Ło Mazowszu

[broneknotgeld]

Szkryflom ło regionach se na forum Ruda
Terozki już ze tym we Mazowsze póda.

[broneknotgeld]

Fest ło regionach szkryflom po ślonsku
Dyć czegoś brakło w tym rudzkim konsku.

[broneknotgeld]

Mazowsza! Toż go teroz dołoża
Tako na forum wontek tyn "stworza".

[broneknotgeld]

Momy frelki ze Warszawy
Niych se wontek wiyrchym jawi.

[broneknotgeld]

A dyć Mazowszoki
Wcale niy boroki.

[broneknotgeld]

Ze Niziny Mazowiecki
Piykne som niy yno kiecki.

Warszawa

[broneknotgeld]

Nigdych niy łazioł po ty Warszawie
Ynoch na dworcu przesiodki mioł
Bestoż sie szkryfna jo ło tym prawie
Taki już przeca jest tyn moj fioł.

[broneknotgeld]

Pałac Kultury i Nauki

Jest w ty stolicy Pałac Kultury
A we nim ślonske przeca marmury
Z zamku w Kamiyńcy je wytargali
No i Warszawie "podarowali".

[broneknotgeld]

"Salonik"

"Breżniewa salonik" ponoć tyż w Pałacu
Ducha ktoś tam widzioł ale był na kacu.

[broneknotgeld]

Most Świyntokrzyski

Tym łon podobnoś tukej zasłynoł
Że ktoś se richtig z kosztami minoł
Fufcig miljonow wiyncyj wydali
Mo szwong stolica - niy żałowali.

[broneknotgeld]

Dom Partii

Bioły - dyć partio czerwono była
We tych kolorach polsko jest siyła
Ponoć tam giełda terozki "rzońdzi"
Choć duch Bieruta po salach "błońdzi".

[broneknotgeld]

Stolica w Warszawie

Dyć skuli Wazy tela mecyji
Bo chcioł łon bliży mieć do Szwecyji.

[broneknotgeld]

"Toi Toi"

Turek Toy wieżowiec tyn zaprojektowoł
Hajziel przipomino - czy mi sie wydowo?

[broneknotgeld]

"Daewoo"

Daewoo tu poszło dwiesta metrow w gora
Biurowiec niy jejich - w kasie mieli dziura
Kto skoko wysoko - toż wiymy już wszyscy
Jak śleci to wiyncy bolu przi tym zyszczy.

[broneknotgeld]

"Złoty Zomb Komunizmu"

Komuna wieżowiec dugo budowała
Dyć siył by go skończyć już cosik niy miała
Bestoż łon terozki bardzi "jasnomodry"
Szczyńściym że do niego los był jednak szczodry
Bo już se myśleli że padnie "niyboga"
Przeca piyrwyj tukej była synagoga.

[broneknotgeld]

Plac Defilad

Kaj som te ludzie co tukej stoli?
Toż ponoć wiela komunie pszoli
Bardzi w pamiyńci już targowisko
To historyjo przeca nom blisko.

[broneknotgeld]

Ściana Wschodnio

Łoj to ponoć "cud" jest z epoki Gomułki
Zowdy tu być miały przeca pełne połki.

[broneknotgeld]

Na pamiontka

Na pamiontka w Warszawie ciynżko znojść syrynka
Cosik z tym niyrichtig. Trza sie ło nich lynkać?

[broneknotgeld]

100

"Setkom" przejechać se po stolicy
Czy już wystyknie ty okolicy?

[broneknotgeld]

Bar "Pod Żubrym"

Vipowskom ponoć zasłynoł "chryjom"
Szkryfna niyśmiało. -Ciyngym tu bijom?

[broneknotgeld]

Na Praga

"Setkom" dojedziesz tyż na ta Praga
Czy trza do tego mieć durś łodwaga?

[broneknotgeld]

"Koneser"

Nojzocniejszo tukej gorzołeczka prasko
Dyć czasym na gowie tyż jom keryś szczasko.

[broneknotgeld]

W warszawskim zoo

Pingwiny w raja se ustowiajom
Dwa razy na dziyń fisze tu majom
Możno przi tymu ktosik zaślinto
Co stare czasy ciyngym pamiynto.

[broneknotgeld]

Metro

Czamu we metrze niy robiom na noc?
Niym przidzie połnoc już tam - dobranoc.

