broneknotgeld 17.01.04, 16:52 Prosioł mie Wielkopolanin Fraszkom ślonskom sypnońć na nich Pomaluśku to poleci Alech zaczoł coś tam klecić. forum.gazeta.pl/forum/72,2.html?f=67&w=10225394 Odpowiedz Link Zgłoś Obserwuj wątek Podgląd Opublikuj
broneknotgeld Re: Poznań 17.01.04, 16:54 Poznańske koziołki Poznań w zocy mo koziołki Dobrze że niy yno stołki. Odpowiedz Link Zgłoś
broneknotgeld Re: Poznań 17.01.04, 16:55 Poznać Poznań Poznać Poznań we czi dni? To sie niy do - kożdy wiy. Odpowiedz Link Zgłoś
broneknotgeld Re: Poznań 18.01.04, 10:02 TVP Poznań Ponoć w Poznaniu "vicekwiatkowski" Rzońdzi tom "wizjom" jak heros boski W niym "grupy czworga" wielko nadzieja A jo ze tego yno sie śmieja. Odpowiedz Link Zgłoś
broneknotgeld Re: Poznań 06.07.04, 08:47 Ostrow Tumski Jak żeś jest w Poznaniu toż drogi kolego Niy możesz łominońć Ostrowa Tumskiego Tu grod był nojwyrszy za Mieszka I I tukej łokrzciyli nom ksiyńcia istnego We katedrze znojdziesz tyż Złoto Kaplica Kero bizantyjske mo jak gdyby lica Prochy Mieszka z Bolkym tukej som złożone Kaj piyrsze we Polsce miejsce poświyncone. Odpowiedz Link Zgłoś
broneknotgeld Re: Ło Wielkopolsce 22.10.04, 22:08 Fraszka wielkopolsko jest jakby ta pyrka Czy jom łodkopali ze ziymnego wyrka? Odpowiedz Link Zgłoś
broneknotgeld Re: Kurnik 20.01.04, 16:23 XIV wiek Wyszota se zamek w Kurniku postawioł Tukej pomiyszkiwoł i u brata bawioł Kery we Poznaniu biskupa mioł stolec Ale i Wyszota przeca niy był golec. Zamek pryndko stanoł solidny i zocny Panisko wiedziało że we niym jest mocny Wieże mioł solidne - mog sie dugo bronić Jakby wrogom chciało sie aż tu zagonić. Odpowiedz Link Zgłoś
broneknotgeld Re: Kurnik 21.01.04, 19:03 XV wiek Za Górków tyn Kórnik fest sie rozbudowoł Mikołaj piniondza na to niy żałowoł Dołożyli krzidła miyszkalne mu dwa Wieża, most zwodzony, urosnoł fest - pra? Odpowiedz Link Zgłoś
broneknotgeld Re: Kurnik 22.01.04, 08:21 XVI wiek Choć było już piyknie - wszysko pozmiyniali Postawiyli nowe - stare łozebrali Dwa krzidła terozki paczały na siebie Tela sie zmiyniyło we kurnickim "niebie". Odpowiedz Link Zgłoś
broneknotgeld Re: Kurnik 23.01.04, 21:17 XVII wiek W siedymnostym wieku wiela sie tu dzioło Co rusz to inkszego panoczka prziwioło Nałyncze z Czarnkowa po Górkach go mieli Potym Grzymalici rzońdziyli w tyj szteli W końcu do Działyńskich przeszoł Kurnik cały We tyj Wielkopolsce rod to był niymały. Odpowiedz Link Zgłoś
broneknotgeld Re: Kurnik 25.01.04, 14:02 1574 Walezego tukej Stanik Górka gościoł Dyć pewnikym potym za to ciynżko pościoł. Odpowiedz Link Zgłoś
broneknotgeld Re: Kurnik 25.01.04, 21:46 Kurnicko poczta Poczta we Kurniku tyż jest zabytkowo To wiek łoziymnosty? - Abo mi sie zdowo. Odpowiedz Link Zgłoś
broneknotgeld Re: Kurnik 27.01.04, 18:03 Ichni kościoł Kościoł we Kórniku to tyż Górkow sprawa Łoni fundowali ta świontynia zocno Mieli przeca tukej właścicieli prawa I chcieli by miasto czimało sie mocno Bestoż kościoł stanoł we piytnostym wieku W gotyk łobleczony - czi nawy mioł piykne Po sztyrystu latach spoloł sie czowieku Dyć łodbudowali - tela szkryfnońć styknie. Odpowiedz Link Zgłoś
