Betlyjkowe rymy

[broneknotgeld]

Toż cznet przeca tako bydzie
Zaś Wilijo na Ślonsk przidzie.

[broneknotgeld]

Możno trza coś szkryfnońć ło tym
Juz terozki a niy potym.

Betlyjka (I)

[broneknotgeld]

(Narrator)
Jako z Maryjom naszom sie stało
Co modo frelka Syna poczyła
Niychej wiy ło tym i ziymia cało
Z Ponboczka woli brzymiynnom była
Toż Zefel stolorz wzioł jom za ślubno
"Syn Dawidowy" śnik tyz mioł taki
W kerym klarowoł mu anioł rowno;
(Anioł)
Niy som na darmo te wszyske znaki
Ty dlo Jezusa rodzicym bydziesz
Przeca żeś chopym niy belejakim
Z Immanuelym do Nieba przidziesz

[broneknotgeld]

(Zefel)
Toż moj aniele niych to sie stanie
Ślubnom mi ciyngym Maryjo czysto
A jak już przidzie jyj rozwionzanie
Pszoć tako byda - rzecz łoczywisto

Jezusiczkowi co sie narodzi
Z cołkych siył swojich zastompia Pana
Tako mi słudze przijońć se godzi
Ta wola bosko - jak yno wstana

[broneknotgeld]

(Narrator)

Chnet czas registru prziszoł rzymskego
Zefel z Maryjom już we Betlyjym
Sie spodziywajom szczyńścio swojego
Dyć tu ze ańclom wiela mecyji

W stajynce tako kontek swoj majom
Tref? -Przeznoczynie co im pisane
Świynto Familjo - choć fest sie pszajom
Dzieciontko w biydzie na świat wydane.

[broneknotgeld]

(Kacper, Melchior, Baltazar)
Toż nom we łoczach gwiozda durś blyszczy
Do krola droga wskazuje
Narod żydowski z Niym wiela zyszczy
Zdo sie - już ziymia to czuje

Arcykapłany - czy droga znocie?
Kaj Krystus se wom narodzioł?
Dobro nowina dlo nos już mocie?
Cud ty Judeji przigodzioł?

[broneknotgeld]

(Herod)
Co to za myndrce? Kogo szukajom?
Krolym Judeji jo tako!
Bojaźni w sercu łoni niy majom?!
Dyć zowdy niychej jednako

Toż tyn moj narod mie słuchać bydzie
W utropie jako w radości
Niy?! -Dyć mu richtig z tym gorzi przidzie!
Wiela krolewski mom złości!

[broneknotgeld]

(Herod)
Hej - sługi moje! Myndrcow mi dować!
Niychej łopytom se gości
Cygaństwo abo jakosik zmowa?
Kto mie łodbiyro wielkości?!

[broneknotgeld]

(Narrator)
Jako rozkozoł tako sie tało
Już istnych wiedom mu sługi
Dostojność jejich aż blyszczy cało
Dyszkurs niy bydzie za dugi.

[broneknotgeld]

(Kacper, Melchior, Baltazar)
Herodzie - gwiazda niy łocygani
Do krola swiata nos wiedzie
Ćmok przidzie - łoko som położ na ni
Judzke Betlejym na przedzie

W niym se dokono co przeca musi
Toż ziymia kwiycie wydowo
W pszoniu nojwiynkszy - grzych go niy skusi
Śmiertelny Bogym sie zdowo

Kraj twoj szczyńśliwy niych se raduje
Som Stworcy tako złoż dziynki
Uwiyrz jak tego niy forsztelujesz
Skończom sie wieczne nom mynki.

[broneknotgeld]

(Herod)
Toż roztomili idźcie szukejcie
Recht co to musi być cudo
A jak znojdziecie znać drapko dejcie
Bych som z pokłonym se udoł.

[broneknotgeld]

(Kacper, Melchior, Baltazar)
Panie Judeji - niychej sie stanie
Tom samom drogom wrocymy
Byś tyż mog zaczońć te fajrowanie
Wszysko ci chnet łopowiymy

[broneknotgeld]

(Narrator)
Toż do Betlyjym w końcu ruszyli
Stajynka i żłobek znodli
Kaj już pastyrze nojpiyrwyj byli
Dzieciontku dary pokłodli.

[broneknotgeld]

(Kacper, Melchior, Baltazar)
Maryjo gryfno i Zeflu zocny
Z wos świynto już familijo
Dzieciontko zesłoł Pon Bog wszechmocny
Szczyńście - niy jakoś mecyjo

Tu pokłon Jymu my złożyć prziszli
Gwiozdka nos wiodła do Niego
Ano żył nojprzod we naszy myśli
Dzisioj widzymy Istnego

[broneknotgeld]

(Maryjo)
Myndrce ze wschodu a wpiyrw pastyrze
Dzieciontko Boske witajom
We żłobie dzisioj jego jest lyże
Dyć przeca wiela mu pszajom

Zdo sie - w świat idzie dobro nowina
Ło cudzie w mały stajynce
Boże w łopiece miyj mo Dziecina
Durś Twoje czim nad Niom rynce.

[broneknotgeld]

(Zefel)
Toż dejcie dary wele Jezusa
Łodpoczońć w stajni tyż chciyjcie
Posłać w barłogu wom jednak musza
Biyda - dyć wyspać se chciyjcie.

[broneknotgeld]

(Anioł)
Kacprze, Melchiorze i Baltazarze
Misyjo waszo skończono
Już historyjo tego niy zmaże
Co Bog w Betlejym dokonoł

Zowroćcie do sia - mińcie Heroda
Niy paczcie danego słowa
Bo ze tym prziszłaby wiynkszo szkoda
Choć krol - zowistno mo gowa.

[broneknotgeld]

(Narrator)
Jak anioł pedzioł tako sie stało
Myndrce już do sia wrocajom
Heroda mynczy zaś richtig małość
-Ciyngym złe myśli ścigajom.