[broneknotgeld]

Pałacowy zygor

Wajzry mo ponoć łon "rekordowe"
Choć czas tu jakby "stanoł na gowie".

[broneknotgeld]

"Przekręt"

Konkurs we Warszawie ponoć "rozpisano"
Jake by mioł tunel zocne nosić miano
co pod Wisłostradom se wyrychtowali?
"Przekręt" - propozycjo warszawioki dali.

[broneknotgeld]

Warszawske bobry

Zalyngły se bobry w Warszawie
Dyć tam niy budujom se prawie
Wiślane mosty im styknom
Prawiom co rzeka w nich piyknom.

[broneknotgeld]

"Belwedere" - gryfny widok

Pac tu swoji ślubny pałacyk wystawioł
Niy yno ze Klarom widokym se bawioł
Dyć to pewno skryła ta ichnio alkowa
Bestoż se niy byda zawrocoł tym gowa.

[broneknotgeld]

Toż to prawie
forum.gazeta.pl/forum/72,2.html?f=28940&w=19764660&a=43409663
Ło Warszawie.

[broneknotgeld]

Na Warszawie leci wontek
forum.gazeta.pl/forum/72,2.html?f=51&w=38125104
Niych i tukej link mo kontek.

[broneknotgeld]

Ech ta "warszawka"
miasta.gazeta.pl/katowice/1,35019,4617721.html
Łoddo "zabawka"?

[broneknotgeld]

Ślonski jynzyk we Warszawie
Mogby latoś blysnońć prawie.

[broneknotgeld]

"Krysia"

"Krysia" niy podrzymie
No i wiela strzimie.
www.dziennikzachodni.pl/artykul/887364,slaska-krystyna-przegryza-sie-przez-warszawe-tunel-metra,id,t.html

Warszawa - Żoliborz

[broneknotgeld]

Żoliborz

Łostoł sie z wojny cołki w Warszawie
Bo tukej Niymce miyszkali prawie
Polić i bulić mieli stolica
By już niy mogła podźwignońć lica.

[broneknotgeld]

"Polkowo"

Niym tu Żoliborz warszawski stowo
To wioska była zwano Polkowo
Wpiyrw princ jom czimoł - tyn mazowiecki
Trza by wiedziały to nawet dziecki

[broneknotgeld]

"Kympa Polkowsko"

Piyrwyj to wyspa na Wiśle była
Rzeka kapryśno swoj nurt zmiyniyła
Dzisioj park z mianym Kympy potocki
To Żoliborza już nowsze "klocki".

[broneknotgeld]

"Kanałek"

Tu piyrwyj Wisła loła swo woda
"Kanałek" łostoł - ździybeczko szkoda.

[broneknotgeld]

Dżuma 1624

Jako se radzić prziszło ze morym?
Tako se znoloz niyjedyn chory
Na wyspie zwany Kympom Polkowskom
Wiela przeżyło za łaskom Boskom?

[broneknotgeld]

Drna

Ano - przez Polkowo ta rzeczka płynyła
Ruski pogłymbiyli toż i fosom była.

[broneknotgeld]

Polkowske młyny

Wiela stanyło młynow przi Drnie?
-Komu se dzisioj łodpedzieć chce?

[broneknotgeld]

Lazaryt Świyntego Ducha

Kalyki i ołpy swo sztela w tym mieli
Toż i łoni godnie doczkać śmierci chcieli.

[broneknotgeld]

"Fawory" Lazarytu Świyntego Ducha

Folwark tako zwali - na lazaryt robioł
Kery możno nawet szteli niy łozdobioł
Dyć jedyny taki co służoł Warszawie
No i przeca wiycie co poczebny prawie.

[broneknotgeld]

Fosa

Ze Drny fosa sie łostała
Cytadeli bronić miała
Ruski tako umocniyli
Bo niy cołkym u sia byli.

[broneknotgeld]

Wały Lubomirskiego (XVIII w.)

Czy Warszawy łobroniyły?
Mor łod miasta łodgoniyły?
Ruskom bardzi sie przidały?
Cytadeli tyż to wały.

[broneknotgeld]

Majontek "Fawory" (1768)

Majontek "Fawory" rozparcelowany
Toż gryfny szmat ziymi pod budowa dany
By rezydyncyje urosły podmiejske
Z tym drapko aromy tukej myni wiejske.

