
                                  • broneknotgeld Re: Fraszki i rymowanki ornontowicke 15.10.05, 10:34
                                    III.1945-VIII.1950 - ślonsko-dombrowsko.

                                    Toż wojewodztwo ślonsko-dombrowskie
                                    Choć czasy ze tym cołkym niyboskie.
                                  • broneknotgeld Re: Fraszki i rymowanki ornontowicke 15.10.05, 10:35
                                    W gminie Orzesze

                                    W gminie Orzesze Ornontowice
                                    Tako Zawada i Jaśkowice.
                                  • broneknotgeld Re: Fraszki i rymowanki ornontowicke 15.10.05, 10:36
                                    I.1954 Gromada Ornontowice

                                    W powiecie tyskim Orny gromada
                                    Dyć prziszła jeszcze i z tego zwada.
                                  • broneknotgeld Re: Fraszki i rymowanki ornontowicke 15.10.05, 10:38
                                    Z końcym 1960 roku

                                    Ornontowice już przi Rybniku
                                    Czy ktoś pogonioł je tam ze krykom?
                                    Przeca dziedzina to pszczyńsko była
                                    Możno se we tym krziwda ukryła.
                                  • broneknotgeld Re: Fraszki i rymowanki ornontowicke 15.10.05, 10:39
                                    1.I.1973

                                    Gromad już niy ma - gminy łostały
                                    Koncept reformy jakby w tym cały.
                                  • broneknotgeld Re: Fraszki i rymowanki ornontowicke 15.10.05, 10:41
                                    1.II.1977 W Gierałtowicach

                                    Cuzamyn terozki jedna gmina
                                    Tych Ornontowic zocno dziedzina
                                    Chudow Paniowki i Przyszowice
                                    Dyć czimiom wszysko Gierałtowice.
                                  • broneknotgeld Re: Fraszki i rymowanki ornontowicke 15.10.05, 10:43
                                    1990 Ornontowice

                                    "Nowe czasy" richtig lecom
                                    Co nadzieja w sercach niecom
                                    Że ta Orna bydzie gminom
                                    Samorzondnom dyć dziedzinom.
                                  • broneknotgeld Re: Fraszki i rymowanki ornontowicke 15.10.05, 10:44
                                    Zwionzek Gornoślonski (1990)

                                    Szkryfna tako tu wesoło
                                    Mo i w Ornie Zwionzek Koło.
                                  • broneknotgeld Re: Fraszki i rymowanki ornontowicke 15.10.05, 10:45
                                    VI.1990 Komitet Obywatelski w Ornontowicach

                                    By samorzońdzić tako tu szło
                                    Już ta dziedzina Komitet mo.
                                  • broneknotgeld Re: Fraszki i rymowanki ornontowicke 15.10.05, 10:47
                                    2.IV.1991 "Wolność"

                                    Gierałtowice już niy nad niymi
                                    Sami se rzondzom teroz na ziymi
                                    Tako radujom ze gminy swoji
                                    W rynce brać władza nikt sie niy boji.
                                    • broneknotgeld Re: Fraszki i rymowanki ornontowicke 15.10.05, 10:51
                                      Po II wojnie

                                      Po wojnie rożnie w Ornie se dzioło
                                      Zowdy niy było przeca wesoło
                                      Utropy wiela mynczyły ludzi
                                      Dyc se ta sztela do życio bydzi.
                                    • broneknotgeld Re: Fraszki i rymowanki ornontowicke 15.10.05, 10:53
                                      Trza sioć

                                      Sioć czeba było a ziorna niy ma
                                      Leżeć łodłogym mo dworsko ziymia?
                                      Co Hegenscheidta to poszło z dymym
                                      Abo dlo wojska - toż o tym wiymy

                                      Dyc doł "komisorz" ziymia w dzierżawa
                                      Łobsionie - ludzi ze Orny sprawa
                                      Cosik przi tymu przec zrobiyli
                                      Chocioż bogaci w ziorno niy byli.
                                    • broneknotgeld Re: Fraszki i rymowanki ornontowicke 15.10.05, 10:55
                                      Parcelacyjo majntku 1945/1946

                                      Stało sie tako bo stać musiało
                                      Pod pług ta ziymia przeca se brało
                                      By niy leżała - dali rodziyła
                                      Ze niw jest przeca czowieka siyła.
                                    • broneknotgeld Re: Fraszki i rymowanki ornontowicke 15.10.05, 10:57
                                      Z parcelacyji

                                      Z parcelacyji gmina tyż brała
                                      By tukej lepi reskiyrowała
                                      I dobru orny mogła posłużyć
                                      Trza samorzondnie było to użyć.
                                    • broneknotgeld Re: Fraszki i rymowanki ornontowicke 15.10.05, 10:58
                                      Kontyngynty

                                      Z jedny strony ziymia dali
                                      Z drugi kontyngynty brali
                                      A płacony był psi grosz
                                      Na komuna z musu dosz.
                                    • broneknotgeld Re: Fraszki i rymowanki ornontowicke 15.10.05, 10:59
                                      Sztrofy

                                      Na czas niy dołś kontyngyntu
                                      Sztrofa cie czekała
                                      Toż mus przeca do imyntu
                                      Orna z tym jynczała.
                                    • broneknotgeld Re: Fraszki i rymowanki ornontowicke 15.10.05, 11:01
                                      Radyjok "Noteć" - 1956 rok

                                      Za siodme miejsce tukej rolnki
                                      Dostali "Noteć" - mieli wyniki
                                      Na wojewodzko po prowdzie skala
                                      Dyć za to chcieli tako pohalać.
                                      • broneknotgeld Re: Fraszki i rymowanki ornontowicke 20.10.05, 18:41
                                        Ornontowicko Społdzielnio Rolniczo