[broneknotgeld]

(Narrator)
A wele żłobka dali jest radość
Aż prziszoł tyn co mo piora
(Anioł)
Coby złe tukej niy miało zadość
Zefel - se wybier za gora
Niy yno jedna - za rzeki pola
Słonko z miesionczkym niych wiedzie
Ano - ci Egipt terozki chwola
Prowodź familjo na przedzie.

[broneknotgeld]

(Herod)
Kaj som te myndrce? Downo być mieli!
Wieść ło Dzieciontku prziniyśli?!
Czekom jak gupi w ty moji szteli
Możno z Judeji już wyszli!

[broneknotgeld]

(Sługi)
Panie - kraj ponoć przeszli po cichu
Blisko już doma som łoni
Śmieli se niy boć takego grzychu
Dyć jako istnych nom gonić?

[broneknotgeld]

Toż co zrychtować? -Bajtli zabijać!
Kierzy łostatnio zrodzyni?!
Wojoki! Trza sie za tym uwijać!
Tref zły moj tako łodmiynić!

[broneknotgeld]

(Wojoki)
Krolu Herodzie twoj rozkaz srogi
My sługi tako spełniymy
Tyś jest nom bardzi łod dzieci drogi
Żeś władcom - to jedno wiymy

Jako rozkożesz tako sie stanie
Na nic ślintanie i jynki
Matek w utropie głośne wołanie
Jak wolom twojom ich mynki

[broneknotgeld]

(Herod)
Ano! Dyć ze tym tron mocny bydzie
Zicna se na niym jak piyrwyj
Deliberować ło taki biydzie
Jak styknie pedzieć mi - wyrwij!

[broneknotgeld]

(Narrator)
Rzeź niywiniontek straszno nastała
W Judeji podnios se lamynt
Litości wola krola niy znała
Dlo synkow taki był amynt

Świynto familjo w Egipcie była
Jezus im rosnoł poleku
We Niym se bosko wola ukryła
Wiydz ło tym dobry czowieku

Syn Boga richtig Krystusym bydzie
We końcu czas łodkupiynio
Czowiek do Łojca-Stworcy chnet przidzie
Świat Jego pszoniym sie zmiynio

Dyć we Betlejym wszysko sie stało
Ponboczek w Synu narodzioł
Choć ta betlyjka licho i mało
Przeca i na nia tyż zgodzioł.

[eichendorff]

Po raz kolejny chciałem Ci podziękować za Twój trud. Chyba nie pójdzie on na
darmo bo przy okazji Jasełek/Betlyjek rozreklamowana została Twoja twórczość
fraszkowa. Jeśli się zgodzisz, Twoje fraszki będą wykorzystywane na lekcjach
j.polskiego (sic!) przez nauczycielkę jednego z zabrzańskich gimnazjów. A jak
tak dalej pójdzie, to przejdziesz Bronku oficjalnie do śląskiej literatury.
Oficjalnie, bo nieoficjalnie przeszedłeś już dość dawno.

[broneknotgeld]

Jeronie, za wiela niy godej, bo sie zatna.
No dyć tyn wontek poleku pociongna do przodka i wyńdzie ze tego tako betlyjka
wedle ewageliji św. Mateusza. Yno, że za wiela mom terozki na gowie, bestoż dej
mi czas do końca listopada. Dobrze, że idzie Ci ło gimnazjum. Tako betlyjka dlo
podstwowy znojdziesz na glywickim forum, kaj szwager zabroł sie za tuplikowanie
polskego tekstu.
Hehe - co do ty literatury, to pewno żech przeszoł dziynki Maas. Kajsik mom
link do jeji wypowiedzi w kery zabronio mi łotwiyranio wontkow literackich.
Ano, leko go idzie znojść, toż mosz dowod
forum.gazeta.pl/forum/72,2.html?f=261&w=11518549&a=11518549
Pozdrowiom ze stolicy fraszki.

[broneknotgeld]

Ja, przido Ci sie tu link na glywicki wontek tyczoncy sie tyż tego
forum.gazeta.pl/forum/72,2.html?f=34281&w=31952956
Tam znojdziesz to co tuplikowoł Szwager.

[eichendorff]

Tu wćepna to coś naszkryflou do tyj pory. Zmjyńôłech troszyczka (główńe wćep
żech "pochylone o" by bajtle wjedzieli jak czytać ta głoska, bo mogłoby im
wyjść z tego co inkszego) i prosza Cie uo ewentualne uwagi do tyj wersji.

"(Narrator)
Jako z Maryjôm naszôm sie stało
Co modo frelka Syna poczôła
Niychej wiy ło tym i ziymia cało
Z Pônbôczka woli brzymiynnôm bôła
Toż Zefel stolorz wziôn jôm za ślubno
"Syn Dawidowy" śnik tyż mioł taki
W kerym klarowoł mu aniôł rôwno;

(Anioł)
Niy som na darmo te wszyske znaki
Ty dlo Jezusa rodzicym bydziesz
Przeca żeś chopym niy belejakim
Z Immanuelym do Nieba przidziesz

(Zefel)
Toż môj aniele niych to sie stanie
Ślubnôm mi ciyngiym Maryjo czysto
A jak już przidzie jyj rozwiônzanie
Pszoć tako byda - rzecz łoczywisto

Jezusiczkowi co sie narodzi
Z cołkiych siył swojich zastômpia Pana
Tako mi słudze przijôńć se godzi
Ta wola bosko - jak yno wstana

(Narrator)
Chnet czas registru prziszoł rzymskigo
Zefel z Maryjôm już we Betlyjym
Sie spodziywajôm szczyńścio swojigo
Dyć tu ze ańclom wiela mecyji

W stajynce tako kôntek swôj majôm
Tref? – Przeznoczynie co im pisane
Świynto Familjo – choć fest sie pszajôm
Dzieciôntko w biydzie na świat wydane.