[broneknotgeld]

"Joli bord"

Marysiyńka Sobiesko tako powiedziała
Jak na ta dziedzina kedyś se blikała.

[broneknotgeld]

"Żoliborz"

"Gryfny brzeg" ze francuzkego
Toż se richtig cieszom z tego.

[broneknotgeld]

Cytadela

Kaj to wszysko sie straciyło
co tu piyrwyj zbudowali?
Pałacykow wiela było
-Ruski Cytadela dali!

[broneknotgeld]

Pod ryskim zaborym

Pod ruskim zaborym Żoliborz rozkwito?
Cytadela kwiotkym? -Wojok cie tu wito?!

[broneknotgeld]

We dwudziestoleciu

We dwudziestleciu Żoliborz w przod ruszo
Sie rozbudowuje dziynki społdzielczości
Miyszkaniami wszyskich do dzielnicy kuszom
Zawodowy kontek fachmanow niy złości.

[broneknotgeld]

Żoliborz wojskowych

Oficersko społdzielnia piyrsze domy stowio
Tako i armijo ze kwater wybowio.

[broneknotgeld]

Żoliborz dziynnikarski

Żornalisty rożne w dzielnicy miyszkajom
Ze szkryflanio żyjom - piorom tako pszajom
Toż jejich społdzielnia domy zbudowała
Bestoż tu cuzamyn istnych pozbiyrała.

[broneknotgeld]

Żoliborz beamtrow

Być beamtrym we Warszawie
To dopiyro życie
Sie Żoliborz niymi asioł
Już terozki wiycie.

[broneknotgeld]

Kolanije robotnicze

Toż jakby miały być mini-gminy
Ze utopijny zdo sie dziedziny
Dlo robotnikow raj maciupyńki
-Zabrakło czasu i zocny rynki.

[broneknotgeld]

Solidarnościowy Żoliborz

Tu Popiełuszko głosioł kozania
Zaś Kuroń miyszkoł kaj Plac Wilsona
Tukej wolności szukać zarania
Choć sie zdowało że bydzie konać.

[broneknotgeld]

Czarnieckiego 55

Toż Piłsudskiego to ponoć sztela
Choć niy pomiyszkoł tukej za wiela.

[broneknotgeld]

Czarnieckiego 45

Lucjan Żeligowski szarża mioł wysoko
Dyć rym taki ło niym niych i tukej skoko.

[broneknotgeld]

Czesław Niemen

Na Żoliborzu pieśniczki tworzoł
Szkoda że końca swojego dożoł.

[broneknotgeld]

Za okupacyji

Za okupacyji w Żoliborzu wrało
Tu polske podziymie swoja sztela miało.

Radziejowice

[broneknotgeld]

Radziejowice

Toż Radziejowskich była ta sztela
Potym Krasińskich - tyż mieli wiela.

[broneknotgeld]

Radziejowicki zamek

Choć już magnackich łoczow niy cieszy
Toż "bidom z nyndzom" wcale niy grzaszy
Dom Pracy Tworczy we niym terozki
We inkszych czasach inksze tyż troski.

[broneknotgeld]

W dobrych rynkach

Zamek i pałac oranżeryjo
Gryfne choć ze tym czasym mecyjo
Dyć sie zobytek magnacki łostoł
I w dobre rynce tyż przeca dostoł.

[broneknotgeld]

Park angielski

Toż łon łozdobom tyż Radziejowic
Se we aleji kłoniom grabowi
Olchy jesiony buki czerwone
Tyż miłorzymby szkryfna na koniec.

Liw

[broneknotgeld]

Liw terozki

Liw terozki żyje cichcym
Piyrwyj dzioło se nad Liwcym
Ziymi Liwski dyć stolica
Mo do dzisioj krase lica.

[broneknotgeld]

Czysto woda

Liwiec durś mo czysto woda
Aże kompać se w niyj szkoda.

[broneknotgeld]

Liwski zamek

Mazowsza przed Litwom tyn zamek mioł bronić
Niklos go budowoł ze cegły czerwony
Toż ksiyńcia Janusza we tym jest staranie
Bydzie spokojniejszy jak warownia stanie

[broneknotgeld]

Ech, tyn Liw
Jako dziw.