                                        Wyrychtowali społdzielnio w Ornie
                                        Dyć gospodarka szła tako mornie
                                        Se Francik Krziżyk storać mog wiela
                                        Prziszło zawiyrać ta "rolno sztela".
                                      • broneknotgeld Re: Fraszki i rymowanki ornontowicke 20.10.05, 18:45
                                        Ornontowicko społdzielnia rolniczo

                                        Wyrychtowali społdzielnia w ornie
                                        Dyć gospodarka szła tako mornie
                                        Sie Francik Krzizyk storać mog wiela
                                        Trza było zawrzić ta "rolno sztela"
                                        • broneknotgeld Re: Fraszki i rymowanki ornontowicke 20.10.05, 18:53
                                          14.II.1945

                                          Walynty Łowiński reskiyruje szkołom
                                          Choć yno w ty "stary" som przecaczi klasy
                                          Nauka czas zaczońć! -Tako tu zawołom
                                          Toz bajtle ze Orny niy jakeś mamlasy.
                                        • broneknotgeld Re: Fraszki i rymowanki ornontowicke 20.10.05, 18:55
                                          Czech rechtorow

                                          Łozińskiego drapko Szymalanka wspiyro
                                          Stefan Gamza tako na klasa zaziyro.
                                          • broneknotgeld Re: Fraszki i rymowanki ornontowicke 21.10.05, 21:07
                                            W "stary" szkole

                                            Po drugi wojnie gmina tu siedzi
                                            Ze milicyjom razym se biedzi
                                            Tako szkolorzy durś uczyć trza
                                            Że to sie mieści cudym jest - pra?
                                          • broneknotgeld Re: Fraszki i rymowanki ornontowicke 21.10.05, 21:11
                                            Rok szkolny 1945/46

                                            Kerownikym Józef Ciuła
                                            Trza se uczniom było tułać
                                            Bo dwie sale u Hankego
                                            Wynajyli tyż do tego.
                                          • broneknotgeld Re: Fraszki i rymowanki ornontowicke 21.10.05, 21:15
                                            1948 - 1951

                                            Toż nowo szkoła w Ornie stowiajom
                                            Szwongu z tym jednak cosik niy majom
                                            W tych ciynżkich czasach niy było leko
                                            A tela bajtli durś na to czeko.
                                          • broneknotgeld Re: Fraszki i rymowanki ornontowicke 21.10.05, 21:18
                                            3.XI.1951

                                            Szkolorze teroz juz w szkole nowy
                                            Choć ciyngym jeszcze sie tropiom gowy
                                            Jako wykończyć cołki budynek
                                            -Dugo utropa tako niy minie.
                                          • broneknotgeld Re: Fraszki i rymowanki ornontowicke 21.10.05, 21:24
                                            "Belweder" 1958

                                            Ano - już telewizor mo szkoła
                                            We Ornie piyrszo! -Idzie zawołać?
                                            • broneknotgeld Re: Fraszki i rymowanki ornontowicke 21.10.05, 21:33
                                              Kolonie 1965

                                              Kolonie w szkole - uciecha tako
                                              Dyć co z bajtlami sie tukej dzioło?!
                                              Po kolonistach łostało jako?
                                              Remont trza robić - richtig wesoło!
                                            • broneknotgeld Re: Fraszki i rymowanki ornontowicke 21.10.05, 21:37
                                              Zbiorczo szkoła Gminno w Ornie 1972

                                              Ano - mo miano take terozki
                                              Ze gimnastykom zaś nowe troski
                                              Dyć przeca niy ma takowy sali
                                              Kaj by szkolorze ibongowali.
                                              • broneknotgeld Re: Fraszki i rymowanki ornontowicke 21.10.05, 21:51
                                                1973-1983 Sala gimnastyczno

                                                Dziesiyńc lot se to kulało
                                                Niym stanyła sala cało.
                                              • broneknotgeld Re: Fraszki i rymowanki ornontowicke 21.10.05, 21:53
                                                ZHP 16.X.1945

                                                Drapko we ornie drużyna jest
                                                Dyć se rozkryńci tu richtig fest
                                                Harcerze szkole - łona tyż im
                                                Do przodka lecom - to jedno wiym.
                                              • broneknotgeld Re: Fraszki i rymowanki ornontowicke 21.10.05, 21:56
                                                22.VI.1952 Powiatowy Zlot ZHP

                                                W parku Hegenscheidta to wszysko sie dzioło
                                                Jeronie - toż było naprody wesoło
                                                Zjechało harcerzy coś wele tysionca
                                                Lato se z tym zaczło - tako pełne słońca.
                                                • broneknotgeld Re: Fraszki i rymowanki ornontowicke 22.10.05, 10:09
                                                  Drużynowo Draka

                                                  Toż modo frelka - druzyna wziyła
                                                  Ale se wiela niy nacieszyła
                                                  Chorobsko prziszło - tako pomarła
                                                  Śmiertka jom do sia drapko przigarła
                                                  No i harcerstwo w Ornie stanyło
                                                  Dyć przeca z czasym zaś rozkryńciyło.
                                                • broneknotgeld Re: Fraszki i rymowanki ornontowicke 22.10.05, 10:11
                                                  ZHP 1959/1960

                                                  Co we tym roku szkolnym sie dzioło?
                                                  Toż o harcerzy tu ponoć zwada
                                                  Dyć niy za piyknie tako sie stoło
                                                  Ksiyndza "wygnali" - jedyno rada?
                                                • broneknotgeld Re: Fraszki i rymowanki ornontowicke 22.10.05, 10:13
                                                  ZHP - lata szejśćdziesionte

