Ślonske ksionżki

[broneknotgeld]

Narrenturm

Za Ślonsk sie zabroł teroz Sapkowski
Sprawa jest richtig ciekawo
Weź sie "Narrenturm" i wyciep troski
Bo czyto sie to durś klawo.

[broneknotgeld]

Ślonzoczka dzwigo koszula do pympuszka
Jak sie potym dobrać do jeji cycuszka?

[broneknotgeld]

Reinevanowi

Jak sie pszoć to we klasztorze
Tam z Adelom wiyncyj zmoże.

[broneknotgeld]

Dyć to sie werci nawet i kupić
By sie przi tymu Ślonskym zaś upić.

[broneknotgeld]

Momy Ślonzoka

Niy Poloka niy Niymca niy Czecha
Momy w ksionżce Ślonzoka i to je uciecha.

[broneknotgeld]

Zamtuzy

Zamtuzy Ślonska to piykny tymat
Szkoda że ło tym coś wiyncy niy ma.

[broneknotgeld]

Wieża Błaznow

Te miano durś tukej jest na czasie
Co ło autora świadczy tyż klasie.

[broneknotgeld]

Sssyk

Ślonsk zaś jest tukej coś niyspokojny
Jeszcze niy przeżoł kolejnyj wojny
Ale we lufcie wszysko aż syczy
Czuć już że pryndko przidom Husyty.

[broneknotgeld]

Plusk

Łogon bobra - postne danie
To ci przismak niysłychanie.

[broneknotgeld]

Wilkołak

Wilkołak na Ślonsku był taki
Co w gowie mioł yno ta chuć
Jak sroł żeś we lesie a łon cie ucapił
Jak amyn z nim musiołś sie pruć.

[broneknotgeld]

Tyn wilkołak woloł jednak Ślonzek Dolny
Podobno tyn Gorny był łod niego wolny.

[broneknotgeld]

Bergi

Niyjedna ciekawo momy tam tyż berga
W Świdnicy spotkomy przeca Gutenberga
A kot wypasiony durś łasy na futer
Niy cołkym bez cufal nazywo sie Luter.

[broneknotgeld]

Rogaty graf

Po liplingu ślubny pamiontka mo rogocz
Mieszek na klepoki - taki z niego bogocz
Terozki sie biere tyn mieszek do rynki
Coby powspominać jak wzioł go na mynki.

[broneknotgeld]

To ci przemysł

Przemysłym tyż zowiom fach swoj raubrittery
I dzisioj tak bywo - do jasnyj cholery!

[broneknotgeld]

Turniyj w Ziymbicach

Kuknoł żech w Ziymbice - widziołch Gocze Schaffa
Praołpy Schaffgotscha - na Szombierkach grafa.

[broneknotgeld]

Bardo

Miejscym pielgrzymek było już Bardo
Dyć tam i dzisioj wybrać sie warto.

[broneknotgeld]

Sabat

Sabat na Grochowyj widzioł żech na łoczy
To sie tam wyprowio kożdy równonocy
W kalyndorzy pryndko postawioł żech ptoszka
By sie we tym roku tyż zabawić troszka.

[broneknotgeld]

"Narrenturm"

Czytoł żech "Narrenturm" - wieży durś żech szukoł
W końcuch do Zombkowic tych Ślonskich zaklupoł.

[broneknotgeld]

Husyty

Na Ślonzek Husyty już prziszli
"Narrenturm" już przez nich zdobytom
Reinevan i Szarlej z niyj wyszli
By paprać sie życio ciaplytom.

[broneknotgeld]

I na tym skończyła sie ksionżka
Litery joch wszyske wyczytoł
Łopisoł żech to w poru konskach
Polecom - jak ło nia byś pytoł.

[broneknotgeld]

Żeby przeczytać pryndko te dziwy
Jo insze sprawy żech haltnoł
Ślonsk wymyślony i tyn prawdziwy
Chyntnie bych ze tym zaś sztartnoł

Dyć byda czekoł drugego toma
I tukej sypoł te rymy
Bo na tych kartkach czowiek je w doma
Myśla że ło tym już wiymy.

[broneknotgeld]

Chyba nikt tukej ksionżki niy czytoł
Szkoda - bo bych sie ło nia łopytoł
Jo durś "Narrenturm" polycoł byda
Jak sie jom czyto to zniko biyda.

[broneknotgeld]

Drugi tom ponoć jest u wydawcy
Możno go pryndko ciepnom łaskawcy
Dyć jo terozki tyż czekom na to
Jak dobrze pudzie bydzie we lato
Trocha trza jeszcze tyj ciyrpliwości
By nom we rynkach mog se zagościć
Joch tyż "Narrenturm" pryndko przeczytoł
Bestoż i inkszych ło to żech pytoł
Lektura leko jest i ciekawo
Za to Sapkowski mo u mie brawo
Bo tam jest tyn Ślonsk kery ciekawi
Trocha nauczy wiyncyj zabawi
Lepsze to dzisioj niż mondro ksiynga
Do keryj wcale sie już niy siynga
Jo przeca czytoł i pisoł fraszki
Idzie z tym robić take igraszki
W gora autora byda tu za tym
Choć miyszko w Łodzi nazwia go bratym.

[broneknotgeld]

Mioł żech kamrata we Zombkowicach
Kery zoglondoł tyż na Grochowo
Dyć nim mi zdradzioł jyj tajymnica
Zginoł w wypadku - ziymia go chowo.

[broneknotgeld]

Nagroda im. J. A. Zajdla

Za "Narrenturm" autor już dostoł nagroda
Jo mu gratuluja i to bych chcioł dodać
Że czekom durś teroz tomu nastympnego
No i tyż wypija zdrowie Sapkowskiego.