broneknotgeld
24.05.06, 21:33
Konkurs pod patronatym prezydynta miasta Ruda Ślonsko.
Tak se prawie terozki ło tym czytom we "Wiadomościach Rudzkich".
Sama ideja a i regulamin cosik mi przipomino
forum.gazeta.pl/forum/72,2.html?f=28940&w=23337004&a=34245387
Po prowdzie, to niy tak downo "WR" były trocha zainteresowane tym notgeldowym
konkursym i nawet łobiycały szkryfnońć coś ło notgeldach na swojich łamach.
Ano, dzwoniołch potym pora razy we ty sprawie i cołkym mie oloły, bo nawet
niy łodpedziały wprost, że rezygnujom z tego tymatu.
Samo życie - dlo mnie rudzkego szaraczka niy nowina.
Dyć konkursym trza sie cieszyć i oby trwoł i niy był jednorazowy.
Przipomnioł mi sie zarozki konkurs na "Czowieka Ziymi Rudzki" (dwie edycje),
a i akcjo "Rudzianie Rudzianom" (jednorazowo, choć w założyniu miała to być
nawet jakby miejsko konkuryncjo dlo WOŚPu).
Toż winszuja naszymu miastu, coby niy był to yno "konkurs roku wyborczego".
Jednym se tropia. Informacjo ukozała sie w gazecie dzisioj, a termin zgłoszyń
upływo za tydziyń. To dowo mi cosik do myślynio. Dostympym do informacji tyż
idzie dzielić na "rownych i rowniejszych". Oby za tydziyń WR napisały, że
termin zgłoszyń przedłużajom.