                                                  Ano dryzyna mo Magda Raszczyk
                                                  Wszysko rozkrynco łod nowa
                                                  Toż dlo harcerstwa w tym "życio zaszczyk"
                                                  Niyjedna cieszy sie gowa.
                                      • broneknotgeld Re: Fraszki i rymowanki ornontowicke 20.10.05, 18:47
                                        Szejset hektorom - 1956

                                        Szejset hektorow Orny łobsione
                                        Toz jakby niwy ze tym łokrone
                                        Bo w miyndzywojniu lepi z tym było
                                        -Wiela co dworske jednak znaczyło.
                                        • broneknotgeld Re: Fraszki i rymowanki ornontowicke 22.10.05, 10:15
                                          12.IV.1945 Majontek Państwowy Ornontowice

                                          Toż Hegenscheidtow zapomnieć chcieli
                                          Państwo terozki we jejich szteli
                                          Co sie po wojnie jeszcze łostało
                                          Władzy ludowy tako dostało.
                                        • broneknotgeld Re: Fraszki i rymowanki ornontowicke 22.10.05, 10:17
                                          9.X.1945 Gimnzjum Rolniczo-Hodowlane

                                          Toż "na zamku" juz ta szkoła
                                          Ło fachmanow trza durś wołać
                                          Co przi ziymi krowach świniach
                                          We "ludowych" już dziedzinach.
                                        • broneknotgeld Re: Fraszki i rymowanki ornontowicke 22.10.05, 10:18
                                          Szkoła Rolniczo

                                          Szkoła sie rozrosto
                                          Dwor łodbudwuje
                                          Co piyrwyj tu było
                                          Zaś szwong nowy czuje.
                                        • broneknotgeld Re: Fraszki i rymowanki ornontowicke 22.10.05, 10:19
                                          1947-1950

                                          Rozbudowywali szkoła rokow tela
                                          Dyć ciyngym sie zdało że coś niy za wiela.
                                        • broneknotgeld Re: Fraszki i rymowanki ornontowicke 22.10.05, 10:21
                                          Internat 1956

                                          Internat nowy
                                          Już przi Dworcowy
                                          Toż dychli tela
                                          Bo rośnie sztela.
                                        • broneknotgeld Re: Fraszki i rymowanki ornontowicke 22.10.05, 10:22
                                          Boisko szkolne 1969

                                          Sie radujom fuzbalery
                                          Be boiska - ni cholery
                                          Wiela chcom już kopać mogom
                                          Lewom no i prawom nogom.
                                        • broneknotgeld Re: Fraszki i rymowanki ornontowicke 22.10.05, 10:24
                                          Nowo szkoła rolniczo - 1984

                                          Wtedy budować już ponoć zaczyli
                                          rokow minyło niym jom skończyli
                                          Toż we tych casach niy było leko
                                          Sie na łotwarcie dugo poczeko.
                                        • broneknotgeld Re: Fraszki i rymowanki ornontowicke 22.10.05, 10:25
                                          1986 "Malinka"

                                          We zamku tako Klub Młodzieżowy
                                          Na "starych śmieciach" łon tukej nowy.
                                          • broneknotgeld Re: Fraszki i rymowanki ornontowicke 22.10.05, 22:15
                                            Gospodarstwo szkolne

                                            Na podworskich gruntach fest se rozkryncało
                                            Szkolorzy tu wiela echt-praktyka miało
                                            Ziymia łobrobiyli gowiydź hodowali
                                            Tako inkszym szkołom przikłod tyż dowali.
                                          • broneknotgeld Re: Fraszki i rymowanki ornontowicke 22.10.05, 22:17
                                            150 hekorow

                                            Tela aże w końcu szkoła łobrobiała
                                            Profit ze ty ziymi i dziedzina miała
                                          • broneknotgeld Re: Fraszki i rymowanki ornontowicke 22.10.05, 22:19
                                            1.I.1981

                                            Już te gospodarstwo niy tyczy sie szkoły
                                            Społdzielnia erbnyła - Bujakow wesoły
                                            "Przełom" sie na ziymi "uwłaszczoł" tu tako
                                            Zdo sie już niy bydzie z praktykom jednako.
                                          • broneknotgeld Re: Fraszki i rymowanki ornontowicke 22.10.05, 22:22
                                            Zespoł wokalny "Wiolinki"

                                            Przi rolniczy szkole "Wiolinki" urosły
                                            Co ze niymi dzisioj? We wielki świat poszły?
                                          • broneknotgeld Re: Fraszki i rymowanki ornontowicke 22.10.05, 22:28
                                            I Festiwal Kultury Młodzieży szkolny - Olkusz 1983

                                            Szkolorze ze Orny piyrsze miejsce wziyli
                                            Toż gospodorzami za rok tego byli.
                                          • broneknotgeld Re: Fraszki i rymowanki ornontowicke 22.10.05, 22:29
                                            II Festiwal Kultury Młodzieży Szkolny - Ornontowice 1984

                                            U siebie tako - przeca to wiycie
                                            Tyż gorom były Ornontowice.
                                          • broneknotgeld Re: Fraszki i rymowanki ornontowicke 22.10.05, 22:33
                                            III Festiwal Kultury Młodzieży Szkolny - Nakło Ślonske 1985

                                            Ano - we Nakle tako sie stało
                                            Orna nojlepszo - znaczy niymało.
                                            • broneknotgeld Re: Fraszki i rymowanki ornontowicke 24.10.05, 18:21
                                              12.II.1945 OSP

                                              OSP w Ornie juzaś "sztartuje"
                                              Choć i przez wojna przeca tu tako
                                              Ignacy Zdzieblik jyj prezesuje
                                              Mynczy sie ze tym zowdy jednako.
                                            • broneknotgeld Re: Fraszki i rymowanki ornontowicke 24.10.05, 18:27
                                              1964 Józef Gogolok

