Ślonski słownik

[broneknotgeld]

Możno ktoś mi w tym pomoże
Zaczynomy w imie boże.

[broneknotgeld]

Ancug

Szaket westa i galoty
Z tym niywiela jest roboty.

[broneknotgeld]

Antryj

Niy wiysz? - przeca to boroku
We miyszkaniu jest "przedpokój".

[broneknotgeld]

Aszynbecher

Tam se kepniesz cygareta
No i tyż łostawisz peta.

[broneknotgeld]

Bana

Cug na glajzach z wagonami
Pewnie ło tym wiycie sami.

[broneknotgeld]

Banhof

Cugi czynsto tam stowajom
Ludzie ze nich wysiodajom.

[broneknotgeld]

Banka

Ta na glajzach glingo fest
W wiynkszych miastach łona jest.

[broneknotgeld]

Baba

Staro panna, ślubno, wdowa
Trza na baba pozor dować.

[broneknotgeld]

Babka

Zista na nia idzie pedzieć
Ło tym tyż wom czeba wiedzieć.

[broneknotgeld]

Binder

Ze Kroacji łon pochodzi
Karkowi mojymu szkodzi.

[broneknotgeld]

Bryle

Na kicholu trza je nosić
Słaby ślyp sie ło nie prosi.

[broneknotgeld]

Byfyj

Byfyj zowdy w kuchni stoji
Ło noczynie łon sie boji
Garce szolki i talyrze
Kere byś niy łotwar dzwiyrze.

[broneknotgeld]

Bonclok

Łon jest dobry do tustego
Żur kiszony tyż ze niego.

[broneknotgeld]

Bajlaga

Przeca wszyscy ło tym wiycie
Wylyguje sie na sznicie.

[broneknotgeld]

Bratruła

Kołocz w bratrule ołma nom piykła
Wyloz zokalec - heksa urzykła.

[broneknotgeld]

Bratkartofle

Nojpiyrw warzone potym pieczone
Wcinali my je jak łoparzone.

[broneknotgeld]

Brałza

Bergmon czorny w badyhałzie
Dugo moczoł rzić przi brałzie

Jeszcze inkszo brałza znom
Smak do dzisioj w gymbie mom.

[broneknotgeld]

Bigel

Na biglu wiyszom se jupka
A czasym bawia we gupka.

[broneknotgeld]

Bigylfalta

Na nogawicy jest łona
Niy chytej nigdy rynkoma
Bo przeca urznońć sie idzie
Niy trza ci zaś być we biydzie.

[broneknotgeld]

Bumelka

Jo już robia te ćwierć wieku
Bez bumelki - wiydz czowieku.

[broneknotgeld]

Bergmon

Bergmon to tyn co na grubie
Durś pod ziymiom cosik dubie.

[broneknotgeld]

Błecha

Niy chcioł byś jom mieć u siebie
Jak sie dropiesz toś niy w niebie.

[broneknotgeld]

Blank

Richtig cołkym - tela szkryfna
Blank żech czyźwy - dyć se gichna.

[broneknotgeld]

Blynda

Blynda w taszynlampie mom
Ździybko światła zaroz dom
I daleko niym zablyndza
Bo jo przeca w Ślonzek pyndza.

[broneknotgeld]

Bigylbret

Tako decha
Co mo pecha
Choć materiał na niyj jest
Przipiykajom jom durś fest.

[broneknotgeld]

Bebechy

Niy za wiela mom uciechy
Jak mi burczom te bebechy.

[broneknotgeld]

Bebok

Łon na Ślonsku straszoł zowdy
We tym richtig wiela prowdy.

[broneknotgeld]

Berga

Bergom w łeb tyż dostać idzie
Dyć niywiela z tego przidzie.

[broneknotgeld]

Babske scochy

Babske scochy żech zbiyroł na łonce
Tyż som kwaśne a przeca w niych słońce.

[broneknotgeld]

Bajzel

Bajzel w doma naszym jest
Jak sie przontać niy chce fest.

[broneknotgeld]

Babowka

W gymbie mom słodko
Boch jom tam potkoł.

