Ło Mazowszu

[broneknotgeld]

Szkryflom ło regionach se na forum Ruda
Terozki już ze tym we Mazowsze póda.

[broneknotgeld]

Fest ło regionach szkryflom po ślonsku
Dyć czegoś brakło w tym rudzkim konsku
forum.gazeta.pl/forum/72,2.html?f=51&w=14087237&a=14087237
Mazowsza! Toż go teroz dołoża
I we Warszawie wontek tyn "stworza".

[broneknotgeld]

Nigdych niy łazioł po ty Warszawie
Ynoch na dworcu przesiodki mioł
Bestoż sie szkryfna jo ło tym prawie
Taki już przeca jest tyn moj fioł.

[broneknotgeld]

Pałac Kultury i Nauki

Jest w ty stolicy Pałac Kultury
A we nim ślonske przeca marmury
Z zamku w Kamiyńcy je wytargali
No i Warszawie "podarowali".

[broneknotgeld]

"Salonik"

"Breżniewa salonik" ponoć tyż w Pałacu
Ducha ktoś tam widzioł ale był na kacu.

[broneknotgeld]

Most Świyntokrzyski

Tym łon podobnoś tukej zasłynoł
Że ktoś se richtig z kosztami minoł
Fufcig miljonow wiyncyj wydali
Mo szwong stolica - niy żałowali.

[broneknotgeld]

Dom Partii

Bioły - dyć partio czerwono była
We tych kolorach polsko jest siyła
Ponoć tam giełda terozki "rzońdzi"
Choć duch Bieruta po salach "błońdzi".

[broneknotgeld]

Stolica w Warszawie

Dyć skuli Wazy tela mecyji
Bo chcioł łon bliży mieć do Szwecyji.

[broneknotgeld]

"Toi Toi"

Turek Toy wieżowiec tyn zaprojektowoł
Hajziel przipomino - czy mi sie wydowo?

[broneknotgeld]

"Daewoo"

Daewoo tu poszło dwiesta metrow w gora
Biurowiec niy jejich - w kasie mieli dziura
Kto skoko wysoko - toż wiymy już wszyscy
Jak śleci to wiyncy bolu przi tym zyszczy.

[broneknotgeld]

"Złoty Zomb Komunizmu"

Komuna wieżowiec dugo budowała
Dyć siył by go skończyć już cosik niy miała
Bestoż łon terozki bardzi "jasnomodry"
Szczyńściym że do niego los był jednak szczodry
Bo już se myśleli że padnie "niyboga"
Przeca piyrwyj tukej była synagoga.

[broneknotgeld]

Plac Defilad

Kaj som te ludzie co tukej stoli?
Toż ponoć wiela komunie pszoli
Bardzi w pamiyńci już targowisko
To historyjo przeca nom blisko.

[broneknotgeld]

Ściana Wschodnio

Łoj to ponoć "cud" jest z epoki Gomułki
Zowdy tu być miały przeca pełne połki.

[broneknotgeld]

Na pamiontka

Na pamiontka w Warszawie ciynżko znojść syrynka
Cosik z tym niyrichtig. Trza sie ło nich lynkać?

[broneknotgeld]

100

"Setkom" przejechać se po stolicy
Czy już wystyknie ty okolicy?

[broneknotgeld]

Bar "Pod Żubrym"

Vipowskom ponoć zasłynoł "chryjom"
Szkryfna niyśmiało. -Ciyngym tu bijom?

[broneknotgeld]

Na Praga

"Setkom" dojedziesz tyż na ta Praga
Czy trza do tego mieć durś łodwaga?

[broneknotgeld]

"Koneser"

Nojzocniejszo tukej gorzołeczka prasko
Dyć czasym na gowie tyż jom keryś szczasko.

[broneknotgeld]

W warszawskim zoo

Pingwiny w raja se ustowiajom
Dwa razy na dziyń fisze tu majom
Możno przi tymu ktosik zaślinto
Co stare czasy ciyngym pamiynto.

[broneknotgeld]

Metro

Czamu we metrze niy robiom na noc?
Niym przidzie połnoc już tam - dobranoc.

[broneknotgeld]

Pałacowy zygor

Wajzry mo ponoć łon "rekordowe"
Choc czas tu jakby "stanoł na gowie".

[broneknotgeld]

"Przekręt"

Konkurs we Warszawie ponoć "rozpisano"
Jake by mioł tunel zocne nosić miano
co pod Wisłostradom se wyrychtowali?
"Przekręt" - propozycjo warszawioki dali.

[broneknotgeld]

Warszawske bobry

Zalyngły se bobry w Warszawie
Dyć tam niy budujom se prawie
Wiślane mosty im styknom
Prawiom co rzeka w nich piyknom.

[broneknotgeld]

"Belwedere" - gryfny widok

Pac tu swoji ślubny pałacyk wystawioł
Niy yno ze Klarom widokym se bawioł
Dyć to pewno skryła ta ichnio alkowa
Bestoż se niy byda zawrocoł tym gowa.

[broneknotgeld]

Hehe - w Warszawie już skasowali
Toż polecymy se w Rudzie dali
Tam jest cynzura przeca "maasowo"
Tukej niy przidzie - czy mi sie zdowo?

[broneknotgeld]

Na "Oślo ławka" tyż tam mie wciepli
forum.gazeta.pl/forum/72,2.html?f=394&w=14087237
Tako na ślonsko godke se hepli.

[broneknotgeld]

Możno se myślom że to "spam ślonski"
forum.gazeta.pl/forum/72,2.html?f=51&w=14108537
Dyć koncept we tym chyba niywonski.

[zewarszawki]

Pisz Bronek o stolicy ,nie musi być zawsze dobrze byle obiektywnie i
sprawiedliwie.A Mazowsze to nie tylko Warszawa pamiętaj.

[broneknotgeld]

Mogła być z tego ciekawo sprawa
Se ślonskim rymym "podbić" Warszawa
Szkoda że tako "adminow klotka"
Stracom - poleca dali do przodka.