(Kacper, Melchior, Baltazar)
Toż nôm we łoczach gwiozda durś blyszczy
Do krôla droga wskazuje
Narôd żydowski z Niym wiela zyszczy
Zdo sie – już ziymia to czuje

Arcykapłany – czy droga znocie?
Kaj Krystus se wôm narodziôł?
Dobro nowina dlo nos już mocie?
Cud ty Judeji przigodziôł?

(Herod)
Co to za myndrce? Kogo szukajôm?
Krôlym Judeji jo tako!
Bojaźni w sercu łôni niy majôm?!
Dyć zowdy niychej jednako

Toż tyn môj narôd mie słuchać bydzie
W utropie jako w radości
Niy?! – Dyć mu richtich z tym gorzi przidzie!
Wiela krôlewskij môm złości!

Hej – sługi moje! Myndrcôw mi dować!
Niychej łopytôm se gości
Cygaństwo abo jakosik zmowa?
Kto mie łodbiyro wielkości?!

(Narrator)
Jako rozkozoł tako sie stało
Już isnych wiedôm mu sługi
Dostojność jejich aż błyszczy cało
Dyszkurs niy bydzie za dugi.

(Kacper, Melchior, Baltazar)
Herodzie – gwiazdda niy łocygani
Do krôla świata nos wiedzie
Ćmok przidzie - łoko sôm połôż na ni
Judzke Betlejym na przedzie

W niym se dokono co przeca musi
Toż ziymia kwiycie wydowo
W pszoniu nojwiynkszy – grzych go niy skusi
Śmiertelny Bogiym sie zdowo

Kraj twôj szczyńśliwy niych se raduje
Sôm Stworcy tako złôż dziynki
Uwiyrz jak tego niy forsztelujesz
Skończôm sie wieczne nôm mynki.

(Herod)
Toż roztomili idźcie szukejcie
Recht co to musi być cudo
A jak znôńdziecie znać drapko dejcie
Bych sôm z pokłônym se udoł.

(Kacper, Melchior, Baltazar)
Panie Judeji - niychej sie stanie
Tôm samôm drogôm wrôcymy
Byś tyż môg zaczôńć te fajrowanie
Wszysko ci chnet łopowiymy

(Narrator)
Toż do Betlyjym w kôńcu ruszyli
Stajynka i żłobek znodli
Kaj już pastyrze nojpiyrwyj byli
Dzieciôntku dary pokłodli.

(Kacper, Melchior, Baltazar)
Maryjo gryfno i Zeflu zocny
Z wôs świynto już familijo
Dzieciôntko zesłoł Pôn Bôg wszechmocny
Szczyńście – niy jakoś mecyjo

Tu pokłôn Jymu my złożyć prziszli
Gwiozdka nos wiodła do Niego
Ano żył nojprzod we naszy myśli
Dzisioj widzymy Isnego

(Maryjo)
Myndrce ze wschodu a wpiyrw pastyrze
Dzieciôntko Boske witajôm
We żłobie dzisioj jego jest lyże
Dyć przeca wiela mu pszajôm

Zdo sie - w świat idzie dobro nowina
Ło cudzie w małyj stajynce
Boże w łopiece miyj mo Dziecina
Durś Twoje czim nad Niôm rynce.

(Zefel)
Toż dejcie dary wele Jezusa
Łodpoczońć w stajni tyż chciyjcie
Posłać w barłogu wôm jednak musza
Biyda - dyć wyspać se chciyjcie.

(Anioł)
Kacprze, Melchiorze i Baltazarze
Misyjo waszo skończono
Już historyjo tego niy zmaże
Co Bôg w Betlejym dokônôł

Zowroćcie do sia – mińcie Heroda
Niy paczcie danego słowa
Bo ze tym prziszłaby wiynkszo szkoda
Choć krôl - zowistno mo gowa.

(Narrator)
Jak aniôł pedziôł tako sie stało
Myndrce już do sia wrôcajom
Heroda mynczy zaś richtich małość
- Ciyngym złe myśli ścigajôm.

A wele żłobka dali jest radość
Aż prziszôł tyn co mo piôra

(Anioł)
Coby złe tukej niy miało zadość
Zefel – se wybier za gôra
Niy yno jedna – za rzeki pola
Słonko z miesiônczkiym niych wiedzie
Ano – ci Egipt terozki chwola
Prowodź familjo na przedzie."

[broneknotgeld]

No ja, we tych mojich rymowankach literka "o" to dwie rożne głoski.
Jo som se to zowdy dobrze czytom, dyć dlo nauki trza jakosik podkryślić.
Dobrze wiysz, że som rożne szkoły, bestoż jo dowom tymu pokoj.
Toż dziynki za te poprawki.
Reszta tyż se tako przirychtuj, jak Ci to lepi sztimuje.
Pozdrowiom.

[broneknotgeld]

Mom jednak małe uwagi.
Dlo mie wyraz "anioł" mo jednak zwykło "o",tam znaczek jest niypoczebny, choć
może to zoleżeć łod regionu. Do poru inkszych wyrazow bych zas te znaczko
dołożoł np "toż".

[broneknotgeld]

No, piyrszo wersjo roboczo ty ślonski betlyjki jest już fertig.
Możno trocha krotko, dyć jak se jom zacznie i skończy jakomś piyknom kolyndom
to bydzie w som roz. No ja, kolyndy tyż trza by przerobić na nasze.
Możno Szwager se za to chyci.

[eichendorff]

(Herod)
Kaj sôm te myndrce? Downo być mieli!
Wieść ło Dzieciôntku prziniyśli?!
Czekôm jak gupi w ty mojyj szteli
Możno z Judeji już wyszli!

(Sługi)
Panie - kraj ponoć przeszli po cichu
Blisko już dôma sôm łôni
Śmieli se niy boć takiygo grzychu
Dyć jako isnych nôm gonić?

(Herod)
Tôż co zrychtować? - Bajtli zabijać!
Kierzy łostatnio zrodzyni?!
Wojoki! Trza sie za tym uwijać!
Tref zły môj tako łodmiynić!