[broneknotgeld]

Beblać

"Beblać" tyż klawiyrom idzie
Na forum to wszysko przidzie.

[broneknotgeld]

Bakpulwer

Kedyś drożdże były w zocy
Dzisioj łon mo wiyncyj mocy.

[broneknotgeld]

Bal

Ciepać kopać i kepkować
- Niy chciyj na niym zatańcować.

[broneknotgeld]

Bamońcić

We wybory biydny czowiek
Durś bamoncom mu we gowie.

[broneknotgeld]

Baniorz

Łon przi glajzach robi zowdy
We tym rymie wiela prowdy.

[broneknotgeld]

Bas

Zowdy mi sie przipomino
Jak zaś kopla dali spinom.

[broneknotgeld]

Bachraty

Jak puloka już niy widzi
To sie basym ździybko wstydzi.

[broneknotgeld]

Bajukać

Stary chop a tyż bajuko
Jak szpyroniym gardło płuko.

[broneknotgeld]

Babrać

Czy sie zbabrać idzie słowym?
Idzie! -Tela jo wom powiym.

[broneknotgeld]

Babrok

Niy ma dnia by sie niy zbabroł
We tym wprawy wielki nabroł.

[broneknotgeld]

Badki

Naturysty żech uprosioł
By na plaży badki nosioł
Dyć sie ślubno tym wnerwiyła
Zawiedziono jakoś była.

[broneknotgeld]

Badnońć

Jak żech badnońć chcioł na frela
Ślubno zaroz - W pysk ci szczela!

[broneknotgeld]

Bauplac

Bauplac kupioł na cmyntorzu
Dyć budowy już niy dożoł.

[broneknotgeld]

Barzoły

Utopek w barzoły wpod
Z czego był pierońsko rod.

[broneknotgeld]

Belontać

Jak wysłepia seta pionto
Już mi w gowie sie belonto.

[broneknotgeld]

Bela

Idzie "naprać sie jak bela"
To słowo tyż znaczy wiela.

[broneknotgeld]

Berać

Umiała berać Szecherezada
Jo tyż - choć frelka tymu niy rada.

[broneknotgeld]

Bery

Niy byda jyj berow prawić
Lepi z dziołchom sie zabawić.

[broneknotgeld]

Bezkurcyjo

Bych go ździeloł pryndko w ryjok
Jak widza ta bezkurcyjo.

[broneknotgeld]

Betlyjka

Przi betlyjce we Wilijo
Śpiywo cołko familijo.

[broneknotgeld]

Bez

Niy. To niy jest wcale flider
Bez kery gnat złomoł szwiger.

[broneknotgeld]

Bezmała

Bezmała my som w Europie
Dyć co dali z tym chopie?

[broneknotgeld]

Bezto

Bezto że wongel tu momy
Bezmała biydy doznomy.

[broneknotgeld]

Beztydziyń

Na beztydziyń i łod świynta
Trza ło pszoniu durś pamiyntać.

[broneknotgeld]

Biksa

Ślonsko biksa łotwiyrajom
I ze tego sie chichrajom.

[broneknotgeld]

Biydaszyb

Zaś fedrujom w biydaszybach
Momy kryzys w Polsce chyba.

[broneknotgeld]

Binda

Łobindować trzeba gowa
Co durś rzońdzić chce łod nowa
I sie ciśnie na tyn wiyrch
A kurować trza jom wpiyrw.

[broneknotgeld]

Blindar

Jak mosz blindar - pod noż przidziesz
Wtedy przeca zdrowym bydziesz.

[broneknotgeld]

Biza

Jak se galant szwongu wziył
Na bizach mu wiater wył.

[broneknotgeld]

Blaszok

Fest sie boł ło ta landara
Aż blaszany kupioł garaż.

[broneknotgeld]

Blacha

Blacha z kołoczym
Cieszy nom łoczy.

[broneknotgeld]

Blank

Kupiyli nastympny szrank
Już go pełny majom blank.

[broneknotgeld]

Blukać

Cołki dziyń jyj blukoł w ucho
Szczyńściym frela była gucho.