Jabłonna

[broneknotgeld]

Jabłonna 1418

Biskupow płockich Jabłonna tako
Dbajom ło swoja dziedzina
Princ skiż niyj przeca wcale niy płako
Dyć ze Kościołym trza czimać.

[broneknotgeld]

Jabłonna Poniatowskich

Rod we Jabłonnie wcale niy straszy
Dyć Poniatowski był tyż prymasym.

[broneknotgeld]

Pałac prymasa Poniatowskiego

Łostoł we Jabłonnie po dzisiejsze czasy
Mazowiecko sztela tako richtig krasi
Sala Pompejańsko, Chińsko i kolisto
Zodziwiom bogactwym a przeca niy wszysko
Jest jeszcze Balowo no i Mayrytańsko
Pomiyzkiwoł prymas richtig wielkopańsko.

[broneknotgeld]

Park pałacowy

Prawiom co ze Zuga wyloz richtig gowy
Starych drzew tu wiela - na nie se podziwej
Trzidziści hektorow jakby do "łodnowy"
Poszpacyruj ździybko - toż gowom niy kiwej.

[broneknotgeld]

Łuk Tryjumfalny 1842

W parku pałacowym tyn Łuk ciyngym stoji
Ksionże Poniatowski z tym we gowie moji
Bo przeca istnego chwała tako głosi
A możno ło pamiyńć yno richtig prosi.

Nowy Dwor Mazowiecki

[broneknotgeld]

Nowy Dwor Mazowiecki

Kaj se do ty Wisły Bug i Narew wlywo
Tam i grod takowy niyjednego dziwo.

[broneknotgeld]

Nowy Dwor Mazowiecki 1355

Zajta historyji łotwarto z tym rokym
Choć na prawa miejske trza było poczekać
Dyć we koncu przidom - to nastympnym krokym
Tako mieszczaninym uwidzom czowieka.

[broneknotgeld]

Nowy Dwor Mazowiecki 1374

"Dwor" se tako grodym stowo
Niychej miasto rośnie zdrowo.

[broneknotgeld]

Dziedzina rosła

Na handlu zbozym i solom rosła
Z tym do znaczynio poleku doszła
Toż i komora celno tu była
Coby Korona tyż niy traciyła.

[broneknotgeld]

Kościoł św. Michała Archanioła 1792

Zocno świontynia ciyngym tu majom
Klasycyzmowi istny tyz pszajom
Zawadzki tako jom projektowoł
Archanioł Michał w opiece stowoł.

[broneknotgeld]

Św. Izydor

W nowodworskim kościele łobroz Izydora
Łod downa go majom - przeca niy łod wczora.

Modlin

[broneknotgeld]

Modlin

Z Nowym Dworym Mazowieckim
Tako dzisioj skuplowany
Dyć to wiedzom nawet dziecki
-Ku łobronie piyrwyj dany.

[broneknotgeld]

Twierdza Modlin 1807

W czas napoleoński tako budowano
Chnetko rokow dwiesta ty dziedzinie dano.

[broneknotgeld]

Modlin 4.XII.1830

Powstańce twierdza tako chyciyli
"Listopadowcow" nadzieje marne
Choć se w Modlinie fest rozgościyli
Dyć przeca prziszły dni dlo nich marne.

[broneknotgeld]

Modlin 20.IX-9.X.1831

Warszawa padła - Modlin se broni
Skory niy sprzedo przeca łon toni.

[broneknotgeld]

Nowogieorgijewsk 1834

Toż pokozali swoje Rosjany
Terozki Modlin ze takim mianym
Dyć twierdza ze tym drapko tyż rośnie
Coby niy marzoł Polok ło wiośnie.

[broneknotgeld]

Gieorgijewsk 1864

Toż twierdza ze tym juzaś fest rośnie
Todtleben tako rozbudowuje
Możno niy wszyskim ze tym radośnie
Czy Sewastopol tu istny czuje?

[broneknotgeld]

Hmm, tytył ty wiyrchni fraszki mioł być - Nowogieorgijewsk.

[broneknotgeld]

Twierdza pierściyniowo 1878-1880

Mo forteca małe forty
Pierściyń taki wiela worty
Cybulice Małe tako
Ze Kosewym w tym jednako
Te Grochale i Janówek
Małocice, Poniechówek
Tyż Zakroczym i Dymbina
Z tym warowno fest dziedzina.

