Chwycił Bronek za nożyce:))

[hepik1]

Moich postów tu sześćdziesiąt,jest co wycinać a ty ten najkrótszy,he,he.I
roboty z tym niemiara,do admina trzeba pisać,nie szkoda czasu?Jak by to Twoje
prywatne forum było zrobiłbyś tylko krótkie klik i juz hepika by nie
było.Przemyśl sobie ten wariant.

[broneknotgeld]

Szkryflać "Saddam" to łobraza
Możno zaś nożyczki wraża
A admina w to niy miyszej
Na mie yno nudle wiyszej
Przeca zrobia palcym klik
I post zniko w jedyn mig.

[hepik1]

Siaddam chce żeby forumowiczom żyło się dostatniej a forum rosło w siłę.I to
wymyga nożyc?Czy ty zawsze na grubie czy kiedyś na Mysiej?

[broneknotgeld]

Dyć już ło tym wiysz - do diaska
Tu ciebie chroni tyż moja "łaska"
Ty zaś łostatnio plujesz durś jadym
Som se łodpowiydz. Kim żeś jest? -.....!

[ciupazka]

Jo juz wiym! Sakramenckim dziadem! Hehe...Hipce jak wes na grzebiyniu.

[broneknotgeld]

Ktoś "ilościom" sie tu chwoli
Kto mo wiyncy - możno boli
Jak dwa zera se dobije
Byda śpiywoł - Niych nom żyje.

[broneknotgeld]

Wtedy mu "opieka" zdom
Bo jo swoje miejsce znom.

[hepik1]

Wiek swój już mosz,glaca tyż ,co podobno mają zawsze mondre ludzie a niy
kapujesz albo udowosz,że niy wiysz o co chodzi.A może obiegowe opinie nie
zawsze sie sprawdzają i żeś po prostu...?

[broneknotgeld]

Mosz recht - niy ma co sie ciepać
Hepik przeca musi hepać.

[hepik1]

To juz jest mistrzostwo świata w rymowaniu.Bronek a ja cię miałem za
wierszoletę a ty przeca poeta.

[jojo_1]

Przeca musi hepać hepik,
łon sie na tym zno nojlepi.
Ale łon tyż zanim hepnie,
nic mondrego tu niy wciepnie.

Chocia czasym mo przebłyski,
bo sie przeca zno na wszystkim.
A jak już mu dobrze idzie,
nagle wpadka,jak po żydzie!

Wszystkich rugo i potronca,
a już z Bronka mo zajonca.
Wrzeszczy,klupie w klawiatura,
myśli ,że nom zmiynknie rura.

A my wszystko w d.... momy,
i do przodu razym gnomy.
I jest dobrze,że jest Hepik,
bo z nim idzie coroz lepi.

Lepi,pryndzy i bez przerwy,
choć czasami momy nerwy.
Tak,że Hepik wal nom śmiało,
my tak samo,bydzie grzmiało.

Srać te nasze tu zadymy,
bo do przodu durś idymy.
A to przeca ło to chodzi,
by pisali starzy,młodzi.

Wszyscy niychaj tukej piszom,
to ło Rudzie chnet usłyszom.
Całkim inksze kajś ludziska
i im Ruda byndzie bliska.

I tak czimać Bronek,Hepik,
jutro może byndzie lepiej.
A jo tyż sie tu przyłoncza
narobimy rum na łonczach.

Żeby wszyscy nos słyszeli,
w piontek,świontek przy niydzieli.
w czwortek,środa abo wtorek,
nich tu kożdy wciepnie w worek.

Jeszcze ino coś w sobota,
jak skończymy już robota.
Potym zaś wy poniydziałek
i juz fertig tydzień cały.

Tak,że piszcie tu ludkowie!
Toast wznoszę:
Wasze zdrowie!!!

[hepik1]

Jestem pod wrażeniem.Widocznie i jojoki a niy ino zwierzoki godajom w
Wilijo.Tzn jojoki trocha późni.

[jojo_1]

Lepi późni niż wcale.
Ale swojom drogom to czymu sie niy cieszysz,że Pon Bóczek mie łobdarzył tyż
takim talyntym jak ciebie i Bronka? Przeca to niy kożdy może byc tak wyrózniony.
My należymy do wybrańcow samego stwórcy wiync nie bydź taki jeździec bez gowy!

[broneknotgeld]

Klawiatura bajtle zloli
Prawy alt mie teroz boli
Choc zech czysciol z tym niy rusza
Jutro nowo kupic musza.

[hepik1]

Jak sie już ta klawiatura kupisz,
wyciongać z celofanu niy musisz,
majom po domach w folii fotele,
klawiatura w oliku to niy ceregiele.

[broneknotgeld]

Kupiol zech klawiyra nowo
Dyc to mi sie juz niy zdowo
Ze do grata niy pasuje
Lata lecom - fest sie suje
Tym szmelc przeca szesc lot mo
Na pyndzyjo mu sie zdo
Nowy komp poczebny fest
A tu z forsom ciynko jest.

[broneknotgeld]

Zaś komputer mom we normie
Dyć niy powiym że we formie
Dycho łon łostatkym siył
Coby Bronek durś tu był.

[broneknotgeld]

Dziynki – Jojo_1

Tyś to ździybko roładowoł
W szpas łobrocioł kożde słowo
Trocha zwady niy zawadzi
Inksi z tego czasym radzi

Dyć niy wszyscy w tym gustujom
Tako bych tyn problym ujon
Traci forum – czy mo zysk?
Smynd – czy jednak jasny blysk?

Na łostuda jo niy stawiom
Choć szpyndliki czynsto bawiom
Jeszcze na to jest za wczas
Ze tym to pódymy w las

Żech grafoman ło tym wiym
Ciesza się jak leci rym
We tym jest zabawa moja
Tyż skiż tego tukej stoja

Przeca miejsca jest w som roz
Dlo kożdego kto by wloz
Niych som siebie powiy – Tela
Na tym yno rośnie sztela

Choćbyś jednak pedzioł – Dziwne
Lepsze forum pozytywne
Jo w ta strona zowdy póda
Bo mom w zocy naszo Ruda

No i widzisz – to ci dramat
Już mom miano łod Saddama
Richtig jest w tym czorny humor
Kery kusi zrobić rumor

Co łostało? – Robić swoje
To łod downa zdanie moje
Niy żałować wiela ryncy
Hercowie powiedzieć – wiyncy

Cołki tynder nafolować
Pod kotłym fest rozhajcować
Coby pary było wiela
I rozkulać wszysko – Tela!

Problym jednak mały mom
Niby tymu rada dom
Jednak po co tako rajza?
Prawie pusty cug na glajzach!

Trza nos jeszcze wiyncyj tukej
Ciyngym słysza w gowie – szukej
Choć poleku dyć znojduja
Bo niy som już rymy suja

Ci co zaś szkryflajom prozom
Tyż łod siebie coś dołożom
Z czasym we tym siyła bydzie
Niych to jak nojpryndzy przidzie

Jakby skńczyć teroz wontek?
Niy ma fertig – to poczontek
Życza forum w Nowym Roku
By durś rosło – krok po kroku.