[broneknotgeld]

Błozny

Błoznować idzie we rymach
Nado sie tu kożdy tymat.

[broneknotgeld]

Blumwaza

Bez łogrodek wom to powiym
Tam jest kwiotek. A kaj korzyń?

[broneknotgeld]

Boczoń

Do Afryki sie przekludzioł
Jak se yno dziyń łostudzioł.

[broneknotgeld]

Boki

Nawet w doma u borokow
Niy ma łokyn bez tych bokow.

[broneknotgeld]

Bodnońć

Bodnońć idzie nawet słowym
Tela jo tu yno powiym.

[broneknotgeld]

Bojtel

Bojtel piniyndzy by sie mu przidoł
Pewnie by wszysko na frelki wydoł.

[broneknotgeld]

Bolawo

Chodza teroz dość niymrawo
No bo szłapa mom bolawo.

[broneknotgeld]

Boliłoczko

Tyn kwiotek na łonce
Jest jak małe słońce.

[broneknotgeld]

Bolok

Ze niego niyborok
Na boloku bolok.

[broneknotgeld]

Bonkawa

Dyć my sie zbestwiyli
Żodyn jom niy miyli
Kedyś młynkym sie kryńciyło
Do aromy jyj nyńciyło.

[broneknotgeld]

Bonty

To co bonte puszczo tyż
Ło tym chyba dobrze wiysz.

[broneknotgeld]

Borajstwo

Rykniesz nań - już serce ścisko
Bo tam litość przeca miyszko.

[broneknotgeld]

Borok

Ślintać czynsto przi niym możesz
Czasym chichrać - moj ty Boże.

[broneknotgeld]

Brytfanka

W niyj rolady już se piekom
Jo ciyrpliwie na nie czekom.

[broneknotgeld]

Bryja

Bryja gynsto
Tusto czynsto.

[broneknotgeld]

Brynol

Choć łon kolor nosi modry
We procyntach przeca szczodry.

[broneknotgeld]

Brzim

Brzim na zima cołki goły
Choinki już go wyśmioły.

[broneknotgeld]

Bubikopf

Frelki lubiom tako friza
Lepszy kok niż kudły lizać.

[broneknotgeld]

Buda

Fuzbaler ta buda zno
Szkolorz z niyj pożytek mo
Na targu tyż wiela tego
Buda z piwym - coś mojego.

[broneknotgeld]

Buks

Idzie drogom - w gymbie cipa
Z niego przeca niy jest klipa.

[broneknotgeld]

Bulić

Bulić forsa grubo idzie
I ruderze tyż to przidzie.

[broneknotgeld]

Bulkać

Zaciyr bulkać już mi zaczoł
Potym byda go łonaczoł.

[broneknotgeld]

Bożo krowka

Czerwono we czornych kropkach
Niy dojono tyż przez chopka.

[broneknotgeld]

Bratering

Łopieczony w łoccie pływo
Take ze ty ryby dziwo.

[broneknotgeld]

Brecha

Chachor zowdy mo uciecha
Jak we rynkach czimie brecha.

[broneknotgeld]

Breweryjo

Larmo wielke - breweryjo
Sie spotkała familijo
Kaj łostuda ciyngym jest
Haja możno bydzie fest.

[broneknotgeld]

Brusić

Ślubny noż nabrusić - strach
W nocy moze zrobić - ciach!

[broneknotgeld]

Bymbyn

Walić w niego wiela idzie
Ale co nom z tego przidzie?
Choć zrobiymy wielke larmo
W środku pusty - niy na darmo.

[broneknotgeld]

Byrna

Poszła byrna - wielki ćmok
Jak terozki zrobić krok?

[broneknotgeld]

Byszta

Do kudłow dobro i do żelazła
Nawet do gymby byszta tyż wlazła.

[broneknotgeld]

Bysztek

Noże łyżki i widelki
Bywo mały i tyż wielki.

[broneknotgeld]

Baje

Rechtorka waje
-Ciyngym te baje.

[step44]

Hallo Bronek!
Czy Ty sie przypadkiem nie pomyliles? Fraszka Buks:

Idzie drogom - w gymbie kipa
Z niego przeca niy jest klipa

(kipe mozna kurzyc a c... raczej nie!)