[broneknotgeld]

Modlin "Pierściyń zewnyntrzny" 1912-1914

Toż przed piyrszom wojnom samom
Łon dlo nowych fortow "mamom"
Dziesiyńć z dalsza ich stanyło
Zdo sie - wszysko wojskym żyło.

[broneknotgeld]

100 tysiyncy wojokow

Tu armijo wielko stoła
Ponoć wroga se niy boła
Generałow tyż dość wiela
Bo trzidziści miała sztela.

[broneknotgeld]

W tydziyń

Niymce w tydziyń Modlin wziyli
Ruski marnie se tu biyli
Już niy cara a kajzera
Tako twierdza richtig teraz.

[broneknotgeld]

W 1939

Armjo "Modlin" twierdzy broni
Skory tu niy sprzedo toni
Chnet do końca września czimie
Bioły oreł dyć kajś drzymie
Zdo sie - ciynżko łon raniony
Furgnoł jakby w inksze strony.

[broneknotgeld]

Do dzisioj

Do dzisioj wojsko znaczy tu wiela
Chnet rokow dwiesta momy ta sztela.

[broneknotgeld]

Zobytek

Toż tako gryfny zobytek momy
Na zatracynie twierdzy niy domy.

[broneknotgeld]

Twierdza zobytkowo

Ano - dwiesta rokow już twierdzy klupnyło
Tako zobytkowe chnet wszysko co było
I aże do dzisioj se nom tu łostało
Możecie mi wierzyć - richtig to niymało.

[broneknotgeld]

Koszary

Długość fasady jako tu zmierzyć?
Niy styknie miary - możecie wierzyć.

[broneknotgeld]

Reduta Napoleona 1813

Dano naszym czasom
Czy tu duchy straszom?

[broneknotgeld]

Działobitnie 1839

Jako kanony stowiać tu trza
by szło zrachować - piyńćdziesiont dwa?

[broneknotgeld]

Kasyno 1875

Powojowoł tu bych yno
Trza miec w zocy te kasyno.

[broneknotgeld]

Wieże i bramy twierdzy

Ano - ciynżko porachować
Dyć na muster trza je dować
Tyż som przeca zabytkowe
Niyroz dziwo se im czowiek.

[broneknotgeld]

Stacjo gołymbi pocztowych

Same flugi to za mało
Se briftryjgrow we nich miało.

[broneknotgeld]

Hajźle

Tu i hajźle zabytkowe
Jak se wysrać w nich mo czowiek?

Czerwińsk

[broneknotgeld]

Czerwońsk nad Wisłom

Na szkarpie wiślany se zicnoł wysoko
Dyć przeca do wody niy bydzie łon skokoł.

[broneknotgeld]

Czerwińsk 1065

Już w historyji se zajtom asi
Tako i Wisła ździybeczko krasi.

[broneknotgeld]

Czerwińsk 1124

Erbnoł Czerwińśk biskup płocki
Spokojniejsze mo z niym nocki.

[broneknotgeld]

Czerwińsk 1148

Dzisioj klasztor Salezjanow
Piyrwyj tych ze Lateranu
Kanonikow Regularnych
Z tym tref zocny a niy marny.

[broneknotgeld]

Blyszczy

Kunsztym romańskim tu klasztor blyszczy
Czy dlo dziedziny czas lepszy zyszczy?

[broneknotgeld]

W czerwińskim klasztorze

Jagiełło z Witoldym tu se spotykali
Pewnikym radziyli jako ciongnońć dali.

[broneknotgeld]

Czerwińsk 1819

Zakon skasowali z tym rokym Rosjany
Tako istny klasztor na zniszczynie dany
Zdało se co ciyngym bydzie we ruinie
Dyć przeca rozblyśnie jeszcze w ty dziedzinie.

[broneknotgeld]

Kościoł Zwiastowanio NMP (XII w.)

Tako już widzicie - romańsko świontynia
Szkryfnońć ło niyj cosik tukej niy łomina
Bo przeca niywiela takowych łostało
Piyrwyj wiyncy było - dzisioj richtig mało.

[broneknotgeld]

Cegła romańsko

W czerwińskim kościele ta cegła znojdziecie
Dyć starszy ze świyczkom darmo szukać przecie.