(Wojoki)
Krôlu Herodzie twôj rozkaz srogi
My sługi tako spełniymy
Tyś jest nôm bardzij łod dzieci drogi
Żeś władcôm - to jedno wiymy

Jako rozkożesz tako sie stanie
Na nic ślimtanie i jynki
Matek w utropie głośne wołanie
Jak wolôm twojôm ich mynki

(Herod)
Ano! Dyć ze tym trôn mocny bydzie
Zicna se na niym jak piyrwyj
Deliberować ło taki biydzie
Jak styknie pedzieć mi - wyrwij!

(Narrator)
Rzeź niywiniôntek straszno nastała
W Judeji podniôs sie lamynt
Litości wola krôla niy znała
Dlo synkôw taki był amynt

Świynto familjo w Egipcie bôła
Jezus im rosnôł poleku
We Niym sie bosko wola ukrôła
Wiydz ło tym dobry człowieku

Syn Boga richtich Krystusym bydzie
We kôńcu czas łodkupiynio
Człowiek do Łojca-Stwôrcy chnet przidzie
Świat Jego pszôniym sie zmiynio

Dyć we Betlejym wszysko sie stało
Pônbôczek w Synu narodziôł
Choć ta betlyjka licho i mało
Przeca i na nia tyż zgodzioł.

Jedna uwaga

[eichendorff]

Zgadzôm śe z tymi Twojimi wcześniyjszymi uwagami. Sôm môm teroski jedna: po
ślônsku ńy ma jak w j.polskim rodzaju mynskołosobowego w liczbje mnogij. Skuli
tego nie bydźe: "Bajtli zabijać! Kierzy łostatnio zrodzyni?!" yno "Bajtli
zabijać! Kere łostatnio zrodzône?!". Je bez to problym, bo ńy ma rymu do wersu:
"Tref zły môj tako łodmiynić!". Ńy wiym czy by ńy pasowało: "Szczyńście je tak
łodmiyniône!". Co o tym myślisz?

[broneknotgeld]

Toż co zrychtować? -Bajtli zabijać!
Kere łostatnio zrodzone?!
Wojoki! Trza sie za tym uwijać!
-Utropy z tym łodmiynione!

[broneknotgeld]

No, może być i tako abo jak som żeś szkryfnoł.

[eichendorff]

Wola Twoja wersjo. Jo ńigdy ńy mjou talyntu rymotwôrczego, choć za "poezjo"
tysz żech śe chytou...

[broneknotgeld]

Po prowdzie to jest gancegal.
Szkryfnij coś możno we Ksiyndze Gości.
Niy musi być do rymu.
Pozdrowiom.

[broneknotgeld]

Hehehe - Eichendorff niy prożnuje
forum.gazeta.pl/forum/72,2.html?f=34281&w=31952956&a=32784720
Toż piykne dziynki.

[ciupazka]

...starych, Zosi Stryjeńskiej i inne świąteczne malowanki naskie:

tygodnikpodhalanski.pl/modules.php?
name=coppermine&file=displayimage&album=11&pos=6

[ciupazka]

forum.gazeta.pl/forum/72,2.html?f=170&w=32768423&a=32949858

[broneknotgeld]

Ano, świonteczne kartki tyż som piykne, choć jejich kolekcjonerstwo niy jest
take popularne jak zbiyranie widokowek.

[dialektolog]

eichendorff napisał:

> Zgadzôm śe z tymi Twojimi wcześniyjszymi uwagami. Sôm môm teroski jedna: po
> ślônsku ńy ma jak w j.polskim rodzaju mynskołosobowego w liczbje mnogij. Skuli
> tego nie bydźe: "Bajtli zabijać! Kierzy łostatnio zrodzyni?!" yno "Bajtli
> zabijać! Kere łostatnio zrodzône?!". Je bez to problym [...]

Eee, przeca sie powiy: Chopy, kajżeście byli? [a nie: były].
To znaczy, że rodzaj męskoosobowy jest.
Wydaje mi się, że rzeczywiście częściej się mówi: "te bajtle", a nie "ci
bajtle", ale że są to jednak sami chłopcy, a nie dzieci w ogóle, to ja bym
zostawił, jak jest.

Tak to dzieło poetyckie zaczyna być obiektem krytyki językowej i literackiej.
Broneknotgeld kandydatem do nagród!

[broneknotgeld]

Hehe - kodyfikowanio godki to jo se niy tykom
Styknie mi jom cisnońć we przodek praktykom.

[broneknotgeld]

24.XII

Już dwudziesty szworty momy
Dziyń przeminie - powitomy
Jezusiczka malyńkego
Jeszcze cołkym niy Istnego.

[broneknotgeld]

Cicho noc świynto noc
Toż już klupie Wielko Moc
Wiymy ło tym - starzy młodzi
Dzisioj dzisioj Bog sie rodzi.

[broneknotgeld]

Jezus sie już nom narodzioł
Zowdy bydzie ludzi godzioł
Bo w Niym richtig bosko moc
Co rozświytli kożdo noc.

[broneknotgeld]

Żłob we stajni przi gowiedzi
Tako sie zdarzyło
Piyrszy "tron" na kerym "siedzi"
Dyć wiela ich było?

[broneknotgeld]

Pastyrze Mu piyrsi prziszli pokłon złożyć
Szczyńśliwi że tego łoni mogli dożyć
Tako my pastyrka dzisioj łodprowiomy
Dzieciontko przi tymu przeca w sercach momy.

[karolinka44]

w betlyjce Jezus urodzony
do naszych serc wkludzony
oddali mu cicho krole poklony
dzisiej bijom mu glosno dzwony

[ciupazka]

I śpiywy:


forum.gazeta.pl/forum/72,2.html?f=21458&w=33263806

[broneknotgeld]

Sie forum "ukrywo"
Co mie trocha dziwo
Dobro mo być widać
Przikłod trza tym by dać.