Opowiadala mi moja ciocia, ze w latach 30-tych na Slasku byla fabryczka
produkujaca srodki czystosciowe, miedzy innymi takze mydlo. Wlascicielem tej
fabryczki byl pan o nazwisku Kolataj. Na jego prosbe jedna z rozglosni
radiowych oglosila konkurs na nazwe albo slogan zwiazany z tym mydlem.
Jej maz, Tadeusz Z. nie wiele sie namyslajac napisal i wyslal do tej redakcji.

CHCESZ MIEC ZAWSZE CZYSTE JAJA
MYJ JE MYDLEM KOLATAJA!

Jakis czas potem dostal wujek duza, 10-cio kilogramowa paczke z mydlem wraz z
gratulacjami od samego wlasciciela zakladu. Redakcja radiowa nie odwazyla sie
na tzw. falach eteru zacytowac tego sloganu!
Pozdrowienia Step44

[broneknotgeld]

Bysztek

Czi byszteki istnym dali
Jak se w końcu pobiyrali.

[broneknotgeld]

Bajtle

Bajtle przeca to dziecioki
Rodziciele niy boroki.

[broneknotgeld]

Baje

Pyndzyjonista co życiu pszaje
Chciołby se jeszcze wybrać na baje.

[broneknotgeld]

Bonkawa

Bonkawa z mlykym tyż czynsto pija
Bez niyj ze rana jakby mniyj żyja.

[broneknotgeld]

Brytfana

Co w brytfanie upiekymy
www.dziennikzachodni.pl/artykul/681951,szoltysek-godka-slaskich-dzieci,id,t.html
Tako tukej tyż pojymy.

[broneknotgeld]

Bzik

Ano - richtig chycioł bzika
Na komputrze durś chcioł klikać.

[karolinka44]

Gyniusz
Gyniusz gynialny jest w swojim zamilowaniu
Bronek Tys sam gyniusz w slowny piramidy budowaniu !

[broneknotgeld]

Łoj Karolinko - dlo szpasu to
Choć w tym koncepcie tyż jakby jo.

[broneknotgeld]

Buły

Buły brać czasami idzie
Wiela ojlow ze tym bydzie?

[broneknotgeld]

Bojonczek

Kej włazi do ćmoka
Mo mokro we zokach.

[broneknotgeld]

Bakać

Idzie bakać cygarety
I harować tyż - niystety.

[broneknotgeld]

Blumkul

Śmierdzi fest jak sie go warzy
Dyć ło smaku idzie marzyć.

[broneknotgeld]

Bombon

Czynsto go do gymby tkosz
Niebo we niyj wtedy mosz.

[broneknotgeld]

Cera

Łojciec cera zowdy zno
Chyba że po świecie mo.

[broneknotgeld]

Cug

Roztomajte som te cugi
Znom ze glajzow taki dugi
A zaś inkszy z luftym jest
Ciongnie wtedy ponoć fest.

[broneknotgeld]

Cycek

Ło niym to jo wiela pisoł
Boch u cycka przeca wisioł.

[broneknotgeld]

Cygareta

Jak za wiela ich wybakosz
Krebsa niy wygoni "rakorz".

[broneknotgeld]

Chachor

Stary jest czy możno mody
- Jo tam niy chca z niym przigody.

[broneknotgeld]

Ciaplyta

Dyć czasym w duszy jom momy
Do tego sie niy prziznowomy
A łona se siedzi głymboko
Choć bywo że w łoczy tyż skoko.

[broneknotgeld]

Ciga

Zjadła ciga stary charboł
Dlo niyj to był Pearl Harbor.

[broneknotgeld]

Chyrtoń

Chyrtoń mie terozki dropie
Zimne piwo pioł żech chopie.

[broneknotgeld]

Ćmok

Psinco widać powiym tela
Choć ćmok czasym lubi frela.

[broneknotgeld]

Cfibak

Cfibak zymbom rada doł
Piyrwyj bych sie z tego śmioł.