[broneknotgeld]

Kościelne freski

Toż nojstarsze tukej z XII wieku
Kunsztym starodownym dzisioj zodziwiajom
Łodkrycio zocniejszych wcale już niy czekom
W Czerwińsku szczyńśliwi że takowe majom.

[broneknotgeld]

Gotycko pieta 1425

Toż i taki fresku tymat
Pon Bog bydzie - syna niy ma.

[broneknotgeld]

Mynka Pańsko (XVII w.)

Tyn fresk już jest barokowy
Dlo nos dzisioj tyż niy nowy.

[broneknotgeld]

Matka Bosko Czerwińsko (1612)

Łukasz z Łowicza jom namalowoł
Na muster włoski Madonny
Wiara swyj duszy kunsztym nom dowoł
Dar cudny - tako dozgonny.

[broneknotgeld]

Pod łobrozym

Pod łobrozym czerwińskim rzykali i Wazy
Wtedy jak Korona łobrywała razy
Toż czerwińsko Matka kraj w łopiece miała
Na co i dowody niyroz tyż dowała.

[broneknotgeld]

Matce Boski płaczki lecom

Ano - z łobrozu płaczki leciały
Na Dzikich Polach łogyń niymały
Chmielnicki ruszoł kozokow tako
Se we tym razie łobroz rozpłakoł

Po Beresteczku ze tym już koniec?
Chorongwie bestoż tu powieszone?
Co historyjo ło tym nom prawi?
Możno legyndom se yno jawi.

[broneknotgeld]

"Brama opata Rafała" 1497

Łod rzeki ta brama ci klasztor łotwiyro
Byś na jego cuda terozki zaziyroł.

[broneknotgeld]

Przi figurze Krystusa

Pawiom co w tym miejscu wojska porzykały
A potym pod Grunwald se tako wybrały.

[broneknotgeld]

Czerwińsk dzisioj

Małe miasteczko - dyć se niy zdowo
We historyji grod zocnie stowo.

Zakroczym

[broneknotgeld]

Zakroczym 1065

Tela pewne - już łon był
I nabiyroł jakby siył.

[broneknotgeld]

Zakroczym XII-XIII w.

Tu kasztelan z wojskym siedzioł?
Sie coś wiyncy żeś dowiedzioł?

[broneknotgeld]

Zakroczym XIV-XV w.

Mazowiecke prince Zakroczym czimali
Prawiom co tu niyroz nawet nocowali.

[broneknotgeld]

Kościoł Podwyższynio Krziża Św. (XVI-XVII w.)

Dugo bazylika tukej budowali
Dyć przeca se rada ze świontyniom dali
Łokna fynsterbretow tu cołkym niy majom
Przeca som łokrongłe toż po co jo wajom.

[broneknotgeld]

Matka Bosko z Dzieciontkym (1663)

Matka Bosko z Dzieciontkym na głownym ołtorzu
W Zakroczymiu łobroz zowdy wiela wożoł
Toż we tym kościele do Niyj durś rzykajom
Tako Jezusowi ze Mateczkom pszajom.

[broneknotgeld]

Kościoł św. Wawrzyńca (1714)

Kaj tu klasztor kapucynow
Ta świontynia stoji
Bliknij tam we Zakroczymiu
Sztela przeca stroji.

[broneknotgeld]

W klasztorze

Tu sztuki sakralny muzeum znojdziecie
Kunszt na chwała Pana - tako wiycie przecie.

[broneknotgeld]

Refektorz klasztoru X.1831

Rzond se siedzioł - Sejm tyż radzioł
Polok z historyjom wadzioł
Toż łostatnie tu łobrady
Insurgyntom dali rady.

Wyszogród

[broneknotgeld]

Wyszogrod V w.n.e.

Cosik ło tym durś bajajom
Czy recht richtig we tym majom?

[broneknotgeld]

Wyszogrod 1065

Ano - historyjo już tyn grod nom jawi
Toz i ze tym przeca radość wielko sprawi.

[broneknotgeld]

Wyszogrod XII w.

Kasztelanio wyszogrodzko
Blyszczy w ty dziedzinie
Lepszych czasow jeszcze doczko
Zocnośc niy przeminie

[broneknotgeld]

Wyszogrod XIII w.

