konstantyk
12.11.08, 13:46
Bez Lecha Wałensy, jak łu prezydenta wszytkich Goroli, Kaczyńskiego,
ale barzo łuroczyscie łodbyla sie gala we Emceku na Frynie. Zrysztom
Walensa by nie pryzjechal, bo tydziń tymu boł i wzion co mioł
wzionc, czyli Hanysa. Pan prezydent wsztkich rudzian Andrzyj
Stania, jak zwykle zacytował złotom myśl Jana Pawła Wtorego, naszygo
Kochanego Łojca Świntego, kera brzmioła jakosi takoś: Naród, kery
niy szanuje przeszłości, nie je wert przszłości. Sluchalżech w
przyjynciu, i tak żech sobie rozmysliwoł (pewnikiem to biesa
sprawko),iże Jan Paweł II pewnikiem nie godołby takiej gupoty, i ze
mu sie roztomaite mondrości we łusta świontobliwe wsadza, zależy co
komu pasuje. Najlepi pedzieć: - Jan Paweł II pedziol! I tak nikt
nikaj nie sprawdzi, a na gadajoncego spadnie zasłuzona sława człeka
kierujoncego sie "naukami Wielgiego Papieża". Bo pokażcie mi
Ludkowie jakikolwiek narod, kery niy szanuje swojej przeszłości
Ceba Indianery nad Łorinko, bo łoni nie znajom kalydarza i nie majom
poczucia łupływu czasu. Ale kiedy kogo jedli, i jak smakowoł, to
pamiyntajom. Ale potym żech sie klupnol w swoj gupi, pusty, łysy i
kanciaty łeb i zrozumiałzech,że Łojciec Świynty nie mog, jeśli to
pedzioł, miec na mysli inkszej nacyji, ino Polaków. Bo co
łoglondalismy we Warszawce? Jakom zgode narodowom, jakom
podniosłość, jakie poszanowanie tradycyji. Chyba tradycyji
łodwiecznego polskiego kotła. Tyn przyndzie, tamtyn niy przyndzie.
Bush, Sarkozy, Merkel i inksze dostojne prezydenty i premiery, poza
watażkom Saakaszwilim olali ta gala u Kaczyńskiego, żeby nie
pedzieć, iże wypiyli rzyć. Pewnikiem tymu, coby nie podawać renki
manipulatorom i kłamcom w rodzaju Kownackiego i wiceprezydenta
samozwańczego Kamińskiego. Ale watażka Saakaszwili przyjechal, i
Napieralski przyjon zaprószenie, a to je wskazanie lo lewicy,że ma
popierac PiS. I tym zaprószeniem bydzie się SLD chepało we
welowanie. Ale na Frynie było fajniście. Ino jak te gajdziorze
rzympolili, to najpiyrw mnie zmgliło, bo belo smutniej niżeli na
pogrzebie, ale potym drapko, jakby kocur Dżinks goniół mysze. Ale
doczkoł żech w mynkach do szampana. przezornie chycił zech łod razu
i wydudloł dwa kielichy, za siebia i niełobencom mojom ślubnom. I
ło to mi sie rozchodziło. I wielu inkszym kerzy przyliyźli tyż!
Pyrsk! Do nastympnego świynta. Może podadzom tartiynki?....