                                              Zefel zastompioł już Ignacego
                                              Se fojermony wybrali jego
                                              Bo przeca Zdzieblik wiek swoj już mioł
                                              Niyjedyn zrobić by tela chcioł
                                              Aż dziw że lata wojynne szczimoł
                                              Tyn "mody karlus" co we niym drzymoł.
                                            • broneknotgeld Re: Fraszki i rymowanki ornontowicke 24.10.05, 18:29
                                              1964-1973 prezes Gogolok

                                              Toż fojermanom łon prezesowoł
                                              Dziewiyńć lot łod sia cosik im dowoł.
                                              • broneknotgeld Re: Fraszki i rymowanki ornontowicke 24.10.05, 18:34
                                                1966 Młodziezowo Drużyna Pożarniczo

                                                Trza ło narybek było tu dbać
                                                Tyż łod sia Ornie chcieli coś dać.
                                              • broneknotgeld Re: Fraszki i rymowanki ornontowicke 24.10.05, 18:43
                                                1971 Harcersko Drużyna Pozarniczo

                                                Toż fojermanki to mode były
                                                Richtig kaj gorko łone ciongnyły?
                                            • broneknotgeld Re: Fraszki i rymowanki ornontowicke 24.10.05, 18:45
                                              Towarzystwo Młodych Polek

                                              Po wojnie tako w Ornie zaś było
                                              Dyć na czerwono se zaborwiyło
                                              Możno skiż tego blysło i zgasło
                                              Co ze przedwojnia to w końcu czasło.
                                            • broneknotgeld Re: Fraszki i rymowanki ornontowicke 24.10.05, 18:47
                                              19.VI.1954 Koło Gospodyń Wiejskich

                                              Ze Młodych Polek wyrosło koło?
                                              Ano - gospodyń - toż im wesoło
                                              Wiela we Ornie zrobiom zocnego
                                              Radości tako tyż coś ze tego.
                                              • broneknotgeld Re: Fraszki i rymowanki ornontowicke 25.10.05, 19:48
                                                Waszmaszyna w Ornontowicach 1955

                                                Piyrszo waszmaszyna we Ornie na sztrom
                                                Skiż Koła Gospodyń - toż frele tam som
                                                Kere we konkursach rożnistych blyszczały
                                                - Tako dziynki tymu za darmo łoprały.
                                              • broneknotgeld Re: Fraszki i rymowanki ornontowicke 25.10.05, 19:50
                                                "Babske combry"

                                                Toż se gospodynie zabawić umiały
                                                Zowdy "combry" były tu ze karnawałym
                                                I choć tako wszysko bez karlusow dzioło
                                                Niy yno skiż szpasu było im wesoło.
                                              • broneknotgeld Re: Fraszki i rymowanki ornontowicke 25.10.05, 19:54
                                                1975 "Marzanki"

                                                Ze Marzankowic kobiyt nojwiyncy
                                                Folklorym chciało sie bawić
                                                Stond miano w Ornie wcale niy brzynczy
                                                Mecyji niy może sprawić

                                                Dyć tako ponoć niy zaroz było
                                                Zespoł wpiyrw Koła Gospodyń
                                                W łoziymdziesiontym roku gruchnyło
                                                "Marzanki" blysły - dyć to wiydz.
                                              • broneknotgeld Re: Fraszki i rymowanki ornontowicke 25.10.05, 19:56
                                                14.II.1957 Kołko Rolnicze

                                                Z poczontku we niym niywiela było
                                                Dyć sie ze czasym to rozkryńciyło
                                                Drapko w niym były i z Orny baby
                                                Te gospodynie - szkryfnońć tu trza by.
                                              • broneknotgeld Re: Fraszki i rymowanki ornontowicke 25.10.05, 19:58
                                                Paweł Chmurczyk

                                                Ornontowickim Kołkym Rolniczym
                                                Kryńcioł tyn karlus tukej dośc dugo
                                                Niych se przi tymu nikt niy chandryczy
                                                Sztela Paulkowi tako zamrugo.
                                                • broneknotgeld Re: Fraszki i rymowanki ornontowicke 27.10.05, 16:29
                                                  1975 - Koło Emerytow i Ryncistow

                                                  Pyndzyjonisty tako som razym
                                                  Czs leci lekci szczyńśliwi
                                                  Zabawy rajzy - toż bez łobrazy
                                                  "Wiek czeci" jeszcze zodziwi.
                                                • broneknotgeld Re: Fraszki i rymowanki ornontowicke 27.10.05, 16:31
                                                  W Dziyń Syniora

                                                  Kto na pyndzyji tyn sie zabawi
                                                  Pośmieje i potańcuje
                                                  Orna radości jeszcze mu sprawi
                                                  Modszym se nawet poczuje.
                                                • broneknotgeld Re: Fraszki i rymowanki ornontowicke 27.10.05, 16:35
                                                  Chór "Wanda" 1948-1958

                                                  Dziesiyńć lot yno po wojnie był
                                                  Czamu zabrakło jakoś mu siył?
                                                  Po prowdzie mie to do dzisioj dziwo
                                                  Że "Wanda" krotko jednak tu śpiywo.
                                        • broneknotgeld Re: Fraszki i rymowanki ornontowicke 28.10.05, 21:30
                                          Parafio po II wojnie

                                          Niy było leko dyć katolikom
                                          Czasy komuny tu przeca
                                          Dyć wyczimali - za to porzykom
                                          Dołoża rym tyn do neca.
                                        • broneknotgeld Re: Fraszki i rymowanki ornontowicke 28.10.05, 21:32
                                          Farorz Juliusz Kwapuliński

