Werner Wesoły na synatora!!!

[broneknotgeld]

Werner Wesoły na synatora

Tako nowina prziszła ze dwora
Chcymy swojego mieć synatora!
Że łon ze Rudy to dlo nos plus
Ślonzek mieć w zocy - dlo niego mus

Dyć czy Platformy tyn Ślonzek boli?
Znom rudzianina co go wyloli
Jak zaczoł godać ło autonomii
W PO som na to cołkym niytomni

Majom tam w zocy co regionalne?
Czy możno wolom paczeć cyntralnie?
Toż mocno wonio ty partii władza
Obywatelske "czi grosze" wsadza

Na Wesołego czy zagłosuja?
Do ty Platformy już nic niy czuja
Wygro to bydzie mi z tym wesoło
Przegro - se powiym - Platforma goło.

[broneknotgeld]

Myślołch że Ruda pokibicuje
I jakeś posty tyż tukej wsuje.

[lswaczyna]

broneknotgeld napisał:

> Myślołch że Ruda pokibicuje
> I jakeś posty tyż tukej wsuje.
Szkoda Wesołego na Senatora nyzły z niego Vice Prezydent.

[broneknotgeld]

Pewno łon tako niy myśli ło tym
Bo przeca jeszcze nosi galoty.

[broneknotgeld]

No toż dźwignymy zaś rudzianina
Jak zagłosuje naszo dziedzina?

[broneknotgeld]

"Cisza wyborczo" chnetko nom przidzie
I "ciynżko" dźwignońć tyn wontek przidzie.

[broneknotgeld]

Cołko strona teroz w "Wiadomościach" mo
Platforma to wygro czy yno sie zdo?

[broneknotgeld]

"Sprawy Śląska traktuję poważnie"

Niywesoły Ślonsk dlo niego?
Zagłosuje na istnego?

[broneknotgeld]

Wesoły był szworty
Yno tela worty?

[broneknotgeld]

Z Kristom przegrać - gańby niy ma
Szworte miejsce - inkszy tymat
PiS, LPR przed Platformom
Co sie dzieje z jeji formom?

[broneknotgeld]

Ciekawe czy w Rudzie dali go na szpic
Być może z tym wyńdzie tyż ciekawy wic.

[broneknotgeld]

No ja, dzisioj "WR" tela yno ło tym szkryfnyły, że trocha wiyncy niż połowa
swojich głosow dostoł we Rudzie. Szkoda że niy podały pełnych wynikow wyborów w
naszym mieście. Jednak już ze tego chyba dobrze widać, co wyży Rudy łon niy
podskoczy. Możno jednak mi sie to yno zdo. Na wiosna może przeca zaś se
sztartnońć do Parlamyntu. Szansa na wiosynne wybory ciyngym jakoś jest.