Park "ZIYNTKA"

[andrzej_ze_szlafaussztrasy]

Bardzo źle sie dzieje
że łozdoba Ślonska tak fest kuleje
We Warszawie radzom.kaj piniondze wsadzom
na kofrach sidzom-do Bruksele jadom.

We Sosnowcu piniondze na słonie zbiyrali
by nom boroki z głodu niy zdychali.

Małpy sie yno w cołki głos śmioły
take do nich dobre były te wybory.
"ELKOM"jadziesz tani jak banom
a ludzie ło zniżki sie jeszcze ciepajom.

Widera łorze yno tak jak może
no bo wto tymu borokowi jeszcze pomoże.
Piniyndzy niy domy-godajom łościynne miasta
A we niydzila tam jadymy,bawiymy sie i basta.







a

[broneknotgeld]

Kiepsko tam downo gospodarzyli
Prziszło na fechty im chodzić
Dyć łon sie wcale niy musioł chylić
Może se jeszcze "łodrodzić"

Trza gospodorza - to czeba dodać
Ale go jakoś niy widać
Marszałek no i tyż wojewoda
Jednak na park muszom wydać.

[broneknotgeld]

Dyć ślonski rozum to zowdy godo
Durś nos "warszawka" we czymś łokrodo
A my liczymy ciyngym że kapnie
Psinco - jak som se tego niy łapniesz

[broneknotgeld]

Retnom Holyndry?

Holyndry chcom ponoć tukej forsa "topić"
Dyć mie ciyngym cosik jednak we tym tropi
Toż groszym chcom sypnońć by potym zarobić
Sami ciyngym tego niy umiymy robić?

[broneknotgeld]

I po dyrechtorowaniu

Widera parku niy poratuje
Cuda podobnoś se niy zdorzajom
Mamony jakoś żodyn niy suje
Chocioż pomysłow wor czasym majom.