                                          Jeszcze i po wojnie farorzowoł dugo
                                          Parafianom służoł tako jako umioł
                                          Komuna na Kościoł niyciekawie mrugo
                                          Dyć przeca to wiymy co sie niy załomoł.
                                        • broneknotgeld Re: Fraszki i rymowanki ornontowicke 28.10.05, 21:33
                                          Konfiskata 1950

                                          Państwo tako farorzowi hektory zabrało
                                          Łoziym dlo sia zagarnyło - piyńć mu sie łostało.
                                          • broneknotgeld Re: Fraszki i rymowanki ornontowicke 28.10.05, 21:35
                                            Pyndzyjonista 1960

                                            Już Kwapuliński pyndzyjonistom
                                            Na farze dyć pomiyszkuje
                                            Dlo niego sprawom to łoczywistom
                                            Ponboczka tako poczuje.
                                            • broneknotgeld Re: Fraszki i rymowanki ornontowicke 29.10.05, 14:16
                                              1961 Pogrzyb ksiyndza Kwapulińskiego

                                              Toż se tom pyndzyjom niy nacieszoł dugo
                                              Roczek yno minoł - już Ponboczek mrugo
                                              I se Kwapuliński u Pyjtra melduje
                                              Żol w tym i tyż radość - przeca forsztelujesz

                                              Na ziymi zaś pogrzyb godziwy mu dany
                                              Niy łominom tego orny parafiany
                                              Toż sufragan Bieniek tako kondukt wiedzie
                                              Choć zdo sie co dusza farorza na przedzie

                                              Dugo był ze niymi - dyć przeszło ćwierć wieku
                                              We czasach niylekich - pamiyntej czowieku
                                              Ciyngym jako umioł w wiernych ducha wspiyroł
                                              Ze smutkym niyjedyn na truła zaziyroł.
                                            • broneknotgeld Re: Fraszki i rymowanki ornontowicke 29.10.05, 14:18
                                              Ksiondz Józef Bołda 1960-1983

                                              Karlus ze Mokrego na farze tu siedzi
                                              Ło kościoł dbo wiela - ciyngym se tym biedzi
                                              Coby blyszczoł w Ornie cieszoł parafianow
                                              Dzwoniyniym radosnym i dźwiynkym łorganow.
                                              • broneknotgeld Re: Fraszki i rymowanki ornontowicke 29.10.05, 19:56
                                                Ksiondz Jan Śleziona 1983-1990

                                                Siedym lot na farze
                                                Czy tuste tu były?
                                                Ponboczek niy maże
                                                Dyć brakło mu siyły

                                                Toż z padołym prziszło
                                                We Ornie se żegnać
                                                Ano - tako wyszło
                                                Jak smutek nom przegnać?
                                                • broneknotgeld Re: Fraszki i rymowanki ornontowicke 31.10.05, 12:49
                                                  1990 Ksiondz Jerzy Kiełbasa

                                                  Ksiondz Jorg dyć pochodzi z naszych Świyntochłowic
                                                  Tako farorzuje już we ty dziedzinie
                                                  Pokerowoł biskup do tych Ornontowic
                                                  Parafialny teroz przewodzi rodzinie.
                                                • broneknotgeld Re: Fraszki i rymowanki ornontowicke 31.10.05, 12:54
                                                  Parafijo 1955

                                                  Rok tyn jest ważny dlo parafiji
                                                  Farorz terozki mo mniyj mecyji
                                                  Bo z kapelonkym tako jom dzieli
                                                  Ździybko se dychnie we Orny szteli.
                                                  • broneknotgeld Re: Fraszki i rymowanki ornontowicke 31.10.05, 13:10
                                                    Rada Parafialno po wojnie

                                                    Ano - po wojnie Rada durś wspiyro
                                                    Na parafijo tako zaziyro
                                                    Coby ze wiarom niy było źle
                                                    Niy yno farorz przeca to chce.
                                                    • broneknotgeld Re: Fraszki i rymowanki ornontowicke 02.11.05, 09:06
                                                      29.IX.1963 70-lecie kościoła

                                                      Sufragana Bieńka ściongli na rocznica
                                                      Ksiyndzow tako tela że ciynżko zrachować
                                                      Zdo sie co blyszczała cołko okolica
                                                      Idzie dzisioj świynto przed łoczy nom dować.
                                                    • broneknotgeld Re: Fraszki i rymowanki ornontowicke 02.11.05, 17:41
                                                      23.XII.1964

                                                      "Chrystus Król" i "Michał" już we Ornie dzwoniom
                                                      Parafianow tako do świontyni "goniom"
                                                      Toż se kościołowi "Dzieciontko" trefiyło
                                                      Oby czyńści tako we dziedzinie było.
                                                    • broneknotgeld Re: Fraszki i rymowanki ornontowicke 02.11.05, 17:43
                                                      1980 - Nowe łorgany

                                                      Nowe łorgany biskup poświyńcioł
                                                      Sie łorganista już tu niy mynczoł
                                                      Dyć po pokropku - jakby zechciały
                                                      Możno i nawet same by grały.
                                                    • broneknotgeld Re: Fraszki i rymowanki ornontowicke 02.11.05, 17:46
                                                      1978 - I Pielgrzimka Młodzieży na Jasno Gora

                                                      Piyrszy roz z Orny karlusy frelki
                                                      W pont se aż taki wybrali
                                                      Krolowy Polski hołd richtig wielki
                                                      Co roku już łoddowali.
                                                    • broneknotgeld Re: Fraszki i rymowanki ornontowicke 02.11.05, 17:54
                                                      Barborka w Ornie