Princ Konrad tu zamek dlo siebie buduje
Mazowieckim Piastom tyn grod fest sztimuje.

[broneknotgeld]

Wyszogrod XV-XVI w.

Toż Wyszogrod blyszczy
Handlym se bogaci
Wiślany port zyszczy
Na suknie niy traci.

[broneknotgeld]

Po wojnach szwedzkich

Po tych wojnach szwedzkich sztela fest biydnieje
Mało kto radośnie se już tukej śmieje.

[broneknotgeld]

Gora Zamkowo

Po zamku śladu tu niy łostało
A przeca piyrwyj dziedzina cało
Princ mazowiecko doglondoł z grodu
Już se niy wroci - tako wom godom.

[broneknotgeld]

Zamek proncow mazowieckich

Niy ma już zamku z Gory Zamkowy
Zbulyli cołkym niy do połowy
Cegła przidała se im kaj ińdzi
Tako widzicie - czas w przodek pyńdzi.

[broneknotgeld]

W XIX wieku

Z Gory Zamkowy se zamek stracioł
Chocioż grod piyrwyj richtig bogacioł.

[broneknotgeld]

Stroże Grobu Pańskego 1320-1819

Toż Bożogrobcow Wyszogrod znoł
Pociecha ze nich przeca tyż mioł
Princom mieszczanom w Bogu służyli
Dlo tych w utropie nojpełni żyli.

[broneknotgeld]

Piyrszy kościoł parafialny Trojcy Świynty

Piyrszy kościoł na szkarpie stanoł blisko rzeki
Woda z Wyszogrodu go wziyła na wieki
Toż dugo świontyni tu nowy niy mieli
Chocioż do Ponboczka ciyngym rzykać chcieli.

[broneknotgeld]

Wyszogrod 1726

Z tym rokym Wisła szkarpa zabrała
Z cołkom świontyniom! Czy jeji chwała?

[broneknotgeld]

Kościoł parafialny Trojcy Świynty 1779-1786

Siedym rokow w Wyszogrodzie tyn kościoł dźwigali
Z Gdańska Fischer kunszt swoj dowo - bydom jymu pszali
Dyć wyrosła im świontynia - blyszczy we dziedzinie
Jak zoglondniesz to na pewno tego niy łominiesz.

[broneknotgeld]

Kościoł Franciszkanow

Gotyk z barokym w niym wymiyszany
Był wangelikom piyrwyj tyż dany
Po drugi wojnie zaś katolikom
Tako se we niym teroz porzykom.

[broneknotgeld]

Most na Wiśle

Przi drugi wojnie ze jyńcow potu
I krwi tyż przeca był budowany
Że już go niy ma zdo sie gupotom
Bo ku pamiyńci tyż jakby dany.

Serock

[broneknotgeld]

Serock

Se wiela wiekow już niym cieszymy
Możno terozki tam zoglondnymy.

[broneknotgeld]

Serock 1417

Ano - se miastym już Serock stowo
Wyrosnoł tako - miywo tyż zdrowo.

[broneknotgeld]

Kościoł Zwiastowanio NMP (1526)

Miasto jakby nowe - wystilizowane
We niym ty świontyni krolowanie dane.

[broneknotgeld]

Serocki zajazd

Tam zoglondnijcie bo chocioż stary
Gości prziwito jak ktosik jary.

Kurpie

[broneknotgeld]

"Kurpie"

Nizina Kurpiowsko wandrusa powito
Toż tako Mazowsze - jakby se kto pytoł.

[broneknotgeld]

"Puszcza Zielono"

Puszcza Zielono grzibami darzy
Tu nogdy ło nich niy trza nom marzyć.

Kadzidło

[broneknotgeld]

Kadzidło

Jest se w Kadzidle czymu dziwować
Tako mi werci tyż tam wandrować.

[broneknotgeld]

"Zagroda kurpiowsko"

Kurpiowski chałpy zocno uroda
We tym skansynie - łominońć szkoda.

[broneknotgeld]

"Wesele kurpiowske"

Jak na impreza tukej treficie
Weselsze bydzie i wasze życie.

[broneknotgeld]

Z Kadzidła na Mszyniec

Z Kadzidła na Mszyniec - prowdziwki znojdziecie
Podgrzibkow, kozokow tyż wiela tu przecie.