[broneknotgeld]

Cipa

Znom tyż te nazwisko zocne
Choć to słowo trocha "mocne".

[broneknotgeld]

Cwerg

Cwergi w doma czasym som
Jak cie niy ma sprzontnom krom.

[broneknotgeld]

Cajtong

Cajtong ślubno cygarety
Take życio tyż podniety.

[broneknotgeld]

Cwist

Możno ciynkim być jak cwist
Dyć tyż mocny taki gizd.

[broneknotgeld]

Cycyhalter

Zowdy cycki we niym sztram
Pewnie dobrze im jest tam.

[broneknotgeld]

Cyja

Na cyji fajniście gro
Grajfka łon do tego mo.

[broneknotgeld]

Cufal

Rym bez cufal taki wyloz
Yno żech na forum prziloz.

[broneknotgeld]

Cimpel

Cimple łapły papagaja
Na śmierć była z tego haja.

[broneknotgeld]

Cwaja

Rektor w szkole dowoł jom
Bestoż dobrze cwaja znom.

[broneknotgeld]

Chuderlok

Sama yno skora-kość
Blikom - już mom tego dość.

[broneknotgeld]

Colsztok

Stolorz bez colsztoka
Jest jak chop bez kroka.

[broneknotgeld]

Cyferblat

Na cyferblat bliko
Już do betow rzyko.

[broneknotgeld]

Chopionka

Po chopsku durś chodzi
Bo jyj to niy szkodzi.

[broneknotgeld]

Cangi

Cangi take chciołby mieć
By szło czimać nimi mocno
Internetu wielko sieć
Chocioż sprawa to niyzocno.

[broneknotgeld]

Canpasta

Dziury w zymbach ci "przemyje"
A prochnica i tak "żyje".

[broneknotgeld]

Capnońć

Capnoł jo bych modo frela
Ale lotek już za wiela.

[broneknotgeld]

Cedzitko

Jak rym ciepniesz na cedzitko
To niy przyńdzie łokym wszytko.

[broneknotgeld]

Cesta

Czyńści w uszach sztrasa brzynczy
Cesta jednak tyż niy mynczy.

[broneknotgeld]

Chichrać

Chichrać z rymow tyż sie idzie
Z tego zdrowie yno przidzie.

[broneknotgeld]

Cygaństwo

Zaroz mie łopieprzy Rom
Jakoś rada se z tym dom.

[broneknotgeld]

Scyganić

Normalnie to chopa dusi
Dyć scygani jak już musi.

[broneknotgeld]

Ciarach

Przeca wiycie kto to ciarach
-Namarasi i na marach.

[broneknotgeld]

Cider
forum.gazeta.pl/forum/72,2.html?f=38506&w=39598833&a=40462992

[broneknotgeld]

Cichtować

Choć karlusa cichtowała
Wiela z niego dyć niy miała.

[broneknotgeld]

Ciband

Ciband se na kark założoł
Za fest skryńcioł - krotko pożoł.

[broneknotgeld]

Cinza

Cinza ze jednego grosza
W portmaneju ciyngym nosza.

[broneknotgeld]

Ciurlikać

Tako wele ucha mi piyknie ciurlikoł
Że mi se zdowało jakby prawie rzykoł.

[broneknotgeld]

Ciućmok

Ciućmok wiela niy poradzi
Choć kaj niy trza cosik wsadzi.

[broneknotgeld]

Ciulik

Chop bez niego
Do niczego.

[broneknotgeld]

Ciulibinder

Ciućmok w szakecie
Frelki – go chcecie?

[broneknotgeld]

Ciulyta

Coniyco we bōntku mo
Czy profit ze tego zno?

[broneknotgeld]

Cymbergraj

Skiż cymbergaja
Szkolorz mioł baja.

[broneknotgeld]

Citrōn

Dyć wykrziwio citrōn gamby
Gyjbis bydziesz mioł na rymby?

[broneknotgeld]

Cyntla

Jydna chlapnōńć – ździybko mało
Prawie sztyry by sie zdało.

[broneknotgeld]

Chwolba

Z wielgi chwolby profit mały
Choćbyś wpiyrw wytrzyszczoł gały.