[broneknotgeld]

No, prawie dzisioł była praprymiera ty moji "ślonski betlyjki"
Przirychtowali jom ratowniki KWK "Bielszowice".
Wyszło piyknie, dyć dopiyro jak żech to druknoł toch prziuważoł pora drobnych i
jedyn wielki feler - trza bydzie to jeszcze poprawić.

[dialektolog]

broneknotgeld napisał:

> No, prawie dzisioł była praprymiera ty moji "ślonski betlyjki"
> Przirychtowali jom ratowniki KWK "Bielszowice".
> Wyszło piyknie, dyć dopiyro jak żech to druknoł toch prziuważoł pora drobnych i
>
> jedyn wielki feler - trza bydzie to jeszcze poprawić.

Gratuluję! Błogosławić nie mogę, bo nie mam uprawnień :-)
No ale czymu Zefel a nie Jozef, Jôzef czy inaczej?

[broneknotgeld]

Hehe - po ślonsku Józef to Zefel.
Za gratulacje dziynkuja - farorzowi kery se tymu dziwoł na "spotkaniu
opłatkowym" tako sie spodobało, że zaprosioł wykonawcow ze tym do kościoła.
No dyć to już inkszo inszość i pewno nic z tego niy wyńdzie.

[dialektolog]

broneknotgeld napisał:

> Hehe - po ślonsku Józef to Zefel.

I tak, i nie. Po mojymu to yno jedna z form "urzyndowygo" miana Joseph / Józef.
Np. R. Olesch (St. Annaberg) podaje: Józef, Józek, Jójzik, Józefek, Zeflik,
Zielik, Pepek, Pepujś. Podobnie jak obok Johana jest Hanik, Haniczek, Hanys,
Hanysek, Hanzlik. Struktuyalnie więc Zeflik jest koło Hanzlika, a w Biblii chyba
nie stoi, żeby to Józiczek czy Józek był.
No i ja wolę, jak jest Maryja (nie: Maryjo), a nie Marika, Mariczka, Mika,
Mikla, Mikelka,

Pytanie więc brzmi: czemu imię pieszczotiwe, zdrobniałe?
Ale tyn dialektolog dociyrny.

> Za gratulacje dziynkuja - farorzowi kery se tymu dziwoł na "spotkaniu
> opłatkowym" tako sie spodobało, że zaprosioł wykonawcow ze tym do kościoła.
> No dyć to już inkszo inszość i pewno nic z tego niy wyńdzie.

A nuż? Herezji chyba tam nie ma.

[broneknotgeld]

Dlo mie zdrobniale by było Zefek.
Tak żech godoł do kolegi ze placu, jak żech był bajtlym.
Tako i dzisioj godom karlusowi starszymu niż jo, kery jest bratym mojego
szwagra. Bestoż, żech szkryfnoł - Zefel.

[dialektolog]

broneknotgeld napisał:

> Dlo mie zdrobniale by było Zefek.
> Tak żech godoł do kolegi ze placu, jak żech był bajtlym.
> Tako i dzisioj godom karlusowi starszymu niż jo, kery jest bratym mojego
> szwagra. Bestoż, żech szkryfnoł - Zefel.
>

Serdecznie dziękuję za wyjaśnienia, które niniejszym przyjmuję z jak najdalej
idącym zrozumieniem dla wyczucia językowego Autora.
Z nieustającym szacunkiem

[broneknotgeld]

No ja, ze zdrobniyniami rożniście bywo.
Mie sie zdo, co w naszy godce bardzi liczy (możno liczyło) se forma osobowo.
Zarozki przipomino mi sie tyż przi tymu imie Artur.
No i juzaś musza siyngnońć pamiyńciom do familokowych czasow, ze kerych do
dzisioj mom kolegi kerymu godom Acia. Joch wtedy nawet niy wiedzioł, że łon
jest Artur - no niy myślołch ło tym. Dlo mnie było to za bajtla yno Acia.
Jak żech już zaczoł robić, to takim modym sztiftym jak jo zaopiekowoł sie
przodowy kerymu wszyscy godali Acik, a był dokładnie z rocznika moji matki.
Joch tyż mu godoł Acik, yno za dwoje i wszysko było normalne.
Swojom drogom, kedyś przi piwie łopowiadoł mi jako to było ze tym jego mianym.
Jak Ruski wleźli do Bytomia, to łon był jeszcze mody (niy mioł skończone 15
lot), dyć pierońsko sie wszyscy boli coby ich niy trefiyło to co sie stało w
Miechowicach. Zaczły sie jednak wywozki na Wschod i wyczytali w ogłoszyniu co
jego rocznik tyż wzywany jest "do roboty".
Niy zgłosioł sie, yno drapko dogodoł z jakimś znajomym sztajgrym i przijyli go
do roboty na gruba. Doświadczonych hajerow i ze gruby wywoziyli, dyć ktoś tam
tyż musioł robić. Ano, z tym przijyńciym do roboty zarozki zmiyniyli mu
nazwisko i nawet na imie chcieli mu dać Ignacy. Zapar sie jednak i jakosik
czimoł tego Artura, aże dali mu spokoj.
Hehe - dyć jo przi piwie mu godom - Aciku, pokozalibyście mi dowod osobisty.
Pokozoł - mioł w dowodzie dwa miana Artur Ignacy.
Toż dali mu tego Ignaca na druge, co jakby wymazoł ze pamiyńci.