broneknotgeld Re: Kórnik 29.01.04, 16:47 Kurnik? - dyć tam miyszko kura! Kórnik? A! To miasto! Hurra! Odpowiedz Link Zgłoś
broneknotgeld Re: Kórnik 02.02.04, 23:49 Połowa XIX wieku We remont Kórnika Działyński se wprzongnoł Co yno pomyśloł to przeca osiongnoł Zaś zamek rozkwitnoł - był wiek dziewiytnosty Tyn gotyk angielski - styl zocny niyprosty. Odpowiedz Link Zgłoś
broneknotgeld Re: Kórnik 08.02.04, 17:12 Fundacjo "Zakłady Kórnickie" Co łonczy Kórnik ze Zakopanym? - Tyn tymat przeca dobrze jest znany Jak Jan Działyński pomarł bezdzietnie (Bywo - kostucha rod jakby przetnie) To dobra jejich Zamoyski wzioł Kery tyż panym w Zakopcu boł - Dyć łon założoł zocno fundacjo Pedzioł: "To wszysko mo teroz nacjo". Odpowiedz Link Zgłoś
broneknotgeld Re: Kórnik 08.02.04, 17:17 forum.gazeta.pl/forum/72,2.html?f=170&w=10360036 Odpowiedz Link Zgłoś
broneknotgeld Re: Kórnik 15.02.04, 21:00 Arboretum Łod downa łogrod był tu przi zamku Włoski nojpiyrwyj francuski potym W końcu angelski park powstoł sam tu Działyńscy ze tym mieli roboty Szczyńściym to było ich łoczko w gowie Drzew ściongli tukej rożniste sorty Dzisioj sie wiela tym cieszy czowiek W Polsce tyn park jest nojwiyncyj worty. Odpowiedz Link Zgłoś
broneknotgeld Re: Śrem 17.02.04, 18:01 Na eku Warty miasto Śrym leży Po łobu stronach tyj rzeki Gorka we parku - możecie wierzyć Nojstarsze przikrywo wieki. Odpowiedz Link Zgłoś
broneknotgeld Re: Śrem 18.02.04, 18:53 Co tu momy? Dyć - ło rany! W Śrymie widza Jeziorany. Odpowiedz Link Zgłoś
broneknotgeld Re: Gniezno 18.02.04, 18:58 Historyjo uczy co te pra-Poloki Tukej sie gnieździyli - to byli Gnieznoki. Odpowiedz Link Zgłoś
broneknotgeld Re: Gniezno 18.02.04, 19:02 Wzgorze Lecha Na Wzgorzu Lecha gniazdo być miało W niym oreł chowoł pisklynta Prowda - czy możno sie wydowało? Dyć trza tyż ło tym pamiyntać. Odpowiedz Link Zgłoś
broneknotgeld Re: Gniezno 18.02.04, 19:05 Gnieźniyńske jeziora Jedne wielke kedyś było Jednak z czasym sie dzielyło Teroz liczom zowdy czi Downiyj sztyry. Kto to wiy? Odpowiedz Link Zgłoś
broneknotgeld Re: Gniezno 18.02.04, 19:09 A możno... A możno Gnieznym zwali jezioro Co grodu kedyś broniyło Dojść tego dzisioj już za niyskoro Czasu za wiela minyło. Odpowiedz Link Zgłoś
broneknotgeld Re: Gniezno 18.02.04, 19:12 Siedym gorek Na siedmiu gorkach Gniezno powstało Ciynżko je dzisioj zrachować Ze Romom tyż sie przeca to stało Jo sie już przestoł dziwować. Odpowiedz Link Zgłoś
broneknotgeld Re: Gniezno 02.03.04, 19:46 1000 Do Gniezna zajechoł cysorz Otton Czeci Bliknoł że nad grodym bioły oreł leci Bolesław szykownie gościoł go u siebie Nikierzy myśleli co som jakby w niebie Gniezno? Dyć niy wiymy - czy stolicom było? Czy yno skiż blasku swego władcy żyło? Odpowiedz Link Zgłoś
