Ślonske limeryki

[broneknotgeld]

Jedyn radny ze Rudy
Pedzioł - "Już koniec ty nudy"
Paskudnie se hepnoł
I mandat wyciepnoł
Pod brałzom zaś zmył cołke "brudy".

[broneknotgeld]

Roz hepik ze naszego forum
"Wylyczoł" se cołkym z humoru
Bamońcioł za wiela
Że marno ta sztela
Aż nabroł łon zaś rołt koloru.

[hepik1]

Bamoncił notgeldBronek o wielkości
a skryć niy poradzi swej miałkości
jes żeś wielki ,jo ci godom ,jak tyn balon
malućkim hepikiem zajmować sie niy trza-padom

[broneknotgeld]

Jedyn upierdliwy ze tu Rudy naszy
Limerykym jakoś wcale nos niy straszy
Po co łon tu wchodzi?
Tymatowi szkodzi
Możno jakiś pożar w swoji duszy gasi.

[broneknotgeld]

Jedyn sekretorz z "Pokoju"
Niy szczimoł swojego gnoju
Przeciepnoł se wajha
I pitnoł do Rajcha
Łostawioł już Ruda w spokoju.

[broneknotgeld]

Roz bryftryjger na Fryncicie
Fest spodoboł sie kobiycie
Napolono była
Sago łotworzyła
A co dali to już wiycie.

[broneknotgeld]

Jedyn prezydynt ze Rudy
Godoł - "Joch prowdy jest cudym"
Dyć czasym cygani
Choć inkszych w tym "gani"
I bestoż niy momy tu nudy.

[broneknotgeld]

Roz jedyn wielki choleryk
Mioł szkryfnońć ślonski limeryk
Dyć rymu niy znoloz
Do szynku se poloz
W gorzole potopioł himery.

[godula5]

Jedyne tu śląskie miasto
Co z rymów wypiec chce ciasto
Lecz wyszedł zakalec
Rubaśny na palec
W tym pewnik że jeszcze nie czas to.