[broneknotgeld]

"(Narrator)
Jako z Maryjôm naszôm sie stało
Co modo frelka Syna poczyła
Niychej wiy ło tym i ziymia cało
Z Pônbôczka woli brzymiynnôm była
Toż Zefel stolorz wziôn jôm za ślubno
"Syn Dawidowy" śnik tyż mioł taki
W kerym klarowoł mu anioł rôwno;

(Anioł)
Niy som na darmo te wszyske znaki
Ty dlo Jezusa rodzicym bydziesz
Przeca żeś chopym niy belejakim
Z Immanuelym do Nieba przidziesz

(Zefel)
Toż môj aniele niych to sie stanie
Ślubnôm mi ciyngiym Maryjo czysto
A jak już przidzie jyj rozwiônzanie
Pszoć tako byda - rzecz łoczywisto

Jezusiczkowi co sie narodzi
Z cołkiych siył swojich zastômpia Pana
Tako mi słudze przijôńć se godzi
Ta wola bosko - jak yno wstana

(Narrator)
Chnet czas registru prziszoł rzymskigo
Zefel z Maryjôm już we Betlyjym
Sie spodziywajôm szczyńścio swojigo
Dyć tu ze ańclom wiela mecyji

W stajynce tako kôntek swôj majôm
Tref? – Przeznoczynie co im pisane
Świynto Familjo – choć fest sie pszajôm
Dzieciôntko w biydzie na świat wydane.

(Kacper, Melchior, Baltazar)
Toż nôm we łoczach gwiozda durś blyszczy
Do krôla drôga wskazuje
Narôd żydowski z Niym wiela zyszczy
Zdo sie – już ziymia to czuje

Arcykapłany – czy drôga znocie?
Kaj Krystus se wôm narodziôł?
Dobro nowina dlo nos już mocie?
Cud ty Judeji przigodziôł?

(Herod)
Co to za myndrce? Kogo szukajôm?
Krôlym Judeji jo tako!
Bojaźni w sercu łôni niy majôm?!
Dyć zowdy niychej jednako

Tôż tyn môj narôd mie słuchać bydzie
W utropie jako w radości
Niy?! – Dyć mu richtich z tym gorzi przidzie!
Wiela krôlewskij môm złości!

Hej – sługi moje! Myndrcôw mi dować!
Niychej łopytôm se gości
Cygaństwo abo jakosik zmowa?
Kto mie łodbiyro wielkości?!

(Narrator)
Jako rozkozoł tako sie stało
Już isnych wiedôm mu sługi
Dostojność jejich aż błyszczy cało
Dyszkurs niy bydzie za dugi.

(Kacper, Melchior, Baltazar)
Herodzie – gwiozda niy łocygani
Do krôla świata nos wiedzie
Ćmok przidzie - łoko sôm połôż na ni
Judzke Betlyjym na przedzie

W niym se dokôno co przeca musi
Tôż ziymia kwiycie wydowo
W pszoniu nojwiynkszy – grzych go niy skusi
Śmiertelny Bogym sie zdowo

Kraj twôj szczyńśliwy niych se raduje
Sôm Stwôrcy tako złôż dziynki
Uwiyrz jak tego niy forsztelujesz
Skôńczôm sie wieczne nôm mynki.

(Herod)
Toż roztomili idźcie szukejcie
Recht co to musi być cudo
A jak znojdziecie znać drapko dejcie
Bych sôm z pokłônym se udoł.

(Kacper, Melchior, Baltazar)
Panie Judeji - niychej sie stanie
Tôm samôm drogôm wrôcymy
Byś tyż môg zaczôńć te fajrowanie
Wszysko ci chnet łopowiymy

(Narrator)
Toż do Betlyjym w kôńcu ruszyli
Stajynka i żłobek znodli
Kaj już pastyrze nojpiyrwyj byli
Dzieciôntku dary pokłodli.

(Kacper, Melchior, Baltazar)
Maryjo gryfno i Zeflu zocny
Z wôs świynto już familijo
Dzieciôntko zesłoł Pôn Bôg wszechmocny
Szczyńście – niy jakoś mecyjo

Tu pokłôn Jymu my złożyć prziszli
Gwiozdka nos wiôdła do Niego
Ano żył nojprzôd we naszy myśli
Dzisioj widzymy Isnego

(Maryjo)
Myndrce ze wschodu a wpiyrw pastyrze
Dzieciôntko Boske witajôm
We żłobie dzisioj jego jest lyże
Dyć przeca wiela mu pszajôm

Zdo sie - w świat idzie dobro nowina
Ło cudzie w małyj stajynce
Boże w łopiece miyj mo Dziecina
Durś Twoje czim nad Niôm rynce.

(Zefel)
Toż dejcie dary wele Jezusa
Łodpoczońć w stajni tyż chciyjcie
Posłać w barłogu wôm jednak musza
Biyda - tu spanie se miyjcie

(Anioł)
Kacprze, Melchiorze i Baltazarze
Misyjo waszo skôńczono
Już historyjo tego niy zmaże
Co Bôg w Betlejym dokônôł

Zowrôćcie do sia – mińcie Heroda
Niy paczcie danego słowa
Bo ze tym prziszłaby wiynkszo szkoda
Choć krôl - zowistno mo gowa.

(Narrator)
Jak aniôł pedziôł tako sie stało
Myndrce już do sia wrôcajom
Heroda mynczy zaś richtich małość
- Ciyngym złe myśli ścigajôm.

A wele żłobka dali jest radość
Aż prziszôł tyn co mo piôra

(Anioł)
Coby złe tukej niy miało zadość
Zefel – se wybier za gôra
Niy yno jedna – za rzeki pola
Słônko z miesiônczkiym niych wiedzie
Anô – ci Egipt terozki chwola
Prowodź familjo na przedzie."

[broneknotgeld]

(Herod)
Kaj sôm te myndrce? Downo być mieli!
Wieść ło Dzieciôntku prziniyśli?!
Czekôm jak gupi w ty moji szteli
Możno z Judeji już wyszli!

(Sługi)
Panie - kraj ponoć przeszli po cichu
Blisko już dôma sôm łôni
Śmieli se niy boć takiygo grzychu
Dyć jako isnych nôm gonić?

(Herod)
Tôż co zrychtować? - Bajtli zabijać!
Kere łostatnio zrodzône?!
Wojoki! Trza sie za tym uwijać!
-Utropy z tym łodmiyniône!