                                                      Zowdy przi GOKu sie zebiyrajom
                                                      Tyż familije ze bergmonami
                                                      Procesjom idom grajom śpiywajom
                                                      -Dyć do kościoła kery dzwonami
                                                      Na mszo niy yno w Barborka woło
                                                      Choć we gornicze radosne świynto
                                                      We parafiji richtig wesoło
                                                      Toż i niyjedyn se zapamiynto
                                                      -Kozanie kere farorz wygłosi
                                                      -Prośby patronki ło jyj opieka
                                                      Po mszy GOK do sia tako zaprosi
                                                      Toż niy dowejcie na siebie czekać
                                                      Z "Budrykym" przeca akadymijo
                                                      Ciynżki roboty podziynkowanie
                                                      Ano szczimiymy bo niy mecyjo
                                                      Jak z biyrym potym tyż świyntowanie.
                                                    • broneknotgeld Re: Fraszki i rymowanki ornontowicke 02.11.05, 17:59
                                                      1983 - Sodalicjo Maryjno

                                                      Toż "gyburstag" Orna miała
                                                      Łoziymdziesiont lot bezmała
                                                      Sodalicjo tukej była
                                                      I łask wiela wymodlyła.
                                                    • broneknotgeld Re: Fraszki i rymowanki ornontowicke 02.11.05, 18:00
                                                      2003 Sodalicjo Maryjno

                                                      Jako sie w stolecie dzioło?
                                                      Było tako tyż wesoło?
                                                    • broneknotgeld Re: Fraszki i rymowanki ornontowicke 02.11.05, 18:02
                                                      1984 - Chór "Jutrzenka"

                                                      Chór przi parafiji działo
                                                      Ksiondz Śleziona tako wspiyro
                                                      Śpiyw dlo Nieba to niymało
                                                      Toż "Jutrzanka" tam zaziyro.
                                                    • broneknotgeld Re: Fraszki i rymowanki ornontowicke 02.11.05, 18:05
                                                      1991 "Jutrzenka" we Rzymie

                                                      Śpiywoł chór we bazylice
                                                      Ty pyjtrowy - przeca wiycie
                                                      Toż pont Bog mo tyż we zocy
                                                      Zdo sie - im dołożoł mocy.
                                                    • broneknotgeld Re: Fraszki i rymowanki ornontowicke 02.11.05, 18:08
                                                      Ołtorz świynty Barbary

                                                      Ze bergmońskich datkow wyremontowany
                                                      Zablyszczoł w kościele - tako wszyskim dany.
                                                    • broneknotgeld Re: Fraszki i rymowanki ornontowicke 02.11.05, 18:12
                                                      1945-1951 Klasztor

                                                      W styczniu spolony - zgliszcza ostały
                                                      Łodbudowywać klasztor trza cały
                                                      Siostra Firmina richtig zadbała
                                                      By sztela zocno zaś Orna miała
                                                      I chocioż dugo zdo sie to trwało
                                                      Ponboczek pomog - tako tyż stało.
                                                    • broneknotgeld Re: Fraszki i rymowanki ornontowicke 02.11.05, 18:14
                                                      Klasztorne przedszkole 1947-1958

                                                      Ornontowicom fest sie przidało
                                                      Niym te przi szkole se rozhulało
                                                      Toż tako w końcu trza je zamykać
                                                      Dwie siostry mogom yno porzykać.
                                                    • broneknotgeld Re: Fraszki i rymowanki ornontowicke 02.11.05, 18:16
                                                      17.II.1960 Wiejski Ośrodek Zdrowia

                                                      Tako łotwarli go we klasztorze
                                                      Czuwej nad zdrowiym pacjyntow Boże.
                                                    • broneknotgeld Re: Fraszki i rymowanki ornontowicke 02.11.05, 18:18
                                                      1986-1988 Nowy ośrodek zdrowia

                                                      Dyć cołkym nowy w końcu stowiali
                                                      Stary siostrziczkom wtedy łoddali.
                                                    • broneknotgeld Re: Fraszki i rymowanki ornontowicke 02.11.05, 18:20
                                                      1989 - Ochronka

                                                      Toż siostry cerce dlo dzieci majom
                                                      Radość chcom budzić we duszach
                                                      Niychej bliźniymu zowdy tyż pszajom
                                                      Tako by mogło aż wzruszać.
                                            • broneknotgeld Re: Fraszki i rymowanki ornontowicke 04.11.05, 17:32
                                              "Pogoń" Ornontowice 1920

                                              Toż Francik Swoboda klub w Ornie założoł
                                              Łon dlo fuzbalerow tutejszych coś wożoł.
                                            • broneknotgeld Re: Fraszki i rymowanki ornontowicke 04.11.05, 17:35
                                              "Wolność" Ornontowice - lata dwudzieste

                                              Krotko bo krotko dyć "Wolność" była
                                              Tyż fuzbalerom w Ornie służyła.
                                              • broneknotgeld Re: Fraszki i rymowanki ornontowicke 07.11.05, 17:40
                                                Towarzystwo Gimnastyczne "Sokół" (1923-1935)

                                                Był czas że Orna "gniozdym" sie chwoli
                                                Dyć w końcu jednak ferajna smoli
                                                Chocioż se robić cosik starali
                                                Toż za wygrano we końcu dali.
                                              • broneknotgeld Re: Fraszki i rymowanki ornontowicke 07.11.05, 17:42
                                                W Stowarzyszyniu Młodzieży Polski

                                                W fuzbal i palanta grali
                                                Koszykowka tako dali
                                                Aże do ty wojny drugi
                                                Dyć sie zdowo że czas dugi.
                                              • broneknotgeld Re: Fraszki i rymowanki ornontowicke 07.11.05, 17:45
                                                23.IV.1933 Oddział Młodzieży Powsiańczy