broneknotgeld Re: Gniezno 07.03.04, 17:09 Korony piyrszych Piastow Nojpiyrsze korony te Gniezno widziało Bestoż trza to szkryfnońć - stolicom sie zdało Szczyńściym we niym gora polskego Kościoła I opatrzność Bosko przeca tukej stoła. Odpowiedz Link Zgłoś
broneknotgeld Re: Gniezno 08.03.04, 20:23 "Europa Ducha" 12-14.III.2004 Zjazd Gnieźnieński nowy bydzie Niym ta UE tukej przidzie. Odpowiedz Link Zgłoś
broneknotgeld Re: Gniezno 15.03.04, 16:37 Gnieźniyńske jarmarki Sztyry w roku jarmarki tu sie łodbywały Dyć przez pora tydni łone sie kulały Bez niych by niy było tukej za wesoło Miasto przi tych torgach richtig dobrze stoło. Odpowiedz Link Zgłoś
broneknotgeld Re: Gniezno 18.03.04, 08:22 Stolica wojewodztwa Tako ranga miało za Poniatowskiego Wiela sie tu wtedy cieszyli ze tego Ze drugim rozbiorym jednak sie skończyło Po prowdzie trza pedzieć - na wyrost to było. Odpowiedz Link Zgłoś
broneknotgeld Re: Gniezno 19.03.04, 07:54 Piwowarzy Kto we Gnieźnie miyszkoł mog te piwo warzyć Inksi ło tym prawie yno mogli marzyć. Odpowiedz Link Zgłoś
broneknotgeld Re: Gniezno 19.03.04, 08:00 Gniezno 1872 Jak cug sam dojechoł Gniezno zaś rozkwitło Ździybko przeca biydy przi tymu sie wytło Cołke Prusy rosły na frankach we złocie Ze wygrany wojny i tu cosik mocie. Odpowiedz Link Zgłoś
broneknotgeld Re: Gniezno 19.03.04, 08:05 Germanizacjo Kożdy kij dwa końce jednak zowdy mo Na siyła niymczynie to już yno zło. Odpowiedz Link Zgłoś
broneknotgeld Re: Gniezno 19.03.04, 08:10 1925 Fundli pomnik tukej Bolkowi Chrobrymu Stanoł przi katedrze w swojim majestacie W rochnica nadanio korony łonymu Dyć to niy szczimało drugi wojny bracie. Odpowiedz Link Zgłoś
broneknotgeld Re: Gniezno 19.03.04, 12:03 "Dziekanki" Tukej w drugi wojnie tragedio sie stała Wybiyli psychicznych w całości bezmała. Odpowiedz Link Zgłoś
broneknotgeld Re: Gniezno 30.03.04, 22:43 Gniezno - Koszalin "Gniezno - Koszalin" ciekawo sprawa We tym komuny była "zabawa" Z Gniezna rzońdziyli we Koszalinie Przed wojnom inkszy przeca dziedzinie. Odpowiedz Link Zgłoś
broneknotgeld Re: Gniezno 22.04.04, 12:48 Pomnik Bolka Bolesław Chrobry jak stoł tak stoji Choć drugi niy szczimoł wojny Teroz niczego już sie niy boji Może być ło sia spokojny. Odpowiedz Link Zgłoś
broneknotgeld Re: Gniezno 10.05.04, 22:09 Gnieźniyńsko Katedra Kościoł co tu stanoł piyrszy Już se przeca stol nojwyrszy Z niego ta katedra była Dyć se pryndko wypolyła Chrobry nowo zaroz stowioł Łon na darmo niy zabowioł Ło koronie myśloł przeca Tu jom wzioł do swego neca Czechy kościoł zaś zniszczyli Za Ślonsk tako se pomściyli Trza Śmiałego czekać było By łod nowa coś ruszyło Stanyła już po roz czeci Dyć sie pożar pryndko nieci I Hermana teroz gowa W tym by stowiać jom łod nowa Jakoś Władek se poradzioł Z Bogym ło to niy powadzioł Styl romański - nawy czi Kościoł stanoł - to sie wiy Świontyni fundamynt cały I dźwiyrza co sie łostały Wpisali potym we gotyk Piyńć kościołow - huk roboty. Odpowiedz Link Zgłoś