(Wojoki)
Krôlu Herodzie twôj rozkaz srogi
My sługi tako spełniymy
Tyś jest nôm bardzij łod dzieci drogi
Żeś władcôm - to jedno wiymy

Jako rozkożesz tako sie stanie
Na nic ślimtanie i jynki
Matek w utropie głośne wołanie
Jak wolôm twojôm ich mynki

(Herod)
Ano! Dyć ze tym trôn mocny bydzie
Zicna se na niym jak piyrwyj
Deliberować ło taki biydzie
Jak styknie pedzieć mi - wyrwij!

(Narrator)
Rzeź niywiniôntek straszno nastała
W Judeji podniôs sie lamynt
Litości wola krôla niy znała
Dlo synkôw taki był amynt

Świynto familjo w Egipcie bôła
Jezus im rosnôł poleku
We Niym sie bosko wola ukrôła
Wiydz ło tym dobry człowieku

Syn Boga richtich Krystusym bydzie
We kôńcu czas łodkupiynio
Człowiek do Łojca-Stwôrcy chnet przidzie
Świat Jego pszôniym sie zmiynio

Dyć we Betlejym wszysko sie stało
Pônbôczek w Synu narodziôł
Choć ta betlyjka licho i mało
Przeca i na nia tyż zgodziôł.

[broneknotgeld]

Mi spomniało
Radowało.

[broneknotgeld]

Czech Kroli Dzieciontko ciyngym poszukuje
Idom do Betlyjym - se to forsztelujesz?

[broneknotgeld]

Trza podźwigać już tyn wontek
Pytoł se łoń ślonski kontek.

[broneknotgeld]

Latoś betlyjka kajsik wystawiom?
Radości wiela tym pewno sprawiom.

[broneknotgeld]

Życie - tako se wydowo
Może lecieć "betlyjkowo".

[broneknotgeld]

Żol we Rudzie przed Godami
W tragedyji my niy sami.

[broneknotgeld]

Trza już świonteczny nastroj rychtować
Chciyjcie ło Godach tyż cosik dować.

[broneknotgeld]

Za Mikołajym drapko już Gody
Tako jo szkryfna tukej do zgody.

[broneknotgeld]

Ano - przeca Adwynt momy
Czym se kończy - wszyscy znomy.

[szpilowyhajama]

Bóg się rodzi,Karpińskiego
pod ociosem ścianowego
dziś nadeszła smutna chwila
oczekuje matka syna.

Nie ma Ojca wśród oplatka
w góre idzie pusta klatka,
nikt nie zliczy łoz wylanych
ani nakryć odstawianych.

Suną czołgi,śniek czernieje
wschodnie gwiazdki lśnia na hełmie
Piast Ziemowit okupują
w Ślaskich gwarkach moc truchleje.

Zabrze.24.XII.1981 r. "Hanik" Jan Majowski

[szpilowyhajama]

Więcej Gwary Ślonski w mojej stronie www.hanik.prv.pl Zapraszam na strona
emerytowanego-górnika z kopalni (Jadwiga) "Pstrowski"

[broneknotgeld]

Ano, dziynki.
www.hanik.prv.pl/
Już kajsik był tu tyn link, dyć niy szkodzi dać jeszcze jedyn.

[broneknotgeld]

Hanik wloz i zaś se stracioł
Tela forum ubogacioł?

[broneknotgeld]

Jutro Familijo we Betlejym bydzie
Dyć pewnikym wiycie kaj na ańcla przidzie.

[broneknotgeld]

Toż we Betlejym my som myślami
Ze Dziecionteczkym - tako niy sami.

[broneknotgeld]

Przi Jerozolimie

Przi Jerozolimie Betlyjym znojdziecie
Choć małe dyć wielke naszom wiarom przecie.

[broneknotgeld]

Za Jerozolimom

Za Jerozolimom kajś miyndzy gorkami
W dwie godziny piechty - sprowdźcie se to sami
Tam Judzko i Negew po blisku pustynie
Betlyjym znojdziecie - szczyńście niy łominie.

[broneknotgeld]

Plac Żłobka

Ano - Betlejym to richtig serce
Tukej urzyndy i bazylika
Pokoj zdo ci sie jak na zicherce
Dyć przeca ciyngym prziłażom rzykać

Choć se świontynio twierdzom ci jawi
Toż niy dziwota - wiela przeżyła
Pont we te miejsce duszy niy zbawi
Styknie co wiara rośnie we siyła.

[broneknotgeld]

Niy dlo Mamelukow

Jako na koniu wjechać przez brama?
Dyć tu na gyrach czeba sie schylać
Dlo Mamelukow zdo sie to "dramat"
Do bazyliki niy trza im pylać.

[broneknotgeld]

"Świynto Grota"

Świynto grota - niy stajynka
W bazylice se łostała
Niy zniszczyła tego rynka
Pon Bog czuwoł dyć bezmała.

[broneknotgeld]

Za Konstantyna Wielkego

Z laskym "wytli" Adonisa
Już tu ło niym jo niy słysza.

[broneknotgeld]

Ziymia Świynto

"Pionto Ewangelio" - tako ktosik prawioł
Toż se na ty ziymi Jezus nom pojawioł.

[broneknotgeld]

Niy miała leko

Świynto Rodzina leko niy miała
Jak we Betlejym ańcli szukała
Maryjo przeca brzymiynno była
Zdo sie Ponboczek dowoł jyj siyła
By tu we cichy stajynny grocie
Dzieciontko rodzić w bolu i pocie.

[broneknotgeld]

Palestyna Hellynow

Aleksander Macedoński chycioł Palestyna
Dyć jo przeca mu niy byda teroz wypominać
Chocioż Wielki se dziedzinom za dugo niy cieszoł
Możno richtig skuli tego że pierońsko grzeszoł.
--

Czas Antiocha

Po Aleksandrze czas na Antiocha
Kery tyż Wielki był przeca trocha
Dyć niy dlo Rzymu - tego za wiela
Choć go słuchała niyjedna sztela.

[broneknotgeld]

Na Trzech Kroli

Toż do Betlejym już przibieżeli
Tam kaj pastuszki no i anieli
Mirra, kadzidło, złoto Mu dali
Pokłon złożyli i se zabrali.