                                                We pingponga i hantbala
                                                Grali na niywielko skala
                                                Lekkoatletyka tako
                                                Trynowali tu jednako
                                                Dyć skiż wojny tyż to wszysko
                                                Przekryślone grubom kryskom.
                                              • broneknotgeld Re: Fraszki i rymowanki ornontowicke 07.11.05, 17:47
                                                14.III.1948 "Pogoń"

                                                Se łodrodziyła "Pogoń" we Ornie
                                                Dyć bez boiska leci to mornie
                                                Przi szkole yno potrynowali
                                                Toż czynsto hiby łod lepszych brali.
                                              • broneknotgeld Re: Fraszki i rymowanki ornontowicke 07.11.05, 17:49
                                                1953 Koło Ludowych Zespołow Sportowych

                                                Już we tym roku było tu Koło
                                                A czy kryńciyło se to wesoło?
                                                Toż Służba Polsce wszysko czimała
                                                Dwa lata tako pod sobom miała.
                                              • broneknotgeld Re: Fraszki i rymowanki ornontowicke 07.11.05, 17:51
                                                1955 LZS w Ornie

                                                Koło se dychło i rozwinyło
                                                Bez downy "czopy" lepi już było
                                                Gmina tyż wspiyro - boisko nowe
                                                Z graniym rożniście dyć "szport to zdrowie".
      • broneknotgeld Re: Fraszki i rymowanki ornontowicke 04.06.05, 15:55
        Seweryn Boner (1542)

        Mieszczanin krakowski
        U krola we zocy
        Tyż se Pszczyny chycioł
        Tako nabroł mocy

        Dyć korony czeski
        Te ziymie już działym
        Toż rzondy Bonera
        Niydugo tu trwały.
        • broneknotgeld Re: Fraszki i rymowanki ornontowicke 04.06.05, 15:59
          Baltazar Promnic (1548)

          Sprzedoł Turzo Pszczyna w końcu Promnicowi
          Biskupym we Wrocku - niychej kożdy to wiy
          Tako przi Promnicach ziymia bydzie dugo
          Niym inkszy rod panow zaś tukej zamrugo.
          • broneknotgeld Re: Fraszki i rymowanki ornontowicke 04.06.05, 16:01
            Stenzel Promnic (1562)

            Dobrze dlo tyj ziymi sie Stenzel zapisoł
            Gospodarka dźwignoł we Pszczynie niy miyszoł.
            • broneknotgeld Re: Fraszki i rymowanki ornontowicke 04.06.05, 16:03
              Karol Promnic (1568)

              Karol był paniskym ciyngym ze dugami
              Marnie na tym wyszoł - dyć to wiycie sami
              Krewniok z Żar majontkym mu administrowoł
              Bo se pon na Pszczynie rady z tym niy dowoł.
              • broneknotgeld Re: Fraszki i rymowanki ornontowicke 04.06.05, 19:56
                Abraham Promnic (1591)

                Teroz Abraham "państwo stanowe"
                Mo w swojich rynkach no i na gowie
                Jak pomrze w końcu do zwady przidzie
                Ło to kto panym na Pszczynie bydzie.
                • broneknotgeld Re: Fraszki i rymowanki ornontowicke 04.06.05, 19:58
                  Seyfryd I Promnic (1619)

                  Promnice se nojpiyrw wadziyli ło Pszczyna
                  Dyć już w końcu tako - Seyfryda dziedzina.
      • cancro Re: Ornontowice 12.06.05, 06:42
        Hmmm... Nie wiem gdzie wkleić ten wpis. W zamieszczonej na stronie miejskiej
        Żagania biografii Felbigera ani słowa o jego dzialalności na Górnym Śląsku, ani
        tym bardziej w Orontowicach. Ale niech tam! Niech i tam wiedzą, że my "krowie
        spod ogona nie wypadli":
        forum.gazeta.pl/forum/72,2.html?f=15718&w=25092668&a=25097092
        • broneknotgeld Re: Ornontowice 12.06.05, 09:33
          Dziynki Cancero.
          Już terozki cosik wiyncy ło Felbigerze wiym.
          Niy idzie ło to, czy łon był na Gornym Ślonsku.
          Styknie, że jest to jedyn z łojcow ślonskego szkolnictwa.
      • broneknotgeld Re: Ornontowice 10.09.05, 08:35
        Dzisioj we Ornie

        Dzisioj we Ornie
        Majom dożynki
        Plon bierom nawet
        Ze moji rynki

        Ano niy mynczom
        Ich take żniwa
        Z uciechom na nie
        Chcom se podziwać.
      • broneknotgeld Re: Ornontowice 11.09.05, 09:00
        Żniwno korona w Ornontowicach

        Baby z Ornontowic przi koronie siedzom
        Komu łobrodziyło łone dobrze wiedzom
        Zefel mo dzieciontko łod Karlika przeca
        Dyć pszaje mu wiela bo ze ślubny neca.
      • broneknotgeld Re: Ornontowice 12.09.05, 17:32
        Żeś ze Ornontowic
        Tyż cosik se dowiydz
        Miyszkosz w inkszy szteli
        Wontek cie łośmieli.
      • broneknotgeld Re: Ornontowice 26.10.05, 15:49
        Beksza

        W Gierałtowicach terozki Beksza
        Richtig skiż tego łona jest lepsza?
        Toż możno ło tym niy wszyscy wiycie
        Miały jom piyrwyj Ornontowice.
      • broneknotgeld Re: Ornontowice 02.11.05, 18:28
        Jako być miało
        Tako sie stało

        Możno tu jeszcze trocha rymowanek ornontowickich dońdzie, dyć jo już terozki
        gonioł niy byda.
        Wszyskimh kierzy chcom bliży poznać historio ty gminy polecom ksionżka ze kery
        joch korzystoł, tworzonc tyn wontek.