[waga.w]

Dzieci w szkole jasełka zgotowały :

Trzej Królowie też byli ,
i pastuszkowie mali
i oczywiście maleńka Dziecina ,
którą Maryja na rękach trzyma ,
w popdniosłym nastroju kolędy śpiewali
i wszyscy po społu się radowali .

[broneknotgeld]

Ktoś "betlyjka" chce zrychtować?
-Toż trza wontek na wiyrch dować.

[broneknotgeld]

Niy zrychtuje pewno żodyn
Chocioż idom prawie Gody.

[broneknotgeld]

Toż przibij "piontka"
Skuli Dzieciontka!

[broneknotgeld]

Betlyjka w Greccio - 1223

Toż świynty Franciszek nojpiyrszy wystawioł
Betlyjka we grocie - Jezuska nom jawioł
Co we żłobku z sianym wiernych zocnie witoł
Prziszli na pastyrka - jakby sie kto pytoł.

[broneknotgeld]

Na wspominki sie zebrało
Dźwignońć wontek tyż mi chciało.

[broneknotgeld]

To sie może przidać do jakiś inkszy Betlyjki

"Prziwitanie pastuszkow"

Roztomili - dyć witejcie
Drap na izba lyźcie nom
Ło nowinie łosprowiejcie
Niych raduje se tyn dom

Jest bonkawa, kołocz tako
Żeście z drogi toż zicnijcie
Djosek z żolu możno płako
Pedzieć ło Dzieciontku chciyjcie.

[broneknotgeld]

Toż pastuszki zicli w koło
Se podjedli, pośpiywali
Dzieciontkowi jest wesoło
-Poszli kolyndować dali.

[broneknotgeld]

Zaś Betlyjki czas nom idzie
Tako wontek wiyrchym bydzie.

[broneknotgeld]

Sie zaczyno grudziyń prawie
Kolyndami i Adwyntym
Możno spotko Wos na jawie
Nawet tyn Mikołoj Świynty

Do Dzieciontka brif piszecie?
Spełnio wszysko ze Godami
Zdrowio, szczyńścio - jako chcecie
Niych łobsypie gyszynkami.

[broneknotgeld]

Sie podziwać pódzie
www.dziennikzachodni.pl/fakty24/346363,gorale-z-beskidow-pokaza-swiatu-boze-narodzenie,id,t.html
Gody niy w łostudzie.

[broneknotgeld]

Banka zaglingała
slask.naszemiasto.pl/artykul/700800,swiateczna-jazda-tramwajem-z-muzeum-slaskim,id,t.html
Gody łoznojmiała!

[broneknotgeld]

Chojinka już stoji
gryfnie łobstrojono?
katowice.naszemiasto.pl/artykul/706746,wspomoz-katowice-w-walce-o-esk-2016,id,t.html?kategoria=678
Kultura niy broji
Kej rośnie niy kono
Niychej Dziecionteczko "stolica" prziniesie
Blysnońć Katowicom we Europie chce sie.

[broneknotgeld]

Panewniki uhandlujom
katowice.gazeta.pl/katowice/1,35019,8854491,Katowice_miastem_jarmarkow_.html
Franciszkany uradujom.

[broneknotgeld]

W Kochłowicach
ze pastyrkom
rudaslaska.naszemiasto.pl/artykul/711446,klub-jezdziecki-omega-wystawil-jaselka-w-kochlowickiej,id,t.html
Cieszom lica
kej tam zyrkom
Żłobek blyszczoł kaj "Omega"
Janioł zlecioł w zospa śniega.

Wesołych Świont!

[broneknotgeld]

Szopka w Panewnikach momy
katowice.gazeta.pl/katowice/1,35019,8863523,Jedna_z_najwiekszych_w_Europie_szopek_juz_gotowa_.html
Jedna z wiynkszych - tako znomy.

[broneknotgeld]

Idzie i tako ło Godach "prawić"
www.dziennikzachodni.pl/fakty24/349154,konkursowa-nagroda-dla-malarki-z-wisly,id,t.html
Dyć kunsztym chwała Dzieciontka jawić.

[broneknotgeld]

Powinszowania na Gody

Tym kierzy "trollujom"
Haltongu winszuja
Sami sie szanujom?
Niy - tako jo czuja
Niychej frustracyji swoji zaniychajom
Borokym łoprawca - czy zaś yno bajom?

[broneknotgeld]

W parafiji ty halymbski
Zdo sie bliży "krol niyziymski"
www.dziennikzachodni.pl/stronaglowna/349242,w-halembie-caly-rok-trwa-boze-narodzenie,id,t.html
Z Dziecionteczkym radość idzie
W parafiji tako bydzie

Wesołych Świont.

[broneknotgeld]

Wilijo

Kej Wilijo przi wieczerzy
Tyż Duch Świynty - idzie wierzyć.

[broneknotgeld]

Jako świyntować nom ze Godami?
rudaslaska.naszemiasto.pl/artykul/712786,swietowanie-to-test-na-czlowieczenstwo,id,t.html
Sie poczytocie? -Wiycie już sami?

[broneknotgeld]

Jako świyntować
nom ze Godami?
rudaslaska.naszemiasto.pl/artykul/712786,swietowanie-to-test-na-czlowieczenstwo,id,t.html
Muster trza dować?
-Wiycie już sami?
Boga w czowieku widzieć wystyknie
Mało iskerka - już bydzie piyknie.

[broneknotgeld]

Kej "Bog sie rodzi"
W dyszy czowieka
Złym być niy godzi
Niy idzie czekać
-Z tym win wyznanie i przeproszynie
-Zadośćuczynić koże sumiynie.

[broneknotgeld]

Zło zowdy dzieli
Z Wilijom przeca
Dobra my chcieli
Bestoż tam leca
Kaj prowda djoska w kopyto parzy
Prowda skupluje - mie sie to marzy.