        "Dzieje Ornontowic"
        Praca zbiorowo pod redakcjom Roberta Ratajczaka
        Wydawnictwo "Vectra" - 1999.

        Miły lektury.
      • broneknotgeld Re: Ornontowice 24.07.06, 21:55
        Ciekawo zajta - Ornontowice
        www.ornontowice.pl/wydarzenia/index.php
        Tako terozki wiyncy już wiycie.
        • broneknotgeld Re: Ornontowice 09.08.06, 17:29
          Latoś we dożynki pozniwujom fraszkom
          forum.gazeta.pl/forum/72,2.html?f=261&w=9758092&a=27941860
          A jo to łobleja niy jednom dyć flaszkom.
      • broneknotgeld Re: Ornontowice 27.08.06, 10:58
        Paul Jackisch (1893)

        Werci se wspomnieć Paulka nom tukej
        Choć we Opolu rodzony
        I do Bytomia już tyż niy klupej
        Kunszt jego nom łostawiony

        Styknie na kościoł ornontowicki
        Se nom ździybeczko poblikać
        Tako se łostoł szteli na wdycki
        W podziynce idzie porzykać.
        • broneknotgeld Re: Ornontowice 17.03.07, 13:51
          W Ornontowicach cosik se dzieje?
          Co roczek nowy gminie ukreje?
          • broneknotgeld Re: Ornontowice 18.04.07, 23:52
            Możno rym se poczytajom
            Ci co Ornie richtig pszajom.
      • broneknotgeld Re: Ornontowice 16.09.07, 17:13
        W Ornontowicach "Budryk" wygrywo
        nettg.pl/Aktualnosci/Gornictwo/Kraj/Ratownicy-z-Budryka-najlepsi-,168,1
        Zdo sie i gmina bardzi szczyńśliwo.
      • broneknotgeld Re: Ornontowice 23.09.07, 09:32
        Trza mi link "zapodać" gminie
        Bydzie jako we rodzinie?
      • broneknotgeld Re: Ornontowice 08.12.07, 20:34
        Czy rym we zocy - ornontowicki?
        Bydzie mie tropić to już na wdycki.
      • broneknotgeld Re: Ornontowice 10.04.08, 17:56
        Toż Cie Orno tako witom!
        Żeś bajlagom czy klapsznitom?!
      • broneknotgeld Re: Ornontowice 01.05.09, 23:07
        Aszom sie flidrym Ornontowice
        Majom go wiela - pewnikym wiycie.
        • broneknotgeld Re: Ornontowice 01.05.09, 23:17
          Pora rokow tymu flidrow nasadziyli
          Przi 700-leciu tako zabawiyli.
          • broneknotgeld Re: Ornontowice 01.04.10, 15:00
            Toż we flidrach z wiosnom som Ornontowice
            Bo kwitnom i rosnom - ło tym przeca wiycie.
      • broneknotgeld Re: Ornontowice 11.02.11, 09:50
        Co ło Ślonsku
        potrza wiedzieć?
        katowice.naszemiasto.pl/artykul/773338,wszystko-co-turysci-chcieliby-wiedziec-o-tym-regionie-ale,id,t.html#237f1b133c6e3247,1,3,5
        W naszym kontku
        niy trza siedzieć
        Chciyj wandrusie coś spokopić
        I konszczyczkym Ślonska "łopić".
      • broneknotgeld Re: Ornontowice 26.01.13, 09:53
        Orna wygrała
        mikolow.naszemiasto.pl/artykul/1345959,ornontowice-najlepiej-oswietlona-gimna-2011-nagroda-za,id,t.htmlUradowała.
      • broneknotgeld Re: Ornontowice 17.04.13, 10:57
        Orna sie chichro?
        www.facebook.com/photo.php?fbid=371411326298852&set=a.326635747443077.64439.326628174110501&type=1&theater
        Możno coś wychloł?
      • broneknotgeld Re: Ornontowice 14.04.15, 17:01
        ORNONTOWICE

        Województwo śląskie, powiat mikołowski
        gmina
        ---
        Powierzchnia: ok. 15 km2
        Liczba ludności: 6019
        Pierwsza wzmianka historyczna: 1305
        ---
        Kościół pw. Św. Michała Archanioła – 1893
        -----------------------
        Renoltowitz - Ornontowice

        Reinold zasadźcōm richtig ty wsi?
        Czy historyjo coś ło tym wiy?
        Czamu jo dzisioj tako to słysza?
        Fara tu karlus mioł mieć sołtysa!

        Tōż we tych czasach na Ślōnsku dzioło
        Choć wpiyrw niy bōło wcale wesoło
        Kolōnizacjo wielgo ruszyła
        Ze Flandrji, Niymiec, Walōńji była
        Ludzi nalazło na ziymie puste
        By zaś sie mogły stać bardzi tuste.
      • broneknotgeld Re: Ornontowice 14.04.15, 20:24
        Coś po blisku dom - toż Orna
        Ździybko rymow zaś wygorna.
      • broneknotgeld Re: Ornontowice 27.09.15, 22:32
        Ktoś ze Orny uraduje
        Kej wystawie podziwuje
        Mono ja, a mono niy
        Kto po prowdzie dzisioj wiy?

        www.facebook.com/AsocjacjaMBP18/photos/a.879078015474799.1073741949.427827820599823/879078245474776/?type=3&theater
      • broneknotgeld Re: Ornontowice 27.09.15, 22:35
        Kej Archanioł Michał dziedziny wachuje
        Rozkwito ta gmina - niych wos niy dziwuje.
    1 2
    Inne wątki na temat:

    Najnowsze z forum Ruda Śląska - stolica fraszki

    Nie masz jeszcze konta? Zarejestruj się

    Nakarm Pajacyka
    Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin